ជាតិ
×![]()
នៅព្រឹកថ្ងៃទី១៤ មិថុនានេះ រដ្ឋាភិបាលបានសម្រេចលុបចោលបម្រាមដែលហាមលោក សម រង្ស៊ី មិនឲ្យចូលប្រទេសកម្ពុជា។ មន្ត្រីជាន់ខ្ពស់នៃគណបក្សសង្គ្រោះជាតិសប្បាយចិត្តចំពោះដំណឹងនេះ ប៉ុន្តែមិនដឹងថា តើអតីតប្រធានរបស់ពួកគេដែលបានក្លាយជាទណ្ឌិតហើយនោះ នឹងត្រឡប់មកមាតុប្រទេសវិញនៅពេលណានោះឡើយ។
ចាប់ពីថ្ងៃទី១៤មិថុនានេះទៅ លោក សម រង្ស៊ី អតីតប្រធានគណបក្សសង្គ្រោះជាតិ អាចជិះយន្តហោះនៃក្រុមហ៊ុនណាក៏បាន ចូលមកប្រទសកម្ពុជា។ រដ្ឋាភិបាលបានសម្រេចលុបចោលសេចក្តីសម្រេចចុះថ្ងៃទី១២ខែតុលាឆ្នាំ២០១៦ ដែលហាមលោក សម រង្ស៊ី មិនឲ្យចូលមកក្នុងប្រទេសកម្ពុជាឡើយ។
ទាំងលោក យឹម សុវណ្ណ និងលោក អេង ឆៃអ៊ាង ដែលជាថ្នាក់ដឹកនាំនៃគណបក្សសង្គ្រោះជាតិ បានសាទរសេចក្តីសម្រេចថ្មីរបស់រដ្ឋាភិបាលចំពោះអតីតប្រធានរបស់ពួកគេ។ លោក យឹម សុវណ្ណ ដែលជាអ្នកនាំពាក្យនៃគណបក្សសង្គ្រោះជាតិបានវាយតម្លៃថា ការសម្រេចរបស់រដ្ឋាភិបាលដែលលុបចោលការរារាំងមិនឲ្យលោក សម រង្ស៊ី ចូលប្រទេសកម្ពុជានោះ គឺជាសញ្ញាវិជ្ជមានមួយ។ លោក យឹម សុវណ្ណ បានពន្យល់យ៉ាងដូច្នេះថា៖«ឯកឧត្តមប្រធាន គឺជាប្រជាពលរដ្ឋមួយរូប ដែលមានកាតព្វកិច្ច និងសិទ្ធិរស់នៅក្នុងប្រទេសកម្ពុជា និងបម្រើប្រទេសជាតិ»។
ប៉ុន្តែអ្នកនាំពាក្យរូបនេះ មិនអាចឆ្លើយបាននោះទេ ថាលោក សម រង្ស៊ី នឹងសម្រេចចិត្តវិលត្រឡប់មកកម្ពុជានៅពេលណា មុនគណបក្សពិភាក្សាជាមួយលោក សម រង្ស៊ី នោះ។
ការសម្រេចចុងក្រោយរបស់រដ្ឋាភិបាលលើករណីលោក សម រង្ស៊ី នេះ បានកើតឡើង តែប៉ុន្មានម៉ោងក្រោយពីលោក សម រង្ស៊ី ថ្លែងនៅក្នុងបទសម្ភាសមួយនៅក្នុងកម្មវិធីវិទ្យុអាស៊ីសេរីថា បើសិនជារដ្ឋាភិបាលអនុញ្ញាតឲ្យលោកត្រឡប់ចូលក្នុងប្រទេសវិញនោះ លោកនឹងសុខចិត្តចូលមកជាប់ពន្ធនាគារ។
មិនទាន់មានការពន្យល់ណាមួយពីគណបក្សទាំងពីរអំពីមូលហេតុនៃការលុបចោលបម្រាមប្រឆាំងលោក សម រង្ស៊ី ឡើយ។ អនុប្រធានគណបក្សសង្គ្រោះជាតិ លោក អេង ឆៃអ៊ាង បានប្រាប់សារព័ត៌មានថ្មីៗថា៖«គណបក្សទាំងពីរ មិនបានចរចាគ្នាអ្វីទេ ចំពោះការសម្រេចនេះ។ ខ្ញុំ គ្រាន់តែអាចបញ្ជាក់ថា ការសម្រេចរបស់រដ្ឋាភិបាល គឺស្របតាមរដ្ឋធម្មនុញ្ញ។ គណបក្សសង្គ្រោះជាតិ សូមអបអរសាទរ»។
វានៅតែការរង់ចាំមើលថា តើលោក សម រង្ស៊ី ចូលមកអនុវត្តទោសដែរឬទេ?
គួរបញ្ជាក់ថា អតីតប្រធានគណបក្សសង្គ្រោះជាតិ លោក សម រង្ស៊ី ដែលកំពុងគេចខ្លួនរស់នៅក្រៅប្រទេសនោះ បានរងការចោទប្រកាន់ មិនក្រោម៥បណ្ដឹងឡើយ ដោយសុទ្ធតែជាបណ្ដឹងពីថ្នាក់ដឹកនាំ និងមន្ត្រីគណបក្សប្រជាជនកម្ពុជា។ ក្នុងចំណោមបណ្ដឹងទាំងនេះ ក៏មានបណ្ដឹងខ្លះត្រូវបានតុលាការជម្រះហើយដែរ។ ដោយសារតែមានបញ្ហាជាប់បណ្ដឹងច្រើននេះ លោក សម រង្ស៊ី ក៏បានសម្រេចចិត្តលាលែងពីតួនាទីប្រធាន និងសមាជិកភាពពីគណបក្ស កាលថ្ងៃទី១១ កុម្ភៈឆ្នាំ២០១៧នេះ
ស្របពេលដែលរដ្ឋាភិបាលរៀបចំសេចក្តីស្នើច្បាប់ ដែលមិនផ្តល់ឱកាសឲ្យទណ្ឌិត មានសិទ្ធិធ្វើជាប្រធានគណបក្សនយោបាយ ៕
ចាប់ពីថ្ងៃទី១៤មិថុនានេះទៅ លោក សម រង្ស៊ី អតីតប្រធានគណបក្សសង្គ្រោះជាតិ អាចជិះយន្តហោះនៃក្រុមហ៊ុនណាក៏បាន ចូលមកប្រទសកម្ពុជា។ រដ្ឋាភិបាលបានសម្រេចលុបចោលសេចក្តីសម្រេចចុះថ្ងៃទី១២ខែតុលាឆ្នាំ២០១៦ ដែលហាមលោក សម រង្ស៊ី មិនឲ្យចូលមកក្នុងប្រទេសកម្ពុជាឡើយ។
ទាំងលោក យឹម សុវណ្ណ និងលោក អេង ឆៃអ៊ាង ដែលជាថ្នាក់ដឹកនាំនៃគណបក្សសង្គ្រោះជាតិ បានសាទរសេចក្តីសម្រេចថ្មីរបស់រដ្ឋាភិបាលចំពោះអតីតប្រធានរបស់ពួកគេ។ លោក យឹម សុវណ្ណ ដែលជាអ្នកនាំពាក្យនៃគណបក្សសង្គ្រោះជាតិបានវាយតម្លៃថា ការសម្រេចរបស់រដ្ឋាភិបាលដែលលុបចោលការរារាំងមិនឲ្យលោក សម រង្ស៊ី ចូលប្រទេសកម្ពុជានោះ គឺជាសញ្ញាវិជ្ជមានមួយ។ លោក យឹម សុវណ្ណ បានពន្យល់យ៉ាងដូច្នេះថា៖«ឯកឧត្តមប្រធាន គឺជាប្រជាពលរដ្ឋមួយរូប ដែលមានកាតព្វកិច្ច និងសិទ្ធិរស់នៅក្នុងប្រទេសកម្ពុជា និងបម្រើប្រទេសជាតិ»។
ប៉ុន្តែអ្នកនាំពាក្យរូបនេះ មិនអាចឆ្លើយបាននោះទេ ថាលោក សម រង្ស៊ី នឹងសម្រេចចិត្តវិលត្រឡប់មកកម្ពុជានៅពេលណា មុនគណបក្សពិភាក្សាជាមួយលោក សម រង្ស៊ី នោះ។
ការសម្រេចចុងក្រោយរបស់រដ្ឋាភិបាលលើករណីលោក សម រង្ស៊ី នេះ បានកើតឡើង តែប៉ុន្មានម៉ោងក្រោយពីលោក សម រង្ស៊ី ថ្លែងនៅក្នុងបទសម្ភាសមួយនៅក្នុងកម្មវិធីវិទ្យុអាស៊ីសេរីថា បើសិនជារដ្ឋាភិបាលអនុញ្ញាតឲ្យលោកត្រឡប់ចូលក្នុងប្រទេសវិញនោះ លោកនឹងសុខចិត្តចូលមកជាប់ពន្ធនាគារ។
មិនទាន់មានការពន្យល់ណាមួយពីគណបក្សទាំងពីរអំពីមូលហេតុនៃការលុបចោលបម្រាមប្រឆាំងលោក សម រង្ស៊ី ឡើយ។ អនុប្រធានគណបក្សសង្គ្រោះជាតិ លោក អេង ឆៃអ៊ាង បានប្រាប់សារព័ត៌មានថ្មីៗថា៖«គណបក្សទាំងពីរ មិនបានចរចាគ្នាអ្វីទេ ចំពោះការសម្រេចនេះ។ ខ្ញុំ គ្រាន់តែអាចបញ្ជាក់ថា ការសម្រេចរបស់រដ្ឋាភិបាល គឺស្របតាមរដ្ឋធម្មនុញ្ញ។ គណបក្សសង្គ្រោះជាតិ សូមអបអរសាទរ»។
វានៅតែការរង់ចាំមើលថា តើលោក សម រង្ស៊ី ចូលមកអនុវត្តទោសដែរឬទេ?
គួរបញ្ជាក់ថា អតីតប្រធានគណបក្សសង្គ្រោះជាតិ លោក សម រង្ស៊ី ដែលកំពុងគេចខ្លួនរស់នៅក្រៅប្រទេសនោះ បានរងការចោទប្រកាន់ មិនក្រោម៥បណ្ដឹងឡើយ ដោយសុទ្ធតែជាបណ្ដឹងពីថ្នាក់ដឹកនាំ និងមន្ត្រីគណបក្សប្រជាជនកម្ពុជា។ ក្នុងចំណោមបណ្ដឹងទាំងនេះ ក៏មានបណ្ដឹងខ្លះត្រូវបានតុលាការជម្រះហើយដែរ។ ដោយសារតែមានបញ្ហាជាប់បណ្ដឹងច្រើននេះ លោក សម រង្ស៊ី ក៏បានសម្រេចចិត្តលាលែងពីតួនាទីប្រធាន និងសមាជិកភាពពីគណបក្ស កាលថ្ងៃទី១១ កុម្ភៈឆ្នាំ២០១៧នេះ
ស្របពេលដែលរដ្ឋាភិបាលរៀបចំសេចក្តីស្នើច្បាប់ ដែលមិនផ្តល់ឱកាសឲ្យទណ្ឌិត មានសិទ្ធិធ្វើជាប្រធានគណបក្សនយោបាយ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
