ជាតិ
ពិធីបួងសួងរំលឹកគុណដល់បុព្វបុរសខ្មែរនៅបរិវេណតំបន់ប្រាសាទសំបូរព្រៃគុក
រូបភាពពីក្រសួងវប្បធម៌ និងវិចិត្រសិល្បៈ
×![]()
តំបន់ប្រាសាទសំបូរព្រៃគុក មានការប្រារព្ធពិធីបួងសួងរំលឹកគុណដល់បុព្វបុរសខ្មែរ និងអបអរសាទរតំបន់ប្រាសាទសំបូរព្រៃគុក ចុះក្នុងបញ្ជីបេតិកភណ្ឌពិភពលោក នៅថ្ងៃទី ៨ ខែកក្កដា ឆ្នាំ២០១៧។ កម្មវិធីនេះ ប្រព្រឹត្តទៅរយៈពេល ២ថ្ងៃ ចាប់ពីថ្ងៃទី ៦-៧ សីហា ក្នុងតំបន់ប្រាសាទសំបូរព្រៃគុក។
ក្នុងបរិវេណតំបន់ប្រាសាទសំបូរព្រៃគុក មានភាពអ៊ូអរ ដោយមានវត្តមានថ្នាក់ដឹកនាំជាច្រើន និងសាធារណជននានា មកចូលរួមក្នុងពិធីបួងសួងរំលឹកគុណដល់បុព្វបុរសខ្មែរ និងអបអរសាទរតំបន់ប្រាសាទសំបូរព្រៃគុក ចុះក្នុងបញ្ជីបេតិកភណ្ឌពិភពលោក។ ពិធីបួងសួងនេះ ប្រព្រឹត្តទៅរយៈពេល ២ថ្ងៃ ចាប់ពីថ្ងៃទី ៦-៧ ខែសីហានេះ។
ព្រឹត្តិការណ៍នេះ មានពិធីបួងសួងរំលឹកគុណ ការសម្ដែងសិល្បៈបុរាណ និងការប្រគំតន្ត្រីជាដើម។ ពិធីបួងសួងរំលឹកគុណបុព្វបុរសខ្មែរ ធ្វើឡើងក្រោមវត្តមានសម្ដេច ប៊ុន រ៉ានី ហ៊ុន សែន និងដឹកនាំសំខាន់ៗជាច្រើនរូប។ ជាមួយគ្នានេះ ល្បែងប្រជាប្រិយជាច្រើនប្រភេទ ការសម្ដែងក្បាច់គុណល្បុក្កតោបុរាណខ្មែរ ការសម្ដែងចាប៉ីដងវែង ក៏បានបង្ហាញខ្លួនក្នុងព្រឹត្តិការណ៍នេះ ដែលធ្វើឲ្យមានការចូលរួមទស្សនាយ៉ាងច្រើនកុះករពីសំណាក់ភ្ញៀវទេសចរជាតិ និងអន្តរជាតិ។
តំបន់ប្រាសាទសំបូរព្រៃគុក ដែលជារាជធានីឦសាន្តបុរៈ ក្នុងសម័យចេនឡា ត្រូវបានអង្គការយូណេស្កូបញ្ចូលជាសម្បត្តិបេតិកភណ្ឌពិភពលោក នៅថ្ងៃទី ៨ ខែកក្កដា ឆ្នាំ ២០១៧ នៅប្រទេសប៉ូឡូញ។ ក្រុមប្រាសាទសំបូរព្រៃគុក កសាងឡើងនៅសតវត្សរ៍ទី៧ (៦១៦-៦៣៧) ក្នុងរជ្ជកាលស្ដេច ឥសានវរ្ម័នទី១ សម័យចេនឡា។ បច្ចុប្បន្ន តំបន់ប្រាសាទនេះ ក្លាយជារមណីយដ្ឋានវប្បធម៌ ប្រវត្តិសាស្ត្រ ដែលស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ។
គួរបញ្ជាក់ថា នៅក្នុងពិធីអបអរការដាក់តំបន់ប្រាសាទសំបូរព្រៃគុក នាថ្ងៃទី ១០ កក្កដាកន្លងទៅ សម្តេចនាយករដ្ឋមន្ត្រី ហ៊ុន សែន បានប្រកាសថា រដ្ឋាភិបាលសម្រេចកំណត់ថ្ងៃទី១០ ខែកក្កដា ជាទិវាប្រចាំឆ្នាំនៃការចងចាំការដាក់តំបន់ប្រាសាទសំបូរព្រៃគុក និងប្រាសាទព្រះវិហារក្នុងបញ្ជីបេតិកភណ្ឌពិភពលោក៕
ក្នុងបរិវេណតំបន់ប្រាសាទសំបូរព្រៃគុក មានភាពអ៊ូអរ ដោយមានវត្តមានថ្នាក់ដឹកនាំជាច្រើន និងសាធារណជននានា មកចូលរួមក្នុងពិធីបួងសួងរំលឹកគុណដល់បុព្វបុរសខ្មែរ និងអបអរសាទរតំបន់ប្រាសាទសំបូរព្រៃគុក ចុះក្នុងបញ្ជីបេតិកភណ្ឌពិភពលោក។ ពិធីបួងសួងនេះ ប្រព្រឹត្តទៅរយៈពេល ២ថ្ងៃ ចាប់ពីថ្ងៃទី ៦-៧ ខែសីហានេះ។
ព្រឹត្តិការណ៍នេះ មានពិធីបួងសួងរំលឹកគុណ ការសម្ដែងសិល្បៈបុរាណ និងការប្រគំតន្ត្រីជាដើម។ ពិធីបួងសួងរំលឹកគុណបុព្វបុរសខ្មែរ ធ្វើឡើងក្រោមវត្តមានសម្ដេច ប៊ុន រ៉ានី ហ៊ុន សែន និងដឹកនាំសំខាន់ៗជាច្រើនរូប។ ជាមួយគ្នានេះ ល្បែងប្រជាប្រិយជាច្រើនប្រភេទ ការសម្ដែងក្បាច់គុណល្បុក្កតោបុរាណខ្មែរ ការសម្ដែងចាប៉ីដងវែង ក៏បានបង្ហាញខ្លួនក្នុងព្រឹត្តិការណ៍នេះ ដែលធ្វើឲ្យមានការចូលរួមទស្សនាយ៉ាងច្រើនកុះករពីសំណាក់ភ្ញៀវទេសចរជាតិ និងអន្តរជាតិ។
តំបន់ប្រាសាទសំបូរព្រៃគុក ដែលជារាជធានីឦសាន្តបុរៈ ក្នុងសម័យចេនឡា ត្រូវបានអង្គការយូណេស្កូបញ្ចូលជាសម្បត្តិបេតិកភណ្ឌពិភពលោក នៅថ្ងៃទី ៨ ខែកក្កដា ឆ្នាំ ២០១៧ នៅប្រទេសប៉ូឡូញ។ ក្រុមប្រាសាទសំបូរព្រៃគុក កសាងឡើងនៅសតវត្សរ៍ទី៧ (៦១៦-៦៣៧) ក្នុងរជ្ជកាលស្ដេច ឥសានវរ្ម័នទី១ សម័យចេនឡា។ បច្ចុប្បន្ន តំបន់ប្រាសាទនេះ ក្លាយជារមណីយដ្ឋានវប្បធម៌ ប្រវត្តិសាស្ត្រ ដែលស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ។
គួរបញ្ជាក់ថា នៅក្នុងពិធីអបអរការដាក់តំបន់ប្រាសាទសំបូរព្រៃគុក នាថ្ងៃទី ១០ កក្កដាកន្លងទៅ សម្តេចនាយករដ្ឋមន្ត្រី ហ៊ុន សែន បានប្រកាសថា រដ្ឋាភិបាលសម្រេចកំណត់ថ្ងៃទី១០ ខែកក្កដា ជាទិវាប្រចាំឆ្នាំនៃការចងចាំការដាក់តំបន់ប្រាសាទសំបូរព្រៃគុក និងប្រាសាទព្រះវិហារក្នុងបញ្ជីបេតិកភណ្ឌពិភពលោក៕
Tag:
សំបូរព្រៃគុក
វប្បធម៌
© រក្សាសិទ្ធិដោយ thmeythmey.com
