ពីនេះ ពីនោះ
ព័ត៍មានសុខភាព
គ្រាន់តែកាត់ថង់ទឹកប្រមាត់ចោល អាចប្រឈមមុខនឹងអ្វីខ្លះទៅ?
× ប្រមាត់គឺជាសរីរាង្គមួយប្រភេទដែលស្ថិតនៅខាងក្រោមថ្លើម។ វាមាននាទីរក្សាទុកទឹកប្រមាត់ដែលត្រូវបានផលិតចេញពីថ្លើម។ ការកាត់ថង់ទឹកប្រមាត់ចោលអាចនឹងត្រូវធ្វើបើសិនជាអ្នកជំងឺមានការឈឺចាប់ខ្លាំងដោយសារតែគ្រួសក្នុងថង់ទឹកប្រមាត់ស្ទះក្នុងលំហូរទឹកប្រមាត់ចូលក្នុងពោះវៀនតូច។
ទោះបីជាយ៉ាងណាក៏ដោយ ការកាត់ថង់ទឹកប្រមាត់នេះច្រើនតែត្រូវបានគេធ្វើជាញឹកញាប់ ហើយក៏មានការប្រឈមមុខតិចតួចផងដែរ។ ដោយសារតែសម័យកាលកាន់តែទំនើប ការវះកាត់ថង់ទឹកប្រមាត់អាចធ្វើឡើងដោយការប្រើបំពង់ឆ្លុះ និងមើលឃើញតាមកញ្ចក់ទូរទស្សន៍ខាងក្រៅ និងមានស្នាមតូចទៀតផង។ ករណីខ្លះទៀតក៏អាចប្រើវិធីវះបើកធំពីស្បែកទៅដែរ។
ការវះកាត់ថង់ទឹកប្រមាត់ចោលអាចប្រឈមនឹងផលវិបាកតិចតួចដែរដូចជា៖
ហៀរទឹកប្រមាត់ចេញក្រៅ
ហូរឈាម
មានកំណកឈាម
មានបញ្ហាច្រើនលើបេះដូង
មានការបង្ករោគ
មានរបួសទៅលើរចនាសម្ព័ន្ធសរីរាង្គនៅជិតហ្នឹងដូចជា ផ្លូវទឹកប្រមាត់ ថ្លើម និងពោះវៀនតូច
រលាកលំពែង
រលាកសួត
ការប្រឈមនឹងផលវិបាកនេះក៏អាស្រ័យទៅតាមសុខភាពទូទៅ និងហេតុផលដែលត្រូវការកាត់ថង់ទឹកប្រមាត់ដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com