អន្តរជាតិ
ជំនួបទ្វេភាគីរវាងប្រធានាធិបតី ដូណាល់ ត្រាំ និងប្រធានាធិបតី ស៊ី ជីនភីង នៅ Hamburg (រូបភាព Xinhua)
×![]()
ដោយ: តន ចាន់រិទ្ធារ៉ា
អាមេរិក បានសុំទោសចិនរួចរាល់ហើយជុំវិញកំហុសរបស់ខ្លួនដែលហៅលោក ស៊ី ជីនភីង ជាប្រធានាធិបតីតៃវ៉ាន់។ នេះបើតាមការប្រកាសរបស់មន្ត្រីក្រសួងការបរទេសចិន នៅថ្ងៃទី១០ ខែកក្កដា។ ចិន មិនសប្បាយចិត្តឡើយ ពេលភាគីអាមេរិកបង្កកំហុសធំនៅខាងលើក្បាលលិខិតផ្លូវការបែបនេះ ទោះនេះជារឿងអចេតនា និងត្រូវបានកែប្រែរួចរាល់ក្ដី។
ការហៅលោក ស៊ី ជីនភីង ជាមេដឹកនាំកោះតៃវ៉ាន់ ត្រូវបានធ្វើឡើងដោយសេតវិមានអាមេរិកកាលពីថ្ងៃទី៨ ខែកក្កដា ពេលប្រធានាធិបតី ដូណាល់ ត្រាំ ជួបប្រធានាធិបតីចិន ស៊ី ជីនភីង នៅទីក្រុង Hamburg ក្រៅកិច្ចប្រជុំ G-20 ។ កំហុសយល់ច្រឡំនេះ ត្រូវបានកែប្រែភ្លាមៗ បន្ទាប់ពីរីករាលដាលពីបណ្ដាញសង្គម។ ឯចិនវិញ ក៏បានបង្ហាញការមិនពេញចិត្តរបស់ខ្លួន និងបានស្នើឲ្យអាមេរិកបកស្រាយផងដែរ។
ក្នុងសន្និសីទកាសែតប្រចាំថ្ងៃទី១០ ខែកក្កដា លោក Geng Shuang អ្នកនាំពាក្យក្រសួងការបរទេសចិននិយាយថា ឆ្លើយតបការតវ៉ារបស់ចិន អាមេរិកបានសុំទោសចំពោះបញ្ហារួចហើយ។ បើតាមការបញ្ជាក់របស់អ្នកនាំពាក្យដដែលនេះ អាមេរិកនិយាយថានេះជាកំហុសបច្ចេកទេស និងត្រូវបានផ្លាស់ប្ដូរហើយដែរ។
សូមបញ្ជាក់ថា កំហុសបច្ចេកទេសនេះ កើតឡើងបន្ទាប់សេតវិមានបានចេញសេចក្ដីប្រកាសព័ត៌មានផ្លូវការមួយជុំវិញកិច្ចប្រជុំរវាងលោក ត្រាំ និងលោក ស៊ី ប៉ុន្តែមិនបានហៅលោក ស៊ី ជីនភីង ជាប្រធានាធិបតីចិនទេ។ សេចក្ដីប្រកាសព័ត៌មាននេះ ចាត់ទុកលោក ស៊ី ជីនភីង ជាប្រធានាធិបតីសាធារណរដ្ឋចិន។ សាធារណរដ្ឋចិន ជាឈ្មោះផ្លូវការរបស់តៃវ៉ាន់ ខណៈឈ្មោះផ្លូវការរបស់ចិន គឺសាធារណរដ្ឋប្រជាមានិតចិន។
តាំងពីដើមមកនោះ ចិនដីគោក តែងតែងចាត់ទុកកោះតៃវ៉ាន់ ជាផ្នែកមួយមិនអាចកាត់ផ្ដាច់បាន ហើយចិនក៏មិនរារែកក្នុងការប្រើកម្លាំងទ័ពដើម្បីដណ្ដើមកោះនេះមកត្រួតត្រាវិញដែរ។ ឯអាមេរិកវិញ ដែលផ្ដាច់ទំនាក់ទំនងជាមួយតៃវ៉ាន់ក្នុងឆ្នាំ១៩៧២ ក៏សុខចិត្តអនុវត្តគោលនយោបាយចិនតែមួយដែរ និងចាត់ទុកជាចិនដីគោកជាតំណាងស្របច្បាប់តែមួយគត់។ ប៉ុន្តែក្រោមអាណត្តិរបស់លោក ដូណាល់ ត្រាំ អាមេរិកហាក់មិនសូវខ្វល់នឹងរឿងនយោបាយចិនតែមួយនេះឡើយ។
ថ្មីៗនេះទៀតសោត អាមេរិកបានយល់ព្រមលក់អាវុធឲ្យកោះតៃវ៉ាន់ក្នុងតម្លៃមហាសាល ដែលធ្វើឲ្យចិនខឹងសម្បារយ៉ាងខ្លាំង។ ក្រៅពីអភិវឌ្ឍអាវុធដោយខ្លួនឯង តៃវ៉ាន់ ប្រឹងទិញអាវុធពីអាមេរិក ដើម្បីទុកការពារខ្លួនពីការវាយប្រហារណាមួយពីសំណាក់ចិន ខណៈដែលចិនក៏បានសម្ញែងអានុភាពយោធារបស់ខ្លួនជាញឹកញយទៅទៀត។ ចុងក្រោយនេះ ការបង្កកំហុសខាងលើដោយសេតវិមានទំនងបង្កជាការសង្ស័យកាន់តែខ្លាំងទៀតសម្រាប់ចិន៕
ការហៅលោក ស៊ី ជីនភីង ជាមេដឹកនាំកោះតៃវ៉ាន់ ត្រូវបានធ្វើឡើងដោយសេតវិមានអាមេរិកកាលពីថ្ងៃទី៨ ខែកក្កដា ពេលប្រធានាធិបតី ដូណាល់ ត្រាំ ជួបប្រធានាធិបតីចិន ស៊ី ជីនភីង នៅទីក្រុង Hamburg ក្រៅកិច្ចប្រជុំ G-20 ។ កំហុសយល់ច្រឡំនេះ ត្រូវបានកែប្រែភ្លាមៗ បន្ទាប់ពីរីករាលដាលពីបណ្ដាញសង្គម។ ឯចិនវិញ ក៏បានបង្ហាញការមិនពេញចិត្តរបស់ខ្លួន និងបានស្នើឲ្យអាមេរិកបកស្រាយផងដែរ។
ក្នុងសន្និសីទកាសែតប្រចាំថ្ងៃទី១០ ខែកក្កដា លោក Geng Shuang អ្នកនាំពាក្យក្រសួងការបរទេសចិននិយាយថា ឆ្លើយតបការតវ៉ារបស់ចិន អាមេរិកបានសុំទោសចំពោះបញ្ហារួចហើយ។ បើតាមការបញ្ជាក់របស់អ្នកនាំពាក្យដដែលនេះ អាមេរិកនិយាយថានេះជាកំហុសបច្ចេកទេស និងត្រូវបានផ្លាស់ប្ដូរហើយដែរ។
សូមបញ្ជាក់ថា កំហុសបច្ចេកទេសនេះ កើតឡើងបន្ទាប់សេតវិមានបានចេញសេចក្ដីប្រកាសព័ត៌មានផ្លូវការមួយជុំវិញកិច្ចប្រជុំរវាងលោក ត្រាំ និងលោក ស៊ី ប៉ុន្តែមិនបានហៅលោក ស៊ី ជីនភីង ជាប្រធានាធិបតីចិនទេ។ សេចក្ដីប្រកាសព័ត៌មាននេះ ចាត់ទុកលោក ស៊ី ជីនភីង ជាប្រធានាធិបតីសាធារណរដ្ឋចិន។ សាធារណរដ្ឋចិន ជាឈ្មោះផ្លូវការរបស់តៃវ៉ាន់ ខណៈឈ្មោះផ្លូវការរបស់ចិន គឺសាធារណរដ្ឋប្រជាមានិតចិន។
តាំងពីដើមមកនោះ ចិនដីគោក តែងតែងចាត់ទុកកោះតៃវ៉ាន់ ជាផ្នែកមួយមិនអាចកាត់ផ្ដាច់បាន ហើយចិនក៏មិនរារែកក្នុងការប្រើកម្លាំងទ័ពដើម្បីដណ្ដើមកោះនេះមកត្រួតត្រាវិញដែរ។ ឯអាមេរិកវិញ ដែលផ្ដាច់ទំនាក់ទំនងជាមួយតៃវ៉ាន់ក្នុងឆ្នាំ១៩៧២ ក៏សុខចិត្តអនុវត្តគោលនយោបាយចិនតែមួយដែរ និងចាត់ទុកជាចិនដីគោកជាតំណាងស្របច្បាប់តែមួយគត់។ ប៉ុន្តែក្រោមអាណត្តិរបស់លោក ដូណាល់ ត្រាំ អាមេរិកហាក់មិនសូវខ្វល់នឹងរឿងនយោបាយចិនតែមួយនេះឡើយ។
ថ្មីៗនេះទៀតសោត អាមេរិកបានយល់ព្រមលក់អាវុធឲ្យកោះតៃវ៉ាន់ក្នុងតម្លៃមហាសាល ដែលធ្វើឲ្យចិនខឹងសម្បារយ៉ាងខ្លាំង។ ក្រៅពីអភិវឌ្ឍអាវុធដោយខ្លួនឯង តៃវ៉ាន់ ប្រឹងទិញអាវុធពីអាមេរិក ដើម្បីទុកការពារខ្លួនពីការវាយប្រហារណាមួយពីសំណាក់ចិន ខណៈដែលចិនក៏បានសម្ញែងអានុភាពយោធារបស់ខ្លួនជាញឹកញយទៅទៀត។ ចុងក្រោយនេះ ការបង្កកំហុសខាងលើដោយសេតវិមានទំនងបង្កជាការសង្ស័យកាន់តែខ្លាំងទៀតសម្រាប់ចិន៕
Tag:
អាមេរិក
ចិន
តៃវ៉ាន់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 12 ម៉ោង
