ពីនេះ ពីនោះ
តើអ្នកដឹងទេថា ពាក្យ«ក្ដារខៀន» គឺជាពាក្យផ្សំរវាងពាក្យខ្មែរ និងពាក្យសៀម?
× ក្តារខៀន ដែលខ្មែរយើងនិយមហៅ ឬនិយាយយ៉ាងរត់មាត់ សំដៅលើបន្ទះក្តារសម្រាប់ សរសេរនេះ មិនមែនជាភាសាខ្មែរទាំងស្រុងទេ។ ពាក្យក្តារខៀន មកពីពាក្យ ខ្មែរ សៀម ពីរម៉ាត់ផ្សំគ្នា គឺក្តារ និងខៀន។ ក្តារ មានន័យថា បន្ទះឈើ តូចធំ បួនជ្រុងឬទ្រវែង។ ចំណែកឯពាក្យថា ខៀន តាមភាសាថៃមានន័យថា សរសេរ ឬគូស ឬគូរ។
តាមវចនានុក្រមសម្តេចព្រះសង្ឃរាជ ជួនណាត នាមសព្ទ ក្តារខៀន គឺកជើង ដ ដាក់ ស្រៈអា និង រ ឯខៀន សរសេរ ខ ដាក់ស្រៈអៀ និងន អានថា ខៀន មានន័យថា ''សរសេរ, ឬគូរ''។ ដូច្នេះ ពាក្យថា ក្តាខៀន មានន័យថា ប្រដាប់សម្រាប់សរសេរ ធ្វើដោយឈើរាងវែង។
តើក្រសួងអប់រំ យុវជន និងកីឡា កម្ពុជា គួររកពាក្យអ្វីមកជំនួសពាក្យខៀន ជាភាសាថៃ ឬសៀមនេះ បានឬទេ?
© រក្សាសិទ្ធិដោយ thmeythmey.com