អន្តរជាតិ
កូរ៉េខាងជើងគំរាមវាយប្រហារកោះហ្គាម ក្រោយ ត្រាំ គំរាមកម្ទេចកូរ៉េខាងជើង
មីស៊ីលរយៈចម្ងាយមធ្យម Hwasong-12 ដែលកូរ៉េខាងជើងចង់ប្រើប្រាស់ដើម្បីវាយប្រហារកោះហ្គាម (រូបភាព AP)
×![]()
ដោយ: តន ចាន់រិទ្ធារ៉ា
កូរ៉េខាងជើង នៅថ្ងៃទី៩ ខែសីហា បាននិយាយថា ខ្លួនកំពុងពិចារណាវាយប្រហារកោះហ្គាម (Guam) ដែលជាដែនដីអាមេរិកនៅមហាសមុទ្រប៉ាស៊ីហ្វិក ដោយប្រើមីស៊ីលរយៈចម្ងាយមធ្យម Hwasong-12 ។ កូរ៉េខាងជើងប្រកាសដូចនេះ ក្រោយប្រធានាធិបតីអាមេរិក ដូណាល់ ត្រាំ គំរាមថា កូរ៉េខាងជើងនឹងត្រូវកម្ទេច បើនៅតែបន្តគំនិតចង់វាយប្រហារអាមេរិកទៀតនោះ។ នៅពេលនេះ កងទ័ពកូរ៉េខាងជើងរង់ចាំតែបញ្ជារបស់មេដឹកនាំកំពូល គីម ជុងអ៊ុន ប៉ុណ្ណោះ។
សង្គ្រាមវោហារសព្ទរវាងអាមេរិក និងកូរ៉េខាងជើង បានកើតឡើងជាបន្តបន្ទាប់ ដោយភាគីទាំងពីរនៅតែប្រើប្រាស់ពាក្យសម្ដីអុជអាលដាក់គ្នាទៅវិញទៅមក។ ក្រោយក្រុមប្រឹក្សាសន្តិសុខអនុម័តទណ្ឌកម្មថ្មី កូរ៉េខាងជើងខឹងសម្បារយ៉ាងខ្លាំង និងបានព្រមានសងសឹកអាមេរិកដែលខ្លួនចាត់ទុកជាមេខ្លោងវិញលើសពីទណ្ឌកម្មនេះរាប់ពាន់ដង។ ប្រធានាធិបតី ដូណាល់ ត្រាំ ឯណោះ ក៏គំរាមវិញថា កូរ៉េខាងជើងត្រូវបោះបង់នុយក្លេអ៊ែរ បើមិនចង់ជួបអន្តរាយដែលពិភពលោកមិនធ្លាប់ជួបប្រទះនោះ។
ជាការឆ្លើយតបនឹងការគំរាមរបស់លោក ត្រាំ កងទ័ពកូរ៉េខាងជើងក៏បានប្រកាសថា ខ្លួនកំពុងរៀបចំផែនការវាយប្រហារតំបន់ជុំវិញកោះហ្គាមជាមួយនឹងមីស៊ីលចម្ងាយមធ្យម Hwasong-12 ។ បើតាមទីភ្នាក់ងារព័ត៌មាន Yonhap កងទ័ពកូរ៉េខាងជើងនឹងបញ្ជូនផែនការនេះទៅកាន់មេដឹកនាំកំពូល គីម ជុងអ៊ុន ហើយប្រតិបត្តិការនេះអាចលេចជារូបរាង ឬយ៉ាងណា គឺអាស្រ័យតាមការសម្រេចចិត្តរបស់លោក គីម ជុងអ៊ុន ផ្ទាល់។
បើពិតជាមានការវាយប្រហារមែននោះ វាមានន័យថាកូរ៉េខាងជើងប្រកាសសង្គ្រាមនឹងអាមេរិកហើយ។ តាមពិតទៅ កូរ៉េខាងជើងចង់វាយប្រហារកោះហ្គាម ព្រោះកោះនេះជាមូលដ្ឋានកងទ័ពអាមេរិកដ៏សំខាន់ ដែលនៅកៀកឧបទ្វីបកូរ៉េ។ សព្វាវុធទំនើបៗជាច្រើនត្រូវបានពង្រាយនៅមូលដ្ឋានទ័ពអាកាស Anderson ដូចជាយន្តហោះទម្លាក់គ្រាប់បែក B-1B និងយន្តហោះ B52 ព្រមទាំងនាវាមុជទឹក ក៏ដូចជាប្រព័ន្ធការពារអាកាស THAAD ទៀតផង។
កោះហ្គាមស្ថិតនៅចម្ងាយ២១០០ម៉ាយល៍ពីកូរ៉េខាងជើង
កូរ៉េខាងជើង ចង់ឡោមព័ទ្ធកោះហ្គាមដើម្បីបិទផ្លូវរបស់អាមេរិកក្នុងករណីអាមេរិកធ្វើសង្គ្រាមដើម្បីបញ្ចប់មហិច្ឆតានុយក្លេអ៊េរ។ បច្ចុប្បន្ននេះ ក្រុងព្យុងយ៉ាងក៏មានមីស៊ីលដែលអាចវាយប្រហារគោលដៅកោះហ្គាមបាន បន្ទាប់ពីប្រឹងប្រែងដុសខាត់មីស៊ីលរបស់ខ្លួនច្រើនឆ្នាំមកនោះ។ មិនត្រឹមតែកោះហ្គាមឡើយ សូម្បីទឹកដីអាមេរិកផ្សេងទៀតក៏ស្ថិតក្នុងរង្វង់នៃការទៅដល់របស់មីស៊ីលរំលងទ្វីបរបស់កូរ៉េខាងជើងដែរ។
រឿងមិនអាចប្រកែកបាន គឺកូរ៉េខាងជើងពិតជាមានសមត្ថភាពវាយប្រហារដោយប្រើនុយក្លេអ៊ែរប្រឆាំងអាមេរិក ដែលរឿងនេះធ្វើឲ្យអាមេរិកនៅមិនសុខឡើយ។ ទាំងទណ្ឌកម្មអន្តរជាតិ ទណ្ឌកម្មឯកតោភាគី និងជម្រើសយោធាផងនោះ សុទ្ធតែជាវិធានការរបស់រដ្ឋបាលប្រធានាធិបតី ត្រាំ ក្នុងការពារសន្តិសុខរបស់អាមេរិក។ ប៉ុន្តែកូរ៉េខាងជើងក៏មិនបានចុះញ៉មនឹងការគំរាមអ្វីដែរ ហើយនៅតែបន្តប្រើប្រាស់សម្ដីព្រហើន និងសកម្មភាពបង្ករឿងរហូតមក៕
សង្គ្រាមវោហារសព្ទរវាងអាមេរិក និងកូរ៉េខាងជើង បានកើតឡើងជាបន្តបន្ទាប់ ដោយភាគីទាំងពីរនៅតែប្រើប្រាស់ពាក្យសម្ដីអុជអាលដាក់គ្នាទៅវិញទៅមក។ ក្រោយក្រុមប្រឹក្សាសន្តិសុខអនុម័តទណ្ឌកម្មថ្មី កូរ៉េខាងជើងខឹងសម្បារយ៉ាងខ្លាំង និងបានព្រមានសងសឹកអាមេរិកដែលខ្លួនចាត់ទុកជាមេខ្លោងវិញលើសពីទណ្ឌកម្មនេះរាប់ពាន់ដង។ ប្រធានាធិបតី ដូណាល់ ត្រាំ ឯណោះ ក៏គំរាមវិញថា កូរ៉េខាងជើងត្រូវបោះបង់នុយក្លេអ៊ែរ បើមិនចង់ជួបអន្តរាយដែលពិភពលោកមិនធ្លាប់ជួបប្រទះនោះ។
ជាការឆ្លើយតបនឹងការគំរាមរបស់លោក ត្រាំ កងទ័ពកូរ៉េខាងជើងក៏បានប្រកាសថា ខ្លួនកំពុងរៀបចំផែនការវាយប្រហារតំបន់ជុំវិញកោះហ្គាមជាមួយនឹងមីស៊ីលចម្ងាយមធ្យម Hwasong-12 ។ បើតាមទីភ្នាក់ងារព័ត៌មាន Yonhap កងទ័ពកូរ៉េខាងជើងនឹងបញ្ជូនផែនការនេះទៅកាន់មេដឹកនាំកំពូល គីម ជុងអ៊ុន ហើយប្រតិបត្តិការនេះអាចលេចជារូបរាង ឬយ៉ាងណា គឺអាស្រ័យតាមការសម្រេចចិត្តរបស់លោក គីម ជុងអ៊ុន ផ្ទាល់។
បើពិតជាមានការវាយប្រហារមែននោះ វាមានន័យថាកូរ៉េខាងជើងប្រកាសសង្គ្រាមនឹងអាមេរិកហើយ។ តាមពិតទៅ កូរ៉េខាងជើងចង់វាយប្រហារកោះហ្គាម ព្រោះកោះនេះជាមូលដ្ឋានកងទ័ពអាមេរិកដ៏សំខាន់ ដែលនៅកៀកឧបទ្វីបកូរ៉េ។ សព្វាវុធទំនើបៗជាច្រើនត្រូវបានពង្រាយនៅមូលដ្ឋានទ័ពអាកាស Anderson ដូចជាយន្តហោះទម្លាក់គ្រាប់បែក B-1B និងយន្តហោះ B52 ព្រមទាំងនាវាមុជទឹក ក៏ដូចជាប្រព័ន្ធការពារអាកាស THAAD ទៀតផង។
កោះហ្គាមស្ថិតនៅចម្ងាយ២១០០ម៉ាយល៍ពីកូរ៉េខាងជើង
កូរ៉េខាងជើង ចង់ឡោមព័ទ្ធកោះហ្គាមដើម្បីបិទផ្លូវរបស់អាមេរិកក្នុងករណីអាមេរិកធ្វើសង្គ្រាមដើម្បីបញ្ចប់មហិច្ឆតានុយក្លេអ៊េរ។ បច្ចុប្បន្ននេះ ក្រុងព្យុងយ៉ាងក៏មានមីស៊ីលដែលអាចវាយប្រហារគោលដៅកោះហ្គាមបាន បន្ទាប់ពីប្រឹងប្រែងដុសខាត់មីស៊ីលរបស់ខ្លួនច្រើនឆ្នាំមកនោះ។ មិនត្រឹមតែកោះហ្គាមឡើយ សូម្បីទឹកដីអាមេរិកផ្សេងទៀតក៏ស្ថិតក្នុងរង្វង់នៃការទៅដល់របស់មីស៊ីលរំលងទ្វីបរបស់កូរ៉េខាងជើងដែរ។
រឿងមិនអាចប្រកែកបាន គឺកូរ៉េខាងជើងពិតជាមានសមត្ថភាពវាយប្រហារដោយប្រើនុយក្លេអ៊ែរប្រឆាំងអាមេរិក ដែលរឿងនេះធ្វើឲ្យអាមេរិកនៅមិនសុខឡើយ។ ទាំងទណ្ឌកម្មអន្តរជាតិ ទណ្ឌកម្មឯកតោភាគី និងជម្រើសយោធាផងនោះ សុទ្ធតែជាវិធានការរបស់រដ្ឋបាលប្រធានាធិបតី ត្រាំ ក្នុងការពារសន្តិសុខរបស់អាមេរិក។ ប៉ុន្តែកូរ៉េខាងជើងក៏មិនបានចុះញ៉មនឹងការគំរាមអ្វីដែរ ហើយនៅតែបន្តប្រើប្រាស់សម្ដីព្រហើន និងសកម្មភាពបង្ករឿងរហូតមក៕
Tag:
កូរ៉េខាងជើង
អាមេរិក
ដូណាល់ ត្រាំ
នុយក្លេអ៊ែរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
