អន្តរជាតិ
អង់គ្លេសថា «នាវារុស្ស៊ីឡើងចាស់» តែរុស្ស៊ីឌឺវិញថា «នាវាអង់គ្លេសធំតែមាឌ»
នាវាដឹកយន្តហោះរុស្ស៊ី Admiral Kuznetsov និងនាវាដឹកយន្តហោះអង់គ្លេស HMS Queen Elizabeth
×![]()
ដោយ: តន ចាន់រិទ្ធារ៉ា
អង់គ្លេស និងរុស្ស៊ី បានរិះគន់គ្នាទៅវិញទៅមករឿងសមត្ថភាពរបស់នាវាដឹកយន្តហោះរបស់ប្រទេសនីមួយៗ។ ការឆ្លើយឆ្លងនេះ ធ្វើឡើងក្រោយអង់គ្លេសបញ្ចេញនាវាដឹកយន្តហោះធំជាងគេក្នុងប្រវត្តិសាស្ត្ររបស់ខ្លួនកាលពីដើមសប្ដាហ៍នេះ។ ប្រមុខការពារជាតិអង់គ្លេសនិយាយថា រុស្ស៊ីច្រណែនអង់គ្លេសដែលមាននាវាដឹកយន្តហោះដ៏ធំអស្ចារ្យ ព្រោះរុស្ស៊ីមានតែនាវាដឹកយន្តហោះកញ្ចាស់ ប៉ុន្តែរុស្ស៊ីក៏ឆ្លើយវិញថា នាវាអង់គ្លេសធំមែន តែងាយស្រួលវាយប្រហារណាស់។
ក្រសួងការពារជាតិរុស្ស៊ី បានចេញមកឆ្លើយតបការលើកឡើងរបស់រដ្ឋមន្ត្រីការពារជាតិអង់គ្លេស Michael Fallon ដែលនិយាយបង្អាប់នាវាចម្បាំងរុស្ស៊ី បន្ទាប់ពីអង់គ្លេសទើបផលិតបាននាវាដឹកយន្តហោះថ្មី HMS Queen Elizabeth ដែលមានទម្ងន់ដល់ទៅ៦៥០០០តោនឯណោះ និងជានាវាធំជាងគេរបស់កងទ័ពជើងទឹកអង់គ្លេស។ លោក Fallon និយាយថា រុស្ស៊ីនឹងច្រណែនអង់គ្លេសមិនខានពេលឃើញនាវាអង់គ្លេស។
រដ្ឋមន្ត្រីការពារជាតិអង់គ្លេសរូបនេះបានប្រាប់សារព័ត៌មាន Telegraph នៅថ្ងៃទី២៧ ខែមិថុនា ថា ពេលដែលឃើញនាវាដឹកយន្តហោះរុស្ស៊ី Admiral Kuznetsov ដែលចាស់ទ្រុឌទ្រោម ធ្វើដំណើរឆ្លើងកាត់សមុទ្រ Channel កាលពីប៉ុន្មានខែមុន លោកគិតថារុស្ស៊ីប្រាកដមានចិត្តច្រណែននឹងនាវាថ្មីរបស់អង់គ្លេស។ យ៉ាងណាក្ដី ក្រសួងការពារជាតិបានហៅការលើកឡើងរបស់លោក Fallon ជារឿងអួតអាង ដោយមិនបានស្វែងយល់ពីវិទ្យាសាស្ត្រអ្វីឡើយ។
បើតាមសារព័ត៌មាន RT អ្នកនាំពាក្យក្រសួងការពារជាតិរុស្ស៊ី បានប្រៀបធៀបនាវាដឹកយន្តហោះថ្មីរបស់អង់គ្លេសទៅនឹងសម្បុកឃ្មុំ ដែលមិនអាចការពារខ្លួនបានទេ។ លោក Igor Konashenkov ជាអ្នកនាំពាក្យនិយាយដឺដងទៀតថា នាវា HMS Queen Elizabeth អាចបញ្ចេញយន្តហោះចម្បាំងបាន តែត្រូវការការពារពីនាវាផ្សេងទៀតដូចជានាវាប្រយុទ្ធ នាវាដឹកជញ្ជូន និងនាវាមុជទឹកជាដើម។ បើតាមអ្នកនាំពាក្យដដែលនេះ នាវាអង់គ្លេសគ្រាន់តែជាគោលដៅវាយប្រហារដ៏ស្រួលមួយប៉ុណ្ណោះ។
ទន្ទឹមនឹងការនិយាយឌឺដងអង់គ្លេសនោះ ក្រសួងការពារជាតិរុស្ស៊ីក៏បានអួតអាងពីសមត្ថភាពនាវាដឹកយន្តហោះ Admiral Kuznetsov ដែលជានាវាចាស់វស្សារបស់ខ្លួន។ មន្ត្រីក្រសួងការពារជាតិរុស្ស៊ីខាងលើអួតថា នាវាដឹកយន្តហោះរុស្ស៊ីមានកាំភ្លើងប្រឆាំងយន្តហោះ មីស៊ីលប្រឆាំងនាវាមុជទឹក ក៏ដូចជាមីស៊ីលប្រឆាំងកប៉ាល់ចម្បាំង Granit ដ៏មានឥទ្ធិពលទៀតផង។ ប៉ុន្តែនាវាទើបផលិតថ្មីរបស់អង់គ្លេសមិនមានសមត្ថភាពបែបនេះទេ។
សូមបញ្ជាក់ថា អង់គ្លេសបានចំនាយទឹកប្រាក់ដល់ទៅ៦ពាន់លានផោនដើម្បីសាងសង់នាវាដឹកយន្តហោះ HMS Queen Elizabeth ។ នាវាដឹកយន្តហោះដែលមានទំហំស្មើតារាបាល់ទាត់ចំនួន៣ បានធ្វើដំណើរទៅកាន់តំបន់សមុទ្រដើម្បីសាកល្បងសមត្ថភាព មុននឹងដាក់ឲ្យប្រើប្រាស់ផ្លូវការ។ ចំណែកនាវាដឹកយន្តហោះ Admiral Kuznetsov គឺជានាវាប្រើប្រេងដ៏ចំណាស់ បន្សល់ទុកតាំងពីយូរមកហើយ និងជានាវាដឹកយន្តហោះតែមួយគត់របស់រុស្ស៊ី៕
ក្រសួងការពារជាតិរុស្ស៊ី បានចេញមកឆ្លើយតបការលើកឡើងរបស់រដ្ឋមន្ត្រីការពារជាតិអង់គ្លេស Michael Fallon ដែលនិយាយបង្អាប់នាវាចម្បាំងរុស្ស៊ី បន្ទាប់ពីអង់គ្លេសទើបផលិតបាននាវាដឹកយន្តហោះថ្មី HMS Queen Elizabeth ដែលមានទម្ងន់ដល់ទៅ៦៥០០០តោនឯណោះ និងជានាវាធំជាងគេរបស់កងទ័ពជើងទឹកអង់គ្លេស។ លោក Fallon និយាយថា រុស្ស៊ីនឹងច្រណែនអង់គ្លេសមិនខានពេលឃើញនាវាអង់គ្លេស។
រដ្ឋមន្ត្រីការពារជាតិអង់គ្លេសរូបនេះបានប្រាប់សារព័ត៌មាន Telegraph នៅថ្ងៃទី២៧ ខែមិថុនា ថា ពេលដែលឃើញនាវាដឹកយន្តហោះរុស្ស៊ី Admiral Kuznetsov ដែលចាស់ទ្រុឌទ្រោម ធ្វើដំណើរឆ្លើងកាត់សមុទ្រ Channel កាលពីប៉ុន្មានខែមុន លោកគិតថារុស្ស៊ីប្រាកដមានចិត្តច្រណែននឹងនាវាថ្មីរបស់អង់គ្លេស។ យ៉ាងណាក្ដី ក្រសួងការពារជាតិបានហៅការលើកឡើងរបស់លោក Fallon ជារឿងអួតអាង ដោយមិនបានស្វែងយល់ពីវិទ្យាសាស្ត្រអ្វីឡើយ។
បើតាមសារព័ត៌មាន RT អ្នកនាំពាក្យក្រសួងការពារជាតិរុស្ស៊ី បានប្រៀបធៀបនាវាដឹកយន្តហោះថ្មីរបស់អង់គ្លេសទៅនឹងសម្បុកឃ្មុំ ដែលមិនអាចការពារខ្លួនបានទេ។ លោក Igor Konashenkov ជាអ្នកនាំពាក្យនិយាយដឺដងទៀតថា នាវា HMS Queen Elizabeth អាចបញ្ចេញយន្តហោះចម្បាំងបាន តែត្រូវការការពារពីនាវាផ្សេងទៀតដូចជានាវាប្រយុទ្ធ នាវាដឹកជញ្ជូន និងនាវាមុជទឹកជាដើម។ បើតាមអ្នកនាំពាក្យដដែលនេះ នាវាអង់គ្លេសគ្រាន់តែជាគោលដៅវាយប្រហារដ៏ស្រួលមួយប៉ុណ្ណោះ។
ទន្ទឹមនឹងការនិយាយឌឺដងអង់គ្លេសនោះ ក្រសួងការពារជាតិរុស្ស៊ីក៏បានអួតអាងពីសមត្ថភាពនាវាដឹកយន្តហោះ Admiral Kuznetsov ដែលជានាវាចាស់វស្សារបស់ខ្លួន។ មន្ត្រីក្រសួងការពារជាតិរុស្ស៊ីខាងលើអួតថា នាវាដឹកយន្តហោះរុស្ស៊ីមានកាំភ្លើងប្រឆាំងយន្តហោះ មីស៊ីលប្រឆាំងនាវាមុជទឹក ក៏ដូចជាមីស៊ីលប្រឆាំងកប៉ាល់ចម្បាំង Granit ដ៏មានឥទ្ធិពលទៀតផង។ ប៉ុន្តែនាវាទើបផលិតថ្មីរបស់អង់គ្លេសមិនមានសមត្ថភាពបែបនេះទេ។
សូមបញ្ជាក់ថា អង់គ្លេសបានចំនាយទឹកប្រាក់ដល់ទៅ៦ពាន់លានផោនដើម្បីសាងសង់នាវាដឹកយន្តហោះ HMS Queen Elizabeth ។ នាវាដឹកយន្តហោះដែលមានទំហំស្មើតារាបាល់ទាត់ចំនួន៣ បានធ្វើដំណើរទៅកាន់តំបន់សមុទ្រដើម្បីសាកល្បងសមត្ថភាព មុននឹងដាក់ឲ្យប្រើប្រាស់ផ្លូវការ។ ចំណែកនាវាដឹកយន្តហោះ Admiral Kuznetsov គឺជានាវាប្រើប្រេងដ៏ចំណាស់ បន្សល់ទុកតាំងពីយូរមកហើយ និងជានាវាដឹកយន្តហោះតែមួយគត់របស់រុស្ស៊ី៕
Tag:
អង់គ្លេស
រុស្ស៊ី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
