ជាតិ
អាហារូបករណ៍១០០% ចំនួន ១២០កន្លែង សម្រាប់ថ្នាក់បរិញ្ញាបត្ររង សិក្សានៅវិទ្យាស្ថានបច្ចេកវិទ្យាកំពង់ស្ពឺ
វិទ្យាស្ថានបច្ចេកវិទ្យាកំពង់ស្ពឺ
×![]()
ភ្នំពេញ៖ ក្រសួងអប់រំ យុវជន និងកីឡា ប្រកាសប្រឡងជ្រើសរើសនិស្សិតអាហារូបករណ៍ចូលរៀនថ្នាក់បរិញ្ញាបត្ររង នៅវិទ្យាស្ថានបច្ចេកវិទ្យាកំពង់ស្ពឺ ចំនួន ១២០កន្លែង។ អាហារូបករណ៍ទាំងនោះ មាន ជំនាញដូចជា វិទ្យាសាស្ត្រដំណាំ វិទ្យាសាស្ត្រសត្វ វិទ្យាសាស្ត្រជលផល និងកុំព្យូទ័រធុរកិច្ច។ នេះបើតាមសេចក្ដីជូនដំណឹងរបស់ក្រសួងអប់រំ យុវជន និងកីឡា។
សិស្សានុសិស្សដែលប្រឡងជាប់ ឬធ្លាក់សញ្ញាបត្រមធ្យមសិក្សាទុតិយភូមិ ឬ ជាប់សញ្ញាបត្របច្ចេកទេសនិងវិជ្ជាជីវៈកម្រិត៣ ឬសញ្ញាបត្រសមមូលទាំងអស់ ដែលមានបំណងបន្តការសិក្សាថ្នាក់បរិញ្ញាបត្ររង អាចចូលរួមប្រឡងយកអាហារូបករណ៍របស់ក្រសួងអប់រំ។ ក្រសួងអប់រំ យុវជន និងកីឡា នឹងប្រឡងជ្រើសរើសនិស្សិតអាហារូបករណ៍១០០% ចំនួន ១២០កន្លែង លើ ៤មុខជំនាញ សិក្សានៅវិទ្យាស្ថានបច្ចេកវិទ្យាកំពង់ស្ពឺ។
មុខជំនាញសម្រាប់អាហារូបករណ៍ខាងលើរួមមាន ជំនាញវិទ្យាសាស្ត្រដំណាំ ចំនួន ៣០កន្លែង, វិទ្យាសាស្ត្រសត្វ ចំនួន ៣០កន្លែង, វិទ្យាសាស្ត្រជលផល ចំនួន ៣០កន្លែង និងកុំព្យូទ័រធុរកិច្ច ចំនួន ៣០កន្លែង។ អាហារូបករណ៍នេះ សម្រាប់ឆ្នាំសិក្សា ២០១៧-២០១៨។
សម្រាប់ការប្រឡងជ្រើសរើស នឹងប្រព្រឹត្តទៅនៅថ្ងៃទី ១៥ ខែតុលា ឆ្នាំ២០១៧ នាវិទ្យាស្ថានបច្ចេកវិទ្យាកំពង់ស្ពឺ។ ចំណែកកាលបរិច្ឆេទទទួលពាក្យសុំប្រឡងជ្រើសរើស គឺចាប់ពីថ្ងៃប្រកាសដំណឹងនេះ រហូតដល់ថ្ងៃទី ២៩ កញ្ញា។ បន្ថែមលើនេះ ទីតាំងដាក់ពាក្យ វិទ្យាស្ថានបច្ចេកវិទ្យាកំពង់ស្ពឺ និងនាយកដ្ឋានតម្រង់ទិសវិជ្ជាជីវៈ ស្ថិតនៅអគារលេខ ១៨៥ មហាវិថីព្រះនរោត្តម សង្កាត់បឹងកេងកង១ ខណ្ឌចំការមន រាជធានីភ្នំពេញ។
វិញ្ញាសាសម្រាប់ប្រឡងជ្រើសរើសរួមមាន វិញ្ញាសាជីវវិទ្យា និងគីមីវិទ្យា ភាសាអង់គ្លេស គណិតវិទ្យា វប្បធម៌ទូទៅ។ ចំពោះព័ត៌មានលម្អិត សិស្សានុសិស្សអាចទាក់ទងតាមរយៈលេខទូរសព្ទ ០១៦ ៧៧ ៩៩ ២៤ / ០៨៥ ៤៨ ៣៦ ០៩ តាមរយៈ អ៊ីម៉ែល 
.kh និងអាចទាញយកពាក្យសុំប្រឡងជ្រើសរើសតាមរយៈគេហទំព័រ www.ksit.edu.kh/form/ ៕
Tag:
អាហារូបករណ៍
បរិញ្ញាបត្ររង
កំពង់ស្ពឺ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
