អាជ្ញាធរ គ្រោងចំណាយ៤៧លានដុល្លារ ធ្វើទីលានចាក់សំរាម និងអាងចម្រោះទឹកនៅបន្ទាយមានជ័យ

ជាតិ

អាជ្ញាធរ គ្រោងចំណាយ៤៧លានដុល្លារ ធ្វើទីលានចាក់សំរាម និងអាងចម្រោះទឹកនៅបន្ទាយមានជ័យ

17, Jun 2017 , 7:19 pm

រូបភាព

ដោយ: ថ្មីៗ

ភ្នំពេញ៖ អាជ្ញាធរខេត្តបន្ទាយមានជ័យ គ្រោងចំណាយថវិកា៤៧លានដុល្លារ សម្រាប់កសាងទីលានចាក់សំរាមកែច្នៃប្រយោជន៍ និងអាងចម្រោះទឹក ក្នុងស្រុក-ក្រុង ចំនួនពីរ ។

អនុប្រធានមន្ទីសាធារណការនិងដឹកជញ្ជូនខេត្តបន្ទាយមានជ័យ លោក ជា សុវណ្ណធួន បានឲ្យដឹងថា គម្រោងអភិវឌ្ឍន៍ទីលានចាក់សំរាមនេះ គឺនឹងរៀបចំនៅក្នុងភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត លើផ្ទៃដីទំហំ១០ហិតា ហើយនឹងត្រូវចំណាយថវិកាចំនួន១៥លានដុល្លារ ។ គម្រោងនេះចាប់ផ្ដើមអនុវត្តនៅឆ្នាំ២០១៩ខាងមុខ។

លោក ជា សុវណ្ណធួន បានបន្ថែមថា អាជ្ញាធរក៏នឹងកសាងទីលានចាក់សំរាម ឬកន្លែងកែច្នៃសំរាមមួយកន្លែងទៀត មានផ្ទៃដីទំហំ៦ហិកតា ស្ថិតនៅចំណុចភ្នំតុក ស្ថិតភូមិកងវ៉ាសង្កាត់កំពង់ស្វាយ ក្រុងសិរីសោភ័ណផងដែរ។ ក្រៅពីនេះមន្ទីសាធារណការ ក៏សិក្សាពីគម្រោងរៀបចំអាងប្រតិកម្មទឹក ឬអាងចម្រោះទឹក លើផ្ទៃដីទំហំ២៤ហិកតា ស្ថិតនៅក្នុងភូមិភ្នៀត សង្កាត់កំពង់ស្វាយ ក្រុងសេរីសោភណ្ឌ ដោយត្រូវគ្រោងចំណាយទឹកប្រាក់ ២៧លានដុល្លារ។ បើតាមលោក ជា សុវណ្ណធួន គម្រោងទាំងពីរនេះ នឹងចាប់ផ្តើមអនុវត្តន៍ឆ្នាំ២០២០។

អនុប្រធានមន្ទីសាធារណការនិងដឹកជញ្ជូនខេត្តបន្ទាយមានជ័យរូបនេះ បានបញ្ជាក់ដូច្នេះថា »ទីលានចាក់សំរាមក្រុងសិរីសោភ័ណនេះកសាងសម្រាប់តម្រូវការចាក់សំរាមមានក្រុងសិរីសោភ័ណ ស្រុកមង្គលបូរី ស្រុកអូរជ្រៅ ស្រុកស្វាយចេក គម្រោងអនុវត្តទីលានចាក់សំរាម និងអាងចម្រោះទឹកកសាង២ស្រុក.ក្រុងនេះ គឺជាថវិការាជរដ្ឋាភិបាលកម្ពុជា»៕

ប្រភពពីអគ្គស្នងការដ្ឋាននគរបាលជាតិ