អន្តរជាតិ
នាវាដឹកយន្តហោះអាមេរិក USS Nimitz (រូបភាព Xinhua)
×![]()
ដោយ: តន ចាន់រិទ្ធារ៉ា
នាវាកងទ័ពជើងមកពីបីប្រទេស គឺអាមេរិក ឥណ្ឌា និងជប៉ុន បានធ្វើសមយុទ្ធរួមគ្នាក្នុងដែនសមុទ្រឥណ្ឌានៅថ្ងៃទី១០ ខែកក្កដា។ កងទ័ពអាមេរិកប្រចាំតំបន់ប៉ាស៊ីហ្វិកនិយាយថា សមយុទ្ធរួមគ្នានេះ នឹងជួយពង្រឹងសមត្ថភាពប្រទេសទាំងបីក្នុងការទប់ទល់ការគំរាមកំហែងនៅក្នុងតំបន់អាស៊ីប៉ាស៊ីហ្វិក។ សមយុទ្ធលើកនេះ ក៏ធ្វើឡើងចំពេលដែលឥណ្ឌាកំពុងមានជម្លោះជាមួយចិនជុំវិញតំបន់ព្រំដែននៅតាមជួរភ្នំហិមាល័យ។
សមយុទ្ធយោធាប្រចាំឆ្នាំរវាងអាមេរិក ជប៉ុន និងឥណ្ឌា ដែលមានឈ្មោះថា Malabar 2017 បានចាប់ផ្ដើមហើយនៅក្នុងដែនសមុទ្ររបស់ឥណ្ឌា។ សមយុទ្ធឆ្នាំ២០១៧ គឺជាសមយុទ្ធធំជាងគេបំផុត ចាប់តាំងពីការរៀបចំលើកដំបូងក្នុងឆ្នាំ១៩៩២ ។ កងទ័ពអាមេរិកនិយាយថា សមយុទ្ធនេះ គឺជាលំហាត់យោធារួមគ្នាចុងក្រោយគេ ដែលផ្ដោតសំខាន់លើការដោះស្រាយបញ្ហាដែនសមុទ្ររបស់ប្រទេសទាំងបីនៅតំបន់ឥណ្ឌូ-អាស៊ីប៉ាស៊ីហ្វិក។
បើតាមទីភ្នាក់ងារព័ត៌មាន Reuters នាវាដឹកយន្តហោះរបស់អាមេរិក USS Nimitz, នាវាងដឹកយន្តហោះតែមួយគត់របស់ឥណ្ឌា INS Vikramaditya និងនាវាចម្បាំងធំជាងគេរបស់ជប៉ុន Izumo បានបង្ហាញវត្តមានក្នុងសមយុទ្ធរួមគ្នានេះ។ មន្ត្រីយោធាអះអាងថា សមយុទ្ធរបស់កងទ័ពទាំងបីប្រទេស មានគោលដៅរក្សាលំនឹងសន្តិសុខតំបន់ ដើម្បីប្រឆាំងនឹងការងើបឡើងរបស់ចិន ដែលប្រទេសទាំងបីសុទ្ធតែបារម្ភ។
ដូចបានដឹងស្រាប់ ចិនបានពង្រីកអានុភាពយោធារបស់ខ្លួនយ៉ាងខ្លាំងក្នុងរយៈពេលប៉ុន្មានចុងក្រោយមកនេះ តាមរយៈការកសាងនាវាដឹកយន្តហោះជាបន្តបន្ទាប់។ កងទ័ពជើងទឹកចិន ក៏ធ្វើសកម្មភាពយ៉ាងសកម្មទាំងនៅតំបន់មហាសមុទ្រប៉ាស៊ីហ្វិក និងរាលដាលមកដល់មហាសមុទ្រឥណ្ឌាថែមទៀត។ ថ្មីៗនេះ នាវាមុជទឹកចិនទើបធ្វើដំណើរទៅកាន់ស្រីលង្កា ដែលស្មើនឹងការមកដល់មាត់ទ្វារផ្ទះរបស់ឥណ្ឌាទៅហើយ។
ឥណ្ឌា និងអាមេរិក ដែលធ្លាប់មិនត្រូវគ្នាសម័យសង្គ្រាមត្រជាក់ បានខិតជិតគ្នាកាន់តែខ្លាំង ដោយសារតែការងើបឡើងរបស់ចិន និងបានក្លាយជាដៃគូលើវិស័យការពារជាតិយ៉ាងសំខាន់។ ទាក់ទងសមយុទ្ធ Malabar នេះ កងទ័ពឥណ្ឌានិយាយថា សមយុទ្ធរួមគ្នានឹងផ្ដោតលើប្រតិបត្តិការនាវាដឹកយន្តហោះ ក៏ដូចជាលំហាត់ប្រមាញ់នាវាមុជទឹកផងដែរ។ ឯចិនវិញចាត់ទុកសមយុទ្ធរួមគ្នារវាងអាមេរិក ឥណ្ឌា និងជប៉ុន ជាបញ្ហាបង្កអស្ថិរភាពតំបន់ទៀតផង។
អ្វីគួរកត់សម្គាល់នោះ សមយុទ្ធនេះ រៀបចំឡើងស្របពេលដែលឥណ្ឌា និងចិនកំពុងប្រឈមមុខដាក់គ្នានៅតំបន់ព្រំដែន Sikkim ដោយទាហានឥណ្ឌាឆ្លងកាត់ព្រំដែនចូលទឹកដីរបស់ចិន។ ក្រុងប៉េកាំង បានទទូចម្ដងហើយម្ដងទៀតឲ្យក្រុងញូដែលីដកទ័ពចេញទឹកដីរបស់ខ្លួនឲ្យបានឆាប់រហ័ស ព្រោះផ្ទុយពីច្បាប់អន្តរជាតិ និងបំពានការឯកភាពគ្នារវាងភាគីទាំងសងខាងទៀតផង។ ប៉ុន្តែមកទល់ពេលនេះ ឥណ្ឌាមិនទាន់ទ័ពនៅឡើយទេ៕
សមយុទ្ធយោធាប្រចាំឆ្នាំរវាងអាមេរិក ជប៉ុន និងឥណ្ឌា ដែលមានឈ្មោះថា Malabar 2017 បានចាប់ផ្ដើមហើយនៅក្នុងដែនសមុទ្ររបស់ឥណ្ឌា។ សមយុទ្ធឆ្នាំ២០១៧ គឺជាសមយុទ្ធធំជាងគេបំផុត ចាប់តាំងពីការរៀបចំលើកដំបូងក្នុងឆ្នាំ១៩៩២ ។ កងទ័ពអាមេរិកនិយាយថា សមយុទ្ធនេះ គឺជាលំហាត់យោធារួមគ្នាចុងក្រោយគេ ដែលផ្ដោតសំខាន់លើការដោះស្រាយបញ្ហាដែនសមុទ្ររបស់ប្រទេសទាំងបីនៅតំបន់ឥណ្ឌូ-អាស៊ីប៉ាស៊ីហ្វិក។
បើតាមទីភ្នាក់ងារព័ត៌មាន Reuters នាវាដឹកយន្តហោះរបស់អាមេរិក USS Nimitz, នាវាងដឹកយន្តហោះតែមួយគត់របស់ឥណ្ឌា INS Vikramaditya និងនាវាចម្បាំងធំជាងគេរបស់ជប៉ុន Izumo បានបង្ហាញវត្តមានក្នុងសមយុទ្ធរួមគ្នានេះ។ មន្ត្រីយោធាអះអាងថា សមយុទ្ធរបស់កងទ័ពទាំងបីប្រទេស មានគោលដៅរក្សាលំនឹងសន្តិសុខតំបន់ ដើម្បីប្រឆាំងនឹងការងើបឡើងរបស់ចិន ដែលប្រទេសទាំងបីសុទ្ធតែបារម្ភ។
ដូចបានដឹងស្រាប់ ចិនបានពង្រីកអានុភាពយោធារបស់ខ្លួនយ៉ាងខ្លាំងក្នុងរយៈពេលប៉ុន្មានចុងក្រោយមកនេះ តាមរយៈការកសាងនាវាដឹកយន្តហោះជាបន្តបន្ទាប់។ កងទ័ពជើងទឹកចិន ក៏ធ្វើសកម្មភាពយ៉ាងសកម្មទាំងនៅតំបន់មហាសមុទ្រប៉ាស៊ីហ្វិក និងរាលដាលមកដល់មហាសមុទ្រឥណ្ឌាថែមទៀត។ ថ្មីៗនេះ នាវាមុជទឹកចិនទើបធ្វើដំណើរទៅកាន់ស្រីលង្កា ដែលស្មើនឹងការមកដល់មាត់ទ្វារផ្ទះរបស់ឥណ្ឌាទៅហើយ។
ឥណ្ឌា និងអាមេរិក ដែលធ្លាប់មិនត្រូវគ្នាសម័យសង្គ្រាមត្រជាក់ បានខិតជិតគ្នាកាន់តែខ្លាំង ដោយសារតែការងើបឡើងរបស់ចិន និងបានក្លាយជាដៃគូលើវិស័យការពារជាតិយ៉ាងសំខាន់។ ទាក់ទងសមយុទ្ធ Malabar នេះ កងទ័ពឥណ្ឌានិយាយថា សមយុទ្ធរួមគ្នានឹងផ្ដោតលើប្រតិបត្តិការនាវាដឹកយន្តហោះ ក៏ដូចជាលំហាត់ប្រមាញ់នាវាមុជទឹកផងដែរ។ ឯចិនវិញចាត់ទុកសមយុទ្ធរួមគ្នារវាងអាមេរិក ឥណ្ឌា និងជប៉ុន ជាបញ្ហាបង្កអស្ថិរភាពតំបន់ទៀតផង។
អ្វីគួរកត់សម្គាល់នោះ សមយុទ្ធនេះ រៀបចំឡើងស្របពេលដែលឥណ្ឌា និងចិនកំពុងប្រឈមមុខដាក់គ្នានៅតំបន់ព្រំដែន Sikkim ដោយទាហានឥណ្ឌាឆ្លងកាត់ព្រំដែនចូលទឹកដីរបស់ចិន។ ក្រុងប៉េកាំង បានទទូចម្ដងហើយម្ដងទៀតឲ្យក្រុងញូដែលីដកទ័ពចេញទឹកដីរបស់ខ្លួនឲ្យបានឆាប់រហ័ស ព្រោះផ្ទុយពីច្បាប់អន្តរជាតិ និងបំពានការឯកភាពគ្នារវាងភាគីទាំងសងខាងទៀតផង។ ប៉ុន្តែមកទល់ពេលនេះ ឥណ្ឌាមិនទាន់ទ័ពនៅឡើយទេ៕
Tag:
អាមេរិក
ឥណ្ឌា
ជប៉ុន
ចិន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 14 ម៉ោង
