អន្តរជាតិ
អាមេរិក-កាតា ចុះកិច្ចព្រមព្រៀងប្រឆាំងភេរវកម្ម ទាំងកាតាកំពុងជាប់ចោទថាគាំទ្រភេរវកម្ម
រដ្ឋមន្ត្រីការបរទេសអាមេរិក រិច ធីល័រសិន ចុះហត្ថលេខាប្រឆាំងភេរវកម្មជាមួយសមភាគីកាតា Sheikh Mohammed bin Abdulrahman Al Thani (រូបភាពពី Flickr របស់ក្រសួងការបរទេសអាមេរិក)
×![]()
ដោយ: តន ចាន់រិទ្ធារ៉ា
អាមេរិក និងកាតាបានចុះហត្ថលេខាលើកិច្ចព្រមព្រៀងទ្វេភាគីមួយដើម្បីប្រយុទ្ធប្រឆាំងការផ្គត់ផ្គង់ហិរញ្ញវត្ថុឲ្យក្រុមភេរវកម្ម។ កិច្ចព្រមព្រៀងនេះធ្វើឡើងអំឡុងពេលទស្សនកិច្ចរដ្ឋមន្ត្រីការបរទេសអាមេរិក រិច ធីល័រសិន នៅកាតានៅថ្ងៃទី១១ ខែកក្កដា ដើម្បីរកច្រកចេញជម្លោះការទូតរវាងកាតា និងរដ្ឋអារ៉ាប់មួយចំនួនទៀត។ ជម្លោះនេះបន្តជាប់គាំង ខណៈកាតាបានទាត់ចោលលក្ខខណ្ឌទាមទារ១៣ចំណុចរបស់ក្រុមរដ្ឋអារ៉ាប់។
ប្រមុខការទូតអាមេរិក រិច ធីល័រសិន កំពុងស្ថិតក្នុងដំណើរទស្សនកិច្ចតំបន់ឈូងសមុទ្រ ដើម្បីដោះស្រាយជម្លោះការទូតរវាងកាតាជាមួយអារ៉ាប៊ីសាអូឌីត បារ៉ែន អារ៉ាប់រួមអេមីរ៉ាត និងអេហ្ស៊ីប។ ក្រោយចាកចេញពីគុយវ៉ែត លោក ធីល័រសិន បន្តដំណើរទៅកាន់កាតា ដែលកំពុងរងការចោទប្រកាន់ថាបានគាំទ្រ និងក្លាយជាកន្លែងផ្គត់ផ្គង់ហិរញ្ញវត្ថុសម្រាប់ពួកភេរវករជ្រុលនិយមឲ្យធ្វើសកម្មភាពក្នុងតំបន់។
ឆ្លៀតឱកាសស្នាក់នៅទីក្រុងដូហា រដ្ឋមន្ត្រីការបរទេសអាមេរិក និងសមភាគីកាតា Sheikh Mohammed bin Abdulrahman Al Thani ក៏បានចុះហត្ថលេខាលើកិច្ចព្រមព្រៀងប្រឆាំងភេរវកម្មតែម្ដង ខណៈកាតាកំពុងរងការចោទប្រកាន់ដោយសារបញ្ហានេះស្រាប់ផង។ កាតា ក្លាយជាប្រទេសទីមួយ ដែលចុះកិច្ចព្រមព្រៀងមានគោលដៅទប់ស្កាត់លំហូរហិរញ្ញវត្ថុរបស់ក្រុមភេរវករ ហើយក៏បានអំពាវនាវឲ្យប្រទេសផ្សេងទៀតចូលរួមចុះហត្ថលេខាជាមួយអាមេរិក។
យ៉ាងណាក្ដី បើតាមសារព័ត៌មាន Al Jazeera រដ្ឋមន្ត្រីការបរទេសកាតា Abdulrahman Al Thani និយាយក្នុងសន្និសីទកាសែតជាមួយលោក ធីល័រសិន ថា កិច្ចព្រមព្រៀងនេះមិនជាប់ពាក់ព័ន្ធនឹងជម្លោះជាមួយរដ្ឋអារ៉ាប់បួនទៀតដែលកំពុងរឹតត្បិតកាតាឡើយ។ ចំណែកលោក ធីល័រសិន បានកោតសរសើរកាតាដែលប្ដេជ្ញាចិត្តចូលរួមប្រឆាំងភេរវកម្ម ជាពិសេសការកាត់ផ្ដាច់ប្រភពធនធានរបស់ក្រុមជ្រុលនិយមតែម្ដង។
រឿងផ្គត់ផ្គង់ហិរញ្ញវត្ថុឲ្យក្រុមភេរវករនេះហើយដែលក្រុមសម្ព័ន្ធមិត្តអារ៉ាប់ដឹកនាំដោយអារ៉ាប៊ីសាអូឌីត ប្រើជាលេសចោទកាតាថាបានគាំទ្រភេរវកម្មនិយមនោះ ទោះជាកាតាបដិសេធដាច់អហង្ការក្ដី។ ប៉ុន្តែបើតាមកិច្ចព្រមព្រៀងរវាងអាមេរិក និងកាតា ភាគីទាំងពីរនឹងតាមដានប្រភពនៃលំហូរហិរញ្ញវត្ថុរបស់ពួកភេរវករ និងចែករំលែកព័ត៌មានគ្នាទៅវិញទៅមកដើម្បីស្ថិរភាពតំបន់។ នេះមានន័យថាកាតាសុខចិត្តបើកចំហព័ត៌មានផ្ទៃក្នុងឲ្យអាមេរិក ក្នុងន័យបញ្ជាក់ភាពស្មោះត្រង់របស់ខ្លួន។
ចេញពីកាតា លោក ធីល័រសិន នឹងបន្តដំណើរទៅកាន់ទីក្រុង Jeddah នៃអារ៉ាប៊ីសាអូឌីត ដើម្បីជួបជាមួយរដ្ឋមន្ត្រីការបរទេសរដ្ឋអារ៉ាប់ទាំងបួន។ លោក នឹងស្វែងរកជំហររួមរបស់រដ្ឋអារ៉ាប់ និងចំណាត់ការបន្ទាប់របស់ពួកគេប្រឆាំងកាតា ខណៈលក្ខខណ្ឌទាំង១៣ចំណុចលើកមុនត្រូវកាតាទាត់ចោលទៅហើយ។ លោក ធីល័រសិន ផ្ទាល់ធ្លាប់និយាយថា រដ្ឋអារ៉ាប់ទាំងបួនគួរដាក់លក្ខខណ្ឌដែលច្បាស់លាស់ និងអាចអនុវត្ត មិនលក្ខខណ្ឌមិនត្រឹមត្រូវក្នុងន័យគាបសង្កត់ឡើយ៕
ប្រមុខការទូតអាមេរិក រិច ធីល័រសិន កំពុងស្ថិតក្នុងដំណើរទស្សនកិច្ចតំបន់ឈូងសមុទ្រ ដើម្បីដោះស្រាយជម្លោះការទូតរវាងកាតាជាមួយអារ៉ាប៊ីសាអូឌីត បារ៉ែន អារ៉ាប់រួមអេមីរ៉ាត និងអេហ្ស៊ីប។ ក្រោយចាកចេញពីគុយវ៉ែត លោក ធីល័រសិន បន្តដំណើរទៅកាន់កាតា ដែលកំពុងរងការចោទប្រកាន់ថាបានគាំទ្រ និងក្លាយជាកន្លែងផ្គត់ផ្គង់ហិរញ្ញវត្ថុសម្រាប់ពួកភេរវករជ្រុលនិយមឲ្យធ្វើសកម្មភាពក្នុងតំបន់។
ឆ្លៀតឱកាសស្នាក់នៅទីក្រុងដូហា រដ្ឋមន្ត្រីការបរទេសអាមេរិក និងសមភាគីកាតា Sheikh Mohammed bin Abdulrahman Al Thani ក៏បានចុះហត្ថលេខាលើកិច្ចព្រមព្រៀងប្រឆាំងភេរវកម្មតែម្ដង ខណៈកាតាកំពុងរងការចោទប្រកាន់ដោយសារបញ្ហានេះស្រាប់ផង។ កាតា ក្លាយជាប្រទេសទីមួយ ដែលចុះកិច្ចព្រមព្រៀងមានគោលដៅទប់ស្កាត់លំហូរហិរញ្ញវត្ថុរបស់ក្រុមភេរវករ ហើយក៏បានអំពាវនាវឲ្យប្រទេសផ្សេងទៀតចូលរួមចុះហត្ថលេខាជាមួយអាមេរិក។
យ៉ាងណាក្ដី បើតាមសារព័ត៌មាន Al Jazeera រដ្ឋមន្ត្រីការបរទេសកាតា Abdulrahman Al Thani និយាយក្នុងសន្និសីទកាសែតជាមួយលោក ធីល័រសិន ថា កិច្ចព្រមព្រៀងនេះមិនជាប់ពាក់ព័ន្ធនឹងជម្លោះជាមួយរដ្ឋអារ៉ាប់បួនទៀតដែលកំពុងរឹតត្បិតកាតាឡើយ។ ចំណែកលោក ធីល័រសិន បានកោតសរសើរកាតាដែលប្ដេជ្ញាចិត្តចូលរួមប្រឆាំងភេរវកម្ម ជាពិសេសការកាត់ផ្ដាច់ប្រភពធនធានរបស់ក្រុមជ្រុលនិយមតែម្ដង។
រឿងផ្គត់ផ្គង់ហិរញ្ញវត្ថុឲ្យក្រុមភេរវករនេះហើយដែលក្រុមសម្ព័ន្ធមិត្តអារ៉ាប់ដឹកនាំដោយអារ៉ាប៊ីសាអូឌីត ប្រើជាលេសចោទកាតាថាបានគាំទ្រភេរវកម្មនិយមនោះ ទោះជាកាតាបដិសេធដាច់អហង្ការក្ដី។ ប៉ុន្តែបើតាមកិច្ចព្រមព្រៀងរវាងអាមេរិក និងកាតា ភាគីទាំងពីរនឹងតាមដានប្រភពនៃលំហូរហិរញ្ញវត្ថុរបស់ពួកភេរវករ និងចែករំលែកព័ត៌មានគ្នាទៅវិញទៅមកដើម្បីស្ថិរភាពតំបន់។ នេះមានន័យថាកាតាសុខចិត្តបើកចំហព័ត៌មានផ្ទៃក្នុងឲ្យអាមេរិក ក្នុងន័យបញ្ជាក់ភាពស្មោះត្រង់របស់ខ្លួន។
ចេញពីកាតា លោក ធីល័រសិន នឹងបន្តដំណើរទៅកាន់ទីក្រុង Jeddah នៃអារ៉ាប៊ីសាអូឌីត ដើម្បីជួបជាមួយរដ្ឋមន្ត្រីការបរទេសរដ្ឋអារ៉ាប់ទាំងបួន។ លោក នឹងស្វែងរកជំហររួមរបស់រដ្ឋអារ៉ាប់ និងចំណាត់ការបន្ទាប់របស់ពួកគេប្រឆាំងកាតា ខណៈលក្ខខណ្ឌទាំង១៣ចំណុចលើកមុនត្រូវកាតាទាត់ចោលទៅហើយ។ លោក ធីល័រសិន ផ្ទាល់ធ្លាប់និយាយថា រដ្ឋអារ៉ាប់ទាំងបួនគួរដាក់លក្ខខណ្ឌដែលច្បាស់លាស់ និងអាចអនុវត្ត មិនលក្ខខណ្ឌមិនត្រឹមត្រូវក្នុងន័យគាបសង្កត់ឡើយ៕
Tag:
អាមេរិក
កាតា
មជ្ឈិមបូព៌ា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 13 ម៉ោង
