អន្តរជាតិ
រដ្ឋបាលត្រាំ សម្រេចលក់អាវុធឲ្យតៃវ៉ាន់ តែសន្យាគោរព«គោលនយោបាយចិនតែមួយ»
យន្តហោះចម្បាំងតៃវ៉ាន់ (រូបភាព៖ South China Morning Post)
×![]()
ដោយ: ថ្មីៗ
រដ្ឋបាលលោក ដូណាល់ ត្រាំ សម្រេចលក់អាវុធទំហំច្រើនជាង ១,៣ពាន់លានដុល្លារឲ្យតៃវ៉ាន់នៅថ្ងៃព្រហស្បតិ៍ ដែលទង្វើនេះអាចធ្វើឲ្យចិនមហាយក្សចិនក្តៅស្លឹកត្រចៀកជាថ្មីទៀតផង។ ប៉ុន្តែអាមេរិកបានប្រកាសឡើងវិញថា ខ្លួននៅតែប្រកាន់ជំហរគោរពគោលនយោបាយចិនតែមួយជានិច្ច ហើយការលក់អាវុធឲ្យតៃវ៉ាន់នេះមិនប៉ះពាល់អ្វីឡើយ។
អាវុធដែលមានតម្លៃច្រើនជាង ១,៣ពាន់លានដុល្លារអាមេរិកនឹងត្រូវលក់ឲ្យរដ្ឋាភិបាលក្រុងតៃប៉ិក។ នេះជាការបញ្ជាក់របស់មន្ត្រីរដ្ឋាភិបាលអាមេរិកម្នាក់ ក្រោយពេលមានការអនុញ្ញាតឲ្យលក់អាវុធនេះជាផ្លូវការនៅថ្ងៃព្រហស្បតិ៍ទី ២៩ ខែមិថុនា ហើយការសម្រេចលក់អាវុធឲ្យតៃវ៉ាន់នេះក៏អាចនឹងធ្វើឲ្យចិនក្តៅក្រហាយជាថ្មីផងដែរ។
យោងតាមទីភ្នាក់ងារព័ត៌មាន AFP អាវុធដែលអាមេរិកសម្រេចលក់ឲ្យកោះតៃវ៉ាន់នេះគឺធ្វើឡើងតាមច្បាប់ស្តីទំនាក់ទំនងជាមួយតៃវ៉ាន់ឆ្នាំ ១៩៧៩ ដែលចែងថា អាមេរិករក្សាទំនាក់ទំនងជាមួយតៃវ៉ាន់និងរក្សាសិទ្ធិលក់អាវុធឲ្យកោះនេះក្នុងក្រមខណ្ឌមួយសមស្របសម្រាប់ការពារខ្លួន។
ដើម្បីការពារក្រែងមានការទិតៀនពីសំណាក់ក្រុងប៉េកាំង មន្ត្រីក្រុងវ៉ាស៊ីនតោនដែលមិនបានបង្ហាញអត្តសញ្ញាណនោះក៏បានលើកឡើងជាថ្មីថា អាវុធលក់ឲ្យតៃវ៉ាន់មិនប៉ះពាល់គោលជំហររបស់អាមេរិកក្នុងការគោរពគោលនយោបាយចិនតែមួយឡើយ។ វាត្រឹមតែជាការជួយផ្គត់ផ្គង់អាវុធតាមតម្រូវការជាក់ស្តែងរបស់តៃវ៉ាន់ ហើយក៏មិនមានប៉ះពាល់ឬធ្វើឲ្យចិនត្រូវបារម្ភនោះដែរ។
គួរឲ្យចាប់អារម្មណ៍ដែរ ការសម្រេចចិត្តលក់អាវុធឲ្យតៃវ៉ាន់នេះ កើតឡើងស្របពេលដែលរដ្ឋបាលលោក ដូណាល់ ត្រាំ ព្យាយាមពង្រឹងទំនាក់ទំនងជាមួយរដ្ឋាបាភិបាលចិនរបស់លោក ស៊ី ជិនភីង។ ការរឹតបន្តឹងកិច្ចសហប្រតិបត្តិការនេះធ្វើឡើងក្នុងគោលដៅបង្កើតភាពជាដៃគូពាណិជ្ជកម្មនិងស្វែងរកវិធានការរួមដើម្បីរឹតត្បិតការផលិតនិងសាកល្បងអាវុធនុយក្លេអ៊ែរនិងមីស៊ីលអន្តរទ្វីបជាដើមរបស់ក្រុងព្យុងយ៉ាង។
ត្រឡប់មកវិញ ការលក់អាវុធរបស់អាមេរិកទៅឲ្យកោះតៃវ៉ាន់ចុងក្រោយបំផុតនៅខែធ្នូឆ្នាំ ២០១៥ ក្នុងអាណត្តិរបស់លោក បារ៉ាក់ អូបាម៉ា។ កាលនោះចិនតវ៉ាជារឿយៗ និងទិតៀនអាមេរិកខ្លាំងៗផងដែរពាក់ព័ន្ធចេតនាជួយផ្គត់ផ្គង់អាវុធដល់កោះតៃវ៉ាន់តែជាតំបន់ចាត់ទុកជាក្រុមទាមទារផ្តាច់ខ្លួននេះដែរ។
ហើយចូលដល់អាណត្តិលោក ដូណាល់ ត្រាំ នោះចិនក៏ក្រពុលមុខច្រើនដងដែរឲ្យតែពាក់ព័ន្ធតៃវ៉ាន់។ បន្ទាប់ពីជាប់ឆ្នោតខែវិច្ឆិកាឆ្នាំ ២០១៦ លោក ដូណាល់ ត្រាំ បានសម្រេចទទួលការសាទរតាមទូរសព្ទពីសំណាក់ប្រមុខរដ្ឋតៃវ៉ាន់លោកស្រី Tsai Ing-wen។ ប៉ុន្តែក្រោយមកលោកប្រញាប់បញ្ជាក់ពីជំហរអាមេរិកក្នុងការគាំទ្រគោលនយោបាយចិនតែមួយក្នុងជួបជាមួយប្រធានាធិបតី ស៊ី ជិនភីង៕
អាវុធដែលមានតម្លៃច្រើនជាង ១,៣ពាន់លានដុល្លារអាមេរិកនឹងត្រូវលក់ឲ្យរដ្ឋាភិបាលក្រុងតៃប៉ិក។ នេះជាការបញ្ជាក់របស់មន្ត្រីរដ្ឋាភិបាលអាមេរិកម្នាក់ ក្រោយពេលមានការអនុញ្ញាតឲ្យលក់អាវុធនេះជាផ្លូវការនៅថ្ងៃព្រហស្បតិ៍ទី ២៩ ខែមិថុនា ហើយការសម្រេចលក់អាវុធឲ្យតៃវ៉ាន់នេះក៏អាចនឹងធ្វើឲ្យចិនក្តៅក្រហាយជាថ្មីផងដែរ។
យោងតាមទីភ្នាក់ងារព័ត៌មាន AFP អាវុធដែលអាមេរិកសម្រេចលក់ឲ្យកោះតៃវ៉ាន់នេះគឺធ្វើឡើងតាមច្បាប់ស្តីទំនាក់ទំនងជាមួយតៃវ៉ាន់ឆ្នាំ ១៩៧៩ ដែលចែងថា អាមេរិករក្សាទំនាក់ទំនងជាមួយតៃវ៉ាន់និងរក្សាសិទ្ធិលក់អាវុធឲ្យកោះនេះក្នុងក្រមខណ្ឌមួយសមស្របសម្រាប់ការពារខ្លួន។
ដើម្បីការពារក្រែងមានការទិតៀនពីសំណាក់ក្រុងប៉េកាំង មន្ត្រីក្រុងវ៉ាស៊ីនតោនដែលមិនបានបង្ហាញអត្តសញ្ញាណនោះក៏បានលើកឡើងជាថ្មីថា អាវុធលក់ឲ្យតៃវ៉ាន់មិនប៉ះពាល់គោលជំហររបស់អាមេរិកក្នុងការគោរពគោលនយោបាយចិនតែមួយឡើយ។ វាត្រឹមតែជាការជួយផ្គត់ផ្គង់អាវុធតាមតម្រូវការជាក់ស្តែងរបស់តៃវ៉ាន់ ហើយក៏មិនមានប៉ះពាល់ឬធ្វើឲ្យចិនត្រូវបារម្ភនោះដែរ។
គួរឲ្យចាប់អារម្មណ៍ដែរ ការសម្រេចចិត្តលក់អាវុធឲ្យតៃវ៉ាន់នេះ កើតឡើងស្របពេលដែលរដ្ឋបាលលោក ដូណាល់ ត្រាំ ព្យាយាមពង្រឹងទំនាក់ទំនងជាមួយរដ្ឋាបាភិបាលចិនរបស់លោក ស៊ី ជិនភីង។ ការរឹតបន្តឹងកិច្ចសហប្រតិបត្តិការនេះធ្វើឡើងក្នុងគោលដៅបង្កើតភាពជាដៃគូពាណិជ្ជកម្មនិងស្វែងរកវិធានការរួមដើម្បីរឹតត្បិតការផលិតនិងសាកល្បងអាវុធនុយក្លេអ៊ែរនិងមីស៊ីលអន្តរទ្វីបជាដើមរបស់ក្រុងព្យុងយ៉ាង។
ត្រឡប់មកវិញ ការលក់អាវុធរបស់អាមេរិកទៅឲ្យកោះតៃវ៉ាន់ចុងក្រោយបំផុតនៅខែធ្នូឆ្នាំ ២០១៥ ក្នុងអាណត្តិរបស់លោក បារ៉ាក់ អូបាម៉ា។ កាលនោះចិនតវ៉ាជារឿយៗ និងទិតៀនអាមេរិកខ្លាំងៗផងដែរពាក់ព័ន្ធចេតនាជួយផ្គត់ផ្គង់អាវុធដល់កោះតៃវ៉ាន់តែជាតំបន់ចាត់ទុកជាក្រុមទាមទារផ្តាច់ខ្លួននេះដែរ។
ហើយចូលដល់អាណត្តិលោក ដូណាល់ ត្រាំ នោះចិនក៏ក្រពុលមុខច្រើនដងដែរឲ្យតែពាក់ព័ន្ធតៃវ៉ាន់។ បន្ទាប់ពីជាប់ឆ្នោតខែវិច្ឆិកាឆ្នាំ ២០១៦ លោក ដូណាល់ ត្រាំ បានសម្រេចទទួលការសាទរតាមទូរសព្ទពីសំណាក់ប្រមុខរដ្ឋតៃវ៉ាន់លោកស្រី Tsai Ing-wen។ ប៉ុន្តែក្រោយមកលោកប្រញាប់បញ្ជាក់ពីជំហរអាមេរិកក្នុងការគាំទ្រគោលនយោបាយចិនតែមួយក្នុងជួបជាមួយប្រធានាធិបតី ស៊ី ជិនភីង៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 15 ម៉ោង
