អន្តរជាតិ
ត្រាំ ឆៀងចូលប៉ូឡូញជួបសម្ព័ន្ធមិត្តអឺរ៉ុបដែលរងការគំរាមពីរុស្ស៊ី មុនជួប ពូទីន នៅអាល្លឺម៉ង់
ប្រធានាធិបតី ដូណាល់ ត្រាំ និងភរិយា ទៅដល់ទីក្រុងវ៉ាសូវី (រូបភាព Reuters)
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ បានទៅដល់រដ្ឋធានីវ៉ាសូវីនៃប្រទេសប៉ូឡូញ នៅថ្ងៃទី៥ ខែកក្កដា ដើម្បីជួបជាមួយមេដឹកនាំអឺរ៉ុបខាងកើត អឺរ៉ុបកណ្ដាល បាល់កង់ និងបាល់ទិក។ សេតវិមានអាមេរិកនិយាយថា លោក ត្រាំ នឹងប្រើជំនួបនេះបញ្ជាក់ពីការប្ដេជ្ញាចិត្តរបស់អាមេរិកក្នុងការបន្តជួយសម្ព័ន្ធមិត្តណាតូនៅអឺរ៉ុបទល់នឹងការគំរាមកំហែងរបស់រុស្ស៊ី ជាពិសេសសមាជិកណាតូនៅអឺរ៉ុបខាងកើតតែម្ដង។ ចេញពីប៉ូឡូញ លោក ត្រាំ នឹងបន្តដំណើរទៅកាន់អាល្លឺម៉ង់ទៀត។
ក្នុងដំណើរទៅចូលរួមកិច្ចប្រជុំប្រទេសមានសេដ្ឋកិច្ចរីកចម្រើនទាំង២០ (G-20) នៅទីក្រុង Hamburg របស់អាល្លឺម៉ង់ ប្រធានាធិបតី ដូណាល់ ត្រាំ បានឆ្លៀតចូលជួបមេដឹកនាំណាតូមួយចំនួន នៅទីក្រុងវ៉ាសូវី។ មេដឹកនាំប្រទេសដែលប្រឈមមុខខ្លាំងនឹងការគំរាមកំហែងរបស់រុស្ស៊ីនៅអឺរ៉ុបខាងកើត កណ្ដាល បាល់កង់ និងបាល់ទិក បានជួបជុំគ្នាអស់ហើយនៅក្នុងកិច្ចប្រជុំដែលរៀបចំដោយប៉ូឡូញ និងក្រូអាស៊ី។ លោក ត្រាំ ទំនងជាយកឱកាសនេះបង្ហាញជំហរគួរឲ្យទុកចិត្តចំពោះសម្ព័ន្ធមិត្តរបស់ខ្លួន។
ប្រធានាធិបតី ត្រាំ ធ្លាប់ធ្វើឲ្យសម្ព័ន្ធមិត្តណាតូរបស់ខ្លួនខកចិត្តម្ដងរួចទៅហើយក្នុងកិច្ចប្រជុំកាលពីខែឧសភា ព្រោះលោកមិនបាននិយាយអ្វីទាល់តែសោះជុំវិញជំហររបស់អាមេរិកចំពោះគោលការណ៍ «ការពារទៅវិញទៅមក» ដែលជាគោលការណ៍គ្រឹះរបស់បក្សសម្ព័ន្ធយោធាណាតូ។ គេរំពឹងថា លោក ត្រាំ នឹងប្រើប្រាស់ជំនួបជាមួយសម្ព័ន្ធមិត្តលើកនេះ ដើម្បីបញ្ជាក់ឲ្យច្បាស់ពីជំហររបស់អាមេរិក ជាជាងមិនអើពើអ្វីសោះ និងទុកឲ្យសម្ព័ន្ធមិត្តរបស់ខ្លួនបន្តស្ថិតក្នុងភាពភ័យខ្លាចដោយសាររុស្ស៊ី។
យោងតាមទីភ្នាក់ងារព័ត៌មាន Reuters ទីប្រឹក្សាសន្តិសុខជាតិ H.R. McMaster និយាយថា លោក ត្រាំ នឹងដាក់ចេញទស្សនវិស័យសម្រាប់ទំនាក់ទំនងរវាងអាមេរិក និងអឺរ៉ុប ក៏ដូចជាជាមួយសម្ព័ន្ធយោធាណាតូផងដែរ។ អ្វីកាន់តែសំខាន់ ទស្សនកិច្ចនៅប៉ូឡូញលើកនេះ ក៏ជាសញ្ញាបង្ហាញពីជំហររបស់អាមេរិកក្នុងការការពារសម្ព័ន្ធមិត្តអឺរ៉ុបខាងកើត ដែលកំពុងព្រួយទាំងយប់ទាំងថ្ងៃ និងភ័យខ្លាចមានវាសនាដូចគ្រីមៀដែរនោះ។
បន្ទាប់ពីបញ្ចប់ជំនួបជាមួយមេដឹកនាំសម្ព័ន្ធមិត្តណាតូនៅប៉ូឡូញ លោក ត្រាំ នឹងទៅជួបប្រធានាធិបតីរុស្ស៊ី វ្ល៉ាឌីមៀ ពូទីន នៅទីក្រុង Hamburg ភាគខាងជើងអាល្លឺម៉ង់។ នេះជាជំនួបទល់មុខលើកទីមួយរវាងលោក ត្រាំ និងលោក ពូទីន ចាប់តាំងពីលោក ត្រាំ ចូលកាន់តំណែងក្នុងខែមករា។ លោក ត្រាំ ចង់ជួបលោក ពូទីន យូរមកហើយតែគ្មានឱកាស ហើយម្យ៉ាងទៀតលោក ពូទីន ក្លាយជាផ្ទាំងស៊ីបនៃសំណុំរឿងជ្រៀតជ្រែកកិច្ចការបោះឆ្នោតអាមេរិក។
នៅអាល្លឺម៉ង់ ប្រធានាធិបតីអាមេរិក នឹងជួបជាមួយបណ្ដាមេដឹកនាំប្រទេស១៩ផ្សេងទៀតក្នុងកិច្ចប្រជុំប្រចាំឆ្នាំ G-20 នៅថ្ងៃទី៧ និងទី៨ ខែកក្កដា។ លោក ត្រាំ ត្រូវប្រឈមមុខជំនួបសោះកក្រោះ ព្រោះលោកមានគោលនយោបាយផ្ទុយស្រឡះពីគេឯងលើរឿងពាណិជ្ជកម្ម បម្រែបម្រួលអាកាសធាតុ និងរុស្ស៊ីតែម្ដង។ អធិការបតីអាល្លឺម៉ង់ Angela Merkel ដែលជាម្ចាស់ផ្ទះកិច្ចប្រជុំបាននិយាយទុកហើយថា លោកស្រីនឹងប្រកាន់ជំហរដាច់ខាតពេលជួបលោក ត្រាំ ៕
ក្នុងដំណើរទៅចូលរួមកិច្ចប្រជុំប្រទេសមានសេដ្ឋកិច្ចរីកចម្រើនទាំង២០ (G-20) នៅទីក្រុង Hamburg របស់អាល្លឺម៉ង់ ប្រធានាធិបតី ដូណាល់ ត្រាំ បានឆ្លៀតចូលជួបមេដឹកនាំណាតូមួយចំនួន នៅទីក្រុងវ៉ាសូវី។ មេដឹកនាំប្រទេសដែលប្រឈមមុខខ្លាំងនឹងការគំរាមកំហែងរបស់រុស្ស៊ីនៅអឺរ៉ុបខាងកើត កណ្ដាល បាល់កង់ និងបាល់ទិក បានជួបជុំគ្នាអស់ហើយនៅក្នុងកិច្ចប្រជុំដែលរៀបចំដោយប៉ូឡូញ និងក្រូអាស៊ី។ លោក ត្រាំ ទំនងជាយកឱកាសនេះបង្ហាញជំហរគួរឲ្យទុកចិត្តចំពោះសម្ព័ន្ធមិត្តរបស់ខ្លួន។
ប្រធានាធិបតី ត្រាំ ធ្លាប់ធ្វើឲ្យសម្ព័ន្ធមិត្តណាតូរបស់ខ្លួនខកចិត្តម្ដងរួចទៅហើយក្នុងកិច្ចប្រជុំកាលពីខែឧសភា ព្រោះលោកមិនបាននិយាយអ្វីទាល់តែសោះជុំវិញជំហររបស់អាមេរិកចំពោះគោលការណ៍ «ការពារទៅវិញទៅមក» ដែលជាគោលការណ៍គ្រឹះរបស់បក្សសម្ព័ន្ធយោធាណាតូ។ គេរំពឹងថា លោក ត្រាំ នឹងប្រើប្រាស់ជំនួបជាមួយសម្ព័ន្ធមិត្តលើកនេះ ដើម្បីបញ្ជាក់ឲ្យច្បាស់ពីជំហររបស់អាមេរិក ជាជាងមិនអើពើអ្វីសោះ និងទុកឲ្យសម្ព័ន្ធមិត្តរបស់ខ្លួនបន្តស្ថិតក្នុងភាពភ័យខ្លាចដោយសាររុស្ស៊ី។
យោងតាមទីភ្នាក់ងារព័ត៌មាន Reuters ទីប្រឹក្សាសន្តិសុខជាតិ H.R. McMaster និយាយថា លោក ត្រាំ នឹងដាក់ចេញទស្សនវិស័យសម្រាប់ទំនាក់ទំនងរវាងអាមេរិក និងអឺរ៉ុប ក៏ដូចជាជាមួយសម្ព័ន្ធយោធាណាតូផងដែរ។ អ្វីកាន់តែសំខាន់ ទស្សនកិច្ចនៅប៉ូឡូញលើកនេះ ក៏ជាសញ្ញាបង្ហាញពីជំហររបស់អាមេរិកក្នុងការការពារសម្ព័ន្ធមិត្តអឺរ៉ុបខាងកើត ដែលកំពុងព្រួយទាំងយប់ទាំងថ្ងៃ និងភ័យខ្លាចមានវាសនាដូចគ្រីមៀដែរនោះ។
បន្ទាប់ពីបញ្ចប់ជំនួបជាមួយមេដឹកនាំសម្ព័ន្ធមិត្តណាតូនៅប៉ូឡូញ លោក ត្រាំ នឹងទៅជួបប្រធានាធិបតីរុស្ស៊ី វ្ល៉ាឌីមៀ ពូទីន នៅទីក្រុង Hamburg ភាគខាងជើងអាល្លឺម៉ង់។ នេះជាជំនួបទល់មុខលើកទីមួយរវាងលោក ត្រាំ និងលោក ពូទីន ចាប់តាំងពីលោក ត្រាំ ចូលកាន់តំណែងក្នុងខែមករា។ លោក ត្រាំ ចង់ជួបលោក ពូទីន យូរមកហើយតែគ្មានឱកាស ហើយម្យ៉ាងទៀតលោក ពូទីន ក្លាយជាផ្ទាំងស៊ីបនៃសំណុំរឿងជ្រៀតជ្រែកកិច្ចការបោះឆ្នោតអាមេរិក។
នៅអាល្លឺម៉ង់ ប្រធានាធិបតីអាមេរិក នឹងជួបជាមួយបណ្ដាមេដឹកនាំប្រទេស១៩ផ្សេងទៀតក្នុងកិច្ចប្រជុំប្រចាំឆ្នាំ G-20 នៅថ្ងៃទី៧ និងទី៨ ខែកក្កដា។ លោក ត្រាំ ត្រូវប្រឈមមុខជំនួបសោះកក្រោះ ព្រោះលោកមានគោលនយោបាយផ្ទុយស្រឡះពីគេឯងលើរឿងពាណិជ្ជកម្ម បម្រែបម្រួលអាកាសធាតុ និងរុស្ស៊ីតែម្ដង។ អធិការបតីអាល្លឺម៉ង់ Angela Merkel ដែលជាម្ចាស់ផ្ទះកិច្ចប្រជុំបាននិយាយទុកហើយថា លោកស្រីនឹងប្រកាន់ជំហរដាច់ខាតពេលជួបលោក ត្រាំ ៕
Tag:
អាមេរិក
ដូណាល់ ត្រាំ
ប៉ូឡូញ
អាល្លឺម៉ង់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 9 ម៉ោង
