តារាល្បីៗ
អន្តរជាតិ
ការប្រគំតន្ត្រីសប្បុរស «One Love Manchester» រកថវិកាបាន៣.៤៩លានដុល្លារ
×![]()
ដោយ: ធីតា
តារាចម្រៀងល្បីៗលំដាប់ពិភពលោក បានចូលរួមក្នុងពិធីប្រគំតន្ត្រីដ៏ធំមួយ «One Love Manchester» កាលពីចុងសប្តាហ៍កន្លងមកដើម្បីរៃអង្គាសជួយដល់ជនរងគ្រោះដោយការបំផ្ទុះគ្រាប់បែកក្នុងវេទិកាប្រគំតន្ត្រីរបស់តារាចម្រៀង Ariana Grande ក្នុងក្រុងមេនឆេស្ទ័រ នារាត្រីថ្ងៃទី២២ ខែឧសភា។ បើតាមកាកបាទក្រហមអង់គ្លេស ព្រឹត្តិការណ៍នេះ រកបានថវិកាប្រមាណ៣.៤៩លានដុល្លារអាមេរិក។
តារាចម្រៀង Ariana Grande បានបង្ហាញស្មារតីដ៏រឹងប៉ឹងរបស់ខ្លួន បន្ទាប់ពីរួចផុតជីវិតដោយការបំផ្ទុះគ្រាប់បែកអត្តឃាតក្នុងវេទិកាតន្ត្រីរបស់នាងនៅក្រុងមេនឆេស្ទ័រ កាលពីយប់ថ្ងៃទី២២ ខែឧសភា ដែលបណ្តាលឲ្យមនុស្ស២២នាក់ស្លាប់ និងជាង១០០នាក់រងរបួស។ ប្រមាណជាង២សប្តាហ៍ក្រោយមក Ariana Grande បានរៀបចំតន្ត្រីសប្បុរសធម៌ដើម្បីរៃអង្គាសថវិកាជួយដល់ជនរងគ្រោះ។
យោងតាមកាកបាទក្រហមចក្រភពអង់គ្លេស ការប្រគំតន្ត្រីសប្បុរសធម៌ «One Love Manchester» ដែលមានការចូលរួមផងដែរពីតារាល្បីៗលើពិភពលោកដូចជា Katy Perry, Justin Bieber, The Black Eyed Peas, Coldplay និងតារាល្បីៗជាច្រើននាក់ទៀតនោះ រកបានថវិកាប្រមាណ៣.៤៩លានដុល្លារអាមេរិក។ បច្ចុប្បន្ន តាមរយៈគម្រោងមូលនិធិ «We Love Manchester Emergency Fund» កាកបាទក្រហមអង់គ្លេស កៀងគរថវិកាបានជិត១៣លានដុល្លារអាមេរិករួចទៅហើយ។
ទោះបីជាមានអារម្មណ៍ចង់យំ បែបណាក៏ដោយ ប៉ុន្តែនាង Ariana Grande បានធ្វើឲ្យសកម្មភាពប្រព្រឹត្តទៅក្រោមបរិយាកាសដ៏រីករាយ និងពោរពេញទៅដោយក្តីស្រឡាញ់។ ភាពរឹងប៉ឹងរបស់ Grande អាយុ២៣ឆ្នាំ ផ្តល់ក្តីរំភើប និងការកោតសរសើរជាច្រើន៕
តារាចម្រៀង Ariana Grande បានបង្ហាញស្មារតីដ៏រឹងប៉ឹងរបស់ខ្លួន បន្ទាប់ពីរួចផុតជីវិតដោយការបំផ្ទុះគ្រាប់បែកអត្តឃាតក្នុងវេទិកាតន្ត្រីរបស់នាងនៅក្រុងមេនឆេស្ទ័រ កាលពីយប់ថ្ងៃទី២២ ខែឧសភា ដែលបណ្តាលឲ្យមនុស្ស២២នាក់ស្លាប់ និងជាង១០០នាក់រងរបួស។ ប្រមាណជាង២សប្តាហ៍ក្រោយមក Ariana Grande បានរៀបចំតន្ត្រីសប្បុរសធម៌ដើម្បីរៃអង្គាសថវិកាជួយដល់ជនរងគ្រោះ។
យោងតាមកាកបាទក្រហមចក្រភពអង់គ្លេស ការប្រគំតន្ត្រីសប្បុរសធម៌ «One Love Manchester» ដែលមានការចូលរួមផងដែរពីតារាល្បីៗលើពិភពលោកដូចជា Katy Perry, Justin Bieber, The Black Eyed Peas, Coldplay និងតារាល្បីៗជាច្រើននាក់ទៀតនោះ រកបានថវិកាប្រមាណ៣.៤៩លានដុល្លារអាមេរិក។ បច្ចុប្បន្ន តាមរយៈគម្រោងមូលនិធិ «We Love Manchester Emergency Fund» កាកបាទក្រហមអង់គ្លេស កៀងគរថវិកាបានជិត១៣លានដុល្លារអាមេរិករួចទៅហើយ។
ទោះបីជាមានអារម្មណ៍ចង់យំ បែបណាក៏ដោយ ប៉ុន្តែនាង Ariana Grande បានធ្វើឲ្យសកម្មភាពប្រព្រឹត្តទៅក្រោមបរិយាកាសដ៏រីករាយ និងពោរពេញទៅដោយក្តីស្រឡាញ់។ ភាពរឹងប៉ឹងរបស់ Grande អាយុ២៣ឆ្នាំ ផ្តល់ក្តីរំភើប និងការកោតសរសើរជាច្រើន៕
Tag:
Ariana Grande
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
