Facebook នឹង Liveផ្ទាល់ការប្រកួត Champions League រដូវកាលថ្មី

កីឡាអន្តរជាតិ

អន្តរជាតិ

Facebook នឹង Liveផ្ទាល់ការប្រកួត Champions League រដូវកាលថ្មី

28, Jun 2017 , 12:15 pm

រូបភាព

ដោយ: ទេព ពិទូរ្យ

Facebook នឹងសហការជាមួយទូរទស្សន៍ Fox Sports ដើម្បី Live តាមអនឡាញការប្រកួតបាល់ទាត់ UEFA Champions League នៅរដូវកាលថ្មីខាងមុខនេះ។

ក្រោមលក្ខខណ្ឌនៃកិច្ចព្រមព្រៀងនេះ Fox Sports មានផេកហ្វេសប៊ុកចំនួនពីរដើម្បី Live ការប្រកួតនៅក្របខណ្ឌ Champions League រួមមាន Fox Sports Facebook Page និង Fox Deportes Facebook Page។

បើតាម Bloomberg ចាប់ពីខែកញ្ញា ឆ្នាំ២០១៧ តទៅ បណ្តាញសង្គមដ៏មានប្រជាប្រិយភាពមួយនេះនឹងផ្សាយផ្ទាល់តាមផេកខាងលើ ចំនួន២ប្រកួតក្នុងវគ្គជម្រុះតាមពូល ៤ប្រកួតក្នុងវគ្គ១៦ក្រុមចុងក្រោយ និងវគ្គពាក់កណ្តាលផ្តាច់ព្រ័ត្រ៤ប្រកួត។

ក្រៅពីផ្សាយក្នុងក្របខណ្ឌ Champions League ហ្វេសប៊ុកក៏មានកិច្ចព្រមព្រៀងច្រើនទៀត ដូចជា Live ការប្រកួតបាល់ទាត់ MLS របស់អាមេរិក កីឡាបេសប៊ល និងកីឡាដ៏ទៃទៀតផងដែរ។

បើយោងតាម Fox Sports ក្នុងការប្រកួតវគ្គផ្តាច់ព្រ័ត្រ UEFA Champions League រវាង Juventus និង Real Madrid មានអ្នកទស្សនាចំនួន ៣៤ លាននាក់តាមរយៈការ Live ក្នុងហ្វេសប៊ុក។ ចំនួនអ្នកទស្សនាដ៏ច្រើនសន្ធឹកសន្ធាប់នេះហើយទើប Facebook សម្រេចចិត្តសហការជាមួយ ទូរទស្សន៍ Fox Sports ដើម្បី Live ផ្ទាល់ការប្រកួតពាន Champions League នៅរដូវកាលនេះ៕