ត្រដក់តូច១ក្បាល ត្រូវបានលែងឲ្យទៅរស់តាមធម្មជាតិវិញ ក្រោយការព្យាបាលយ៉ាងដិតដល់

ជាតិ

ត្រដក់តូច១ក្បាល ត្រូវបានលែងឲ្យទៅរស់តាមធម្មជាតិវិញ ក្រោយការព្យាបាលយ៉ាងដិតដល់

04, Jul 2017 , 3:27 pm

រូបភាព

រូបភាពពីហ្វេសប៊ុកអង្គការWCS

ដោយ:

សត្វត្រដក់តូចមួយក្បាល ត្រូវលែងនៅក្នុងដែនជម្រកសត្វព្រៃគូលែន ព្រហ្មទេព ដើម្បីឱ្យវារស់នៅក្នុងធម្មជាតិវិញ ក្រោយពីសះស្បើយពីជំងឺ។ កាលពីឆ្នាំ២០១៦កន្លងទៅ អ្នកភូមិត្មាតប៉ើយ បានប្រទះសត្វត្រដក់តូចនេះ នៅក្នុងព្រៃក្បែរភូមិ ក្នុងសភាពមានជំងឺ និងមិនអាចហើរបាន ។ វាត្រូវក្រុមព្យាបាល និងថែទាំ ជាងមួយឆ្នាំមកហើយ មុននឹងលែងវាឲ្យរស់នៅក្នុងធម្មជាតិវិញនៅពេលនេះ។

មជ្ឈមណ្ឌលអង្គការសម្រាប់ការអភិរក្សជីវជម្រុះ សហការជាមួយក្រសួងបរិស្ថាន និងអង្គការសមាគមអភិរក្សសត្វព្រៃ(WCS) បានលែងសត្វត្រដក់តូចមួយក្បាល ឲ្យទៅរស់នៅក្នុងធម្មជាតិវិញ នៅក្នុងដែនជម្រកសត្វព្រៃគូលែន ព្រហ្មទេព ខេត្តព្រះវិហារ។ នេះបើតាម អង្គការ WCS ដែលបានឲ្យដឹងទៀតថា សត្វត្រដក់តូចនេះ ត្រូវបានអ្នកភូមិត្មាតប៉ើយ ប្រទះឃើញកាលពីឆ្នាំ២០១៦ នៅក្នុងព្រៃក្បែរភូមិក្នុងសភាពឈឺ និងមិនអាចហើរបាន។ ក្រោយមកសត្វត្រដក់តូចនេះ ត្រូវបានយកទៅព្យាបាលជំងឺនិងថែទាំ នៅមជ្ឈមណ្ឌលអង្គការសម្រាប់ការអភិរក្សជីវជម្រុះ ជាងមួយឆ្នាំ មុនលែងវាឲ្យរស់នៅក្នុងធម្មជាតិវិញនៅពេលនេះ។

តាមអង្គការ WCSដដែល ត្រដក់តូចនៅលើសាកលលោក ត្រូវបានគេប៉ាន់ប្រមាណថា មានជាង១ម៉ឺនក្បាល ប៉ុន្តែចំនួន នេះកំពុងតែធ្លាក់ចុះយ៉ាងខ្លាំងនៅតំបន់អាស៊ី។ វាត្រូវបានដាក់ក្នុងបញ្ជីក្រហមរបស់អង្គការ IUCN ជាប្រភេទសត្វងាយរងគ្រោះជាងគេលើលោក៕