អន្តរជាតិ
រដ្ឋមន្រ្តីការពារជាតិអាមេរិក Jame Mattis ស្វាគមន៍សមភាគីវៀតណាម Ngo Xuan Lich នៅមន្ទីរបញ្ចកោណ (រូបភាព៖ ក្រសួងការពារជាតិអាមេរិក)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការពារជាតិវៀតណាម Ngo Xuan Lich បានទៅដល់រដ្ឋធានីវ៉ាស៊ីនតោននៅថ្ងៃទី៨ ខែសីហា ក្នុងដំណើរទស្សនកិច្ចដែលគេមើលឃើញថាជាការពង្រឹងទំនាក់ទំនងឲ្យកាន់តែរឹងមាំរវាងអតីតសត្រូវទាំងពីរ ជាពិសេសវិស័យការពារជាតិ ចំពេលដែលវៀតណាមកំពុងជម្លោះជាមួយចិននៅសមុទ្រចិនខាងត្បូង។ អាមេរិក ដែលកំពុងព្យាយាមទប់ស្កាត់សកម្មភាពចិនដែរនោះ ក៏បានសន្យាជំរុញទំនាក់ទំនងទ្វេភាគីឲ្យកាន់តែស៊ីជម្រៅដើម្បីទប់ទល់ចិន។
ជម្លោះសមុទ្រចិនខាងត្បូងបានធ្វើឲ្យអតីតសត្រូវស៊ីសាច់ហុតឈាម គឺអាមេរិក និងវៀតណាមកាន់តែជិតស្និទ្ធគ្នាខ្លាំង។ នៅថ្ងៃទី៨ ខែសីហា រដ្ឋមន្ត្រីការពារជាតិអាមេរិក Jame Mattis បានក្រាលកម្រាលព្រំទទួលរដ្ឋមន្ត្រីការពារជាតិវៀតណាម Ngo Xuan Lich នៅឯមន្ទីរបញ្ចកោណ។ ប្រមុខការពារជាតិអាមេរិកបានសន្យាចំពោះមុខសមភាគីវៀតណាមថា អាមេរិកនឹងបញ្ជូននាវាដឹកយន្តហោះទៅកាន់វៀតណាម និងពង្រឹងកិច្ចសហប្រតិបត្តិការលើវិស័យការពារជាតិផងដែរ។
ក្រុងហាណូយ បានចេញមុខចេញមាត់ខ្លាំងជាងគេក្នុងចំណោមរដ្ឋមានជម្លោះជាមួយក្រុងប៉េកាំងនៅសមុទ្រចិនខាងត្បូង ខណៈក្រុងម៉ានីលបានបន្ទន់ឥរិយាបថជាថ្នូរនឹងជំនួយរាប់ពាន់លានដុល្លារ និងផលប្រយោជន៍សេដ្ឋកិច្ច។ ក្នុងកិច្ចប្រជុំរដ្ឋមន្ត្រីការបរទេសអាស៊ានដែលទើបបញ្ចប់ វៀតណាមបានទាមទារឲ្យអាស៊ានប្រកាន់ជំហរតឹងរ៉ឺងដាក់តាមរយៈការរិះគន់សកម្មភាពយោធា និងការវាតទីរបស់ចិនក្នុងតំបន់ជម្លោះ។
រដ្ឋមន្ត្រីការពារជាតិអាមេរិក Mattis បានប្រាប់សមភាគីវៀតណាមរបស់លោកថា ទំនាក់ទំនងដ៏រឹងមាំលើវិស័យការពាររវាងអាមេរិក និងវៀតណាម គឺពឹងផ្អែកលើផលប្រយោជន៍រួមគ្នា រាប់ទាំងសេរីភាពនាវាចរណ៍នៅសមុទ្រចិនខាងត្បូងផងដែរ។ លោក Mattis ក៏បានស្វាគមន៍ការកើនឡើងតួនាទីរបស់វៀតណាមក្នុងការដឹកនាំតំបន់អាស៊ីប៉ាហ្វិកទៀតផង។ នេះបើតាមយោងតាមការប្រកាសរបស់មន្ទីរបញ្ចកោណ។
វត្តមាននាវាដឹកយន្តហោះអាមេរិកនៅវៀតណាម គឺជាសញ្ញាបង្ហាញពីការខិតជិតគ្នារវាងអាមេរិក និងវៀតណាម ព្រោះវាគឺជាលើកទីមួយដែលនាវាដឹកយន្តហោះអាមេរិកចូលចតនៅកំពង់ផែវៀតណាមចាប់តាំងពីការបញ្ចប់សង្គ្រាមវៀតណាមក្នុងឆ្នាំ១៩៧៥ មក។ រឿងនាវាដឹកយន្តហោះនេះ គឺជាប្រធានបទសំខាន់ក្នុងជំនួបប្រធានាធិបតី ដូណាល់ ត្រាំ និងនាយករដ្ឋមន្ត្រីវៀតណាម Nguyen Xuan Phuc នៅសេតវិមានកាលពីខែឧសភា។
ជាការពិត វៀតណាមនៅមិនទាន់សមត្ថភាពគ្រប់គ្រាន់ក្នុងតទល់ជាមួយមហាយក្សចិនឡើយ។ ដូច្នេះ ការលូកដៃរបស់អាមេរិកមក្នុងមកកាន់សមុទ្រចិនខាងត្បូងក្រោមហេតុផលសេរីភាពនៃការធ្វើនាវាចរណ៍ ពិតជាឱកាសល្អសម្រាប់វៀតណាមដើម្បីការពារទឹកដីដែលខ្លួនកំពុងទាមទារ។ ដោយមានអាមេរិកពីក្រោយខ្នង វៀតណាមអាចត្រៀមខ្លួនតទល់ជាមួយចិន ខណៈចិនពិតជារង្គៀសចិត្តនឹងវត្តមានអាមេរិកណាស់ ព្រោះរាំងស្ទះដល់មហិច្ឆតារបស់ខ្លួន៕
ជម្លោះសមុទ្រចិនខាងត្បូងបានធ្វើឲ្យអតីតសត្រូវស៊ីសាច់ហុតឈាម គឺអាមេរិក និងវៀតណាមកាន់តែជិតស្និទ្ធគ្នាខ្លាំង។ នៅថ្ងៃទី៨ ខែសីហា រដ្ឋមន្ត្រីការពារជាតិអាមេរិក Jame Mattis បានក្រាលកម្រាលព្រំទទួលរដ្ឋមន្ត្រីការពារជាតិវៀតណាម Ngo Xuan Lich នៅឯមន្ទីរបញ្ចកោណ។ ប្រមុខការពារជាតិអាមេរិកបានសន្យាចំពោះមុខសមភាគីវៀតណាមថា អាមេរិកនឹងបញ្ជូននាវាដឹកយន្តហោះទៅកាន់វៀតណាម និងពង្រឹងកិច្ចសហប្រតិបត្តិការលើវិស័យការពារជាតិផងដែរ។
ក្រុងហាណូយ បានចេញមុខចេញមាត់ខ្លាំងជាងគេក្នុងចំណោមរដ្ឋមានជម្លោះជាមួយក្រុងប៉េកាំងនៅសមុទ្រចិនខាងត្បូង ខណៈក្រុងម៉ានីលបានបន្ទន់ឥរិយាបថជាថ្នូរនឹងជំនួយរាប់ពាន់លានដុល្លារ និងផលប្រយោជន៍សេដ្ឋកិច្ច។ ក្នុងកិច្ចប្រជុំរដ្ឋមន្ត្រីការបរទេសអាស៊ានដែលទើបបញ្ចប់ វៀតណាមបានទាមទារឲ្យអាស៊ានប្រកាន់ជំហរតឹងរ៉ឺងដាក់តាមរយៈការរិះគន់សកម្មភាពយោធា និងការវាតទីរបស់ចិនក្នុងតំបន់ជម្លោះ។
រដ្ឋមន្ត្រីការពារជាតិអាមេរិក Mattis បានប្រាប់សមភាគីវៀតណាមរបស់លោកថា ទំនាក់ទំនងដ៏រឹងមាំលើវិស័យការពាររវាងអាមេរិក និងវៀតណាម គឺពឹងផ្អែកលើផលប្រយោជន៍រួមគ្នា រាប់ទាំងសេរីភាពនាវាចរណ៍នៅសមុទ្រចិនខាងត្បូងផងដែរ។ លោក Mattis ក៏បានស្វាគមន៍ការកើនឡើងតួនាទីរបស់វៀតណាមក្នុងការដឹកនាំតំបន់អាស៊ីប៉ាហ្វិកទៀតផង។ នេះបើតាមយោងតាមការប្រកាសរបស់មន្ទីរបញ្ចកោណ។
វត្តមាននាវាដឹកយន្តហោះអាមេរិកនៅវៀតណាម គឺជាសញ្ញាបង្ហាញពីការខិតជិតគ្នារវាងអាមេរិក និងវៀតណាម ព្រោះវាគឺជាលើកទីមួយដែលនាវាដឹកយន្តហោះអាមេរិកចូលចតនៅកំពង់ផែវៀតណាមចាប់តាំងពីការបញ្ចប់សង្គ្រាមវៀតណាមក្នុងឆ្នាំ១៩៧៥ មក។ រឿងនាវាដឹកយន្តហោះនេះ គឺជាប្រធានបទសំខាន់ក្នុងជំនួបប្រធានាធិបតី ដូណាល់ ត្រាំ និងនាយករដ្ឋមន្ត្រីវៀតណាម Nguyen Xuan Phuc នៅសេតវិមានកាលពីខែឧសភា។
ជាការពិត វៀតណាមនៅមិនទាន់សមត្ថភាពគ្រប់គ្រាន់ក្នុងតទល់ជាមួយមហាយក្សចិនឡើយ។ ដូច្នេះ ការលូកដៃរបស់អាមេរិកមក្នុងមកកាន់សមុទ្រចិនខាងត្បូងក្រោមហេតុផលសេរីភាពនៃការធ្វើនាវាចរណ៍ ពិតជាឱកាសល្អសម្រាប់វៀតណាមដើម្បីការពារទឹកដីដែលខ្លួនកំពុងទាមទារ។ ដោយមានអាមេរិកពីក្រោយខ្នង វៀតណាមអាចត្រៀមខ្លួនតទល់ជាមួយចិន ខណៈចិនពិតជារង្គៀសចិត្តនឹងវត្តមានអាមេរិកណាស់ ព្រោះរាំងស្ទះដល់មហិច្ឆតារបស់ខ្លួន៕
Tag:
វៀតណាម
អាមេរិក
ចិន
សមុទ្រចិនខាងត្បូង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
