អន្តរជាតិ
អាមេរិកប្តេជ្ញាចិត្តបន្តពង្រឹងទំនាក់ទំនងជាមួយប្រទេសអាស៊ីប៉ាស៊ីហ្វិក
×![]()
ប្រមុខការពារជាតិអាមេរិកលោក James Mattis បានបញ្ជាក់ក្នុងវេទិកាសន្តិសុខ Shangri-La នៅសិង្ហបុរីថា អាមេរិកនៅតែរក្សាការប្តេជ្ញាចិត្តក្នុងការភ្ជាប់ទំនាក់ទំនងជាមួយប្រទេសសម្ព័ន្ធមិត្តក្នុងតំបន់អាស៊ីប៉ាស៊ីហ្វិក។ ការប្រកាសបែបនេះកើតឡើងបន្ទាប់ពីរដ្ឋបាលលោក ដូណាល់ ត្រាំសម្រេចដកខ្លួនចេញពីកិច្ចព្រមព្រៀងភាពជាដៃគូអន្តរប៉ាស៊ីហ្វិកនិងកិច្ចព្រមព្រៀងអាកាសធាតុក្រុងប៉ារីស។
សហរដ្ឋអាមេរិកនៅតែបន្តប្តេជ្ញាចិត្តបន្តកិច្ចសហប្រតិបត្តិការជាមួយបណ្តាប្រទេសសម្ព័ន្ធមិត្តខ្លួនក្នុងតំបន់អាស៊ីប៉ាស៊ីហ្វិក។ នេះជាការបញ្ជាក់ប្រមុខការពារជាតិអាមេរិកលោក James Mattis
ក្នុងពេលដែលលោកអញ្ជើញចូលរួមក្នុងវេទិកាសន្តិសុខ Shangri La នៅសិង្ហបុរីនាថ្ងៃសុក្រ។
ចូលរួមកិច្ចប្រជុំជាលើកដំបូងក្រោយឡើងកាន់តំណែង លោក Mattis ប្រឈមបញ្ហាច្រើនជាពិសេសលោកត្រូវតំណាងឲ្យរដ្ឋបាល ដូណាល់ ត្រាំ ក្នុងការបកស្រាយពីគោលជំហរនៃនយោបាយការបរទេសរបស់មហាអំណាចនេះមកកាន់តំបន់ទាំងមូលផង។
លោក Mattis បានថ្លែងប្រាប់អ្នកសារព័ត៌មានដូច្នេះថា៖« នៅក្នុងវេទិការសន្តិសុខ Shangri-La នេះខ្ញុំសូមបញ្ជាក់ជាថ្មីថា សហរដ្ឋអាមេរិកនៅតែឈរនៅជាមួយសម្ព័ន្ធមិត្តនិងដៃគូទាំងអស់នៅតំបន់អាស៊ីប៉ាស៊ីហ្វិក»។
លោកបន្តថា៖« ក្រសួងការពារជាតិអាមេរិកផ្តោតសំខាន់លើការពង្រឹងសម្ព័ន្ធភាព និងជំរុញឲ្យប្រទេសទាំងអស់មានលទ្ធភាពរក្សាសន្តិសុខរបស់ខ្លួនបាននិងអាចពង្រឹងសមត្ថភាពយោធាអាមេរិកបានផង»។
.
ប្រមុខការពារជាតិអាមេរិករូបនេះក៏បានលើកឡើងពីការដោះស្រាយបញ្ហានុយក្លេអ៊ែរកូរ៉េខាងជើងផងដែរ ស្របពេលដែលសហរដ្ឋអាមេរិកចង់បន្ថែមសម្ពាធកាន់តែធ្ងន់ប្រឆាំងកូរ៉េខាងជើងក្រោយមានការបាញ់សាកល្បងមីស៊ីលច្រើនគ្រាប់បន្តគ្នាផ្គើនសហមន៍អន្តរជាតិនោះ។
តាមពិតទៅ ការបញ្ជាក់ច្បាស់ពីគោលជំហររបស់អាមេរិកមកកាន់តំបន់នេះ កើតឡើងស្របពេលដែលមានការបារម្ភខ្លាំងពីសំណាក់សម្ព័ន្ធមិត្តអាមេរិកពីការដកខ្លួនរបស់អាមេរិកចេញពីតំបន់។ ដូចឃើញស្រាប់ លោក ដូណាល់ ត្រាំ បានសម្រេចដកអាមេរិកចេញពីកិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិក និងកិច្ចព្រមព្រៀងអាកាសធាតុក្រុងប៉ារីសផងដែរ។
យោងតាមទីភ្នាក់ងារព័ត៌មាន Reuters ក្នុងវេទិកានោះដែរ នាយករដ្ឋមន្ត្រីអូស្ត្រាលីលោក Malcolm Turnbull បានលើកឡើងពីកង្វល់ប្រទេសក្នុងតំបន់ដូចជាអូស្ត្រាលីផងដែរពីការដកខ្លួនរបស់អាមេរិកពីកិច្ចព្រមព្រៀងសំខាន់ៗខាងលើនេះដែរ។ ប៉ុន្តែលោកជឿជាក់ថា គេមិនគួរប្រញាប់ប្រញាល់បកស្រាយពេកទេពីចេតនារបស់អាមេរិកក្នុងការភ្ជាប់ទំនាក់ទំនងជាមួយប្រទេសក្នុងតំបន់»។
ក្រៅពីនេះ ប្រមុខរដ្ឋាភិបាលអូស្ត្រាលីនេះក៏បានអំពាវនាវទៅកាន់ចិនឲ្យចូលរួមដោះស្រាយវិបត្តិនុយក្លេអ៊ែរកូរ៉េខាងជើងដែរ។ លោកប្រាប់វេទិកាថា តំបន់ទាំងមូលចង់ឃើញចិនក្លាយជាប្រទេសមហាអំណាចដែលមានទំនួលខុសត្រូវខ្ពស់ ហើយចិននេះមានអំណាចនិងទឹកមាត់ប្រៃក្នុងការជួយដោះស្រាយបញ្ហាវិបត្តិនុយក្លេអ៊ែរកូរ៉េខាងជើងនោះ៕
សហរដ្ឋអាមេរិកនៅតែបន្តប្តេជ្ញាចិត្តបន្តកិច្ចសហប្រតិបត្តិការជាមួយបណ្តាប្រទេសសម្ព័ន្ធមិត្តខ្លួនក្នុងតំបន់អាស៊ីប៉ាស៊ីហ្វិក។ នេះជាការបញ្ជាក់ប្រមុខការពារជាតិអាមេរិកលោក James Mattis
ក្នុងពេលដែលលោកអញ្ជើញចូលរួមក្នុងវេទិកាសន្តិសុខ Shangri La នៅសិង្ហបុរីនាថ្ងៃសុក្រ។
ចូលរួមកិច្ចប្រជុំជាលើកដំបូងក្រោយឡើងកាន់តំណែង លោក Mattis ប្រឈមបញ្ហាច្រើនជាពិសេសលោកត្រូវតំណាងឲ្យរដ្ឋបាល ដូណាល់ ត្រាំ ក្នុងការបកស្រាយពីគោលជំហរនៃនយោបាយការបរទេសរបស់មហាអំណាចនេះមកកាន់តំបន់ទាំងមូលផង។
លោក Mattis បានថ្លែងប្រាប់អ្នកសារព័ត៌មានដូច្នេះថា៖« នៅក្នុងវេទិការសន្តិសុខ Shangri-La នេះខ្ញុំសូមបញ្ជាក់ជាថ្មីថា សហរដ្ឋអាមេរិកនៅតែឈរនៅជាមួយសម្ព័ន្ធមិត្តនិងដៃគូទាំងអស់នៅតំបន់អាស៊ីប៉ាស៊ីហ្វិក»។
លោកបន្តថា៖« ក្រសួងការពារជាតិអាមេរិកផ្តោតសំខាន់លើការពង្រឹងសម្ព័ន្ធភាព និងជំរុញឲ្យប្រទេសទាំងអស់មានលទ្ធភាពរក្សាសន្តិសុខរបស់ខ្លួនបាននិងអាចពង្រឹងសមត្ថភាពយោធាអាមេរិកបានផង»។
.
ប្រមុខការពារជាតិអាមេរិករូបនេះក៏បានលើកឡើងពីការដោះស្រាយបញ្ហានុយក្លេអ៊ែរកូរ៉េខាងជើងផងដែរ ស្របពេលដែលសហរដ្ឋអាមេរិកចង់បន្ថែមសម្ពាធកាន់តែធ្ងន់ប្រឆាំងកូរ៉េខាងជើងក្រោយមានការបាញ់សាកល្បងមីស៊ីលច្រើនគ្រាប់បន្តគ្នាផ្គើនសហមន៍អន្តរជាតិនោះ។
តាមពិតទៅ ការបញ្ជាក់ច្បាស់ពីគោលជំហររបស់អាមេរិកមកកាន់តំបន់នេះ កើតឡើងស្របពេលដែលមានការបារម្ភខ្លាំងពីសំណាក់សម្ព័ន្ធមិត្តអាមេរិកពីការដកខ្លួនរបស់អាមេរិកចេញពីតំបន់។ ដូចឃើញស្រាប់ លោក ដូណាល់ ត្រាំ បានសម្រេចដកអាមេរិកចេញពីកិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិក និងកិច្ចព្រមព្រៀងអាកាសធាតុក្រុងប៉ារីសផងដែរ។
យោងតាមទីភ្នាក់ងារព័ត៌មាន Reuters ក្នុងវេទិកានោះដែរ នាយករដ្ឋមន្ត្រីអូស្ត្រាលីលោក Malcolm Turnbull បានលើកឡើងពីកង្វល់ប្រទេសក្នុងតំបន់ដូចជាអូស្ត្រាលីផងដែរពីការដកខ្លួនរបស់អាមេរិកពីកិច្ចព្រមព្រៀងសំខាន់ៗខាងលើនេះដែរ។ ប៉ុន្តែលោកជឿជាក់ថា គេមិនគួរប្រញាប់ប្រញាល់បកស្រាយពេកទេពីចេតនារបស់អាមេរិកក្នុងការភ្ជាប់ទំនាក់ទំនងជាមួយប្រទេសក្នុងតំបន់»។
ក្រៅពីនេះ ប្រមុខរដ្ឋាភិបាលអូស្ត្រាលីនេះក៏បានអំពាវនាវទៅកាន់ចិនឲ្យចូលរួមដោះស្រាយវិបត្តិនុយក្លេអ៊ែរកូរ៉េខាងជើងដែរ។ លោកប្រាប់វេទិកាថា តំបន់ទាំងមូលចង់ឃើញចិនក្លាយជាប្រទេសមហាអំណាចដែលមានទំនួលខុសត្រូវខ្ពស់ ហើយចិននេះមានអំណាចនិងទឹកមាត់ប្រៃក្នុងការជួយដោះស្រាយបញ្ហាវិបត្តិនុយក្លេអ៊ែរកូរ៉េខាងជើងនោះ៕
Tag:
James Mattis
អាស៊ីប៉ាស៊ីហ្វិក
អាមេរិក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
