អន្តរជាតិ
អគ្គរដ្ឋទូតអាមេរិកប្រចាំអង្គការសហប្រជាជាតិ Nikki Haley (រូបភាព Reuters)
×![]()
ដោយ: តន ចាន់រិទ្ធារ៉ា
អាមេរិកកំពុងចាប់ដៃចិនយ៉ាងណែនដើម្បីដាក់សម្ពាធលើកូរ៉េខាងជើងឲ្យបញ្ឈប់កម្មវិធីនុយក្លេអ៊ែរ និងការបាញ់មីស៊ីល ហើយចិនក៏បានឆ្លើយតបវិញដែរ ទោះជាមិនទាន់ទទួលបានលទ្ធផលជាដុំកំភួនក្ដី។ ខណៈអាមេរិកទាមទារឲ្យចិនធ្វើតាមការចង់បានរបស់ខ្លួននោះ អាមេរិកក៏កំពុងបារម្ភថារុស្ស៊ីដែលមានទំនាក់ទំនងល្អជាមួយកូរ៉េខាងជើង អាចលូកដៃជួយមិត្តរបស់ខ្លួន។ នេះក៏ព្រោះតែការងាកចេញរបស់ចិនអាចជាឱកាសសម្រាប់រុស្ស៊ីយកចិត្តកូរ៉េខាងជើងបាន។
ដោយសារតែវិបត្តិនុយក្លេអ៊ែរកូរ៉េខាងជើង ទំនាក់ទំនងរវាងអាមេរិក និងចិន ហាក់ស្អិតល្មួតជាងមុន។ ជាញឹកញយ ប្រធានាធិបតីអាមេរិក ដូណាល់ ត្រាំ បាននិយាយសរសើរចិនលើការប្រឹងប្រែងក្នុងការលុបបំបាត់នុយក្លេអ៊ែររបស់កូរ៉េខាងជើង បើទោះជាមិនទាន់បានផលដូចចិត្តក្ដី។ បើតាមអគ្គរដ្ឋទូតអាមេរិកប្រចាំអង្គការសហប្រជាជាតិ ការខិតជិតគ្នារវាងមហាអំណាចទាំងពីរលើបញ្ហាកូរ៉េខាងជើង អាចក្លាយជាឱកាសសម្រាប់មហាអំណាចមួយទៀតក្នុងការចាប់ដៃកូរ៉េខាងជើងជំនួសចិន។
អគ្គរដ្ឋទូតអាមេរិក លោកស្រី Nikki Haley បារម្ភថារុស្ស៊ីនឹងឆ្លៀតឱកាសអាមេរិកចាប់ដៃចិនដើម្បីចាប់យកកូរ៉េខាងជើង។ យ៉ាងណាក្ដី ក្នុងការផ្ដល់សក្ខីកម្មឲ្យសភានៅថ្ងៃទី២៧ ខែមិថុនា លោកស្រី Haley មិនបានបង្ហាញភស្តុតាងការពារអំណះអំណាងរបស់លោកស្រីទេ តែលោកស្រីបានស្នើឲ្យមានការប្រុងប្រយ័ត្នឲ្យបានខ្ពស់បំផុត។ លើសពីនោះ អាមេរិកក៏កំពុងតាមដានស្ថានការណ៍នេះយ៉ាងខ្ជាប់ខ្ជួនដែរ ព្រោះរុស្ស៊ីមិនសូវមានជំហរតឹងរ៉ឹងដាក់កូរ៉េខាងជើងឡើយ។
ជាមួយនឹងការដាក់ទណ្ឌកម្មសេដ្ឋកិច្ចលើកូរ៉េខាងជើង អាមេរិក៏បានទទូចឲ្យប្រទេសដទៃបន្ថយទំនាក់ទំនងការទូតជាមួយកូរ៉េខាងជើងផងដែរ។ ប៉ុន្តែរុស្ស៊ីមិនបានខ្វាយខ្វល់អ្វីឡើយ តែបានបង្កើនចំណងការទូតយ៉ាងជិតស្និទ្ធទៅទៀត តាមរយៈការបង្កើតសេវាកម្មស្រឡាងឆ្លងកាត់ព្រំដែនប្រទេសទាំងពីរទៀតផង។ ប្រធានាធិបតី វ្ល៉ាឌីមៀ ពូទីន ក៏តែងនិយាយដែរថា រុស្ស៊ីចង់បានការចរចាជាជាងការគំរាមក្នុងការដោះស្រាយវិបត្តិនៅឧបទ្វីបកូរ៉េ។
បើតាមទីភ្នាក់ងារព័ត៌មាន Reuters អគ្គរដ្ឋទូតអាមេរិកបានប្រាប់សមាជិកសភាថា ការដាក់សម្ពាធលើចិននៅតែបន្ត តែក៏ត្រូវបន្តតាមដានសកម្មភាពរបស់រុស្ស៊ីជាមួយកូរ៉េខាងជើងដែរ។ ក្នុងពេលដដែលនោះ លោកស្រីហាក់បង្ហាញជំហររបស់រដ្ឋបាលប្រធានាធិបតី ត្រាំ ចំពោះបញ្ហាកូរ៉េខាងជើង ពោលគឺអាមេរិកចង់ឲ្យកូរ៉េខាងជើងបញ្ចប់ក្ដីស្រមៃនុយក្លេអ៊ែរត្រឹមនេះ ហើយអាមេរិកក៏មិនមានបំណងផ្លាស់ប្ដូររបបដឹកនាំព្យុងយ៉ាងនោះដែរ។
រដ្ឋបាលប្រធានាធិបតី ត្រាំ បានសង្កត់រដ្ឋាភិបាលចិនយ៉ាងខ្លាំងក្នុងសំណុំរឿងនុយក្លេអ៊ែរកូរ៉េខាងជើង ព្រោះនេះជាការគំរាមកំហែងសន្តិសុខអាមេរិកផង និងស្ថិរភាពពិភពលោកផង។ ក្រៅពីវិធានការលើកូរ៉េខាងជើងតាមរយៈចិន និងក្រុមប្រឹក្សាសន្តិសុខ អាមេរិកក៏ស្នើប្រទេសផ្សេងជួយដាក់សម្ពាធលើកូរ៉េខាងជើង។ អាមេរិកក៏គំរាមឈប់ធ្វើពាណិជ្ជកម្ម ឬក៏អាចឈានដល់ការដាក់ទណ្ឌកម្មលើប្រទេស ឬក្រុមហ៊ុនដែរបន្តរកស៊ីជាមួយកូរ៉េខាងជើងទៀតផង៕
ដោយសារតែវិបត្តិនុយក្លេអ៊ែរកូរ៉េខាងជើង ទំនាក់ទំនងរវាងអាមេរិក និងចិន ហាក់ស្អិតល្មួតជាងមុន។ ជាញឹកញយ ប្រធានាធិបតីអាមេរិក ដូណាល់ ត្រាំ បាននិយាយសរសើរចិនលើការប្រឹងប្រែងក្នុងការលុបបំបាត់នុយក្លេអ៊ែររបស់កូរ៉េខាងជើង បើទោះជាមិនទាន់បានផលដូចចិត្តក្ដី។ បើតាមអគ្គរដ្ឋទូតអាមេរិកប្រចាំអង្គការសហប្រជាជាតិ ការខិតជិតគ្នារវាងមហាអំណាចទាំងពីរលើបញ្ហាកូរ៉េខាងជើង អាចក្លាយជាឱកាសសម្រាប់មហាអំណាចមួយទៀតក្នុងការចាប់ដៃកូរ៉េខាងជើងជំនួសចិន។
អគ្គរដ្ឋទូតអាមេរិក លោកស្រី Nikki Haley បារម្ភថារុស្ស៊ីនឹងឆ្លៀតឱកាសអាមេរិកចាប់ដៃចិនដើម្បីចាប់យកកូរ៉េខាងជើង។ យ៉ាងណាក្ដី ក្នុងការផ្ដល់សក្ខីកម្មឲ្យសភានៅថ្ងៃទី២៧ ខែមិថុនា លោកស្រី Haley មិនបានបង្ហាញភស្តុតាងការពារអំណះអំណាងរបស់លោកស្រីទេ តែលោកស្រីបានស្នើឲ្យមានការប្រុងប្រយ័ត្នឲ្យបានខ្ពស់បំផុត។ លើសពីនោះ អាមេរិកក៏កំពុងតាមដានស្ថានការណ៍នេះយ៉ាងខ្ជាប់ខ្ជួនដែរ ព្រោះរុស្ស៊ីមិនសូវមានជំហរតឹងរ៉ឹងដាក់កូរ៉េខាងជើងឡើយ។
ជាមួយនឹងការដាក់ទណ្ឌកម្មសេដ្ឋកិច្ចលើកូរ៉េខាងជើង អាមេរិក៏បានទទូចឲ្យប្រទេសដទៃបន្ថយទំនាក់ទំនងការទូតជាមួយកូរ៉េខាងជើងផងដែរ។ ប៉ុន្តែរុស្ស៊ីមិនបានខ្វាយខ្វល់អ្វីឡើយ តែបានបង្កើនចំណងការទូតយ៉ាងជិតស្និទ្ធទៅទៀត តាមរយៈការបង្កើតសេវាកម្មស្រឡាងឆ្លងកាត់ព្រំដែនប្រទេសទាំងពីរទៀតផង។ ប្រធានាធិបតី វ្ល៉ាឌីមៀ ពូទីន ក៏តែងនិយាយដែរថា រុស្ស៊ីចង់បានការចរចាជាជាងការគំរាមក្នុងការដោះស្រាយវិបត្តិនៅឧបទ្វីបកូរ៉េ។
បើតាមទីភ្នាក់ងារព័ត៌មាន Reuters អគ្គរដ្ឋទូតអាមេរិកបានប្រាប់សមាជិកសភាថា ការដាក់សម្ពាធលើចិននៅតែបន្ត តែក៏ត្រូវបន្តតាមដានសកម្មភាពរបស់រុស្ស៊ីជាមួយកូរ៉េខាងជើងដែរ។ ក្នុងពេលដដែលនោះ លោកស្រីហាក់បង្ហាញជំហររបស់រដ្ឋបាលប្រធានាធិបតី ត្រាំ ចំពោះបញ្ហាកូរ៉េខាងជើង ពោលគឺអាមេរិកចង់ឲ្យកូរ៉េខាងជើងបញ្ចប់ក្ដីស្រមៃនុយក្លេអ៊ែរត្រឹមនេះ ហើយអាមេរិកក៏មិនមានបំណងផ្លាស់ប្ដូររបបដឹកនាំព្យុងយ៉ាងនោះដែរ។
រដ្ឋបាលប្រធានាធិបតី ត្រាំ បានសង្កត់រដ្ឋាភិបាលចិនយ៉ាងខ្លាំងក្នុងសំណុំរឿងនុយក្លេអ៊ែរកូរ៉េខាងជើង ព្រោះនេះជាការគំរាមកំហែងសន្តិសុខអាមេរិកផង និងស្ថិរភាពពិភពលោកផង។ ក្រៅពីវិធានការលើកូរ៉េខាងជើងតាមរយៈចិន និងក្រុមប្រឹក្សាសន្តិសុខ អាមេរិកក៏ស្នើប្រទេសផ្សេងជួយដាក់សម្ពាធលើកូរ៉េខាងជើង។ អាមេរិកក៏គំរាមឈប់ធ្វើពាណិជ្ជកម្ម ឬក៏អាចឈានដល់ការដាក់ទណ្ឌកម្មលើប្រទេស ឬក្រុមហ៊ុនដែរបន្តរកស៊ីជាមួយកូរ៉េខាងជើងទៀតផង៕
Tag:
អាមេរិក
រុស្ស៊ី
ចិន
កូរ៉េខាងជើង
© រក្សាសិទ្ធិដោយ thmeythmey.com
