អន្តរជាតិ
ត្រាំ ទៅចូលរួមបុណ្យឯករាជ្យបារាំង និងជួប ម៉ាក្រុង ដោះស្រាយគំនិតផ្ទុយគ្នា
ប្រធានាធិបតី ដូណាល់ ត្រាំ និងស្រ្តីទីមួយ ទៅដល់ទីក្រុងប៉ារីស (រូបភាព Reuters)
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ បានទៅដល់រដ្ឋធានីប៉ារីស ដើម្បីចូលរួមពិធីបុណ្យឯករាជ្យជាតិបារាំងថ្ងៃទី១៤ ខែកក្កដា។ លោក ត្រាំ ក៏នឹងជួបជាមួយប្រធានាធិបតីបារាំង អេម៉ានុយអែល ម៉ាក្រុង ដើម្បីពង្រឹងទំនាក់ទំនងទ្វេភាគីដែលមិនសូវល្អប៉ុន្មានឡើយចាប់ពីលោក ម៉ាក្រុង ឡើងកាន់តំណែងមកនោះ។ ក្រៅពីបញ្ហាទ្វេភាគី មេដឹកនាំទាំងពីរក៏ជជែកគ្នាលើបញ្ហានៅស៊ីរី ការប្រយុទ្ធប្រឆាំងភេរវកម្ម និងបម្រែបម្រួលអាកាសធាតុផងដែរ។
យន្តហោះ Air Force One របស់ប្រធានាធិបតី ដូណាល់ ត្រាំ បានចុះចតនៅព្រលានយន្តហោះ Orly នៅព្រឹកថ្ងៃទី១៣ ខែកក្កដា។ លោក ត្រាំ ត្រូវទស្សនកិច្ចពីរថ្ងៃនៅបារាំងតាមការអញ្ជើញរបស់សមភាគីបារាំង អេម៉ានុយអែល ម៉ាក្រុង ដើម្បីចូលរួមបុណ្យឯករាជ្យជាតិបារាំង (Bastille Day) និងការរំឭកខួបទី១០០ឆ្នាំនៃការលូកដៃរបស់អាមេរិកចូលសង្គ្រាមលោកលើកទីមួយ។ លោក ត្រាំ និងលោក ម៉ាក្រុង ក៏នឹងជួបពិភាក្សាលក្ខណៈទ្វេភាគីផងដែរ។
បារាំង និងអាមេរិក បានប្រកាន់ជំហរផ្ទុយគ្នាស្រឡះលើបញ្ហាអន្តរជាតិជាច្រើនដូចជាពាណិជ្ជកម្ម និងកិច្ចព្រមព្រៀងបម្រែបម្រួលអាកាសធាតុជាដើម។ ដោយសារបញ្ហានេះ ទើបជំនួបលើកទីមួយរវាងលោក ត្រាំ និងលោក ម៉ាក្រុង នៅឯក្រៅកិច្ចប្រជុំ G8 នៅអ៊ីតាលី ធ្វើឡើងដោយតានតឹង ដែលស្ដែងតាមការចាប់ដៃគ្នារបស់មេដឹកនាំទាំងពីរ។ ប៉ុន្តែអាមេរិក និងបារាំង នៅតែត្រូវគ្នាទៅវិញទៅមកលើឆាកអន្តរជាតិក្នុងនាមជាមហាអំណាចដូចគ្នា។
ខណៈដែលលោក ម៉ាក្រុង ត្រូវការមិត្តដើម្បីបង្ហាញពីតួនាទីរបស់បារាំងលើឆាកអន្តរជាតិ លោក ត្រាំ ដែលអនុវត្តនយោបាយឯកោនិយមនោះ ក៏ត្រូវបានមិត្តឲ្យបានច្រើនដែរ។ ប៉ុន្តែនៅអឺរ៉ុប អាមេរិកមិនសូវរាប់អានមិត្តបានច្រើនឡើយ ព្រោះតែនយោបាយសេដ្ឋកិច្ចគាំពារនិយម និងការដើរចេញពីកិច្ចព្រមព្រៀងប៉ារីស។ មន្ត្រីជំនិតរបស់លោក ម៉ាក្រុង និយាយថា បញ្ហារសើបៗ នឹងត្រូវលើកឡើងក្នុងជំនួបទ្វេភាគីលើកនេះ។
យោងតាមទីភ្នាក់ងារព័ត៌មាន Reuters លោក ម៉ាក្រុង នឹងទទួលលោក ត្រាំ នៅ Hotel des Invalides ជាទីបញ្ចុះសពស្ដេច Napoleon និងវីរបុរសសង្គ្រាមផ្សេងទៀត មុននឹងទទួលទានអាហារពេលល្ងាចនៅជាន់ទីពីរនៃប៉ម Eiffel ។ បើតាមមន្ត្រីបារាំង ការរៀបចំអាហារពេលល្ងាចនៅទីនោះ ជាសញ្ញាបង្ហាញថា ទីក្រុងប៉ារីស នៅតែជាប៉ារីសដដែល ខណៈលោក ត្រាំ ធ្លាប់រិះគន់ថា បារាំងលែងជាបារាំងទៀតហើយ ព្រោះការវាយប្រហារភេរវកម្មមកើនឡើងខ្លាំង។
បន្ថែមពីលើទំនាក់ទំនងទ្វេភាគី បញ្ហានៅស៊ីរី និងភេរវកម្មនិយម ក៏ជាប្រធានបទសំខាន់ក្នុងជំនួបលើកនេះដែរ។ មន្ត្រីសេតវិមាននិយាយថា លោក ត្រាំ និងលោក ម៉ាក្រុង នឹងពិភាក្សាពីសង្គ្រាមស៊ីវិលនៅស៊ីរី ជាទីដែលក្រុមរដ្ឋឥស្លាមកំពុងប្រយុទ្ធការពារទីតាំងរបស់ខ្លួននៅ Raqqa ។ លើសពីនោះ លោក ម៉ាក្រុង ក៏ទំនងជាស្នើឲ្យជួយទ្រទ្រង់សម្ព័ន្ធមិត្តយោធាតំបន់អាហ្វ្រិកខាងលិច ដែលមានគោលដៅបោសសម្អាតពួកភេរវករក្នុងតំបន់៕
យន្តហោះ Air Force One របស់ប្រធានាធិបតី ដូណាល់ ត្រាំ បានចុះចតនៅព្រលានយន្តហោះ Orly នៅព្រឹកថ្ងៃទី១៣ ខែកក្កដា។ លោក ត្រាំ ត្រូវទស្សនកិច្ចពីរថ្ងៃនៅបារាំងតាមការអញ្ជើញរបស់សមភាគីបារាំង អេម៉ានុយអែល ម៉ាក្រុង ដើម្បីចូលរួមបុណ្យឯករាជ្យជាតិបារាំង (Bastille Day) និងការរំឭកខួបទី១០០ឆ្នាំនៃការលូកដៃរបស់អាមេរិកចូលសង្គ្រាមលោកលើកទីមួយ។ លោក ត្រាំ និងលោក ម៉ាក្រុង ក៏នឹងជួបពិភាក្សាលក្ខណៈទ្វេភាគីផងដែរ។
បារាំង និងអាមេរិក បានប្រកាន់ជំហរផ្ទុយគ្នាស្រឡះលើបញ្ហាអន្តរជាតិជាច្រើនដូចជាពាណិជ្ជកម្ម និងកិច្ចព្រមព្រៀងបម្រែបម្រួលអាកាសធាតុជាដើម។ ដោយសារបញ្ហានេះ ទើបជំនួបលើកទីមួយរវាងលោក ត្រាំ និងលោក ម៉ាក្រុង នៅឯក្រៅកិច្ចប្រជុំ G8 នៅអ៊ីតាលី ធ្វើឡើងដោយតានតឹង ដែលស្ដែងតាមការចាប់ដៃគ្នារបស់មេដឹកនាំទាំងពីរ។ ប៉ុន្តែអាមេរិក និងបារាំង នៅតែត្រូវគ្នាទៅវិញទៅមកលើឆាកអន្តរជាតិក្នុងនាមជាមហាអំណាចដូចគ្នា។
ខណៈដែលលោក ម៉ាក្រុង ត្រូវការមិត្តដើម្បីបង្ហាញពីតួនាទីរបស់បារាំងលើឆាកអន្តរជាតិ លោក ត្រាំ ដែលអនុវត្តនយោបាយឯកោនិយមនោះ ក៏ត្រូវបានមិត្តឲ្យបានច្រើនដែរ។ ប៉ុន្តែនៅអឺរ៉ុប អាមេរិកមិនសូវរាប់អានមិត្តបានច្រើនឡើយ ព្រោះតែនយោបាយសេដ្ឋកិច្ចគាំពារនិយម និងការដើរចេញពីកិច្ចព្រមព្រៀងប៉ារីស។ មន្ត្រីជំនិតរបស់លោក ម៉ាក្រុង និយាយថា បញ្ហារសើបៗ នឹងត្រូវលើកឡើងក្នុងជំនួបទ្វេភាគីលើកនេះ។
យោងតាមទីភ្នាក់ងារព័ត៌មាន Reuters លោក ម៉ាក្រុង នឹងទទួលលោក ត្រាំ នៅ Hotel des Invalides ជាទីបញ្ចុះសពស្ដេច Napoleon និងវីរបុរសសង្គ្រាមផ្សេងទៀត មុននឹងទទួលទានអាហារពេលល្ងាចនៅជាន់ទីពីរនៃប៉ម Eiffel ។ បើតាមមន្ត្រីបារាំង ការរៀបចំអាហារពេលល្ងាចនៅទីនោះ ជាសញ្ញាបង្ហាញថា ទីក្រុងប៉ារីស នៅតែជាប៉ារីសដដែល ខណៈលោក ត្រាំ ធ្លាប់រិះគន់ថា បារាំងលែងជាបារាំងទៀតហើយ ព្រោះការវាយប្រហារភេរវកម្មមកើនឡើងខ្លាំង។
បន្ថែមពីលើទំនាក់ទំនងទ្វេភាគី បញ្ហានៅស៊ីរី និងភេរវកម្មនិយម ក៏ជាប្រធានបទសំខាន់ក្នុងជំនួបលើកនេះដែរ។ មន្ត្រីសេតវិមាននិយាយថា លោក ត្រាំ និងលោក ម៉ាក្រុង នឹងពិភាក្សាពីសង្គ្រាមស៊ីវិលនៅស៊ីរី ជាទីដែលក្រុមរដ្ឋឥស្លាមកំពុងប្រយុទ្ធការពារទីតាំងរបស់ខ្លួននៅ Raqqa ។ លើសពីនោះ លោក ម៉ាក្រុង ក៏ទំនងជាស្នើឲ្យជួយទ្រទ្រង់សម្ព័ន្ធមិត្តយោធាតំបន់អាហ្វ្រិកខាងលិច ដែលមានគោលដៅបោសសម្អាតពួកភេរវករក្នុងតំបន់៕
Tag:
អាមេរិក
ដូណាល់ ត្រាំ
បារាំង
អេម៉ានុយអែល ម៉ាក្រុង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 8 ម៉ោង
