អន្តរជាតិ
អាមេរិកយល់ព្រមលក់ខែលការពារមីស៊ីល Patriot ឲ្យប៉ូឡូញតម្លៃ៧,៦ពាន់លានដុល្លារ
ប្រព័ន្ធការពារមីស៊ីលអាកាស Patriot របស់អាមេរិក (រូបភាព Xinhua)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការពារជាតិប៉ូឡូញ Antoni Macierewicz បានប្រកាសថា អាមេរិកបានយល់ព្រមលក់ប្រព័ន្ធការពារមីស៊ីល Patriot ហើយ តាមរយៈការចុះអនុស្សារណៈនៅយប់ថ្ងៃទី៥ ខែកក្កដា។ ការប្រកាសនេះធ្វើឡើង ស្របពេលដែលប្រធានាធិបតីអាមេរិក ដូណាល់ ត្រាំ ទៅដល់រដ្ឋធានីវ៉ាសូវី ដើម្បីជួបជាមួយប្រធានាធិបតីប៉ូឡូញ និងចូលរួមកិច្ចប្រជុំជាមួយបណ្ដាមេដឹកនាំរដ្ឋអឺរ៉ុបខាងកើត អឺរ៉ុបកណ្ដាល បាលកង់ និងបាល់ទិក។
បន្ទាប់ពីការចរចាអស់ពេលជាច្រើនខែមក អាមេរិកបានយល់ព្រមសំណើរបស់ប៉ូឡូញក្នុងការលក់ប្រព័ន្ធការពារមីស៊ីល Patriot ហើយ ដោយភាគីទាំងពីរថែមទាំងចុះកិច្ចអនុស្សារណៈទិញ-លក់ទៀតផង។ នេះបើតាមការប្រកាសរបស់រដ្ឋមន្ត្រីការពារជាតិប៉ូឡូញ Antoni Macierewicz នៅថ្ងៃទី៦ ខែកក្កដា ។ ប្រព័ន្ធការពារនេះ នឹងជួយពង្រឹងសមត្ថភាពការពារខ្លួនរបស់ប៉ូឡូញ ប្រឈមមុខនឹងការកើនឡើងការគំរាមកំហែងខាងក្រៅ ជាពិសេសរុស្ស៊ី។
បើតាមទីភ្នាក់ងារព័ត៌មាន Reuters ប្រមុខការពារជាតិប៉ូឡូញ Macierewicz និយាយថា លោកសប្បាយចិត្តពេលបានប្រកាសព័ត៌មាននេះចំថ្ងៃដែលប្រធានាធិបតីអាមេរិក ដូណាល់ ត្រាំ ទស្សនកិច្ចនៅប៉ូឡូញ។ លោក ត្រាំ ទៅដល់ប៉ូឡូញនៅថ្ងៃទី៥ ខែកក្កដា ក្នុងទស្សនកិច្ច១៦ម៉ោង ដើម្បីបង្ហាញជំហររបស់អាមេរិកក្នុងការបន្តគាំទ្រអឺរ៉ុបប្រឆាំងទង្វើបង្ករឿងរបស់រុស្ស៊ី។ បន្ទាប់ប៉ូឡូញ លោក ត្រាំ បន្តដំណើរទៅកាន់អាល្លឺម៉ង់ដើម្បីចូលរួមប្រជុំ G-20 ។
ទាក់ទងការទិញប្រព័ន្ធការពារ Patriot នេះ ប៉ូឡូញ និងអាមេរិកចាប់ផ្ដើមចរចាអស់ពេលច្រើនខែមកហើយ។ កាលពីខែមីនា រដ្ឋមន្ត្រីការពារជាតិប៉ូឡូញ Macierewicz ធ្លាប់បញ្ជាក់ថា លោកនឹងចុះហត្ថលេខាជាមួយក្រុមហ៊ុន Raytheon ដែលអ្នកផលិតប្រព័ន្ធការពារ Patriot នៅដំណាច់ឆ្នាំនេះ ដោយប៉ូឡូញនឹងទិញចំនួន៨គ្រឿង ស្មើទឹកប្រាក់៧,៦ពាន់លានដុល្លារ។ ប្រព័ន្ធកាពារ Patriot ទីមួយ នឹងទៅដល់ប៉ូឡូញក្នុងរយៈពេលពីរឆ្នាំក្រោយការចុះកិច្ចព្រមព្រៀង។
ប្រព័ន្ធការពារ Patriot នេះហើយ គឺជាប្រភពបញ្ហារវាងបក្សសម្ព័ន្ធយោធាណាតូ និងរុស្ស៊ី។ រុស្ស៊ីជំទាស់ដាច់ខាតការពង្រាយប្រព័ន្ធការពារដ៏មានឥទ្ធិពលនៅតំបន់អឺរ៉ុប ជាពិសេសនៅតាមប្រទេសជាប់របងជាមួយខ្លួន។ ច្បាស់ណាស់ថា ការយល់ព្រមទិញ-លក់នៅពេលនេះ នឹងរឹតតែធ្វើឲ្យមូស្គូខឹងសម្បារខ្លាំង ហើយអាចធ្វើឲ្យស្ថានការណ៍នៅអឺរ៉ុបខាងកើតឡើងកម្ដៅទៀតផង ព្រោះរុស្ស៊ីពិតជាមិននៅស្ងៀមឡើយដូចគ្នា។
ប៉ូឡូញ ក៏ដូចជាប្រទេសជាប់ព្រំដែនជាមួយរុស្ស៊ី បានប្រឹងប្រែងបង្កើនសមត្ថភាពការពារជាតិរបស់ខ្លួន ជាមួយនឹងការព្រួយបារម្ភពីការគំរាមកំហែងរបស់រុស្ស៊ី។ ប្រទេសនៅអឺរ៉ុបខាងកើត ដែលខ្លះជាសមាជិកសម្ព័ន្ធយោធាណាតូ និងខ្លះទៀតមិនមែននោះ ក៏បានស្វះស្វែងរកការការពារពីសំណាក់អង្គការយោធាដ៏ធំមួយនេះ តាមរយៈការស្ម័គ្រចិត្តទទួលយកការពង្រាយកងទ័ព និងប្រព័ន្ធការពារមីស៊ីលជាដើម ក្នុងគោលដៅទប់ទល់ឥទ្ធិពលរុស្ស៊ីដែលកំពុងកើនឡើង៕
បន្ទាប់ពីការចរចាអស់ពេលជាច្រើនខែមក អាមេរិកបានយល់ព្រមសំណើរបស់ប៉ូឡូញក្នុងការលក់ប្រព័ន្ធការពារមីស៊ីល Patriot ហើយ ដោយភាគីទាំងពីរថែមទាំងចុះកិច្ចអនុស្សារណៈទិញ-លក់ទៀតផង។ នេះបើតាមការប្រកាសរបស់រដ្ឋមន្ត្រីការពារជាតិប៉ូឡូញ Antoni Macierewicz នៅថ្ងៃទី៦ ខែកក្កដា ។ ប្រព័ន្ធការពារនេះ នឹងជួយពង្រឹងសមត្ថភាពការពារខ្លួនរបស់ប៉ូឡូញ ប្រឈមមុខនឹងការកើនឡើងការគំរាមកំហែងខាងក្រៅ ជាពិសេសរុស្ស៊ី។
បើតាមទីភ្នាក់ងារព័ត៌មាន Reuters ប្រមុខការពារជាតិប៉ូឡូញ Macierewicz និយាយថា លោកសប្បាយចិត្តពេលបានប្រកាសព័ត៌មាននេះចំថ្ងៃដែលប្រធានាធិបតីអាមេរិក ដូណាល់ ត្រាំ ទស្សនកិច្ចនៅប៉ូឡូញ។ លោក ត្រាំ ទៅដល់ប៉ូឡូញនៅថ្ងៃទី៥ ខែកក្កដា ក្នុងទស្សនកិច្ច១៦ម៉ោង ដើម្បីបង្ហាញជំហររបស់អាមេរិកក្នុងការបន្តគាំទ្រអឺរ៉ុបប្រឆាំងទង្វើបង្ករឿងរបស់រុស្ស៊ី។ បន្ទាប់ប៉ូឡូញ លោក ត្រាំ បន្តដំណើរទៅកាន់អាល្លឺម៉ង់ដើម្បីចូលរួមប្រជុំ G-20 ។
ទាក់ទងការទិញប្រព័ន្ធការពារ Patriot នេះ ប៉ូឡូញ និងអាមេរិកចាប់ផ្ដើមចរចាអស់ពេលច្រើនខែមកហើយ។ កាលពីខែមីនា រដ្ឋមន្ត្រីការពារជាតិប៉ូឡូញ Macierewicz ធ្លាប់បញ្ជាក់ថា លោកនឹងចុះហត្ថលេខាជាមួយក្រុមហ៊ុន Raytheon ដែលអ្នកផលិតប្រព័ន្ធការពារ Patriot នៅដំណាច់ឆ្នាំនេះ ដោយប៉ូឡូញនឹងទិញចំនួន៨គ្រឿង ស្មើទឹកប្រាក់៧,៦ពាន់លានដុល្លារ។ ប្រព័ន្ធកាពារ Patriot ទីមួយ នឹងទៅដល់ប៉ូឡូញក្នុងរយៈពេលពីរឆ្នាំក្រោយការចុះកិច្ចព្រមព្រៀង។
ប្រព័ន្ធការពារ Patriot នេះហើយ គឺជាប្រភពបញ្ហារវាងបក្សសម្ព័ន្ធយោធាណាតូ និងរុស្ស៊ី។ រុស្ស៊ីជំទាស់ដាច់ខាតការពង្រាយប្រព័ន្ធការពារដ៏មានឥទ្ធិពលនៅតំបន់អឺរ៉ុប ជាពិសេសនៅតាមប្រទេសជាប់របងជាមួយខ្លួន។ ច្បាស់ណាស់ថា ការយល់ព្រមទិញ-លក់នៅពេលនេះ នឹងរឹតតែធ្វើឲ្យមូស្គូខឹងសម្បារខ្លាំង ហើយអាចធ្វើឲ្យស្ថានការណ៍នៅអឺរ៉ុបខាងកើតឡើងកម្ដៅទៀតផង ព្រោះរុស្ស៊ីពិតជាមិននៅស្ងៀមឡើយដូចគ្នា។
ប៉ូឡូញ ក៏ដូចជាប្រទេសជាប់ព្រំដែនជាមួយរុស្ស៊ី បានប្រឹងប្រែងបង្កើនសមត្ថភាពការពារជាតិរបស់ខ្លួន ជាមួយនឹងការព្រួយបារម្ភពីការគំរាមកំហែងរបស់រុស្ស៊ី។ ប្រទេសនៅអឺរ៉ុបខាងកើត ដែលខ្លះជាសមាជិកសម្ព័ន្ធយោធាណាតូ និងខ្លះទៀតមិនមែននោះ ក៏បានស្វះស្វែងរកការការពារពីសំណាក់អង្គការយោធាដ៏ធំមួយនេះ តាមរយៈការស្ម័គ្រចិត្តទទួលយកការពង្រាយកងទ័ព និងប្រព័ន្ធការពារមីស៊ីលជាដើម ក្នុងគោលដៅទប់ទល់ឥទ្ធិពលរុស្ស៊ីដែលកំពុងកើនឡើង៕
Tag:
អាមេរិក
ប៉ូឡូញ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ម៉ោង
