អន្តរជាតិ
អាមេរិកនិងកូរ៉េខាងត្បូង ដើរលើផ្លូវតែមួយដើម្បីបញ្ចប់នុយក្លេអ៊ែរកូរ៉េខាងជើង
រដ្ឋមន្ត្រីការបរទេសអាមេរិក Rex Tillerson ចាប់ដៃស្វាគមន៍សមភាគីកូរ៉េខាងត្បូង Kang Kyung-wha (រូបភាពក្រសួងការបរទេសអាមេរិក)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសអាមេរិក រិច ធីល័រសិន បានជួបជាមួយសមភាគីកូរ៉េខាងត្បូង Kang Kyung-wha នៅថ្ងៃទី២៨ ខែមិថុនា មុនជំនួបកំពូលរវាងប្រធានាធិបតី ដូណាល់ ត្រាំ និងប្រធានាធិបតី មូន ចេអ៊ីន ។ បញ្ហានុយក្លេអ៊ែរកូរ៉េខាងជើងនៅតែជាប្រធានសំខាន់រវាងមេដឹកនាំសម្ព័ន្ធមិត្តទាំងពីរ។ បើតាមការលើកឡើងរបស់លោក ធីល័រសិន អាមេរិកនិងកូរ៉េខាងត្បូងស្ថិតលើផ្លូវតែមួយក្នុងការបញ្ចប់មហិច្ឆតាកូរ៉េខាងជើង។
អាមេរិក និងកូរ៉េខាងត្បូង បានឯកភាពគ្នាបង្កើនកិច្ចខិតខំប្រឹងប្រែងបញ្ចប់វិបត្តិនុយក្លេអ៊ែរកូរ៉េខាងជើង តាមរយៈការបង្កើនសម្ពាធឲ្យខ្លាំងដើម្បីបង្ខំឲ្យរដ្ឋកុម្មុយនីស្តមួយនេះបោះបង់មហិច្ឆតារបស់ខ្លួន។ នៅមុននេះ បើទោះជាមានគោលដៅដូចគ្នាមែន អាមេរិកហាក់មានការប្រញាប់ប្រញាល់ខ្លាំងក្នុងការបញ្ចប់វិបត្តិនេះឲ្យចប់ក្នុងរយៈពេលខ្លី តែខុសពីកូរ៉េខាងត្បូងដែលចង់ដោះស្រាយបញ្ហានុយក្លេអ៊ែរជាជំហានៗវិញ។
យ៉ាងណាក៏ដោយ ទាំងអាមេរិក និងទាំងកូរ៉េខាងត្បូង បានរួមដៃគ្នាដើម្បីដោះស្រាយបញ្ហានុយក្លេអ៊ែរនេះឲ្យបាន។ ក្នុងជំនួបជាមួយសមភាគីកូរ៉េខាងត្បូង Kang Kyung-wha នៅរដ្ឋធានីវ៉ាស៊ីនតោន រដ្ឋមន្ត្រីការបរទេសអាមេរិក រិច ធីល័រសិន និយាយថា សម្ព័ន្ធមិត្តទាំងពីរបានដើរលើផ្លូវតែមួយ ក្នុងគោលដៅលុបបំបាត់កម្មវិធីនុយក្លេអ៊ែររបស់កូរ៉េខាងជើង និងរក្សាសន្តិភាពនៅក្នុងតំបន់ ក៏ដូចជាពិភពលោកដែរ។
លោកស្រី Kang Kyung-wha បានទៅដល់អាមេរិកនៅថ្ងៃទី២៨ ខែមិថុនា ដោយបានអមដំណើរប្រធានាធិបតី មូន ចេអ៊ីន នាទស្សនកិច្ចនៅអាមេរិកតាមការអញ្ជើញរបស់ប្រធានាធិបតី ដូណាល់ ត្រាំ ។ លោក មូន និងលោក ត្រាំ នឹងជួបគ្នានៅថ្ងៃទី២៩ និងទី៣០ ខែមិថុនា ដោយមានបញ្ហាកូរ៉េខាងជើង ពាណិជ្ជកម្ម និងទំនាក់ទំនងទ្វេភាគីជាប្រធានសំខាន់។ លើបញ្ហាកូរ៉េខាងជើង លោក ត្រាំ ចង់ដាក់សម្ពាធឲ្យខ្លាំងក្លា តែលោក មូន ចង់ដោះស្រាយតាមការចរចា និងកិច្ចសហប្រតិបត្តិការវិញ។
បើតាមទីភ្នាក់ងារព័ត៌មាន Yonhap ប្រមុខការទូតទាំងពីរ បានយល់ព្រមដាក់ចេញយុទ្ធសាស្ត្ររួមគ្នាដើម្បីបញ្ឈប់មហិច្ឆតាកូរ៉េខាងជើង ដោយរក្សាគោលការណ៍រួមក្នុងការលុបបំបាត់នុយក្លេអ៊ែរពីឧបទ្វីបកូរ៉េ។ រដ្ឋមន្ត្រីការបរទេសអាមេរិកក៏រំពឹងថា សម្ព័ន្ធភាពរវាងអាមេរិក និងកូរ៉េខាងត្បូង នឹងដើរតួនាទីសំខាន់ក្នុងបញ្ហានេះ ខណៈកូរ៉េខាងត្បូងក៏ធ្លាប់បានអះអាងដែរថា ខ្លួនមិនចាំបាច់ធ្វើតាមអាមេរិកគ្រប់រឿងនោះឡើយ។
ជាមួយគ្នានេះ ទាំងលោក ធីល័រសិន ទាំងលោកស្រី Kang បានលើកឡើងដូចគ្នាថានឹងប្រឹងប្រែងដើម្បីឲ្យជំនួបរវាងលោក ត្រាំ និងលោក មូន សម្រេចបានលទ្ធផលគាប់ប្រសើរ។ នេះក៏ព្រោះតែវាជំនួបកំពូលទល់មុខលើកដំបូងរវាងមេដឹកនាំប្រទេសទាំងពីរចាប់តាំងពីការចូលកាន់តំណែងមកនោះ។ គេរំពឹងទៀតថា ក្រៅពីបញ្ហាកូរ៉េខាងជើង ការពង្រាយខែលការពារមីស៊ីល THAAD អាចត្រូវលើកឡើងដែរ ក្រោយកូរ៉េខាងត្បូងសម្រេចចិត្តផ្អាកផែនការនេះបណ្ដោះអាសន្នដើម្បីវាយតម្លៃផលប៉ះពាល់បរិស្ថានសិន៕
អាមេរិក និងកូរ៉េខាងត្បូង បានឯកភាពគ្នាបង្កើនកិច្ចខិតខំប្រឹងប្រែងបញ្ចប់វិបត្តិនុយក្លេអ៊ែរកូរ៉េខាងជើង តាមរយៈការបង្កើនសម្ពាធឲ្យខ្លាំងដើម្បីបង្ខំឲ្យរដ្ឋកុម្មុយនីស្តមួយនេះបោះបង់មហិច្ឆតារបស់ខ្លួន។ នៅមុននេះ បើទោះជាមានគោលដៅដូចគ្នាមែន អាមេរិកហាក់មានការប្រញាប់ប្រញាល់ខ្លាំងក្នុងការបញ្ចប់វិបត្តិនេះឲ្យចប់ក្នុងរយៈពេលខ្លី តែខុសពីកូរ៉េខាងត្បូងដែលចង់ដោះស្រាយបញ្ហានុយក្លេអ៊ែរជាជំហានៗវិញ។
យ៉ាងណាក៏ដោយ ទាំងអាមេរិក និងទាំងកូរ៉េខាងត្បូង បានរួមដៃគ្នាដើម្បីដោះស្រាយបញ្ហានុយក្លេអ៊ែរនេះឲ្យបាន។ ក្នុងជំនួបជាមួយសមភាគីកូរ៉េខាងត្បូង Kang Kyung-wha នៅរដ្ឋធានីវ៉ាស៊ីនតោន រដ្ឋមន្ត្រីការបរទេសអាមេរិក រិច ធីល័រសិន និយាយថា សម្ព័ន្ធមិត្តទាំងពីរបានដើរលើផ្លូវតែមួយ ក្នុងគោលដៅលុបបំបាត់កម្មវិធីនុយក្លេអ៊ែររបស់កូរ៉េខាងជើង និងរក្សាសន្តិភាពនៅក្នុងតំបន់ ក៏ដូចជាពិភពលោកដែរ។
លោកស្រី Kang Kyung-wha បានទៅដល់អាមេរិកនៅថ្ងៃទី២៨ ខែមិថុនា ដោយបានអមដំណើរប្រធានាធិបតី មូន ចេអ៊ីន នាទស្សនកិច្ចនៅអាមេរិកតាមការអញ្ជើញរបស់ប្រធានាធិបតី ដូណាល់ ត្រាំ ។ លោក មូន និងលោក ត្រាំ នឹងជួបគ្នានៅថ្ងៃទី២៩ និងទី៣០ ខែមិថុនា ដោយមានបញ្ហាកូរ៉េខាងជើង ពាណិជ្ជកម្ម និងទំនាក់ទំនងទ្វេភាគីជាប្រធានសំខាន់។ លើបញ្ហាកូរ៉េខាងជើង លោក ត្រាំ ចង់ដាក់សម្ពាធឲ្យខ្លាំងក្លា តែលោក មូន ចង់ដោះស្រាយតាមការចរចា និងកិច្ចសហប្រតិបត្តិការវិញ។
បើតាមទីភ្នាក់ងារព័ត៌មាន Yonhap ប្រមុខការទូតទាំងពីរ បានយល់ព្រមដាក់ចេញយុទ្ធសាស្ត្ររួមគ្នាដើម្បីបញ្ឈប់មហិច្ឆតាកូរ៉េខាងជើង ដោយរក្សាគោលការណ៍រួមក្នុងការលុបបំបាត់នុយក្លេអ៊ែរពីឧបទ្វីបកូរ៉េ។ រដ្ឋមន្ត្រីការបរទេសអាមេរិកក៏រំពឹងថា សម្ព័ន្ធភាពរវាងអាមេរិក និងកូរ៉េខាងត្បូង នឹងដើរតួនាទីសំខាន់ក្នុងបញ្ហានេះ ខណៈកូរ៉េខាងត្បូងក៏ធ្លាប់បានអះអាងដែរថា ខ្លួនមិនចាំបាច់ធ្វើតាមអាមេរិកគ្រប់រឿងនោះឡើយ។
ជាមួយគ្នានេះ ទាំងលោក ធីល័រសិន ទាំងលោកស្រី Kang បានលើកឡើងដូចគ្នាថានឹងប្រឹងប្រែងដើម្បីឲ្យជំនួបរវាងលោក ត្រាំ និងលោក មូន សម្រេចបានលទ្ធផលគាប់ប្រសើរ។ នេះក៏ព្រោះតែវាជំនួបកំពូលទល់មុខលើកដំបូងរវាងមេដឹកនាំប្រទេសទាំងពីរចាប់តាំងពីការចូលកាន់តំណែងមកនោះ។ គេរំពឹងទៀតថា ក្រៅពីបញ្ហាកូរ៉េខាងជើង ការពង្រាយខែលការពារមីស៊ីល THAAD អាចត្រូវលើកឡើងដែរ ក្រោយកូរ៉េខាងត្បូងសម្រេចចិត្តផ្អាកផែនការនេះបណ្ដោះអាសន្នដើម្បីវាយតម្លៃផលប៉ះពាល់បរិស្ថានសិន៕
Tag:
អាមេរិក
កូរ៉េខាងត្បូង
កូរ៉េខាងជើង
នុយក្លេអ៊ែរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 19 ម៉ោង
