ជាតិ
នយោបាយជាតិ
លោក យឹម សុវណ្ណ ចាត់ទុកការបោះឆ្នោតឃុំ-សង្កាត់អាណត្តិនេះ ថាជាជោគជ័យដ៏ធំសម្រាប់សង្គ្រោះជាតិ
×![]()
ដោយ: ថ្មីៗ
ភ្នំពេញ៖ លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានអះអាងថា គណបក្សសង្គ្រោះជាតិ បានទទួលជោគជ័យយ៉ាងធំ សម្រាប់ការបោះឆ្នោតជ្រើសរើសឃុំ-សង្កាត់ នាអាណត្តិទី៤នេះ។ លោក យឹម សុវណ្ណ បានអះអាងដូច្នេះ នៅក្នុងសន្និសីទសារព័ត៌មាន ដែលធ្វើឡើង ដើម្បីប្រកាសពីលទ្ធផលក្រៅផ្លូវការនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់។ 
ទោះជាទទួលបានអាសនៈជាមេឃុំ-ចៅសង្កាត់ តិចជាងគណបក្សប្រជាជនកម្ពុជា ក៏ពិតមែន តែលោក យឹម សុវណ្ណ នៅតែមានមោទនភាពថា គណបក្សសង្គ្រោះជាតិ បានទទួលជោគជ័យយ៉ាងធំ នៅក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាអាណត្តិនេះ។ លោក និយាយបែបនេះថា៖«គណបក្សសង្គ្រោះជាតិ នឹងគ្រប់គ្រងឃុំ-សង្កាត់ ប្រមាណ៥00 នៅពេលខាងមុខ ហើយសុទ្ធតែជាឃុំ-សង្កាត់ធំៗ ដែលមានសក្កានុពលផ្នែកសេដ្ឋកិច្ច និងមានប្រជាពលរដ្ឋរស់នៅច្រើន។ ដូច្នេះ នេះជាជោគជ័យដ៏ធំរបស់គណបក្សសង្គ្រោះជាតិ»។
យ៉ាងណាក៏ដោយ លទ្ធផលបឋម នៅមិនទាន់ប្រកាសចប់ ដោយគណៈកម្មាធិការជាតិរៀបចំការបោះឆ្នោត (គ.ជ.ប) នោះទេ។ ខណៈនេះ គណៈកម្មាធិការជាតិរៀបចំការបោះឆ្នោត កំពុងតែប្រកាសលទ្ធផលបឋម តាមទូរទស្សន៍ជាតិ (ទទក) និងគេហទំព័ររបស់អ្នកនាំពាក្យគ.ជ.ប រួមទាំងវិទ្យុមួយចំនួនទៀត៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 13 ម៉ោង
