ពីនេះ ពីនោះ
ព័ត៍មានសុខភាព
តើមនុស្សបែបណាខ្លះដែលងាយនឹងខ្វះវិតាមីន D ទៅ?
× តើអ្នកមានដឹងទេថា អ្វីទៅដែលធ្វើឲ្យធ្មេញ និងឆ្អឹងរឹងមាំ មិនងាយឆ្លងជំងឺ និងសុខភាពល្អ? វាគឺជាវីតាមីន D ដែលគេច្រើនហៅថា វីតាមីន ពន្លឺព្រះអាទិត្យ។ វាគឺជាវីតាមីនដែលរលាយក្នុងខ្លាញ់ ហើយត្រូវបានគេស្គាល់ថា ជួយបំបាត់ជំងឺមហារីក ជំងឺប្រព័ន្ធភាពស៊ាំធ្វើការខុសប្រក្រតី ជំងឺបេះដូង និងជំងឺទឹកនោមផ្អែមប្រភេទទី២។ គេប៉ាន់ស្មានឃើញថា ប្រជាជនទូទាំងពិភពលោកមានប្រហែល ៥០ភាគរយហើយ ដែលកង្វះវីតាមីន D ហើយហេតុផលអាចទាក់ទងនឹង ការមិនសូវប៉ះពាល់ពន្លឺព្រះអាទិត្យ រហូតដល់របៀបរស់នៅមិនត្រឹមត្រូវ។ ដូច្នេះតើមនុស្សប្រភេទណាខ្លះដែលងាយនឹងកង្វះវីតាមីនមួយនេះ?
ទារកទើបនឹងកើតដែលរកឃើញថាកង្វះវីតាមីន D គឺជាទារកដែលបៅទឹកដោះម្តាយតែមួយមុខ។ ដូច្នេះចូរកុំភ្លេចក្រោយពីបៅរួច គួរតែយកគេហាលថ្ងៃពេលព្រឹក និងម្តាយហាលថ្ងៃដែរទៅ។
មនុស្សចាស់អាយុចាប់ពី ៥០ឆ្នាំទៅងាយនឹងកង្វះវីតាមីន D ណាស់ដោយសារតែស្បែកចាស់ បឺតស្រូបវីតាមីន D ពីពន្លឺព្រះអាទិត្យមិនបានល្អ។ ណាមួយមនុស្សចាស់ចូលចិត្តនៅតែក្នុងផ្ទះទៀត។
សម្រាប់មនុស្សដែលចូលចិត្តនៅតែក្នុងផ្ទៃច្រើនជាងចេញទៅខាងក្រៅ ពិតជាងាយកង្វះវីតាមីន D ណាស់។
មនុស្សដែលមានស្បែកខ្មៅ មានន័យថាស្បែកមានជាតិមេឡានីនច្រើន ដែលជាហេតុនាំឲ្យថយចុះសមត្ថភាពផលិតវីតាមីន D ពីពន្លឺព្រះអាទិត្យបាន។ រឿងនេះអាចដោះស្រាយបានតាមរយៈការញ៉ាំអាហារសម្បូរវីតាមីន D ឬថ្នាំបំប៉នវីតាមីន D៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com