អន្តរជាតិ
CIA ឈប់គាំទ្រក្រុមឧទ្ទាមប្រឆាំងនៅស៊ីរី ព្រោះលោក ត្រាំ ចង់ពង្រឹងទំនាក់ទំនងជាមួយស្ស៊ី
×![]()
ដោយ: តន ចាន់រិទ្ធារ៉ា
រដ្ឋបាលប្រធានាធិបតីអាមេរិក ដូណាល់ ត្រាំ បានបញ្ចប់ការគាំទ្ររបស់ទីភ្នាក់ងារស៊ើបអង្កេតមជ្ឈិម (CIA) សម្រាប់ក្រុមឧទ្ទាមប្រឆាំង ដែលកំពុងប្រយុទ្ធតទល់កម្លាំងទ័ពប្រធានាធិបតីស៊ីរី Bashar al-Assad ។ មន្ត្រីអាមេរិកនិយាយថា ការបញ្ឈប់ការគាំទ្រនេះ មានគោលដៅពង្រឹងទំនាក់ទំនងជាមួយរុស្ស៊ី ដែលចេញមុខការពាររបបលោក Assad ពីការផ្ដួលរំលំរបស់ក្រុមឧទ្ទាមប្រឆាំងគាំទ្រដោយអាមេរិក។
រដ្ឋបាលក្រុងវ៉ាស៊ីនតោន បានសម្រេចចិត្តឲ្យភ្នាក់ងារ CIA បញ្ឈប់ការបំពាក់អាវុធ និងហ្វឹកហ្វឺនក្រុមឧទ្ទាមប្រឆាំងនៅស៊ីរីហើយ។ សារព័ត៌មានអាមេរិក The Washington Post បានផ្សាយពីព័ត៌មាននេះនៅថ្ងៃទី១៩ ខែកក្កដា ដោយមន្ត្រីអាមេរិកពីរនាក់និយាយថា រដ្ឋបាលអាមេរិកសម្រេចចិត្តបែបនេះ ដើម្បីងាកទៅរឹតចំណងទំនាក់ទំនងទ្វេភាគីជាមួយរុស្ស៊ី។ អាមេរិកចង់បានទំនាក់ទំនងល្អជាមួយរុស្ស៊ី បើទោះជារុស្ស៊ី និងអ៊ីរ៉ង់ បានជួយលោក Bashar al-Assad ឲ្យកាន់តំណែងមិនរបូតក្ដី។
តាំងពីឆ្នាំ២០០៣ ភ្នាក់ងារពិសេស CIA ក្រោមអាណត្តិលោក បារ៉ាក់ អូបាម៉ា បានផ្ដល់ការគាំទ្រក្រុមឧទ្ទាមប្រឆាំងរដ្ឋាភិបាលប្រធានាធិបតី Assad តាមរយៈការផ្គត់ផ្គង់អាវុធ និងផ្ដល់ការបណ្ដុះបណ្ដាលក្នុងនាមជាទីប្រឹក្សា។ នេះក៏ព្រោះអាមេរិកមិនចង់ចូលរួមដោយផ្ទាល់ក្នុងជម្លោះនៅស៊ីរីដែលស្ថិតក្នុងឆ្នាំទី៦ ទៅហើយ។ ប៉ុន្តែជំនួយរបស់អាមេរិកមិនសូវហុចផលមកវិញឡើយ ដ្បិតលោក Assad បានទទួលជំនួយពីរុស្ស៊ី និងអ៊ីរ៉ង់ ដែលផ្ដល់ឱកាសឲ្យលោកអាចរក្សាអំណាចបាន។
មិនត្រឹមតែអាចរក្សាអំណាចបានឡើយ ជំនួយរបស់រុស្ស៊ី និងអ៊ីរ៉ង់ ក៏ជួយឲ្យកម្លាំងលោក Assad អាចដណ្ដើមបានទីតាំងដែលធ្លាប់គ្រប់គ្រងដោយក្រុមឧទ្ទាម យកមកត្រួតត្រាវិញបានទៀតផង។ ក្រៅពីនោះ រដ្ឋាភិបាលលោក Assad ក៏អាចវាយបណ្ដេញក្រុមជ្រុលនិយមរដ្ឋឥស្លាមបានដែរ។ ងាកទៅខាងក្រុមឧទ្ទាមវិញ ចាប់តាំងពីលោក ដូណាល់់ ត្រាំ ឡើងកាន់តំណែងមកនោះ ក្ដីសង្ឃឹមក្នុងការផ្ដួលលោក Assad កាន់តែរសាត់ឆ្ងាយ ដ្បិតលោក ត្រាំ ចង់បានទំនាក់ទំនងល្អជាមួយរុស្ស៊ីជាង។
ច្បាស់ណាស់ថា ការសម្រេចចិត្តរបស់រដ្ឋបាលលោក ត្រាំ ពិតជារឿងគួរឲ្យសប្បាយចិត្តសម្រាប់លោក Assad ក៏ដូចជារុស្ស៊ីផង។ លើសពីនេះ វាក៏ជាសញ្ញាបង្ហាញពីជំហររបស់លោក ត្រាំ ក្នុងការកសាងចំណងការទូតឡើងវិញជាមួយរុស្ស៊ី ដែលកំពុងចោមរោមដោយរឿងអាស្រូវលូកលាន់កិច្ចការបោះឆ្នោតនោះ។ ទាំងលោក ត្រាំ ទាំងលោក ពូទីន សុទ្ធតែបដិសេធជាប់ពាក់ព័ន្ធរឿងនេះ ប៉ុន្តែការស៊ើបអង្កេតរបស់ព្រឹទ្ធសភាអាមេរិក និងក្រុមស៊ើបអង្កេតពិសេស នៅតែបន្តធ្វើដដែល។
អ្វីគួរឲ្យកត់សម្គាល់ជុំវិញជម្លោះនៅស៊ីរីនោះ គឺលោក ត្រាំ និងលោក ពូទីន ក៏ទើបតែឯកភាពក្នុងការបង្កើតបទឈប់បាញ់នៅតំបន់នីរតីស៊ីរី ដែលគ្រប់ដណ្ដប់លើទីតាំងរបស់ក្រុមឧទ្ទាមប្រឆាំងខ្លះផង។ យ៉ាងណាក្ដី នេះគ្រាន់តែជាផែនការជំហានដំបូងប៉ុណ្ណោះ ព្រោះទាំងអាមេរិក និងរុស្ស៊ី នៅមិនទាន់រកបានចំណុចរួមដើម្បីដោះស្រាយបញ្ហានៅស៊ីរីនៅឡើយទេ ជាពិសេសអនាគតលោក Assad តែម្ដង។ អាមេរិកចង់ឲ្យលោក Assad ចាកចេញ តែរុស្ស៊ីថាវត្តមានលោក Assad គឺជារឿងសំខាន់៕
រដ្ឋបាលក្រុងវ៉ាស៊ីនតោន បានសម្រេចចិត្តឲ្យភ្នាក់ងារ CIA បញ្ឈប់ការបំពាក់អាវុធ និងហ្វឹកហ្វឺនក្រុមឧទ្ទាមប្រឆាំងនៅស៊ីរីហើយ។ សារព័ត៌មានអាមេរិក The Washington Post បានផ្សាយពីព័ត៌មាននេះនៅថ្ងៃទី១៩ ខែកក្កដា ដោយមន្ត្រីអាមេរិកពីរនាក់និយាយថា រដ្ឋបាលអាមេរិកសម្រេចចិត្តបែបនេះ ដើម្បីងាកទៅរឹតចំណងទំនាក់ទំនងទ្វេភាគីជាមួយរុស្ស៊ី។ អាមេរិកចង់បានទំនាក់ទំនងល្អជាមួយរុស្ស៊ី បើទោះជារុស្ស៊ី និងអ៊ីរ៉ង់ បានជួយលោក Bashar al-Assad ឲ្យកាន់តំណែងមិនរបូតក្ដី។
តាំងពីឆ្នាំ២០០៣ ភ្នាក់ងារពិសេស CIA ក្រោមអាណត្តិលោក បារ៉ាក់ អូបាម៉ា បានផ្ដល់ការគាំទ្រក្រុមឧទ្ទាមប្រឆាំងរដ្ឋាភិបាលប្រធានាធិបតី Assad តាមរយៈការផ្គត់ផ្គង់អាវុធ និងផ្ដល់ការបណ្ដុះបណ្ដាលក្នុងនាមជាទីប្រឹក្សា។ នេះក៏ព្រោះអាមេរិកមិនចង់ចូលរួមដោយផ្ទាល់ក្នុងជម្លោះនៅស៊ីរីដែលស្ថិតក្នុងឆ្នាំទី៦ ទៅហើយ។ ប៉ុន្តែជំនួយរបស់អាមេរិកមិនសូវហុចផលមកវិញឡើយ ដ្បិតលោក Assad បានទទួលជំនួយពីរុស្ស៊ី និងអ៊ីរ៉ង់ ដែលផ្ដល់ឱកាសឲ្យលោកអាចរក្សាអំណាចបាន។
មិនត្រឹមតែអាចរក្សាអំណាចបានឡើយ ជំនួយរបស់រុស្ស៊ី និងអ៊ីរ៉ង់ ក៏ជួយឲ្យកម្លាំងលោក Assad អាចដណ្ដើមបានទីតាំងដែលធ្លាប់គ្រប់គ្រងដោយក្រុមឧទ្ទាម យកមកត្រួតត្រាវិញបានទៀតផង។ ក្រៅពីនោះ រដ្ឋាភិបាលលោក Assad ក៏អាចវាយបណ្ដេញក្រុមជ្រុលនិយមរដ្ឋឥស្លាមបានដែរ។ ងាកទៅខាងក្រុមឧទ្ទាមវិញ ចាប់តាំងពីលោក ដូណាល់់ ត្រាំ ឡើងកាន់តំណែងមកនោះ ក្ដីសង្ឃឹមក្នុងការផ្ដួលលោក Assad កាន់តែរសាត់ឆ្ងាយ ដ្បិតលោក ត្រាំ ចង់បានទំនាក់ទំនងល្អជាមួយរុស្ស៊ីជាង។
ច្បាស់ណាស់ថា ការសម្រេចចិត្តរបស់រដ្ឋបាលលោក ត្រាំ ពិតជារឿងគួរឲ្យសប្បាយចិត្តសម្រាប់លោក Assad ក៏ដូចជារុស្ស៊ីផង។ លើសពីនេះ វាក៏ជាសញ្ញាបង្ហាញពីជំហររបស់លោក ត្រាំ ក្នុងការកសាងចំណងការទូតឡើងវិញជាមួយរុស្ស៊ី ដែលកំពុងចោមរោមដោយរឿងអាស្រូវលូកលាន់កិច្ចការបោះឆ្នោតនោះ។ ទាំងលោក ត្រាំ ទាំងលោក ពូទីន សុទ្ធតែបដិសេធជាប់ពាក់ព័ន្ធរឿងនេះ ប៉ុន្តែការស៊ើបអង្កេតរបស់ព្រឹទ្ធសភាអាមេរិក និងក្រុមស៊ើបអង្កេតពិសេស នៅតែបន្តធ្វើដដែល។
អ្វីគួរឲ្យកត់សម្គាល់ជុំវិញជម្លោះនៅស៊ីរីនោះ គឺលោក ត្រាំ និងលោក ពូទីន ក៏ទើបតែឯកភាពក្នុងការបង្កើតបទឈប់បាញ់នៅតំបន់នីរតីស៊ីរី ដែលគ្រប់ដណ្ដប់លើទីតាំងរបស់ក្រុមឧទ្ទាមប្រឆាំងខ្លះផង។ យ៉ាងណាក្ដី នេះគ្រាន់តែជាផែនការជំហានដំបូងប៉ុណ្ណោះ ព្រោះទាំងអាមេរិក និងរុស្ស៊ី នៅមិនទាន់រកបានចំណុចរួមដើម្បីដោះស្រាយបញ្ហានៅស៊ីរីនៅឡើយទេ ជាពិសេសអនាគតលោក Assad តែម្ដង។ អាមេរិកចង់ឲ្យលោក Assad ចាកចេញ តែរុស្ស៊ីថាវត្តមានលោក Assad គឺជារឿងសំខាន់៕
Tag:
អាមេរិក
រុស្ស៊ី
ដូណាល់ ត្រាំ
ស៊ីរី
CIA
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 9 ម៉ោង
