អន្តរជាតិ
រដ្ឋមន្ត្រីការពារជាតិអាមេរិក James Mattis និងសមភាគីកាតា Khalid Al Attiyah (រូបភាព Reuters)
×![]()
ដោយ: តន ចាន់រិទ្ធារ៉ា
អាមេរិក និងកាតាបានចុះហត្ថលេខាទិញលក់យន្តហោះចម្បាំង F-15 ដែលមានតម្លៃដល់ទៅ១២ពាន់លានដុល្លារ ខណៈដែលកាតា និងរដ្ឋឈូងសមុទ្រផ្សេងទៀតកំពុងមានជម្លោះនឹងគ្នារហូតដល់មានការហ៊ុមព័ទ្ធកាតាទៀតផង។ ការទិញលក់អាវុធពេលនេះ គឺជាសារចម្រុះដែលអាមេរិកផ្ញើឲ្យសម្ព័ន្ធមិត្តរបស់ខ្លួននៅឈូងសមុទ្រពែរ្ស ដោយម្ដងគាំទ្រអារ៉ាប៊ីសាអូឌីត ប៉ារ៉ែន អារ៉ាប់រួមអេមីរ៉ាត និងអេហ្ស៊ីបចង្អុលមុខកាតាជារដ្ឋគាំទ្រភេរវកម្ម ហើយម្ដងបែរជាលក់យន្តហោះឲ្យកាតាទៅវិញ។
ក្រុងវ៉ាស៊ីនតោន មិនមានជំហរច្បាស់លាស់ឡើយក្នុងជម្លោះរវាងប្រទេសនៅតំបន់ឈូងសមុទ្រពែរ្ស ដែលសុទ្ធសឹងជាសម្ព័ន្ធមិត្តដ៏សំខាន់របស់ខ្លួន។ នៅពេលអារ៉ាប៊ីសាអូឌីត បារ៉ែន អារ៉ាប់រួម អេហ្ស៊ីប ហ្ស៊កដានី និងយេម៉ែន នាំគ្នាដាក់ផ្ដាច់ទំនាក់ទំនងការទូតជាមួយកាតាដោយចោទថាបានគាំទ្រភេរវកម្មនិយម ប្រធានាធិបតី ដូណាល់ ត្រាំ ក៏បានបន្ទោរតាមបណ្ដាញ Twitter ដោយចោទកាតាដូចគ្នាដែរ។ លោក ត្រាំ ថែមទាំងទាញយកគុណសម្បត្តិថា រឿងរ៉ាវដែលកើតឡើងក៏ដោយសារសម្ដីលោកដែរ។
បន្ទាប់ពីអុជអាលឲ្យសម្ព័ន្ធមិត្តរបស់ខ្លួនឈ្លោះគ្នាហើយនោះ អាមេរិកក៏បានប្រាប់ឲ្យរដ្ឋឈូងសមុទ្រទាំងអស់រក្សាការអត់ធ្មត់ខ្ពស់ និងបានបង្ហាញបំណងចង់ដោះស្រាយជម្លោះការទូតនេះទៀតផង។ ប៉ុន្តែចុងក្រោយនេះ អាមេរិក បែរជាសម្រេចលក់យន្តហោះចម្បាំងធុន F-15 ឲ្យកាតាទៅវិញ។ បើតាមសារព័ត៌មាន Al Jazeera រដ្ឋមន្ត្រីការពារជាតិអាមេរិក James Mattis ជាអ្នកចុះហត្ថលេខាលក់អាវុធនេះជាមួយសមភាគីកាតា Khalid Al Attiyah នៅថ្ងៃទី១៤ ខែមិថុនា នៅឯរដ្ឋធានីវ៉ាស៊ីនតោន។
ទោះធ្លាប់ត្រូវប្រធានាធិបតីអាមេរិកចោទថាកាន់ជើងក្រុមភេរវកម្មក្ដី រដ្ឋមន្ត្រីការពារជាតិកាតា Attiyah លើកឡើងថា កិច្ចព្រមព្រៀងទិញលក់យន្តហោះបង្ហាញការប្ដេជ្ញាចិត្តយូរអង្វែងរបស់កាតាក្នុងការចាប់ដៃជាមួយសម្ព័ន្ធរបស់ខ្លួនក្នុងការប្រយុទ្ធប្រឆាំងភេរវកម្ម ក៏ដូចជារក្សាសន្តិភាពក្នុងតំបន់។ លោកបន្តថា កិច្ចព្រមព្រៀងនេះដែរ ក៏នឹងជួយពង្រឹងកិច្ចសហប្រតិបត្តិការលើវិស័យការពារជាតិរវាងកាតា និងអាមេរិកផងដែរ។
អ្វីគួរឲ្យចាប់អារម្មណ៍នោះ ការលក់យន្តហោះនេះធ្វើឡើងមិនយូរប៉ុន្មានក្រោយរដ្ឋបាលលោក ដូណាល់ ត្រាំ ថែមទាំងសម្រេចចុះកិច្ចព្រមព្រៀងលក់សព្វាវុធឲ្យអារ៉ាប៊ីសាអូឌីតក្នុងទំហំទឹកប្រាក់ជិត ១១០ពាន់លានដុល្លារថែមទៀត។ លោក ត្រាំ មិនខ្វល់ខ្វាយការរិះគន់ឬតវ៉ារបស់សង្គមស៊ីវិលនិងអង្គការសិទ្ធិមនុស្សឡើយ ហើយលោកក៏បានអំពាវនាវឲ្យបណ្តាប្រទេសម៉ូស្លីមទាំងអស់ចូលរួមប្រឆាំងចលនាជ្រុលនិយម និងភេរវកម្ម។
ទំនងដោយសារមានការលើកទឹកចិត្តពីលោក ត្រាំ ទើបរដ្ឋឈូងសមុទ្រព្រួតដៃគ្នាដាក់ទណ្ឌកម្មលើកាតា ដោយលើកហេតុផលថាគាំទ្រពួកជ្រុលនិយមនោះ។ ចោទកាតាត្រង់ថា កាតាគាំទ្រ និងក្រុមហាម៉ាស់របស់ប៉ាឡេស្ទីន និងក្រុមភាតរភាពបងប្អូននៅអេហ្ស៊ីប ក៏ដូចជាផ្គត់ផ្គង់ហិរញ្ញវត្ថុឲ្យក្រុមជ្រុលនិយមនៅស៊ីរីទៀតផង។ យ៉ាងណានោះ រដ្ឋបាលក្រុងវ៉ាស៊ីនតោន ហាក់បានសម្រួលជំហររបស់ខ្លួនក្នុងជម្លោះនេះ ក្រោយបានប្រកាន់ជំហរម្ដងឆ្វេងម្ដងស្ដាំរួចមក៕
ក្រុងវ៉ាស៊ីនតោន មិនមានជំហរច្បាស់លាស់ឡើយក្នុងជម្លោះរវាងប្រទេសនៅតំបន់ឈូងសមុទ្រពែរ្ស ដែលសុទ្ធសឹងជាសម្ព័ន្ធមិត្តដ៏សំខាន់របស់ខ្លួន។ នៅពេលអារ៉ាប៊ីសាអូឌីត បារ៉ែន អារ៉ាប់រួម អេហ្ស៊ីប ហ្ស៊កដានី និងយេម៉ែន នាំគ្នាដាក់ផ្ដាច់ទំនាក់ទំនងការទូតជាមួយកាតាដោយចោទថាបានគាំទ្រភេរវកម្មនិយម ប្រធានាធិបតី ដូណាល់ ត្រាំ ក៏បានបន្ទោរតាមបណ្ដាញ Twitter ដោយចោទកាតាដូចគ្នាដែរ។ លោក ត្រាំ ថែមទាំងទាញយកគុណសម្បត្តិថា រឿងរ៉ាវដែលកើតឡើងក៏ដោយសារសម្ដីលោកដែរ។
បន្ទាប់ពីអុជអាលឲ្យសម្ព័ន្ធមិត្តរបស់ខ្លួនឈ្លោះគ្នាហើយនោះ អាមេរិកក៏បានប្រាប់ឲ្យរដ្ឋឈូងសមុទ្រទាំងអស់រក្សាការអត់ធ្មត់ខ្ពស់ និងបានបង្ហាញបំណងចង់ដោះស្រាយជម្លោះការទូតនេះទៀតផង។ ប៉ុន្តែចុងក្រោយនេះ អាមេរិក បែរជាសម្រេចលក់យន្តហោះចម្បាំងធុន F-15 ឲ្យកាតាទៅវិញ។ បើតាមសារព័ត៌មាន Al Jazeera រដ្ឋមន្ត្រីការពារជាតិអាមេរិក James Mattis ជាអ្នកចុះហត្ថលេខាលក់អាវុធនេះជាមួយសមភាគីកាតា Khalid Al Attiyah នៅថ្ងៃទី១៤ ខែមិថុនា នៅឯរដ្ឋធានីវ៉ាស៊ីនតោន។
ទោះធ្លាប់ត្រូវប្រធានាធិបតីអាមេរិកចោទថាកាន់ជើងក្រុមភេរវកម្មក្ដី រដ្ឋមន្ត្រីការពារជាតិកាតា Attiyah លើកឡើងថា កិច្ចព្រមព្រៀងទិញលក់យន្តហោះបង្ហាញការប្ដេជ្ញាចិត្តយូរអង្វែងរបស់កាតាក្នុងការចាប់ដៃជាមួយសម្ព័ន្ធរបស់ខ្លួនក្នុងការប្រយុទ្ធប្រឆាំងភេរវកម្ម ក៏ដូចជារក្សាសន្តិភាពក្នុងតំបន់។ លោកបន្តថា កិច្ចព្រមព្រៀងនេះដែរ ក៏នឹងជួយពង្រឹងកិច្ចសហប្រតិបត្តិការលើវិស័យការពារជាតិរវាងកាតា និងអាមេរិកផងដែរ។
អ្វីគួរឲ្យចាប់អារម្មណ៍នោះ ការលក់យន្តហោះនេះធ្វើឡើងមិនយូរប៉ុន្មានក្រោយរដ្ឋបាលលោក ដូណាល់ ត្រាំ ថែមទាំងសម្រេចចុះកិច្ចព្រមព្រៀងលក់សព្វាវុធឲ្យអារ៉ាប៊ីសាអូឌីតក្នុងទំហំទឹកប្រាក់ជិត ១១០ពាន់លានដុល្លារថែមទៀត។ លោក ត្រាំ មិនខ្វល់ខ្វាយការរិះគន់ឬតវ៉ារបស់សង្គមស៊ីវិលនិងអង្គការសិទ្ធិមនុស្សឡើយ ហើយលោកក៏បានអំពាវនាវឲ្យបណ្តាប្រទេសម៉ូស្លីមទាំងអស់ចូលរួមប្រឆាំងចលនាជ្រុលនិយម និងភេរវកម្ម។
ទំនងដោយសារមានការលើកទឹកចិត្តពីលោក ត្រាំ ទើបរដ្ឋឈូងសមុទ្រព្រួតដៃគ្នាដាក់ទណ្ឌកម្មលើកាតា ដោយលើកហេតុផលថាគាំទ្រពួកជ្រុលនិយមនោះ។ ចោទកាតាត្រង់ថា កាតាគាំទ្រ និងក្រុមហាម៉ាស់របស់ប៉ាឡេស្ទីន និងក្រុមភាតរភាពបងប្អូននៅអេហ្ស៊ីប ក៏ដូចជាផ្គត់ផ្គង់ហិរញ្ញវត្ថុឲ្យក្រុមជ្រុលនិយមនៅស៊ីរីទៀតផង។ យ៉ាងណានោះ រដ្ឋបាលក្រុងវ៉ាស៊ីនតោន ហាក់បានសម្រួលជំហររបស់ខ្លួនក្នុងជម្លោះនេះ ក្រោយបានប្រកាន់ជំហរម្ដងឆ្វេងម្ដងស្ដាំរួចមក៕
Tag:
អាមេរិក
កាតា
មជ្ឈិមបូព៌ា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ម៉ោង
