ទីផ្សារថយន្តនៅបារាំងកើន៨,៨៧ភាគរយ ជាពិសេសក្រុមហ៊ុនក្នុងស្រុក

រថយន្ត

អន្តរជាតិ

05, Jun 2017 , 7:39 pm

រូបភាព

បន្ទាប់ពីធ្លាក់ចុះ៦ភាគរយកាលពីខែមេសា ទីផ្សារថយន្តបារាំង បានកើន ៨,៨៧ភាគរយឡើងវិញនៅខែឧសភា បើប្រៀបធៀបអំឡុងពេលដូចគ្នាកាលពីឆ្នាំ២០១៦។ នេះបើតាមស្ថិតិដែលគណៈកម្មការយានយន្តបារាំង (CCFA)។

កាលពីខែឧសភា ឆ្នាំ២០១៧ ការចុះបញ្ជីរថយន្តមានចំនួន១៩១ ៤២៧គ្រឿង ដែលតួលេខនេះបង្ហាញថា ទីផ្សាយានយន្តបារាំង បានកើនឡើង៨,៨៧ភាគរយ ប្រើប្រៀបធៀបរយៈពេលដូចគ្នានៅឆ្នាំ២០១៦។ នេះជាតួលេខវិជ្ជមានមួយសម្រាប់ទីផ្សាយានយន្តបារាំង ពោលគឺប្រសើរជាងខែមេសា ដែលមានការធ្លាក់ចុះ៦ភាគរយ។

របាយការណ៍របស់ CCFA បង្ហាញថា រយៈពេល៥ខែដំបូងក្នុងឆ្នាំ២០១៧នេះ រថយន្តចំនួន៩០៤ ៣៥២ត្រូវបានចុះបញ្ជី ដែលក្នុងនោះរថយន្តថ្មីៗ មានការកើនឡើង៣,៣៥ភាគរយ បើប្រៀបធៀបរយៈពេល១០៤ថ្ងៃ ចន្លោះពីខែមករា ទៅ ខែឧសភា រវាងឆ្នាំ២០១៧ និងឆ្នាំ២០១៦ កន្លងមក។

ជាមួយគ្នានេះផងដែរ រថយន្តផលិតនៅបារាំងផ្ទាល់មានការកើនឡើង ៧,៩៩ភាគរយ ពោលគឺរួមចំណែកនៅលើទីផ្សាចំនួន៥៤,៤៣ភាគរយ ខណៈរថយន្តក្រៅស្រុកមាន ៤៥,៥៧ភាគរយ។ រថយន្តនៃក្រុម PSA Group កើន៤,៣២ភាគរយ Citroen កើន ៥,៦៩ភាគរយ និង Peugeot កើន ៥,៨៧ភាគរយ។

សម្រាប់ខែឧសភា ឆ្នាំ២០១៧ ផងដែរ រថយន្តម៉ាកបរទេស ដែលមានកំណើន ៩,៩៣ភាគរយនៅទីផ្សាបារាំងរួមមាន Volkswagen, Audi, Skoda , Seat, BMW, Toyota, Ford , Fiat , Romeo, Nissan, Mercedes-Benz, Kia , Hyundai និង Volvo ។ រីឯម៉ាករថយន្តដែលធ្លាក់ចុះនៅទីផ្សាបារាំង មាន Lexus, Jeep, Infiniti និង Smart ជាដើម៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

6 ម៉ោង

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

7 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 2 ថ្ងៃ

តើពាក្យងារជា «សម្តេច» មានន័យដូចម្តេច?

4 ថ្ងៃ

រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា

3 ថ្ងៃ

អត្ថបទពេញនិយមបន្ថែម