ក្រុមបាល់ទាត់ជម្រើសជាតិព័រទុយហ្គាល់ នឹងជួបស៊ីលីក្នុងវគ្គ៤ក្រុមចុងក្រោយពាន Confederations Cup ក្នុងកីឡដ្ឋាន Kazan Arena ក្រុង Kazan ប្រទេសរុស្ស៊ី ម៉ោង ១:០០ រាត្រីថ្ងៃពុធឈានចូលថ្ងៃព្រហស្បតិ៍នេះ។ ជំនួបនេះខ្សែបម្រើ Marcelo Diaz របស់ស៊ីលីនិយាយថាក្រុមរបស់គេនឹងបិទ Cristiano Ronaldo ឲ្យជាប់មិនឲ្យមានបាល់លេងនោះទេ។
ខ្សែប្រយុទ្ធរបស់ Real Madrid វ័យ៣២ឆ្នាំ រកបាន២គ្រាប់ពីការប្រកួត៤ដង ក្នុងវគ្គសន្សុំពិន្ទុពូល A ដើម្បីជួយក្រុមព័រទុយហ្គាល់ឈានមកកាន់វគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Confederations Cup លើកទី១០នេះ។
តែយ៉ាងណាក៏ដោយ ខ្សែបម្រើក្រុម Celta de Vigo វ័យ៣០ឆ្នាំនេះនៅតែជឿជាក់ថានឹងអាចបញ្ឈប់ CR7 បានដោយមិនឲ្យមានបាល់លេងច្រើនសម្រាប់ការប្រកួតនេះ ព្រោះសមាជិកក្រុមរបស់គេសុទ្ធិសឹងជាកីឡាករពូកែៗកម្រិតពិភពលោកផងដែរ។
ចំណែកមួយគូទៀតរវាង អាល្លឺម៉ង និងម៉ិកស៊ីក នឹងត្រូវប្រកួតនៅថ្ងៃស្អែកដើម្បីឈានទៅដណ្តើមពាន Confederations Cup ដែលសរុស្ស៊ីធ្វើជាម្ចាស់ផ្ទះនេះ៕