Cristiano Ronaldo បានបញ្ជាក់ថារូបគេបានក្លាយជាឪពុកកូនប្រុសភ្លោះពីនាក់ទៀតហើយជាមួយមិត្តស្រីចុងក្រោយរបស់គេ។
ប្រធានក្រុមបាល់ទាត់ជម្រើសជាតិព័រទុយហ្គាល់ Cristiano Ronaldo ត្រូវបានអនុញ្ញាតឱ្យវិលត្រឡប់មកផ្ទះវិញទោះនៅសល់មួយប្រកួតក្នុងកម្មវិធី FIFA Confederations Cup ក៏ដោយ ព្រោះមានភារកិច្ចត្រូវទៅមើលកូនដែលឲ្យគេពជំនួសដែលបានបង្កើតកូនប្រុស២នាក់ទៀតឲ្យគេ។
ក្រុមជម្រើសជាតិព័រទុយហ្គាល់បានចាញ់ក្រុមស៊ីលីដោយបាល់កាត់សេចក្តីប៉េណាល់ទីក្នុងលទ្ធផល ៣-០ មិនអាចឡើងទៅវគ្គផ្តាច់ព្រ័ត្របាន តែមានភារកិច្ចត្រូវដណ្តើមយកលេខ៣មួយប្រកួតទៀតក្នុងព្រឹត្តិការណ៍ Confederations Cup លើកទី១០នេះ។ ខ្សែប្រយុទ្ធឆ្នើមរបស់ Real Madrid វ័យ៣២ឆ្នាំនេះ មិនបាននៅជួយក្រុមទៀតឡើយ ដោយត្រូវទៅមើលកូនទាំងពីរ។
អតីតសមាជិកក្រុម Man Utd បានបង្ហោះសារក្នុងហ្វេសប៊ុកផ្ទាល់ខ្លួនថា៖«ខ្ញុំបានជួយក្រុមជម្រើសជាតិយ៉ាងពេញទំហឹង ទាំងកាយ និងដួងប្រលឹង បើទោះខ្ញុំដឹងថាកូនប្រុសទាំងពីររបស់ខ្ញុំបានចាប់កំណើតមកហើយ។ ជាអកុសលយើងមិនអាចសម្រេចគោលដៅដែលក្រុមចង់បានឡើយ ប៉ុន្តែខ្ញុំនៅតែរីករាយជាមួយព័រទុយហ្គាល់បន្តទៀត»។
Ronaldo បន្ថែមថា៖«ប្រធានសហព័ន្ធកីឡាបាល់ទាត់ព័រទុយហ្គាល់ និងជម្រើសជាតិបានអនុញ្ញាតឲ្យខ្ញុំ ដែលនេះជាអាកប្បកិរិយាមួយធ្វើឲ្យខ្ញុំរំជើបរំជួលចិត្ត ហើយខ្ញុំនឹងចងចាំទុក»។
CR7 មានកូនប្រុស៣នាក់ហើយក្រោយមិត្តស្រី Georgina បង្កើតកូនប្រុស២នាក់ទៀត ដោយកូនដំបូងមានអាយុ៧ឆ្នាំឈ្មោះ Cristiano Ronaldo Jr៕