អន្តរជាតិ
ពពកខ្មៅរសាត់ចេញពីទំនាក់ទំនងអាមេរិក-បារាំង ក្រោយជំនួប ត្រាំ-ម៉ាក្រុង?
×![]()
ដោយ: តន ចាន់រិទ្ធារ៉ា
បន្ទាប់ពីទៅដល់រដ្ឋធានីប៉ារីសនៅថ្ងៃទី១៣ ខែកក្កដា ប្រធានាធិបតីអាមេរិក ដូណាល់ ត្រាំ បានបន្តជួបជាមួយប្រធានាធិបតីបារាំង អេម៉ានុយអែល ម៉ាក្រុង។ នេះជាជំនួបទល់មុខលើកទីពីររវាងលោក ត្រាំ និងលោក ម៉ាក្រុង បន្ទាប់ពីជំនួបលើកទីមួយនៅអ៊ីតាលី។ មន្ទិលសង្ស័យជាច្រើនដែលមាននាពេលកន្លងមករវាងភាគីទាំងពីរ ទំនងត្រូវបានដោះស្រាយហើយដែរ ខណៈបរិយាកាសជជែកគ្នាមិនតានតឹងដូចមុនឡើយ ហើយលោក ត្រាំ បានបន្ទន់ជំហរខ្លះដែរ។
ប្រធានាធិបតីបារាំង អេម៉ានុយអែល ម៉ាក្រុង និងស្ត្រីទីមួយ បានរៀបចំពិធីទទួលអធិកអធមមួយសម្រាប់ប្រធានាធិបតីអាមេរិក ដូណាល់ ត្រាំ និងភរិយា នៅថ្ងៃទី១៣ ខែកក្កដា នៅឯ Hotel des Invalides ជាទីបញ្ចុះសពស្ដេចណាប៉ូឡេអុង។ បន្ទាប់មក លោក ម៉ាក្រុង និងសមភាគីអាមេរិក បានបន្តជំនួបទ្វេភាគីលើប្រធានបទជាច្រើនវិមាន Élysée ។ នៅល្ងាចថ្ងៃដដែល លោក ម៉ាក្រុង និងភរិយា ក៏រៀបចំអាហារពេលល្ងាចសម្រាប់ប្រធានាធិបតីអាមេរិក និងភរិយា នៅប៉ម Eiffel ។
ក្នុងទស្សនកិច្ចនៅបារាំងពេលនេះ លោកប្រធានាធិបតី ត្រាំ សង្ឃឹមថាអាចពង្រឹងទំនាក់ទំនងជិតស្និទ្ធប្រធានាធិបតីបារាំង ទោះជាខ្វែងគំនិតគ្នាលើបញ្ហាច្រើនក្ដី។ នៅអឺរ៉ុប លោក ត្រាំ មិនសូវមានមិត្តទេ។ ម្យ៉ាងដែរនោះ លោក ម៉ាក្រុង ប្រធានាធិបតីថ្មីថ្មោងរបស់បារាំង ក៏កំពុងត្រូវការមិត្តឲ្យបានច្រើនដើម្បីបង្ហាញអានុភាពបារាំងលើឆាកអន្តរជាតិដែរ។ នេះមានន័យថា ទាំងអាមេរិក ទាំងបារាំង សុទ្ធតែត្រូវការគ្នាដើម្បីប្រយោជន៍រៀងៗខ្លួន ហើយដែលត្រូវតែចាប់ដៃគ្នាឡើងវិញ។
នៅថ្ងៃទី១៤ ខែកក្កដានេះ លោក ម៉ាក្រុង និងលោក ត្រាំ ក៏ចូលរួមក្នុងពិធីបុណ្យជាតិបារាំង (Bastille Day) ដែលមានការធ្វើព្យុហយាត្រាកងទ័ព និងការរំឭកខួបទី១០០ឆ្នាំថ្ងៃអាមេរិកបញ្ជូនទ័ពទៅធ្វើសង្គ្រាមលោកលើកទីមួយ។ កងទ័ពអាមេរិកក៏បង្ហាញវត្តមានក្នុងក្បួនកងទ័ពនេះនៅ champs-Elysées Avenue ផងដែរ។ វត្តមានលោក ត្រាំ នៅបារាំងលើកនេះ ពិតជាបានសម្រួលទំនាក់ទំនងទ្វេភាគីដែលរអាក់រអួលបានច្រើនទៀតផង ហើយពពកខ្មៅបាំងបិទទំនាក់ទំនងនេះក៏ទំនងជារសាត់ទៅឆ្ងាយដែរ។
១. ត្រាំ ទំនងផ្លាស់ប្ដូរចិត្តរឿងដើរចេញពីកិច្ចព្រមព្រៀងអាកាសធាតុ ក្រោយជួប ម៉ាក្រុង
កិច្ចព្រមព្រៀងទីក្រុងប៉ារីសស្ដីពីបម្រែបម្រួលអាកាសធាតុ គឺជារបៀបវារៈសំខាន់ក្នុងជំនួបរវាងប្រធានាធិបតីបារាំង និងអាមេរិក។ ការសម្រេចចិត្តដើរចេញរបស់អាមេរិកពីកិច្ចព្រមព្រៀងសកលនេះ ធ្វើឲ្យប្រទេសជាច្រើនខកចិត្តខ្លាំង ប៉ុន្តែលោក ត្រាំ អះអាងថា កិច្ចព្រមព្រៀងនេះប៉ះពាល់ផលប្រយោជន៍អាមេរិកផ្ទាល់ តាមរយៈការរឹតត្បិតលើអាមេរិក តែបានបន្ធូរដៃឲ្យចិន ឥណ្ឌា និងប្រទេសផ្សេងទៀត ដែលជាគូប្រជែងពាណិជ្ជកម្មរបស់ខ្លួន។
បន្ទាប់ពីជំនួបជាមួយលោក ម៉ាក្រុង លោក ត្រាំ បានបង្ហើបពីជំហររបស់អាមេរិកជុំវិញកិច្ចព្រមព្រៀងប៉ារីស ដោយលោកទំនងចង់ចូលកិច្ចព្រមព្រៀងនេះឡើងវិញ។ បើតាមសារព័ត៌មាន BBC លោក ត្រាំ ដែលអមដោយលោក ម៉ាក្រុង បាននិយាយក្នុងសន្និសីទកាសែតថា នឹងមានរឿងកើតឡើងជុំវិញកិច្ចព្រមព្រៀងទីក្រុងប៉ារីស។ ប៉ុន្តែលោក ត្រាំ មិនបានបញ្ជាក់ឲ្យបានច្បាស់ទេ ដោយគ្រាន់តែនិយាយថា ចាំមើលសិន។
ប្រធានាធិបតីបារាំង ដែលប្រកាន់ជំហរការពារកិច្ចព្រមព្រៀងអន្តរជាតិនេះដាច់ខាត ក៏បញ្ជាក់ដែរថា ជំនួបរវាងលោក និងសមភាគីអាមេរិក មិនទាន់សម្រេចបានអ្វីឡើយ ប៉ុន្តែភាគីទាំងសងខាងប្ដេជ្ញាបន្តពិភាក្សាគ្នាទៀត។ លោក ម៉ាក្រុង ប្រកាសថា លោកគោរពការសម្រេចចិត្តរបស់លោក ត្រាំ ទោះជាវាផ្ទុយស្រឡះពីជំហររបស់បារាំងក៏ដោយចុះ តែលោកក៏មិនទុកឲ្យបញ្ហានេះរាំងស្ទះដល់កិច្ចសហប្រតិបត្តិការប្រទេសទាំងពីរលើបញ្ហាផ្សេងឡើយ។
២. អាមេរិក និងបារាំងចាប់ដៃគ្នាដោះស្រាយបញ្ហាស៊ីរី
ដូចរៀបរាប់ខាងលើ លោក ម៉ាក្រុង ប្រកាសទុកការខ្វែងគំនិតគ្នាលើបញ្ហាអាកាសធាតុដោយឡែក ហើយចាប់ដៃគ្នាដោះស្រាយបញ្ហារួមវិញ ជាពិសេសសង្គ្រាមស៊ីវិលនៅស៊ីរី និងការបោសសម្អាតក្រុមភេរវជនរដ្ឋឥស្លាម។ ក្នុងសន្និសីទកាសែតរួមគ្នាជាមួយលោក ត្រាំ ប្រធានាធិបតីបារាំងវ័យក្មេងរូបនេះនិយាយថា លោក និងលោក ត្រាំ បានណែនាំឲ្យមន្ត្រីប្រទេសទាំងសងខាងរៀបចំគំនិតផ្ដួចផ្ដើមជាក់លាក់ដើម្បីរៀបចំអនាគតរបស់ស៊ីរីឡើងវិញ។
លោក ម៉ាក្រុង បន្ថែមថា បារាំង និងអាមេរិក នឹងបន្តចាប់ដៃគ្នាសម្រាប់ដោះស្រាយស្ថានការណ៍នៅស៊ីរី និងអ៊ីរ៉ាក់ ជាពិសេសការរៀបចំផែនទីចង្អុលផ្លូវសម្រាប់កសាងស៊ីរីឡើងវិញនៅពេលជម្លោះត្រូវបានបញ្ចប់។ លោក ម៉ាក្រុង ក៏អរគុណអាមេរិកដែលបញ្ជូនទ័ពបោសសម្អាតពួករដ្ឋឥស្លាមដែរ។ ទាក់ទងរឿងស៊ីរីនេះ ប្រធានាធិបតីអាមេរិកក៏បញ្ជាក់ដែរថា ក្រុងវ៉ាស៊ីនតោន កំពុងចរចាជាមួយប្រទេសពាក់ព័ន្ធដើម្បីបង្កើតបទឈប់បាញ់ថ្មីមួយទៀតនៅស៊ីរី។
ចំណែកចំពោះអនាគតប្រធានាធិបតី បាសា អាល់អាសាដ (Bashar al-Assad) លោក ម៉ាក្រុង នៅតែរក្សាជំហរដដែល។ លោកធ្លាប់លើកឡើងថា លោកមើលមិនឃើញអ្នកណាអាចជំនួយ អាសាដឡើ។ លោក ប្រាប់ប្រធានាធិបតីអាមេរិកថា រឿងសំខាន់ពេលនេះ គឺប្រយុទ្ធប្រឆាំងពួកជ្រុលនិយមរដ្ឋឥស្លាម មិនមែនបណ្ដេញលោក Assad ចេញពីតំណែងឡើយ។ សម្រាប់បារាំង លោក Assad នៅតែអាចបន្តដឹកនាំប្រទេសដដែល ព្រោះបារាំងកំពុងយកចិត្តទុកដាក់ក្រុមភេរវករដែលអុកឡុកបារាំងដល់ផ្ទះ៕
ប្រធានាធិបតីបារាំង អេម៉ានុយអែល ម៉ាក្រុង និងស្ត្រីទីមួយ បានរៀបចំពិធីទទួលអធិកអធមមួយសម្រាប់ប្រធានាធិបតីអាមេរិក ដូណាល់ ត្រាំ និងភរិយា នៅថ្ងៃទី១៣ ខែកក្កដា នៅឯ Hotel des Invalides ជាទីបញ្ចុះសពស្ដេចណាប៉ូឡេអុង។ បន្ទាប់មក លោក ម៉ាក្រុង និងសមភាគីអាមេរិក បានបន្តជំនួបទ្វេភាគីលើប្រធានបទជាច្រើនវិមាន Élysée ។ នៅល្ងាចថ្ងៃដដែល លោក ម៉ាក្រុង និងភរិយា ក៏រៀបចំអាហារពេលល្ងាចសម្រាប់ប្រធានាធិបតីអាមេរិក និងភរិយា នៅប៉ម Eiffel ។
ក្នុងទស្សនកិច្ចនៅបារាំងពេលនេះ លោកប្រធានាធិបតី ត្រាំ សង្ឃឹមថាអាចពង្រឹងទំនាក់ទំនងជិតស្និទ្ធប្រធានាធិបតីបារាំង ទោះជាខ្វែងគំនិតគ្នាលើបញ្ហាច្រើនក្ដី។ នៅអឺរ៉ុប លោក ត្រាំ មិនសូវមានមិត្តទេ។ ម្យ៉ាងដែរនោះ លោក ម៉ាក្រុង ប្រធានាធិបតីថ្មីថ្មោងរបស់បារាំង ក៏កំពុងត្រូវការមិត្តឲ្យបានច្រើនដើម្បីបង្ហាញអានុភាពបារាំងលើឆាកអន្តរជាតិដែរ។ នេះមានន័យថា ទាំងអាមេរិក ទាំងបារាំង សុទ្ធតែត្រូវការគ្នាដើម្បីប្រយោជន៍រៀងៗខ្លួន ហើយដែលត្រូវតែចាប់ដៃគ្នាឡើងវិញ។
នៅថ្ងៃទី១៤ ខែកក្កដានេះ លោក ម៉ាក្រុង និងលោក ត្រាំ ក៏ចូលរួមក្នុងពិធីបុណ្យជាតិបារាំង (Bastille Day) ដែលមានការធ្វើព្យុហយាត្រាកងទ័ព និងការរំឭកខួបទី១០០ឆ្នាំថ្ងៃអាមេរិកបញ្ជូនទ័ពទៅធ្វើសង្គ្រាមលោកលើកទីមួយ។ កងទ័ពអាមេរិកក៏បង្ហាញវត្តមានក្នុងក្បួនកងទ័ពនេះនៅ champs-Elysées Avenue ផងដែរ។ វត្តមានលោក ត្រាំ នៅបារាំងលើកនេះ ពិតជាបានសម្រួលទំនាក់ទំនងទ្វេភាគីដែលរអាក់រអួលបានច្រើនទៀតផង ហើយពពកខ្មៅបាំងបិទទំនាក់ទំនងនេះក៏ទំនងជារសាត់ទៅឆ្ងាយដែរ។
១. ត្រាំ ទំនងផ្លាស់ប្ដូរចិត្តរឿងដើរចេញពីកិច្ចព្រមព្រៀងអាកាសធាតុ ក្រោយជួប ម៉ាក្រុង
កិច្ចព្រមព្រៀងទីក្រុងប៉ារីសស្ដីពីបម្រែបម្រួលអាកាសធាតុ គឺជារបៀបវារៈសំខាន់ក្នុងជំនួបរវាងប្រធានាធិបតីបារាំង និងអាមេរិក។ ការសម្រេចចិត្តដើរចេញរបស់អាមេរិកពីកិច្ចព្រមព្រៀងសកលនេះ ធ្វើឲ្យប្រទេសជាច្រើនខកចិត្តខ្លាំង ប៉ុន្តែលោក ត្រាំ អះអាងថា កិច្ចព្រមព្រៀងនេះប៉ះពាល់ផលប្រយោជន៍អាមេរិកផ្ទាល់ តាមរយៈការរឹតត្បិតលើអាមេរិក តែបានបន្ធូរដៃឲ្យចិន ឥណ្ឌា និងប្រទេសផ្សេងទៀត ដែលជាគូប្រជែងពាណិជ្ជកម្មរបស់ខ្លួន។
បន្ទាប់ពីជំនួបជាមួយលោក ម៉ាក្រុង លោក ត្រាំ បានបង្ហើបពីជំហររបស់អាមេរិកជុំវិញកិច្ចព្រមព្រៀងប៉ារីស ដោយលោកទំនងចង់ចូលកិច្ចព្រមព្រៀងនេះឡើងវិញ។ បើតាមសារព័ត៌មាន BBC លោក ត្រាំ ដែលអមដោយលោក ម៉ាក្រុង បាននិយាយក្នុងសន្និសីទកាសែតថា នឹងមានរឿងកើតឡើងជុំវិញកិច្ចព្រមព្រៀងទីក្រុងប៉ារីស។ ប៉ុន្តែលោក ត្រាំ មិនបានបញ្ជាក់ឲ្យបានច្បាស់ទេ ដោយគ្រាន់តែនិយាយថា ចាំមើលសិន។
ប្រធានាធិបតីបារាំង ដែលប្រកាន់ជំហរការពារកិច្ចព្រមព្រៀងអន្តរជាតិនេះដាច់ខាត ក៏បញ្ជាក់ដែរថា ជំនួបរវាងលោក និងសមភាគីអាមេរិក មិនទាន់សម្រេចបានអ្វីឡើយ ប៉ុន្តែភាគីទាំងសងខាងប្ដេជ្ញាបន្តពិភាក្សាគ្នាទៀត។ លោក ម៉ាក្រុង ប្រកាសថា លោកគោរពការសម្រេចចិត្តរបស់លោក ត្រាំ ទោះជាវាផ្ទុយស្រឡះពីជំហររបស់បារាំងក៏ដោយចុះ តែលោកក៏មិនទុកឲ្យបញ្ហានេះរាំងស្ទះដល់កិច្ចសហប្រតិបត្តិការប្រទេសទាំងពីរលើបញ្ហាផ្សេងឡើយ។
២. អាមេរិក និងបារាំងចាប់ដៃគ្នាដោះស្រាយបញ្ហាស៊ីរី
ដូចរៀបរាប់ខាងលើ លោក ម៉ាក្រុង ប្រកាសទុកការខ្វែងគំនិតគ្នាលើបញ្ហាអាកាសធាតុដោយឡែក ហើយចាប់ដៃគ្នាដោះស្រាយបញ្ហារួមវិញ ជាពិសេសសង្គ្រាមស៊ីវិលនៅស៊ីរី និងការបោសសម្អាតក្រុមភេរវជនរដ្ឋឥស្លាម។ ក្នុងសន្និសីទកាសែតរួមគ្នាជាមួយលោក ត្រាំ ប្រធានាធិបតីបារាំងវ័យក្មេងរូបនេះនិយាយថា លោក និងលោក ត្រាំ បានណែនាំឲ្យមន្ត្រីប្រទេសទាំងសងខាងរៀបចំគំនិតផ្ដួចផ្ដើមជាក់លាក់ដើម្បីរៀបចំអនាគតរបស់ស៊ីរីឡើងវិញ។
លោក ម៉ាក្រុង បន្ថែមថា បារាំង និងអាមេរិក នឹងបន្តចាប់ដៃគ្នាសម្រាប់ដោះស្រាយស្ថានការណ៍នៅស៊ីរី និងអ៊ីរ៉ាក់ ជាពិសេសការរៀបចំផែនទីចង្អុលផ្លូវសម្រាប់កសាងស៊ីរីឡើងវិញនៅពេលជម្លោះត្រូវបានបញ្ចប់។ លោក ម៉ាក្រុង ក៏អរគុណអាមេរិកដែលបញ្ជូនទ័ពបោសសម្អាតពួករដ្ឋឥស្លាមដែរ។ ទាក់ទងរឿងស៊ីរីនេះ ប្រធានាធិបតីអាមេរិកក៏បញ្ជាក់ដែរថា ក្រុងវ៉ាស៊ីនតោន កំពុងចរចាជាមួយប្រទេសពាក់ព័ន្ធដើម្បីបង្កើតបទឈប់បាញ់ថ្មីមួយទៀតនៅស៊ីរី។
ចំណែកចំពោះអនាគតប្រធានាធិបតី បាសា អាល់អាសាដ (Bashar al-Assad) លោក ម៉ាក្រុង នៅតែរក្សាជំហរដដែល។ លោកធ្លាប់លើកឡើងថា លោកមើលមិនឃើញអ្នកណាអាចជំនួយ អាសាដឡើ។ លោក ប្រាប់ប្រធានាធិបតីអាមេរិកថា រឿងសំខាន់ពេលនេះ គឺប្រយុទ្ធប្រឆាំងពួកជ្រុលនិយមរដ្ឋឥស្លាម មិនមែនបណ្ដេញលោក Assad ចេញពីតំណែងឡើយ។ សម្រាប់បារាំង លោក Assad នៅតែអាចបន្តដឹកនាំប្រទេសដដែល ព្រោះបារាំងកំពុងយកចិត្តទុកដាក់ក្រុមភេរវករដែលអុកឡុកបារាំងដល់ផ្ទះ៕
Tag:
អឺរ៉ុប
បារាំង
អាមេរិក
ដូណាល់ ត្រាំ
អេម៉ានុយអែល ម៉ាក្រុង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ម៉ោង
