កីឡាអន្តរជាតិ
អន្តរជាតិ
កូរ៉េខាងជើងច្រានចោលសំណើកូរ៉េខាងត្បូងដែលចង់ឲ្យមានក្រុមកីឡារួមគ្នានៅអូឡាំពិក
×![]()
ដោយ: ទេព ពិទូរ្យ
មន្ត្រីជាន់ខ្ពស់ផ្នែកកីឡារបស់កូរ៉េខាងជើងជឿជាក់ថាវាយឺតពេលទៅហើយក្នុងការពិចារណាសំណើររបស់ប្រធានាធិបតីកូរ៉េខាងត្បូង Moon Jae-in ដើម្បីបង្កើតក្រុមបង្រួបបង្រួមគ្នាមួយសម្រាប់ការប្រកួតកីឡាអូឡាំពិករដូវរងាឆ្នាំ ២០១៨ នៅទីក្រុងព្យុងឆាង (Pyeongchang)។ មន្ត្រីដដែលបដិសេធគំនិតនេះ ដោយលើកឡើងថាគួរតែត្រូវដោះស្រាយភាពតានតឹងផ្នែកនយោបាយរវាងប្រទេសទាំងពីរឲ្យបានរួចរាល់ជាមុនសិន។
បើតាមការចុះផ្សាយរបស់ទីភ្នាក់ងារសារព័ត៌មាន Reuters នៅក្នុងពិធីបើកការប្រកួតតេក្វាន់ដូពិភពលោកឆ្នាំ២០១៧ នៅក្នុងក្រុង Muju ប្រទេសកូរ៉េខាងត្បូងកាលពីថ្ងៃសៅរ៍ ទី២៤ ខែមិថុនា ប្រធានាធិបតីកូរ៉េខាងត្បូង Moon Jae-in បាននិយាយថាលោកចង់ឱ្យកូរ៉េទាំងពីររួមគ្នាជាក្រុមមួយដើម្បីប្រកួតប្រជែងក្នុងព្រឹត្តិការកីឡាអូឡាំពិកនៅឆ្នាំក្រោយ។ ប្រធានាធិបតីថ្មីរូបនេះក៏បានរម្លឹករឿងកាលពីអតីតកាលមួយដែលកូរ៉េទាំងពីរធ្លាប់ពួតដៃគ្នាក្នុងការប្រកួតកីឡាវាយកូនបាល់លើតុពិភពលោក World Table Tennis Championships កាលពីឆ្នាំ១៩៩១ ជាឧទាហរណ៍ផងដែរ។
ទោះមានការស្នើយ៉ាងនេះក្តី សមាជិកគណៈកម្មាធិការអូឡាំពិកអន្តរជាតិរបស់កូរ៉េខាងជើង (IOC) លោក Chang Ung បានច្រានចោលគំនិតរបស់កូរ៉េខាងត្បូងដោយប្រាប់កាសែត Dong-a Ilbo ថាវាជាគោលបំណងមិនពិតនៅក្នុងបរិយាកាសនយោបាយបច្ចុប្បន្ន ខណៈដែលប្រទេសជាប់របងទាំងពីរកំពុងមានបញ្ហានឹងគ្នាយ៉ាងខ្លាំងនោះ។
យ៉ាងណាក៏ដោយ ការបដិសេធសំណើរខាងលើពីសំណាក់ភាគីកូរ៉េខាងជើងនេះ មិនធ្វើឲ្យលោក Moon រាថយនោះទេ ដោយសន្យាថានឹងចូលទៅឲ្យគៀកក្រុងព្យុងយ៉ាងដើម្បីប្រើវិធីសាស្ត្រកម្រិមធ្យមរបស់លោកទៀតផង។
ប្រធានាធិបតីកូរ៉េខាងត្បូង Moon Jae-in (ឆ្វេង) ចាំដៃលោក Chang Ung សមាជិក IOC កូរ៉េខាងជើង នាពិធីបើកការប្រកួតតេក្វាន់ដូពិភពលោកឆ្នាំ២០១៧
លើសពីនេះ ប្រធានាធិបតីកូរ៉េខាងត្បូងដែលទើបជាប់ឆ្នោតឡើងកាន់តំណែងកាលពីខែឧសភាកន្លងទៅ ជឿជាក់ថាអាចបញ្ចុះបញ្ចូលកូរ៉េខាងជើងឲ្យបោះបង់ចោលនូវកម្មវិធីនុយក្លេអ៊ែ និងការសាកល្បងគ្រាប់មីស៊ីលបាលីស្ទីកបានផងដែរ។
សូមបញ្ជាក់ថា នៅក្នុងព្រឹត្តិការណ៍កីឡាអូឡាំពិករដូវរងាឆ្នាំ២០១៨ខាងមុខ ដែលនឹងប្រារព្ធធ្វើឡើងនៅក្នុងទីក្រុង Pyeongchang ភាគីកូរ៉េខាងត្បូង ក៏បានអនុញ្ញាតឲ្យប្រទេសជាប់របងកូរ៉េខាងជើងចូលរួមផងដែរ។ លើសពីនេះទៅទៀតនោះ កូរ៉េខាងត្បូងក៏បានបង្ហាញកាយវិការសន្តិភាពមួយដោយអនុញ្ញាតឲ្យក្រុមអត្តពលិកកូរ៉េខាងជើងអាចឆ្លងតាមច្រកព្រំដែនដែលជាតំបន់ការពារដ៏តឹងរឹងមកកាន់ទឹកដីខ្លួនបាន បើទោះបីជាតំបន់នេះជាតំបន់ហាមឃាត់រវាងប្រទេសទាំងពីរក៏ដោយ៕
បើតាមការចុះផ្សាយរបស់ទីភ្នាក់ងារសារព័ត៌មាន Reuters នៅក្នុងពិធីបើកការប្រកួតតេក្វាន់ដូពិភពលោកឆ្នាំ២០១៧ នៅក្នុងក្រុង Muju ប្រទេសកូរ៉េខាងត្បូងកាលពីថ្ងៃសៅរ៍ ទី២៤ ខែមិថុនា ប្រធានាធិបតីកូរ៉េខាងត្បូង Moon Jae-in បាននិយាយថាលោកចង់ឱ្យកូរ៉េទាំងពីររួមគ្នាជាក្រុមមួយដើម្បីប្រកួតប្រជែងក្នុងព្រឹត្តិការកីឡាអូឡាំពិកនៅឆ្នាំក្រោយ។ ប្រធានាធិបតីថ្មីរូបនេះក៏បានរម្លឹករឿងកាលពីអតីតកាលមួយដែលកូរ៉េទាំងពីរធ្លាប់ពួតដៃគ្នាក្នុងការប្រកួតកីឡាវាយកូនបាល់លើតុពិភពលោក World Table Tennis Championships កាលពីឆ្នាំ១៩៩១ ជាឧទាហរណ៍ផងដែរ។
ទោះមានការស្នើយ៉ាងនេះក្តី សមាជិកគណៈកម្មាធិការអូឡាំពិកអន្តរជាតិរបស់កូរ៉េខាងជើង (IOC) លោក Chang Ung បានច្រានចោលគំនិតរបស់កូរ៉េខាងត្បូងដោយប្រាប់កាសែត Dong-a Ilbo ថាវាជាគោលបំណងមិនពិតនៅក្នុងបរិយាកាសនយោបាយបច្ចុប្បន្ន ខណៈដែលប្រទេសជាប់របងទាំងពីរកំពុងមានបញ្ហានឹងគ្នាយ៉ាងខ្លាំងនោះ។
យ៉ាងណាក៏ដោយ ការបដិសេធសំណើរខាងលើពីសំណាក់ភាគីកូរ៉េខាងជើងនេះ មិនធ្វើឲ្យលោក Moon រាថយនោះទេ ដោយសន្យាថានឹងចូលទៅឲ្យគៀកក្រុងព្យុងយ៉ាងដើម្បីប្រើវិធីសាស្ត្រកម្រិមធ្យមរបស់លោកទៀតផង។
ប្រធានាធិបតីកូរ៉េខាងត្បូង Moon Jae-in (ឆ្វេង) ចាំដៃលោក Chang Ung សមាជិក IOC កូរ៉េខាងជើង នាពិធីបើកការប្រកួតតេក្វាន់ដូពិភពលោកឆ្នាំ២០១៧
លើសពីនេះ ប្រធានាធិបតីកូរ៉េខាងត្បូងដែលទើបជាប់ឆ្នោតឡើងកាន់តំណែងកាលពីខែឧសភាកន្លងទៅ ជឿជាក់ថាអាចបញ្ចុះបញ្ចូលកូរ៉េខាងជើងឲ្យបោះបង់ចោលនូវកម្មវិធីនុយក្លេអ៊ែ និងការសាកល្បងគ្រាប់មីស៊ីលបាលីស្ទីកបានផងដែរ។
សូមបញ្ជាក់ថា នៅក្នុងព្រឹត្តិការណ៍កីឡាអូឡាំពិករដូវរងាឆ្នាំ២០១៨ខាងមុខ ដែលនឹងប្រារព្ធធ្វើឡើងនៅក្នុងទីក្រុង Pyeongchang ភាគីកូរ៉េខាងត្បូង ក៏បានអនុញ្ញាតឲ្យប្រទេសជាប់របងកូរ៉េខាងជើងចូលរួមផងដែរ។ លើសពីនេះទៅទៀតនោះ កូរ៉េខាងត្បូងក៏បានបង្ហាញកាយវិការសន្តិភាពមួយដោយអនុញ្ញាតឲ្យក្រុមអត្តពលិកកូរ៉េខាងជើងអាចឆ្លងតាមច្រកព្រំដែនដែលជាតំបន់ការពារដ៏តឹងរឹងមកកាន់ទឹកដីខ្លួនបាន បើទោះបីជាតំបន់នេះជាតំបន់ហាមឃាត់រវាងប្រទេសទាំងពីរក៏ដោយ៕
Tag:
ឧបទ្វីបកូរ៉េ
កីឡាអូឡាំពិក
© រក្សាសិទ្ធិដោយ thmeythmey.com
