ជាថ្មីម្ដងទៀត ក្រុមហ៊ុនអាកាសចរណ៍ AirAsia ត្រូវបានបោះឆ្នោតជាប់ពានរង្វាន់អាកាសចរណ៍តម្លៃទាបនាំមុខគេក្នុងតំបន់អាស៊ីលើកទីប្រាំជាប់ៗ នៅក្នុងកម្មវិធីប្រារព្ធពានរង្វាន់ World Travel Awards ប្រចាំឆ្នាំ២០១៧ សម្រាប់តំបន់អាស៊ីនិងអាស៊ីអូស្ត្រាលី។
ពានរង្វាន់នេះត្រូវបានជ្រើសរើសដោយការបោះឆ្នោតចេញពីភ្នាក់ងារអាជីពដឹកអ្នកដំណើរនិងទេសចរណ៍ទូទាំងសកលលោក ដោយទទួលស្គាល់ចំពោះកិច្ចខិតខំបម្រើសេវាកម្មដ៏ល្អវិសេស ហើយបាននាំមុខនូវអាកាសចរណ៍ស៊ីវិលដូចជា Air India Express, Firefly, GoAir, JetKonnect, JetStar Airways, Lucky Air, Nok Air, Scoot, SpiceJet និង West Air ។
ក្នុងនាមជាអាកាសចរណ៍ដឹកអ្នកដំណើរតម្លៃទាបធំបំផុតប្រចាំអាស៊ី ក្រុមហ៊ុន AirAsia បានឈ្នះនូវពានរង្វាន់ក្រុមអាកាសយានិកអាកាសចរណ៍តម្លៃទាបជាងនាំមុខគេប្រចាំអាស៊ីដោយបានប្រជែងឈ្នះភាគីមកពី ៩ស្ថាប័នអាកាសចរណ៍ផ្សេងៗដូចជា Air India Express, Firefly, GoAir, JetKonnect, Jetstar Airways, Lucky Air, Nok Air, SpiceJet និង West Air ។
ពានរង្វាន់ត្រូវបានបង្ហាញនិងប្រគល់ជូននៅក្នុងកម្មវិធីរៀបចំប្រគល់ពានរង្វាន់ដែលបានប្រព្រឹត្តទៅនៅឯសណ្ឋាគារ Kempinski ក្នុងក្រុងសៀងហៃ ប្រទេសចិន នាថ្ងៃនេះ។
សហស្ថាបនិកនិងជាអគ្គនាយកក្រុមហ៊ុន AirAsia Group លោក Tony Fernandes ថ្លែងថា «ពានរង្វាន់នេះជាជ័យជំនះពិសេសសម្រាប់យើងខ្ញុំ ចំពោះការទទួលស្គាល់នូវកិច្ចប្រឹងប្រែងរបស់យើងដែលជានិច្ចជាកាល ធ្វើឱ្យប្រសើរឡើង។ ហើយយើងខ្ញុំប្ដេជ្ញាដើម្បីឱ្យកាន់តែប្រសើរឡើង។ ឆ្នាំនេះ យើងខ្ញុំផ្ដោតលើការកែលម្អប្រព័ន្ធត្រួតពិនិត្យច្រកចូល ដើម្បីបង្កភាពកាន់តែងាយស្រួលសម្រាប់ដំណើរការទាំងមូល។ ROKKI ជាប្រព័ន្ធប្រើប្រាស់អ៊ីនធឺណិត WiFi ដែលបានវិនិយោគដ៏ធំរបស់យើងខ្ញុំដើម្បីបម្រើនូវសេវាកម្មហោះហើរឱ្យកាន់តែប្រសើរ ហើយអាហារ ហើយផ្នែកអាហារ បំពេញតាមសេចក្ដីត្រូវការតាមជើងហោះហើររបស់យើងខ្ញុំកាន់តែរីកចម្រើនកាន់តែជោគជ័យផងដែរ។ យើងខ្ញុំមានការរំភើបចិត្តក្នុងការនាំមកនូវផលិតផលពីបណ្ដាប្រទេសសមាជិកអាស៊ានដែលមានតែមួយគ្មានពីរ បង្ហាញជូនទៅតំបន់ផ្សេងៗក្នុងអាស៊ីនិងពិភពលោក»។
លោកបន្ថែមថា «ខ្ញុំសូមថ្លែងអំណរគុណយ៉ាងជ្រាលជ្រៅដល់ក្រុមយានិកដ៏អស្ចារ្យរបស់យើងខ្ញុំ។ វាពិតជាពិសេសណាស់ចំពោះការឈ្នះនូវរង្វាន់ Cabin Crew ហើយនេះបញ្ជាក់ថា វាចេញមកពីកិច្ចខិតខំរបស់ពួកគេ។ និយាយសាមញ្ញ ពួកគាត់មានភាពកក់ក្ដៅ ជាក្រុមពិសេសនិងល្អបំផុត និងប្រាកដនិយម។ ប្រធានអភិបាលប្រចាំអាស៊ីខាងជើងលោក Kathleen Tan មានប្រសាសន៍ថា «ជាថ្មីម្ដងទៀត យើងពិតជាមានកិត្តិយសក្នុងការទទួលបាននូវពានរង្វាន់ចំនួនពីរនេះ។ អស់រយៈពេល ១៦ឆ្នាំមកនេះ យើងបានស្ដាប់នូវភ្ញៀវរបស់យើង និងកំណត់ឡើងវិញនូវទស្សនៈវិស័យរបស់យើងខ្ញុំចំពោះការធ្វើដំណើរតម្លៃទាប។ យើងបានបន្តរហូតនូវការធានាថា យើងផ្ដល់នូវសេវាកម្មតែមួយគត់ដែលរៀបរាប់ល្អបំផុតអំពីបដិសណ្ឋារកិច្ចនៃប្រជាជាតិក្នុងតំបន់អាស៊ាន។ សូមអរគុណលោកអ្នកចំពោះការបោះឆ្នោតជូនយើងខ្ញុំក្លាយជាអ្នកជាប់លេខមួយនូវពានរង្វាន់ជាប់ៗគ្នាចំនួន៥ឆ្នាំ និងឈ្នះពានរង្វាន់ក្រុមយានិក ២ឆ្នាំជាប់ៗគ្នា។ បើមិនមានការជួយគាំទ្រយ៉ាងយកចិត្តទុកដាក់ពីអតិថិជនរបស់យើង វាក៏មិនអាចកើតមាននៅថ្ងៃនេះដែរ»។
កម្មវិធីរៀបចំពានរង្វាន់ World Travel Awards ជាកម្មវិធីប្រគល់ពានរង្វាន់ល្បីបំផុត ដ៏ធំបំផុត និងមានអ្នកចូលរួមច្រើនបំផុត ក្នុងវិស័យឧស្សាហកម្មទេសចរណ៍និងសកល។
កម្មវិធីត្រូវបានត្រូវបានបង្កើតឡើង និងទទួលស្គាល់ចាប់តាំងពីឆ្នាំ១៩៩៣ ពានរង្វាន់និងការអបអរនូវសមិទ្ធផលមានច្រើនវិស័យសំខាន់ៗរាប់បញ្ចូលតាំងពី វិស័យធ្វើដំណើរ ឧស្សាហកម្មទេសចរណ៍និងបដិសណ្ឋារកិច្ច ឥឡូវនេះ យីហោ World Travel Awards ត្រូវបានទទួលស្គាល់ជាសកលក្នុងនាមអ្នកជោគជ័យក្នុងឧស្សាហកម្មដ៏ធំបំផុតប្រចាំឆ្នាំ។
អត្ថបទពាណិជ្ជកម្ម