ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
THAAD, Aegis, Patriot ៖ ប្រព័ន្ធការពារទាំងបីរបស់អាមេរិកចាំស្ទាក់មីស៊ីលកូរ៉េខាងជើង
15, Aug 2017 ,
8:19 pm
រូបភាព
មីស៊ីលរំលងទ្វីប Hwasong-14 របស់កូរ៉េខាងជើង (រូបភាព៖ Xinhua)
×
ដោយ:
តន ចាន់រិទ្ធារ៉ា
នៅថ្ងៃទី១៥ ខែសីហា សារព័ត៌មានរដ្ឋកូរ៉េខាងជើង KCNA រាយការណ៍ថា ផែនការបាញ់មីស៊ីលដាក់តំបន់ជុំវិញកោះហ្គាម បានទៅដល់ដៃលោក គីម ជុងអ៊ុន ហើយ។ ពេលនេះ មីស៊ីលរយៈចម្ងាយមធ្យម Hwason-12 អាចហោះចេញពីជើងទម្រឬយ៉ាងណាក៏អាស្រ័យលើមេដឹកនាំកំពូលកូរ៉េខាងជើង។ ឯអាមេរិកវិញ ក៏បានត្រៀមខ្លួនបាញ់ស្ទាក់មីស៊ីលរបស់កូរ៉េខាងជើងជាស្រេច ហើយក៏ត្រៀមខ្លួនធ្វើសង្គ្រាមជាមួយកូរ៉េខាងជើងដែរ។
បច្ចុប្បន្ននេះ អាមេរិកបានពង្រាយប្រព័ន្ធការពារមីស៊ីលរបស់ខ្លួនចំនួនបីប្រភេទនៅឧបទ្វីបកូរ៉េ និងនៅជុំវិញតំបន់នេះ។ ទិសដៅសំខាន់ជាងគេនៃការពង្រាយប្រព័ន្ធការពារនេះ គឺបាញ់ស្ទាក់មីស៊ីលរបស់កូរ៉េខាងជើង មិនឲ្យទៅដល់អាមេរិក និងការពារសម្ព័ន្ធមិត្តរបស់អាមេរិកមានជប៉ុន និងកូរ៉េខាងត្បូងជាដើម។ គេឃើញមានប្រព័ន្ធការពារ THAAD នៅកូរ៉េខាងត្បូង និងនៅកោះហ្គាម ប្រព័ន្ធការពារ Patriot នៅជប៉ុន និងប្រព័ន្ធស្ទាក់មីស៊ីល Aegis បំពាក់លើនាវា។
មីស៊ីលបាញ់ចេញពីជើងទម្រនៃប្រព័ន្ធការពារមីស៊ីល THAAD (រូបភាព៖ Reuters)
Terminal High Altitude Area Defense ឬ THAAD ជាប្រព័ន្ធការពារមីស៊ីលស៊េរីទំនើបទើបត្រូវបានពង្រាយនៅកូរ៉េខាងត្បូងទាំងចម្រូងចម្រាស់។ ប្រព័ន្ធការពារមីស៊ីលនេះអាចបាញ់ស្ទាក់មីស៊ីលស្ទើរគ្រប់ប្រភេទមិនថាមីស៊ីលរយៈចម្ងាយខ្លី មធ្យម ឬរំលងទ្វីបឡើយ។ វត្តមានរបស់ THAAD ធ្វើឲ្យប្រជាជនកូរ៉េខាងត្បូង និងចិនមិនសូវសប្បាយចិត្តឡើយ ប៉ុន្តែដើម្បីទប់ទល់ការគំរាមកំហែងនៃមីស៊ីលរបស់កូរ៉េខាងជើង ការពង្រាយ THAAD គឺជារឿងចាំបាច់។
នាវាចម្បាំង Lake Erie កំពុងបាញ់មីស៊ីលដែលជាផ្នែកនៃប្រព័ន្ធការពារមីស៊ីល Aegis (រូបភាព៖ Defense One)
ប្រព័ន្ធការពារមីស៊ីលមួយទៀតដែលអាចប្រើក្នុងករណី THAAD មិនអាចស្ទាក់មីស៊ីលកូរ៉េខាងជើងបាន គឺ Aegis ។ ប្រព័ន្ធការពារមីស៊ីល Aegis និង THAAD មានលក្ខណៈស្ទើរដូចគ្នាទាំងស្រុង តែខុសត្រង់ថា Aegis ត្រូវបានបំពាក់នៅនាវា មិនមែនតាំងលើដីដូច THAAD ឡើយ។ ផលិតដោយក្រុមហ៊ុន Lockheed Martin ប្រព័ន្ធ Aegis មានប្រព័ន្ធរ៉ាដាដែលអាចតាមដានសញ្ញាមីស៊ីលបានស្រួល។ កូរ៉េខាងត្បូងបានបំពាក់ប្រព័ន្ធនេះលើនាវារបស់ខ្លួនដើម្បីទុកការពារខ្លួន។
ប្រព័ន្ធការពារមីស៊ីល Patriot (រូបភាព៖ National Interest)
ក្រៅពី THAAD និង Aegis គេឃើញមានប្រព័ន្ធការពារមីស៊ីលមួយទៀតដែលអាចទម្លាក់មីស៊ីលក្រុងព្យុងយ៉ាង គឺ Patriot ។ ក្រុងតូក្យូបានបញ្ចេញប្រព័ន្ធការពារនេះ បន្ទាប់ពីកូរ៉េខាងជើងប្រកាសមីស៊ីលចំនួនបួនគ្រាប់នឹងកាត់ជប៉ុនឆ្ពោះទៅគោលដៅក្បែរកោះហ្គាម។ ជប៉ុនអះអាងថា ខ្លួនមានសិទ្ធិស្របច្បាប់ក្នុងការបាញ់ទម្លាក់មីស៊ីលកូរ៉េខាងជើង។ Patriot មានសមត្ថភាពកម្ទេចមីស៊ីល ឬឧបករណ៍ហោះហើរផ្សេងទៀតសូម្បីតែដ្រូនក្ដី។
ប្រព័ន្ធការពារមីស៊ីលទាំងបីខាងលើត្រូវបានដំឡើងរួចស្រេច និងរង់ចាំបាញ់មីស៊ីលសត្រូវគ្រប់ពេល។ យ៉ាងណាមិញ ទោះជាមានប្រព័ន្ធបាញ់ស្ទាក់មីស៊ីលច្រើនក្ដី អាមេរិក និងសម្ព័ន្ធមិត្តរបស់ខ្លួននៅតែបារម្ភពីការគំរាមកំហែងរបស់កូរ៉េខាងជើងដដែល ដ្បិតមីស៊ីលរបស់កូរ៉េខាងជើងត្រូវបានអភិវឌ្ឍយ៉ាងឆាប់រហ័សក្នុងពេលចុងក្រោយ។ ការសាកល្បងពីរលើកចុងក្រោយបង្ហាញថាក្រុងព្យុងយ៉ាងមានមីស៊ីលរំលងទ្វីបដែលអាចបាញ់ដល់ផ្នែកខ្លះរបស់អាមេរិកទៅទៀត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អាមេរិក
កូរ៉េខាងជើង
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
19 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
4 ថ្ងៃ
អត្ថបទពេញនិយមបន្ថែម