អន្តរជាតិ
នាយករដ្ឋមន្ត្រីអ៊ីរ៉ាក់ Haider al-Abadi កាន់ទង់ជាតិ ពេលទៅដល់ទីក្រុង Mosul ដែលទើបរំដោះបានពីដៃក្រុមរដ្ឋឥស្លាម (រូបភាព Xinhua)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីអ៊ីរ៉ាក់ Haider al-Abadi បានទៅដល់ទីក្រុង Mosul នៅថ្ងៃទី៩ ខែកក្កដា និងបានប្រកាសពីជោគជ័យក្នុងការរំដោះទីក្រុងនេះពីកណ្ដាប់ក្រុមរដ្ឋឥស្លាម។ ប្រតិបត្តិការរយៈពេល៩ខែមកនេះ បានបន្សល់ទុកសាកសពរាប់ពាន់ អាគារទីក្រុងជាច្រើនត្រូវបានបំផ្លាញ និងជនភៀសខ្លួនរាប់សែននាក់រត់ចោលផ្ទះសម្បែង។ ការបាត់បង់ទីក្រុង Mosul គឺជាបរាជ័យដ៏ធំរបស់ក្រុមរដ្ឋឥស្លាម ដែលបាត់បង់ទឹកដីជាច្រើនទាំងនៅអ៊ីរ៉ាក់ និងនៅស៊ីរី។
ទីបំផុត ទីក្រុង Mosul ដែលជារដ្ឋធានីរបស់ក្រុមរដ្ឋឥស្លាមនៅអ៊ីរ៉ាក់ ត្រូវបានរំដោះហើយក្នុងប្រតិបត្តិការរយៈពេល៩ខែ ដែលចាប់ផ្ដើមតាំងពីខែតុលា ឆ្នាំ២០១៦ ។ បើតាមការិយាល័យនាយករដ្ឋមន្ត្រីអ៊ីរ៉ាក់ លោក Haider al-Abadi បានទៅអបអរសាទរជោគជ័យដ៏ត្រចះត្រចង់នេះនៅទីក្រុង Mosul ដោយផ្ទាល់។ ជ័យជម្នះនេះត្រូវបានប្រកាស បន្ទាប់កងទ័ពអ៊ីរ៉ាក់បានរុលទៅដល់ទន្ល Tigris និងលើកទង់ជាតិនៅទីនោះ។
ប្រតិបត្តិការរំដោះទីក្រុងធំទីពីររបស់អ៊ីរ៉ាក់ ធ្វើឡើងក្រោមជំនួយពីក្រុមសម្ព័ន្ធមិត្តចម្រុះដឹកនាំដោយអាមេរិក ដែលកំពុងធ្វើយុទ្ធនាការបោសសម្អាតក្រុមរដ្ឋឥស្លាមនៅអ៊ីរ៉ាក់ និងស៊ីរី។ ក្រុមសម្ព័ន្ធមិត្ត បានបើកការវាយប្រហារដែនអាកាសជាច្រើនលើកដើម្បីជួយកងទ័ពអ៊ីរ៉ាក់ បន្ថែមពីលើក្រុមអ្នកជំនាញការយោធាដែលត្រូវបានពង្រាយនៅផ្ទាល់ជាមួយកងទ័ពអ៊ីរ៉ាក់តែម្ដង។ ឯខាងទាហានអ៊ីរ៉ាក់វិញមានការចូលរួមពីក្រុមឃើដ, សកម្មជនស៊ូនី និងអ្នកប្រយុទ្ធស៊ីអ៊ីត។
សកម្មជនរដ្ឋឥស្លាម បានដណ្ដើមគ្រប់គ្រងទីក្រុង Mosul កាលពីឆ្នាំ២០១៤ បន្ទាប់មកក៏បានប្រកាសបង្កើតរដ្ឋនៅស៊ីរី និងអ៊ីរ៉ាក់តែម្ដង។ ក្រោយការគ្រប់គ្រងអស់ពេលជិតបីឆ្នាំ ក្រុមជ្រុលនិយមមួយនេះប្រឈមមុខនឹងបរាជ័យ មិនអាចចៀសផុតបាននៅ Mosul ប៉ុន្តែពួកគេមិនទាន់បានបោះបង់ទីក្រុងទេ។ សារព័ត៌មាន BBC ផ្សាយថា សំឡេងនៅកាំភ្លើងនៅតែមានឮនៅឡើយ ដ្បិតសកម្មជនក្រុមនេះបានបន្តផ្នែកវាយបកពីកន្លែងលាក់ខ្លួននៅទីក្រុងបុរាណនៅឡើយ។
ទោះជាជ័យជម្នះបានមកដល់មែន តែនេះគ្រាន់តែជាលទ្ធផលមួយផ្នែកប៉ុណ្ណោះសម្រាប់ទាហានអ៊ីរ៉ាក់ ព្រោះក្រុមភេរវករនៅតែអាចបន្តសកម្មភាពរបស់ខ្លួនបានដដែល។ សកម្មជនរដ្ឋឥស្លាម នៅបន្តគ្រប់គ្រងទីតាំងជាច្រើននៅលើទឹកដីអ៊ីរ៉ាក់ដូចជានៅ Tal Afar និងនៅតំបន់មួយចំនួនទៀតខេត្ត Anbar នៅភាគខាងលិចជាដើម។ ពួកគេនៅតែបន្តវាយឆ្មក់លើកម្លាំងរដ្ឋាភិបាល ឬក៏បំផ្ទុះគ្រាប់បែកដូចដែលធ្លាប់ធ្វើពីមុន។
អ្វីដែលជាការព្រួយបារម្ភនោះ គឺប្រជាជនអ៊ីរ៉ាក់ដែលកំពុងជាប់ខ្លួនក្នុងទីក្រុង និងកំពុងត្រូវការជំនួយជាចាំបាច់នៅតំបន់ភាគខាងលិចទីក្រុង Mosul ។ កាន់តែសោកស្ដាយនោះ គឺការបំផ្លាញអាគារប្រវត្តិសាស្ត្រនៅសង្កាត់បុរាណ និងការបំផ្ទុះវិហារឥស្លាមដ៏ធំក្នុងទីក្រុងជាទីចាប់កំណើតរបស់ក្រុមរដ្ឋឥស្លាម។ ប្រជាជនជិតមួយលាននាក់បានចាកចេញពីទីក្រុងនេះ ដើម្បីគេចខ្លួនពីការវាយប្រយុទ្ធ ហើយនឹងរំពឹងថាត្រឡប់មកវិញពីប្រតិបត្តិការរំដោះទីក្រុងនេះចប់ស្រេចបាច់៕
ទីបំផុត ទីក្រុង Mosul ដែលជារដ្ឋធានីរបស់ក្រុមរដ្ឋឥស្លាមនៅអ៊ីរ៉ាក់ ត្រូវបានរំដោះហើយក្នុងប្រតិបត្តិការរយៈពេល៩ខែ ដែលចាប់ផ្ដើមតាំងពីខែតុលា ឆ្នាំ២០១៦ ។ បើតាមការិយាល័យនាយករដ្ឋមន្ត្រីអ៊ីរ៉ាក់ លោក Haider al-Abadi បានទៅអបអរសាទរជោគជ័យដ៏ត្រចះត្រចង់នេះនៅទីក្រុង Mosul ដោយផ្ទាល់។ ជ័យជម្នះនេះត្រូវបានប្រកាស បន្ទាប់កងទ័ពអ៊ីរ៉ាក់បានរុលទៅដល់ទន្ល Tigris និងលើកទង់ជាតិនៅទីនោះ។
ប្រតិបត្តិការរំដោះទីក្រុងធំទីពីររបស់អ៊ីរ៉ាក់ ធ្វើឡើងក្រោមជំនួយពីក្រុមសម្ព័ន្ធមិត្តចម្រុះដឹកនាំដោយអាមេរិក ដែលកំពុងធ្វើយុទ្ធនាការបោសសម្អាតក្រុមរដ្ឋឥស្លាមនៅអ៊ីរ៉ាក់ និងស៊ីរី។ ក្រុមសម្ព័ន្ធមិត្ត បានបើកការវាយប្រហារដែនអាកាសជាច្រើនលើកដើម្បីជួយកងទ័ពអ៊ីរ៉ាក់ បន្ថែមពីលើក្រុមអ្នកជំនាញការយោធាដែលត្រូវបានពង្រាយនៅផ្ទាល់ជាមួយកងទ័ពអ៊ីរ៉ាក់តែម្ដង។ ឯខាងទាហានអ៊ីរ៉ាក់វិញមានការចូលរួមពីក្រុមឃើដ, សកម្មជនស៊ូនី និងអ្នកប្រយុទ្ធស៊ីអ៊ីត។
សកម្មជនរដ្ឋឥស្លាម បានដណ្ដើមគ្រប់គ្រងទីក្រុង Mosul កាលពីឆ្នាំ២០១៤ បន្ទាប់មកក៏បានប្រកាសបង្កើតរដ្ឋនៅស៊ីរី និងអ៊ីរ៉ាក់តែម្ដង។ ក្រោយការគ្រប់គ្រងអស់ពេលជិតបីឆ្នាំ ក្រុមជ្រុលនិយមមួយនេះប្រឈមមុខនឹងបរាជ័យ មិនអាចចៀសផុតបាននៅ Mosul ប៉ុន្តែពួកគេមិនទាន់បានបោះបង់ទីក្រុងទេ។ សារព័ត៌មាន BBC ផ្សាយថា សំឡេងនៅកាំភ្លើងនៅតែមានឮនៅឡើយ ដ្បិតសកម្មជនក្រុមនេះបានបន្តផ្នែកវាយបកពីកន្លែងលាក់ខ្លួននៅទីក្រុងបុរាណនៅឡើយ។
ទោះជាជ័យជម្នះបានមកដល់មែន តែនេះគ្រាន់តែជាលទ្ធផលមួយផ្នែកប៉ុណ្ណោះសម្រាប់ទាហានអ៊ីរ៉ាក់ ព្រោះក្រុមភេរវករនៅតែអាចបន្តសកម្មភាពរបស់ខ្លួនបានដដែល។ សកម្មជនរដ្ឋឥស្លាម នៅបន្តគ្រប់គ្រងទីតាំងជាច្រើននៅលើទឹកដីអ៊ីរ៉ាក់ដូចជានៅ Tal Afar និងនៅតំបន់មួយចំនួនទៀតខេត្ត Anbar នៅភាគខាងលិចជាដើម។ ពួកគេនៅតែបន្តវាយឆ្មក់លើកម្លាំងរដ្ឋាភិបាល ឬក៏បំផ្ទុះគ្រាប់បែកដូចដែលធ្លាប់ធ្វើពីមុន។
អ្វីដែលជាការព្រួយបារម្ភនោះ គឺប្រជាជនអ៊ីរ៉ាក់ដែលកំពុងជាប់ខ្លួនក្នុងទីក្រុង និងកំពុងត្រូវការជំនួយជាចាំបាច់នៅតំបន់ភាគខាងលិចទីក្រុង Mosul ។ កាន់តែសោកស្ដាយនោះ គឺការបំផ្លាញអាគារប្រវត្តិសាស្ត្រនៅសង្កាត់បុរាណ និងការបំផ្ទុះវិហារឥស្លាមដ៏ធំក្នុងទីក្រុងជាទីចាប់កំណើតរបស់ក្រុមរដ្ឋឥស្លាម។ ប្រជាជនជិតមួយលាននាក់បានចាកចេញពីទីក្រុងនេះ ដើម្បីគេចខ្លួនពីការវាយប្រយុទ្ធ ហើយនឹងរំពឹងថាត្រឡប់មកវិញពីប្រតិបត្តិការរំដោះទីក្រុងនេះចប់ស្រេចបាច់៕
Tag:
អ៊ីរ៉ាក់
ក្រុមរដ្ឋឥស្លាម
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
