អន្តរជាតិ
មេទ័ពអាមេរិកប្រចាំប៉ាស៊ីហ្វិក៖ បើលោក ត្រាំ ចេញបញ្ជា ខ្ញុំនឹងបាញ់នុយក្លេអ៊ែរកម្ទេចចិនភ្លាម
មេទ័ពជើងទឹកអាមេរិកប្រចាំតំបន់ប៉ាស៊ីហ្វិក ឧត្តមនាវី Scott Swift (រូបភាព Xinhua)
×![]()
ដោយ: តន ចាន់រិទ្ធារ៉ា
មេបញ្ជាការកងទ័ពជើងទឹកអាមេរិកប្រចាំតំបន់ប៉ាស៊ីហ្វិក Scott Swift និយាយថា លោកនឹងគោរពតាមបទបញ្ជារបស់ប្រធានាធិបតី ដូណាល់ ត្រាំ ដើម្បីវាយប្រហារដោយនុយក្លេអ៊ែរទៅលើចិន បើលោក ត្រាំ ចង់បានមែននោះ។ មេទ័ពអាមេរិកនៅប៉ាស៊ីហ្វិកនិយាយបែបនេះ បន្ទាប់ពីនាយកទីភ្នាក់ងារចារកម្មកណ្ដាល (CIA) លោក Mike Pompeo លើកឡើងថា ចិន ជាការគំរាមកំហែងធំជាងគេរបស់អាមេរិក ហើយមានគោលដៅចង់ជំនួសអាមេរិកក្នុងនាមជាមហាអំណាចពិភពលោកទៅទៀត។
លោកឧត្តមនាវី Scot Swift មេទ័ពជើងទឹកអាមេរិកប្រចាំតំបន់ប៉ាស៊ីហ្វិក នៅថ្ងៃទី២៧ ខែកក្កដា បាននិយាយបែបព្រមានថា លោកមិនរួញរាក្នុងការអនុវត្តតាមបញ្ជាលោក ដូណាល់ ត្រាំ ដើម្បីវាយប្រហារចិនឡើយ។ យ៉ាងណាក្ដី នេះជាសេណារីយ៉ូ ដែលមិនងាយកើតឡើងឡើយ ទោះជាអាមេរិក និងចិន ប្រឈមមុខគ្នាខ្លាំងក្ដី ក៏មិនអាចឈានដល់ដំណាក់កាលធ្វើសង្គ្រាមបង្កមហន្តរាយឲ្យពិភពលោកដែរ។
មេទ័ពអាមេរិកនៅប៉ាស៊ីហ្វិក បានឆ្លើយរបៀបនេះទៅនឹងសំណួរបស់អ្នកចូលរួមក្នុងវេទិកាសន្តិសុខមួយនៅអូស្ត្រាលី ដែលធ្វើឡើងបន្ទាប់អាមេរិកទើបបញ្ចប់សមយុទ្ធដ៏ធំរួមគ្នាជាមួយអូស្ត្រាលី។ បើតាមទីភ្នាក់ងារព័ត៌មាន AP អ្នកចូលរួមម្នាក់បានសួរលោក Swift ថា លោកនឹងវាយប្រហារនុយក្លេអ៊ែរលើចិនដែរឬទេ បើលោក ត្រាំ បញ្ជាឲ្យធ្វើបែបនេះនៅសប្ដាហ៍ក្រោយ។ លោកឧត្តមនាវី Swift បានក៏តបវិញថា៖ ចម្លើយច្បាស់ជា បាទ»។
លោក Swift ដែលកាន់តំណែងមេទ័ពជើងទឹកប្រចាំប៉ាស៊ីហ្វិកតាំងពីឆ្នាំ២០១៥ មក ក៏បានឆ្លៀតពេលនោះ ប្រាប់ឲ្យកងទ័ពអាមេរិកទាំងអស់គោរពបទបញ្ជាថ្នាក់លើផងដែរ។ លោកបញ្ជាក់ថា ទាហានគ្រប់ៗរូបសុទ្ធតែបានស្បថការពាររដ្ឋធម្មនុញ្ញអាមេរិកប្រឆាំងរាល់សត្រូវទាំងអស់ និងអនុវត្តតាមបទបញ្ជារបស់ថ្នាក់ដឹកនាំ ក៏ដូចជាបញ្ជាលោកប្រធានាធិបតី ត្រាំ ដែលត្រូវបានតែងជាអគ្គមេបញ្ជាការកំពូលកងទ័ពទាំងមូល។
យ៉ាងណាមិញ លោកឧត្តមនាវី Swift បាននិយាយថា ការលើកឡើងរបស់លោកខាងលើ គឺជាភស្តុតាងបង្ហាញពីគោលការណ៍ប្រជាធិបតេយ្យនៅអាមេរិក និងការគោរពឋានានុក្រមប៉ុណ្ណោះ។ បើតាមសម្ដីរបស់លោក កងទ័ពត្រូវស្ថិតនៅក្រោមការត្រួតពិនិត្យរបស់ស៊ីវិល ហើយក្រិត្យក្រមនេះត្រូវបានផ្លាស់ប្ដូរ នោះមានន័យថាបញ្ហាកំពុងកើតឡើងហើយ។ ឯអ្នកនាំពាក្យកងទ័ពជើងទឹកអាមេរិកនៅប៉ាស៊ីហ្វិកពន្យល់ដែរថា លោក Swift គ្រាន់ចង់បញ្ជាក់ពីទំនាក់ទំនងរវាងស៊ីវិល និងកងទ័ពប៉ុណ្ណោះ។
ការអធិប្បាយរបស់លោក Swift ធ្វើឡើយ ក្រោយប្រមុខ CIA លោក Pompeo លើកឡើងថា មានតែចិនប៉ុណ្ណោះដែលអាចបង្កបញ្ហាសម្រាប់កៅអីមហាអំណាចរបស់អាមេរិកបាន។ លោក Pompeo យកចំនួនប្រជាជនខ្ទង់ពាន់លាននាក់ និងទំហំសេដ្ឋកិច្ចដ៏ធំរបស់ចិន ធ្វើជាមូលដ្ឋានក្នុងប៉ាន់ស្មានសមត្ថភាពរបស់ចិន ដែលអាចក្លាយជាមហាអំណាចពិភពលោកជំនួសអាមេរិក។ ប៉ុន្តែចិនក៏បានឆ្លើយវិញថា ការអភិវឌ្ឍរបស់ខ្លួន គឺប្រកបដោយសន្តិភាព មិនមែនជាការគំរាមអ្នកណាឡើយ៕
លោកឧត្តមនាវី Scot Swift មេទ័ពជើងទឹកអាមេរិកប្រចាំតំបន់ប៉ាស៊ីហ្វិក នៅថ្ងៃទី២៧ ខែកក្កដា បាននិយាយបែបព្រមានថា លោកមិនរួញរាក្នុងការអនុវត្តតាមបញ្ជាលោក ដូណាល់ ត្រាំ ដើម្បីវាយប្រហារចិនឡើយ។ យ៉ាងណាក្ដី នេះជាសេណារីយ៉ូ ដែលមិនងាយកើតឡើងឡើយ ទោះជាអាមេរិក និងចិន ប្រឈមមុខគ្នាខ្លាំងក្ដី ក៏មិនអាចឈានដល់ដំណាក់កាលធ្វើសង្គ្រាមបង្កមហន្តរាយឲ្យពិភពលោកដែរ។
មេទ័ពអាមេរិកនៅប៉ាស៊ីហ្វិក បានឆ្លើយរបៀបនេះទៅនឹងសំណួរបស់អ្នកចូលរួមក្នុងវេទិកាសន្តិសុខមួយនៅអូស្ត្រាលី ដែលធ្វើឡើងបន្ទាប់អាមេរិកទើបបញ្ចប់សមយុទ្ធដ៏ធំរួមគ្នាជាមួយអូស្ត្រាលី។ បើតាមទីភ្នាក់ងារព័ត៌មាន AP អ្នកចូលរួមម្នាក់បានសួរលោក Swift ថា លោកនឹងវាយប្រហារនុយក្លេអ៊ែរលើចិនដែរឬទេ បើលោក ត្រាំ បញ្ជាឲ្យធ្វើបែបនេះនៅសប្ដាហ៍ក្រោយ។ លោកឧត្តមនាវី Swift បានក៏តបវិញថា៖ ចម្លើយច្បាស់ជា បាទ»។
លោក Swift ដែលកាន់តំណែងមេទ័ពជើងទឹកប្រចាំប៉ាស៊ីហ្វិកតាំងពីឆ្នាំ២០១៥ មក ក៏បានឆ្លៀតពេលនោះ ប្រាប់ឲ្យកងទ័ពអាមេរិកទាំងអស់គោរពបទបញ្ជាថ្នាក់លើផងដែរ។ លោកបញ្ជាក់ថា ទាហានគ្រប់ៗរូបសុទ្ធតែបានស្បថការពាររដ្ឋធម្មនុញ្ញអាមេរិកប្រឆាំងរាល់សត្រូវទាំងអស់ និងអនុវត្តតាមបទបញ្ជារបស់ថ្នាក់ដឹកនាំ ក៏ដូចជាបញ្ជាលោកប្រធានាធិបតី ត្រាំ ដែលត្រូវបានតែងជាអគ្គមេបញ្ជាការកំពូលកងទ័ពទាំងមូល។
យ៉ាងណាមិញ លោកឧត្តមនាវី Swift បាននិយាយថា ការលើកឡើងរបស់លោកខាងលើ គឺជាភស្តុតាងបង្ហាញពីគោលការណ៍ប្រជាធិបតេយ្យនៅអាមេរិក និងការគោរពឋានានុក្រមប៉ុណ្ណោះ។ បើតាមសម្ដីរបស់លោក កងទ័ពត្រូវស្ថិតនៅក្រោមការត្រួតពិនិត្យរបស់ស៊ីវិល ហើយក្រិត្យក្រមនេះត្រូវបានផ្លាស់ប្ដូរ នោះមានន័យថាបញ្ហាកំពុងកើតឡើងហើយ។ ឯអ្នកនាំពាក្យកងទ័ពជើងទឹកអាមេរិកនៅប៉ាស៊ីហ្វិកពន្យល់ដែរថា លោក Swift គ្រាន់ចង់បញ្ជាក់ពីទំនាក់ទំនងរវាងស៊ីវិល និងកងទ័ពប៉ុណ្ណោះ។
ការអធិប្បាយរបស់លោក Swift ធ្វើឡើយ ក្រោយប្រមុខ CIA លោក Pompeo លើកឡើងថា មានតែចិនប៉ុណ្ណោះដែលអាចបង្កបញ្ហាសម្រាប់កៅអីមហាអំណាចរបស់អាមេរិកបាន។ លោក Pompeo យកចំនួនប្រជាជនខ្ទង់ពាន់លាននាក់ និងទំហំសេដ្ឋកិច្ចដ៏ធំរបស់ចិន ធ្វើជាមូលដ្ឋានក្នុងប៉ាន់ស្មានសមត្ថភាពរបស់ចិន ដែលអាចក្លាយជាមហាអំណាចពិភពលោកជំនួសអាមេរិក។ ប៉ុន្តែចិនក៏បានឆ្លើយវិញថា ការអភិវឌ្ឍរបស់ខ្លួន គឺប្រកបដោយសន្តិភាព មិនមែនជាការគំរាមអ្នកណាឡើយ៕
Tag:
អាមេរិក
ចិន
ដូណាល់ ត្រាំ
Scott Swift
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
