អន្តរជាតិ
×![]()
ដោយ: តន ចាន់រិទ្ធារ៉ា
កោះហ្គាម កំពុងស្ថិតក្នុងចំណុចកណ្ដាលនៃសង្គ្រាមពាក្យសម្ដីរវាងកូរ៉េខាងជើង និងអាមេរិក បន្ទាប់ពីកូរ៉េខាងជើងគំរាមកម្ទេចតំបន់កោះនេះ ដើម្បីសងសឹកសម្ដីរបស់គំរាមរបស់ប្រធានាធិបតី ដូណាល់ ត្រាំ ដែលចង់កម្ទេចកូរ៉េខាងជើង។ នៅពេលនេះ កូរ៉េខាងជើងកំពុងរៀបចំផែនការវាយប្រហារកោះនេះ មុននឹងបញ្ជូនទៅកាន់លោក គីម ជុងអ៊ុន សម្រេចចុងក្រោយ។ ហេតុអ្វីបានជាកូរ៉េខាងជើងហ៊ានគំរាមវាយប្រហារកោះនេះ ទាំងដឹងថានេះជាជំហានគ្រោះថ្នាក់សម្រាប់ខ្លួន?
កោះហ្គាម (Guam) គឺជាទឹកដីដ៏តូចមួយរបស់អាមេរិក មានទីតាំងលើមហាសមុទ្រប៉ាស៊ីហ្វិកដ៏ធំល្វឹងល្វើយ។ ទីនោះហើយ គឺជាមូលដ្ឋានកងទ័ពដ៏ធំចំនួនពីររបស់អាមេរិក ដែលប្រមូលផ្ដុំដោយសព្វាវុធទំនើបជាច្រើន។ កោះមួយនេះ ក្លាយជាទឹកដីអាមេរិកនៅឆ្នាំ១៨៩៨ បន្ទាប់អាមេរិកដណ្ដើមបានពីអេស្ប៉ាញ ហើយធ្លាប់ត្រូវបានជប៉ុនគ្រប់គ្រងផងដែរ។ កោះហ្គាម មានប្រជាជនមិនដល់ពីរសែននាក់ផង តែក៏ជាតំបន់ទេសចរណ៍ល្បីមួយដែរ។
បន្ទាប់ពីដណ្ដើមបានអេស្ប៉ាញ កងទ័ពជើងទឹកអាមេរិកប្រើប្រាស់កោះនេះដើម្បីមូលដ្ឋានផ្គត់ផ្គង់ធ្យូងថ្ម និងជាមូលដ្ឋានសម្រាប់ទំនាក់ទំនងផងដែរ។ ប៉ុន្តែកោះនេះត្រូវបានជប៉ុនដណ្ដើមត្រួតត្រានៅឆ្នាំ១៩៤១ ខណៈដែលយន្តហោះជប៉ុនវាយប្រហារកំពង់ផែ Pearl Harbor របស់អាមេរិក។ គ្រប់គ្រងបានបីឆ្នាំ កោះហ្គាម ក៏ធ្លាក់ចូលដៃអាមេរិកវិញក្នុងឆ្នាំ១៩៤៤ ហើយអាមេរិករៀបចំទីនោះជាមូលដ្ឋានវាយបកទៅជប៉ុនតែម្ដង។
១. កោះហ្គាម៖ មូលដ្ឋានទ័ពអាមេរិកនៅកណ្ដាលមហាសមុទ្រប៉ាស៊ីហ្វិក
កងទ័ពអាមេរិកបានកសាងមូលដ្ឋានចំនួនពីរនៅលើកោះហ្គាម គឺមូលដ្ឋានទ័ពអាមេរិក Andersen មានទីតាំងនៅភាគត្បូង និងមូលដ្ឋានទ័ពជើងទឹកតាំងនៅភាគជើង។ យោងតាមទីភ្នាក់ងារព័ត៌មាន AP មូលដ្ឋានទាំងពីរស្ថិតក្រោមការគ្រប់គ្រងទីបញ្ជាការរួម Joint Base Marianas ។ មូលដ្ឋានទ័ពទាំងពីរមានចែងដាច់ពីគ្នាដោយសង្កាត់ទេសចរណ៍ Tumon ដែលសម្បូរទៅដោយសណ្ឋាគារ និងរីសត។
បន្ទាយទ័ពជើងទឹក ត្រូវបានកសាងតាំងពីឆ្នាំ១៨៩៨មកម្ល៉េះ ពោលបន្ទាប់ពីសង្គ្រាមអាមេរិក និងអេស្ប៉ាញត្រូវបានបញ្ចប់ភ្លាម។ ចំណែកមូលដ្ឋាន Andersen ទើបត្រូវបានកសាងក្នុងឆ្នាំ១៩៩៤ នៅពេលអាមេរិកប្រុងបញ្ជូនយន្តហោះទៅទម្លាក់គ្រាប់បែកលើជប៉ុនអំឡុងសង្គ្រាមលោកលើកទី២។ ដោយឡែកចំនួនទាហានអាមេរិកដែលពង្រាយនៅលើកោះនេះ មានចំនួនជាង៧ពាន់នាក់ បូកនឹងយុទ្ធភណ្ឌច្រើនទៀត។
ដោយសារជាទីតាំងល្អប្រសើរផ្នែកយុទ្ធសាស្ត្រយោធា អាមេរិកបានពង្រាយសព្វាវុធទំនើបជាច្រើនទីនោះ។ នៅមូលដ្ឋានជើងទឹក គេឃើញមាននាវាមុជទឹកល្បឿនលឿនដើរដោយថាមពលនុយក្លេអ៊ែរចំនួន៤គ្រឿង និងនាវាមុជទឹកសម្រាប់ដឹកជញ្ជូនសម្ភារ២គ្រឿងទៀត។ នៅឯមូលដ្ឋាន Andersen គេឃើញមានឧទ្ធម្ភាគចក្រមួយកងធំ យន្តហោះទម្លាក់គ្រាប់ B-1B និង B-52 ដែលតែងចល័តចុះឡើងរវាងអាមេរិក កោះហ្គាម និងទៅឧបទ្វីបកូរ៉េ។
យន្តហោះទម្លាក់គ្រាប់បែក B-1B នៅមូលដ្ឋានទ័ពអាកាសកោះហ្គាម
ក្រៅពីនោះ កោះហ្គាម ក៏មានផ្លូវរត់របស់យន្តហោះដែលមានចម្ងាយពីរគីឡូម៉ែត្រ មានឃ្លាំងស្តុកប្រេង និងឃ្លាំងអាវុធដ៏ធំទៀតផង។ ជាញឹកញាប់ កោះហ្គាមក៏ជាកន្លែងសំចតរបស់យន្តហោះអាមេរិក ដែលធ្វើដំណើរទៅកាន់តំបន់អាស៊ី។ នៅឆ្នាំ២០១៣ ប្រព័ន្ធការពាអាកាស THAAD ក៏ត្រូវបានពង្រាយនៅលើកោះដែរ។
២. កោះហ្គាមជាបន្លាក្នុងភ្នែកកូរ៉េខាងជើង
កោះហ្គាម ស្ថិតនៅមិនឆ្ងាយឡើយពីឧបទ្វីបកូរ៉េ និងតំបន់យុទ្ធសាស្ត្រសំខាន់ផ្សេងទៀតនៅអាស៊ីប៉ាស៊ីហ្វិក ហើយក្នុងករណីសម្ព័ន្ធមិត្តរបស់ខ្លួនមានបញ្ហាអ្វីនោះ កងទ័ពអាមេរិកជាពិសេសយន្តហោះទម្លាក់គ្រាប់បែកនៅលើកោះនេះអាចចេញអន្តរាគមន៍បានឆាប់រហ័ស។ ពីកោះនេះទៅកាន់ក្រុងសេអ៊ូលមាន៣២០០គីឡូម៉ែត្រ ទៅក្រុងតូក្យូមានចម្ងាយ២៤០០គីឡូម៉ែត្រ និងទៅក្រុងតៃប៉ិមានចម្ងាយ២៧០០គីឡូម៉ែត្រប៉ុណ្ណោះ។
នៅខណៈដែលស្ថានការណ៍នៅឧបទ្វីបកូរ៉េតានតឹងខ្លាំង អាមេរិកតែងបញ្ជូនយន្តហោះទម្លាក់គ្រាប់បែករបស់ខ្លួន ទៅក្រវែលពីលើឧបទ្វីបកូរ៉េ ដើម្បីសម្ញែងកម្លាំងដាក់កូរ៉េខាងជើងផង និងក្នុងន័យគំរាមផង។ ក្នុងករណីមានសង្គ្រាមផ្ទុះឡើងមែននោះ អាមេរិកប្រាកដជាប្រើប្រាស់មូលដ្ឋានទ័ពលើហ្គាមដើម្បីវាយប្រហារកូរ៉េខាងជើងមិនខាន ហើយរឿងនេះហើយដែលកូរ៉េខាងជើងព្រួយបារម្ភ និងត្រូវរកផ្លូវដកបន្លានេះឲ្យបាន។
នៅថ្ងៃទី៩ ខែសីហា យោធាកូរ៉េខាងជើងក៏បានប្រកាសថាខ្លួនកំពុងរៀបចំផែនការដើម្បីវាយប្រហារតំបន់ជុំវិញកោះ ហើយផែនការនេះនឹងបញ្ចប់នៅពាក់កណ្ដាលខែសីហានេះដែរ។ យោងតាមផែនការនេះ កូរ៉េខាងជើងនឹងប្រើប្រាស់មីស៊ីលបាលីស្ទិករយៈចម្ងាយមធ្យម និងឆ្ងាយ Hwasong-12 ចំនួន៤គ្រាប់ ដោយបាញ់ឆ្លងកាត់ជប៉ុន មុននឹងធ្លាក់ចូលដែនទឹកស្ថិតចម្ងាយ៣០ ទៅ៤០គីឡូម៉ែត្រពីកោះហ្គាម។
យ៉ាងណាមិញ គេមិនដឹងថា កូរ៉េខាងជើងពិតជាដើរលើផ្លូវគ្រោះថ្នាក់ឬយ៉ាងណាឡើយ ហើយបើមីស៊ីលពិតជាត្រូវបានបាញ់មែន ក៏មិនទាន់ច្បាស់ថាអាចធ្លាក់ចំគោលដែរ។ នេះក៏ដោយសារតែអាមេរិកបានពង្រាយប្រព័ន្ធការពារមីស៊ីលស្ទើរគ្រប់ច្រកល្ហកទៅហើយ មិនថានៅកូរ៉េខាងត្បូង ជប៉ុន ឬកោះហ្គាមផ្ទាល់ទេ គឺសុទ្ធតែមានប្រព័ន្ធការពារទាំងអស់៕
កោះហ្គាម (Guam) គឺជាទឹកដីដ៏តូចមួយរបស់អាមេរិក មានទីតាំងលើមហាសមុទ្រប៉ាស៊ីហ្វិកដ៏ធំល្វឹងល្វើយ។ ទីនោះហើយ គឺជាមូលដ្ឋានកងទ័ពដ៏ធំចំនួនពីររបស់អាមេរិក ដែលប្រមូលផ្ដុំដោយសព្វាវុធទំនើបជាច្រើន។ កោះមួយនេះ ក្លាយជាទឹកដីអាមេរិកនៅឆ្នាំ១៨៩៨ បន្ទាប់អាមេរិកដណ្ដើមបានពីអេស្ប៉ាញ ហើយធ្លាប់ត្រូវបានជប៉ុនគ្រប់គ្រងផងដែរ។ កោះហ្គាម មានប្រជាជនមិនដល់ពីរសែននាក់ផង តែក៏ជាតំបន់ទេសចរណ៍ល្បីមួយដែរ។
បន្ទាប់ពីដណ្ដើមបានអេស្ប៉ាញ កងទ័ពជើងទឹកអាមេរិកប្រើប្រាស់កោះនេះដើម្បីមូលដ្ឋានផ្គត់ផ្គង់ធ្យូងថ្ម និងជាមូលដ្ឋានសម្រាប់ទំនាក់ទំនងផងដែរ។ ប៉ុន្តែកោះនេះត្រូវបានជប៉ុនដណ្ដើមត្រួតត្រានៅឆ្នាំ១៩៤១ ខណៈដែលយន្តហោះជប៉ុនវាយប្រហារកំពង់ផែ Pearl Harbor របស់អាមេរិក។ គ្រប់គ្រងបានបីឆ្នាំ កោះហ្គាម ក៏ធ្លាក់ចូលដៃអាមេរិកវិញក្នុងឆ្នាំ១៩៤៤ ហើយអាមេរិករៀបចំទីនោះជាមូលដ្ឋានវាយបកទៅជប៉ុនតែម្ដង។
១. កោះហ្គាម៖ មូលដ្ឋានទ័ពអាមេរិកនៅកណ្ដាលមហាសមុទ្រប៉ាស៊ីហ្វិក
កងទ័ពអាមេរិកបានកសាងមូលដ្ឋានចំនួនពីរនៅលើកោះហ្គាម គឺមូលដ្ឋានទ័ពអាមេរិក Andersen មានទីតាំងនៅភាគត្បូង និងមូលដ្ឋានទ័ពជើងទឹកតាំងនៅភាគជើង។ យោងតាមទីភ្នាក់ងារព័ត៌មាន AP មូលដ្ឋានទាំងពីរស្ថិតក្រោមការគ្រប់គ្រងទីបញ្ជាការរួម Joint Base Marianas ។ មូលដ្ឋានទ័ពទាំងពីរមានចែងដាច់ពីគ្នាដោយសង្កាត់ទេសចរណ៍ Tumon ដែលសម្បូរទៅដោយសណ្ឋាគារ និងរីសត។
បន្ទាយទ័ពជើងទឹក ត្រូវបានកសាងតាំងពីឆ្នាំ១៨៩៨មកម្ល៉េះ ពោលបន្ទាប់ពីសង្គ្រាមអាមេរិក និងអេស្ប៉ាញត្រូវបានបញ្ចប់ភ្លាម។ ចំណែកមូលដ្ឋាន Andersen ទើបត្រូវបានកសាងក្នុងឆ្នាំ១៩៩៤ នៅពេលអាមេរិកប្រុងបញ្ជូនយន្តហោះទៅទម្លាក់គ្រាប់បែកលើជប៉ុនអំឡុងសង្គ្រាមលោកលើកទី២។ ដោយឡែកចំនួនទាហានអាមេរិកដែលពង្រាយនៅលើកោះនេះ មានចំនួនជាង៧ពាន់នាក់ បូកនឹងយុទ្ធភណ្ឌច្រើនទៀត។
ដោយសារជាទីតាំងល្អប្រសើរផ្នែកយុទ្ធសាស្ត្រយោធា អាមេរិកបានពង្រាយសព្វាវុធទំនើបជាច្រើនទីនោះ។ នៅមូលដ្ឋានជើងទឹក គេឃើញមាននាវាមុជទឹកល្បឿនលឿនដើរដោយថាមពលនុយក្លេអ៊ែរចំនួន៤គ្រឿង និងនាវាមុជទឹកសម្រាប់ដឹកជញ្ជូនសម្ភារ២គ្រឿងទៀត។ នៅឯមូលដ្ឋាន Andersen គេឃើញមានឧទ្ធម្ភាគចក្រមួយកងធំ យន្តហោះទម្លាក់គ្រាប់ B-1B និង B-52 ដែលតែងចល័តចុះឡើងរវាងអាមេរិក កោះហ្គាម និងទៅឧបទ្វីបកូរ៉េ។
យន្តហោះទម្លាក់គ្រាប់បែក B-1B នៅមូលដ្ឋានទ័ពអាកាសកោះហ្គាម
ក្រៅពីនោះ កោះហ្គាម ក៏មានផ្លូវរត់របស់យន្តហោះដែលមានចម្ងាយពីរគីឡូម៉ែត្រ មានឃ្លាំងស្តុកប្រេង និងឃ្លាំងអាវុធដ៏ធំទៀតផង។ ជាញឹកញាប់ កោះហ្គាមក៏ជាកន្លែងសំចតរបស់យន្តហោះអាមេរិក ដែលធ្វើដំណើរទៅកាន់តំបន់អាស៊ី។ នៅឆ្នាំ២០១៣ ប្រព័ន្ធការពាអាកាស THAAD ក៏ត្រូវបានពង្រាយនៅលើកោះដែរ។
២. កោះហ្គាមជាបន្លាក្នុងភ្នែកកូរ៉េខាងជើង
កោះហ្គាម ស្ថិតនៅមិនឆ្ងាយឡើយពីឧបទ្វីបកូរ៉េ និងតំបន់យុទ្ធសាស្ត្រសំខាន់ផ្សេងទៀតនៅអាស៊ីប៉ាស៊ីហ្វិក ហើយក្នុងករណីសម្ព័ន្ធមិត្តរបស់ខ្លួនមានបញ្ហាអ្វីនោះ កងទ័ពអាមេរិកជាពិសេសយន្តហោះទម្លាក់គ្រាប់បែកនៅលើកោះនេះអាចចេញអន្តរាគមន៍បានឆាប់រហ័ស។ ពីកោះនេះទៅកាន់ក្រុងសេអ៊ូលមាន៣២០០គីឡូម៉ែត្រ ទៅក្រុងតូក្យូមានចម្ងាយ២៤០០គីឡូម៉ែត្រ និងទៅក្រុងតៃប៉ិមានចម្ងាយ២៧០០គីឡូម៉ែត្រប៉ុណ្ណោះ។
នៅខណៈដែលស្ថានការណ៍នៅឧបទ្វីបកូរ៉េតានតឹងខ្លាំង អាមេរិកតែងបញ្ជូនយន្តហោះទម្លាក់គ្រាប់បែករបស់ខ្លួន ទៅក្រវែលពីលើឧបទ្វីបកូរ៉េ ដើម្បីសម្ញែងកម្លាំងដាក់កូរ៉េខាងជើងផង និងក្នុងន័យគំរាមផង។ ក្នុងករណីមានសង្គ្រាមផ្ទុះឡើងមែននោះ អាមេរិកប្រាកដជាប្រើប្រាស់មូលដ្ឋានទ័ពលើហ្គាមដើម្បីវាយប្រហារកូរ៉េខាងជើងមិនខាន ហើយរឿងនេះហើយដែលកូរ៉េខាងជើងព្រួយបារម្ភ និងត្រូវរកផ្លូវដកបន្លានេះឲ្យបាន។
នៅថ្ងៃទី៩ ខែសីហា យោធាកូរ៉េខាងជើងក៏បានប្រកាសថាខ្លួនកំពុងរៀបចំផែនការដើម្បីវាយប្រហារតំបន់ជុំវិញកោះ ហើយផែនការនេះនឹងបញ្ចប់នៅពាក់កណ្ដាលខែសីហានេះដែរ។ យោងតាមផែនការនេះ កូរ៉េខាងជើងនឹងប្រើប្រាស់មីស៊ីលបាលីស្ទិករយៈចម្ងាយមធ្យម និងឆ្ងាយ Hwasong-12 ចំនួន៤គ្រាប់ ដោយបាញ់ឆ្លងកាត់ជប៉ុន មុននឹងធ្លាក់ចូលដែនទឹកស្ថិតចម្ងាយ៣០ ទៅ៤០គីឡូម៉ែត្រពីកោះហ្គាម។
យ៉ាងណាមិញ គេមិនដឹងថា កូរ៉េខាងជើងពិតជាដើរលើផ្លូវគ្រោះថ្នាក់ឬយ៉ាងណាឡើយ ហើយបើមីស៊ីលពិតជាត្រូវបានបាញ់មែន ក៏មិនទាន់ច្បាស់ថាអាចធ្លាក់ចំគោលដែរ។ នេះក៏ដោយសារតែអាមេរិកបានពង្រាយប្រព័ន្ធការពារមីស៊ីលស្ទើរគ្រប់ច្រកល្ហកទៅហើយ មិនថានៅកូរ៉េខាងត្បូង ជប៉ុន ឬកោះហ្គាមផ្ទាល់ទេ គឺសុទ្ធតែមានប្រព័ន្ធការពារទាំងអស់៕
Tag:
អាមេរិក
ដូណាល់ ត្រាំ
កូរ៉េខាងជើង
Guam
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
