អន្តរជាតិ
ទាហានអ៊ុយក្រែនបាញ់សាកល្បងមីស៊ីលប្រឆាំងរថគ្រោះផ្គត់ផ្គង់ដោយអាមេរិក (រូបភាព Russia Insider)
×![]()
ដោយ: តន ចាន់រិទ្ធារ៉ា
ក្រសួងការបរទេសរុស្ស៊ី នៅថ្ងៃទី១ ខែសីហា បានរិះគន់អាមេរិកដែលគ្រោងបញ្ជូនអាវុធបន្ថែមទៅឲ្យរដ្ឋាភិបាលអ៊ុយក្រែនដើម្បីទុកការពារខ្លួន។ រុស្ស៊ី ព្រមានថាការបញ្ជូនអាវុធនេះអាចធ្វើឲ្យស្ថានការណ៍នៅអ៊ុយក្រែនកាន់យ៉ាប់យ៉ឺន ខណៈស្ថានការណ៍នៅភាគខាងកើតកំពុងដុនដាបស្រាប់ផងនោះ។ រុស្ស៊ីក៏យល់ដែរថា ការផ្គត់ផ្គង់អាវុធបន្ថែមមិនជារឿងចាំបាច់ឡើយ ព្រោះរដ្ឋាភិបាលអ៊ុយក្រែនក៏គ្មានការចាំបាច់ដើម្បីទទួលអាវុធពីអាមេរិកឡើយ។
រុស្ស៊ីបានចោទអាមេរិកថាកំពុងចាក់សាំងលើភ្លើងតាមរយៈការបញ្ជូនអាវុធទៅឲ្យកម្លាំងរដ្ឋាភិបាលអ៊ុយក្រែនក្នុងគោលដៅទប់ទល់សកម្មភាពពួកឧទ្ទាម និងការឈ្លានពានរបស់រុស្ស៊ី។ រុស្ស៊ីនិយាយថា ការបន្តផ្គត់ផ្គង់អាវុធទៅឲ្យរដ្ឋាភិបាលក្រុងគៀវ នឹងធ្វើឲ្យជម្លោះនៅភាគខាងកើតកាន់តែរាលដាលខ្លាំងឡើងមិនខាន។ រុស្ស៊ីក៏ព្រមានដែរថាអាមេរិកនឹងមិនអាចគេចផុតពីការទទួលខុសត្រូវឡើយ បើស្ថានការណ៍ធ្លាក់ទៅរកស្ថានភាពមិនល្អនោះ។
លោក Mikhail Ulyanov មន្ត្រីក្រសួងការបរទេសរុស្ស៊ីបែបឌឺដងឲ្យអាមេរិកថា ក្រុងវ៉ាស៊ីនតោនសម្រេចចិត្តបញ្ជូនអាវុធបន្ថែមទៅឲ្យអ៊ុយក្រែន ព្រោះពួកគេយល់ថាស្ថានការណ៍នៅភាគកើតមិនទាន់អាក្រក់គ្រប់គ្រាន់នៅឡើយ ដូច្នេះត្រូវតែចាក់សាំងបន្ថែមទៀត។ បើតាមសារព័ត៌មាន RT លោក Ulyanov បញ្ជាក់ថា ទោះជាអាវុធទាំងនោះមានគោលដៅការពារខ្លួនមែន តែវាក៏បានរុញច្រានស្ថានការណ៍កាន់តែអាក្រក់ដែរ។
រដ្ឋាភិបាលក្រុងគៀវ អត់ត្រូវប្រយុទ្ធជាមួយអ្នកណាឡើយ ព្រោះកម្លាំងឧទ្ទាមផ្ដាច់ខ្លួននៅភាគខាងកើតគ្មានគោលដៅពង្រីកទឹកដីដែលពួកគេកំពុងគ្រប់គ្រងឡើយ។ នេះគឺជាការបញ្ជាក់បន្ថែមរបស់លោក Ulyanov ។ លោកបន្តទៀតថា ការបញ្ជូនអាវុធលើកនេះអាចនាំឲ្យគេគិតថាអាមេរិកកំពុងលើកទឹកចិត្តទង្វើបង្ករឿង ក៏ដូចជាធ្វើឲ្យស្ថានការណ៍នៅអ៊ុយក្រែនអាចយ៉ាប់យ៉ឺនជាងមុន ហើយទាំងអាមេរិក ទាំងអ៊ុយក្រែន សុទ្ធតែត្រូវទទួលខុសត្រូវលើរឿងរ៉ាវទាំងនេះ។
ការចេញមកទិតៀនរបស់ក្រសួងការបរទេសរុស្ស៊ី ធ្វើឡើងបន្ទាប់សារព័ត៌មានអាមេរិក នៅថ្ងៃទី៣១ ខែកក្កដា ផ្សាយថា មន្ទីរបញ្ចកោណ និងក្រសួងការបរទេសអាមេរិកបានរៀបចំផែនការផ្គត់ផ្គង់អាវុធជាច្រើនមុខទៅឲ្យទាហានអ៊ុយក្រែនរួមទាំងមីស៊ីលប្រឆាំងរថក្រោះផង។ មន្ត្រីអាមេរិកជាន់ខ្ពស់នៃក្រសួងការបរទេសអាមេរិកនិយាយថា ក្រុងគៀវចង់បានអាវុធបន្ថែម ដើម្បីការពារខ្លួនឯងពីការឈ្លានពានណាមួយរបស់រុស្ស៊ី។
អ៊ុយក្រែនបានដាក់សំណើផ្គត់ផ្គង់អាវុធទៅកាន់អាមេរិក អំឡុងពេលទស្សនកិច្ចរបស់ប្រធានាធិបតី Pedro Poroshenko ទៅកាន់អាមេរិកកាលពីខែមិថុនា។ អ៊ុយក្រែនចង់បានអាវុធបន្ថែម ដ្បិតពួកឧទ្ទាមផ្ដាច់ខ្លួននៅភាគខាងកើត ដែលលោកខាងលិចអះអាងថាទទួលបានគាំទ្រពីសំណាក់រុស្ស៊ី បន្តសកម្មភាពប្រឆាំងរដ្ឋាភិបាលក្រុងគៀវ។ ពួកឧទ្ទាមថែមទាំងប្រកាសផ្ដាច់រដ្ឋនៅតំបន់ដែលខ្លួនគ្រប់គ្រង ហើយដាក់ឈ្មោះថា «រុស្ស៊ីតូច» ទៀតផង៕
រុស្ស៊ីបានចោទអាមេរិកថាកំពុងចាក់សាំងលើភ្លើងតាមរយៈការបញ្ជូនអាវុធទៅឲ្យកម្លាំងរដ្ឋាភិបាលអ៊ុយក្រែនក្នុងគោលដៅទប់ទល់សកម្មភាពពួកឧទ្ទាម និងការឈ្លានពានរបស់រុស្ស៊ី។ រុស្ស៊ីនិយាយថា ការបន្តផ្គត់ផ្គង់អាវុធទៅឲ្យរដ្ឋាភិបាលក្រុងគៀវ នឹងធ្វើឲ្យជម្លោះនៅភាគខាងកើតកាន់តែរាលដាលខ្លាំងឡើងមិនខាន។ រុស្ស៊ីក៏ព្រមានដែរថាអាមេរិកនឹងមិនអាចគេចផុតពីការទទួលខុសត្រូវឡើយ បើស្ថានការណ៍ធ្លាក់ទៅរកស្ថានភាពមិនល្អនោះ។
លោក Mikhail Ulyanov មន្ត្រីក្រសួងការបរទេសរុស្ស៊ីបែបឌឺដងឲ្យអាមេរិកថា ក្រុងវ៉ាស៊ីនតោនសម្រេចចិត្តបញ្ជូនអាវុធបន្ថែមទៅឲ្យអ៊ុយក្រែន ព្រោះពួកគេយល់ថាស្ថានការណ៍នៅភាគកើតមិនទាន់អាក្រក់គ្រប់គ្រាន់នៅឡើយ ដូច្នេះត្រូវតែចាក់សាំងបន្ថែមទៀត។ បើតាមសារព័ត៌មាន RT លោក Ulyanov បញ្ជាក់ថា ទោះជាអាវុធទាំងនោះមានគោលដៅការពារខ្លួនមែន តែវាក៏បានរុញច្រានស្ថានការណ៍កាន់តែអាក្រក់ដែរ។
រដ្ឋាភិបាលក្រុងគៀវ អត់ត្រូវប្រយុទ្ធជាមួយអ្នកណាឡើយ ព្រោះកម្លាំងឧទ្ទាមផ្ដាច់ខ្លួននៅភាគខាងកើតគ្មានគោលដៅពង្រីកទឹកដីដែលពួកគេកំពុងគ្រប់គ្រងឡើយ។ នេះគឺជាការបញ្ជាក់បន្ថែមរបស់លោក Ulyanov ។ លោកបន្តទៀតថា ការបញ្ជូនអាវុធលើកនេះអាចនាំឲ្យគេគិតថាអាមេរិកកំពុងលើកទឹកចិត្តទង្វើបង្ករឿង ក៏ដូចជាធ្វើឲ្យស្ថានការណ៍នៅអ៊ុយក្រែនអាចយ៉ាប់យ៉ឺនជាងមុន ហើយទាំងអាមេរិក ទាំងអ៊ុយក្រែន សុទ្ធតែត្រូវទទួលខុសត្រូវលើរឿងរ៉ាវទាំងនេះ។
ការចេញមកទិតៀនរបស់ក្រសួងការបរទេសរុស្ស៊ី ធ្វើឡើងបន្ទាប់សារព័ត៌មានអាមេរិក នៅថ្ងៃទី៣១ ខែកក្កដា ផ្សាយថា មន្ទីរបញ្ចកោណ និងក្រសួងការបរទេសអាមេរិកបានរៀបចំផែនការផ្គត់ផ្គង់អាវុធជាច្រើនមុខទៅឲ្យទាហានអ៊ុយក្រែនរួមទាំងមីស៊ីលប្រឆាំងរថក្រោះផង។ មន្ត្រីអាមេរិកជាន់ខ្ពស់នៃក្រសួងការបរទេសអាមេរិកនិយាយថា ក្រុងគៀវចង់បានអាវុធបន្ថែម ដើម្បីការពារខ្លួនឯងពីការឈ្លានពានណាមួយរបស់រុស្ស៊ី។
អ៊ុយក្រែនបានដាក់សំណើផ្គត់ផ្គង់អាវុធទៅកាន់អាមេរិក អំឡុងពេលទស្សនកិច្ចរបស់ប្រធានាធិបតី Pedro Poroshenko ទៅកាន់អាមេរិកកាលពីខែមិថុនា។ អ៊ុយក្រែនចង់បានអាវុធបន្ថែម ដ្បិតពួកឧទ្ទាមផ្ដាច់ខ្លួននៅភាគខាងកើត ដែលលោកខាងលិចអះអាងថាទទួលបានគាំទ្រពីសំណាក់រុស្ស៊ី បន្តសកម្មភាពប្រឆាំងរដ្ឋាភិបាលក្រុងគៀវ។ ពួកឧទ្ទាមថែមទាំងប្រកាសផ្ដាច់រដ្ឋនៅតំបន់ដែលខ្លួនគ្រប់គ្រង ហើយដាក់ឈ្មោះថា «រុស្ស៊ីតូច» ទៀតផង៕
Tag:
រុស្ស៊ី
អាមេរិក
អ៊ុយក្រែន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
