អន្តរជាតិ
ត្រាំ ច្រឡំនាយករដ្ឋមន្ត្រីសិង្ហបុរីជាប្រធានាធិបតីឥណ្ឌូណេស៊ី ឯសេតវិមានច្រឡំចិនជាតៃវ៉ាន់
ប្រធានាធិបតី ដូណាល់ ត្រាំ ចាប់ដៃប្រធានាធិបតីចិន ស៊ី ជីនភីង (រូបភាព Xinhua)
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ និងសេតវិមានរបស់លោក បានបង្កការភ្ញាក់ផ្អើលមួយជុំវិញការហៅឈ្មោះ និងងារនៃមេដឹកនាំជាដៃគូរបស់អាមេរិក។ លោក ត្រាំ បានឆ្លៀតពេលចូលរួមកិច្ចប្រជុំ G-20 អាល្លឺម៉ង់ ជួបពិភាក្សាទ្វេភាគីជាមួយមេដឹកនាំជាច្រើន ព្រមទាំងបានបង្ហោះរូបភាពតាមបណ្ដាញសង្គមទៀតផង។ ប៉ុន្តែលោក ត្រាំ បែរជាច្រឡំឈ្មោះមេដឹកនាំដែលអង្គុយពិភាក្សាទល់មុខរូបនេះជាមួយនឹងមេដឹកនាំផ្សេងទៅវិញ។
ប្រធានាធិបតី ដូណាល់ ត្រាំ បានជួបជាមួយប្រធានាធិបតីចិន ស៊ី ជីនភីង ក្រៅកិច្ចប្រជុំ G-20 នៅឯទីក្រុង Hamburg កាលពីថ្ងៃទី៨ ខែកក្ដដា។ សេតវិមានបានចេញសេចក្ដីប្រកាសព័ត៌មានផ្លូវការមួយជុំវិញកិច្ចប្រជុំនេះ ប៉ុន្តែមិនបានហៅលោក ស៊ី ជីនភីង ជាប្រធានាធិបតីចិនទេ តែហៅជាប្រធានាធិបតីតៃវ៉ាន់ទៅវិញ។
បើតាមសារព័ត៌មាន BBC សេចក្ដីប្រកាសព័ត៌មានរបស់សេតវិមានបញ្ជាក់ថា លោក ស៊ី ជីនភីង ជាប្រធានាធិបតីសាធារណរដ្ឋចិន។ សាធារណរដ្ឋចិន ជាឈ្មោះផ្លូវការរបស់តៃវ៉ាន់ ខណៈឈ្មោះផ្លូវការរបស់ចិន គឺសាធារណរដ្ឋប្រជាមានិតចិន។ យ៉ាងណាក្ដី ការច្រឡំនេះត្រូវបានកែឡើងវិញ ដោយសេតវិមានបានហៅលោក ស៊ី ជីនភីង ត្រឹមជាប្រធានាធិបតីចិន។
ទន្ទឹមនឹងការច្រឡំចិនជាតៃវ៉ាន់របស់សេចក្ដីប្រកាសសេតវិមាន លោកប្រធានាធិបតី ត្រាំ ឯណោះក៏បានបង្កើតរឿងយល់ច្រឡំមួយទៀត។ តាមរយៈបណ្ដាញសង្គម Instagram របស់ខ្លួន លោក ត្រាំ បានបង្ហោះរូបភាពនៃកិច្ចពិភាក្សាជាមួយលោក លី សៀនឡុង នាយករដ្ឋមន្ត្រីសិង្ហបុរី។ ប៉ុន្តែរូបភាពនោះបែរជាសរសេរថា «ប្រធានាធិបតី ត្រាំ និងប្រធានាធិបតីឥណ្ឌូណេស៊ី ចូកូ វីដូដូ កំពុងជជែកគ្នា មុនជំនួបចរចាទ្វេភាគី...»។
យ៉ាងណាមិញ ការច្រឡំនេះត្រូវបានកែប្រែ ដោយ Instagram របស់លោក ត្រាំ បានសរសេរឡើងវិញថា ប្រធានាធិបតី ត្រាំ ជួបជាមួយនាយករដ្ឋមន្ត្រីសិង្ហបុរីវិញ។
ការភាន់ច្រឡំមួយទៀតដែលកើតឡើងអំឡុងពេលកិច្ចប្រជុំ G-20 ដែរនោះ គឺការហៅងាររបស់នាយករដ្ឋមន្ត្រីជប៉ុន ស៊ីនហ្សូ អាបេ ។ សេតវិមានដែលហៅលោក ស៊ី ជីនភីង ជាប្រធានាធិបតីតៃវ៉ាន់ បែរជាហៅលោកអាបេ ជាប្រធានាធិបតីជប៉ុនទៅវិញ។ ការហៅនេះ គឺខុសពីធាតុដើមរបស់ជប៉ុន ដែលមានព្រះចៅអធិរាជជាប្រមុខរដ្ឋ និងមាននាយករដ្ឋមន្ត្រីជាប្រមុខរដ្ឋាភិបាល៕
ប្រធានាធិបតី ដូណាល់ ត្រាំ បានជួបជាមួយប្រធានាធិបតីចិន ស៊ី ជីនភីង ក្រៅកិច្ចប្រជុំ G-20 នៅឯទីក្រុង Hamburg កាលពីថ្ងៃទី៨ ខែកក្ដដា។ សេតវិមានបានចេញសេចក្ដីប្រកាសព័ត៌មានផ្លូវការមួយជុំវិញកិច្ចប្រជុំនេះ ប៉ុន្តែមិនបានហៅលោក ស៊ី ជីនភីង ជាប្រធានាធិបតីចិនទេ តែហៅជាប្រធានាធិបតីតៃវ៉ាន់ទៅវិញ។
បើតាមសារព័ត៌មាន BBC សេចក្ដីប្រកាសព័ត៌មានរបស់សេតវិមានបញ្ជាក់ថា លោក ស៊ី ជីនភីង ជាប្រធានាធិបតីសាធារណរដ្ឋចិន។ សាធារណរដ្ឋចិន ជាឈ្មោះផ្លូវការរបស់តៃវ៉ាន់ ខណៈឈ្មោះផ្លូវការរបស់ចិន គឺសាធារណរដ្ឋប្រជាមានិតចិន។ យ៉ាងណាក្ដី ការច្រឡំនេះត្រូវបានកែឡើងវិញ ដោយសេតវិមានបានហៅលោក ស៊ី ជីនភីង ត្រឹមជាប្រធានាធិបតីចិន។
ទន្ទឹមនឹងការច្រឡំចិនជាតៃវ៉ាន់របស់សេចក្ដីប្រកាសសេតវិមាន លោកប្រធានាធិបតី ត្រាំ ឯណោះក៏បានបង្កើតរឿងយល់ច្រឡំមួយទៀត។ តាមរយៈបណ្ដាញសង្គម Instagram របស់ខ្លួន លោក ត្រាំ បានបង្ហោះរូបភាពនៃកិច្ចពិភាក្សាជាមួយលោក លី សៀនឡុង នាយករដ្ឋមន្ត្រីសិង្ហបុរី។ ប៉ុន្តែរូបភាពនោះបែរជាសរសេរថា «ប្រធានាធិបតី ត្រាំ និងប្រធានាធិបតីឥណ្ឌូណេស៊ី ចូកូ វីដូដូ កំពុងជជែកគ្នា មុនជំនួបចរចាទ្វេភាគី...»។
យ៉ាងណាមិញ ការច្រឡំនេះត្រូវបានកែប្រែ ដោយ Instagram របស់លោក ត្រាំ បានសរសេរឡើងវិញថា ប្រធានាធិបតី ត្រាំ ជួបជាមួយនាយករដ្ឋមន្ត្រីសិង្ហបុរីវិញ។
ការភាន់ច្រឡំមួយទៀតដែលកើតឡើងអំឡុងពេលកិច្ចប្រជុំ G-20 ដែរនោះ គឺការហៅងាររបស់នាយករដ្ឋមន្ត្រីជប៉ុន ស៊ីនហ្សូ អាបេ ។ សេតវិមានដែលហៅលោក ស៊ី ជីនភីង ជាប្រធានាធិបតីតៃវ៉ាន់ បែរជាហៅលោកអាបេ ជាប្រធានាធិបតីជប៉ុនទៅវិញ។ ការហៅនេះ គឺខុសពីធាតុដើមរបស់ជប៉ុន ដែលមានព្រះចៅអធិរាជជាប្រមុខរដ្ឋ និងមាននាយករដ្ឋមន្ត្រីជាប្រមុខរដ្ឋាភិបាល៕
Tag:
អាមេរិក
ដូណាល់ ត្រាំ
សេតវិមាន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ម៉ោង
