អន្តរជាតិ
នាយសេនាធិការចម្រុះកងទ័ពអាមេរិកឧត្តមសេនីយ៍ ចូសេហ្វ ដាន់ហ្វត ទស្សនាសមយុទ្ធរបស់កងទ័ពចិន (រូបភាពពីគេហទំព័រកងទ័ពអាមេរិក)
×![]()
ដោយ: តន ចាន់រិទ្ធារ៉ា
ប្រមុខកងទ័ពអាមេរិក ឧត្តមសេនីយ៍ ចូសេហ្វ ដាន់ហ្វត (Joseph Dunford) កំពុងស្ថិតក្នុងដំណើរទស្សនកិច្ចបីថ្ងៃនៅប្រទេសចិន។ បន្ទាប់ពីជួបជាមួយសមភាគីចិន Fang Fenghui នៅថ្ងៃទី១៥ ខែសីហា លោក ដាន់ហ្វត បានទៅទស្សនកិច្ចបញ្ជាការដ្ឋានភូមិភាគខាងជើងនៃកងទ័ពរំដោះប្រជាជនចិន ដែលទទួលបន្ទុកតំបន់ជាប់ព្រំដែនកូរ៉េខាងជើង។ នៅទីនោះ ប្រមុខកងទ័ពអាមេរិកបានទស្សនាសមយុទ្ធរបស់កងទ័ពចិនផងដែរ។
ចាកចេញពីរដ្ឋធានីប៉េកាំង នាយសេនាធិការចម្រុះកងទ័ពអាមេរិក ឧត្តមសេនីយ៍ ចូសេហ្វ ដាន់ហ្វត នៅថ្ងៃទី១៦ ខែសីហា បានទៅដល់ទីក្រុង Shenyang ខេត្ត Liaoning ដើម្បីទស្សនកិច្ចនៅបញ្ជាការដ្ឋានភូមិភាគខាងជើងរបស់យោធាចិន។ ឧត្តមសេនីយ៍ ដាន់ហ្វត ទៅដល់ប្រទេសចិន ស្របពេលដែលស្ថានការណ៍នៅឧបទ្វីបកូរ៉េតានតឹងខ្លាំង រហូតដល់មានការបារម្ភថា សង្គ្រាមរវាងអាមេរិក និងកូរ៉េខាងជើងអាចផ្ទុះឡើងទៀតផង។
នៅទីក្រុង Shenyang ប្រមុខកងទ័ពអាមេរិកបានទៅកាន់បន្ទាយទ័ព Haicheng ដើម្បីត្រួតពិនិត្យសមយុទ្ធមួយដែលបានបង្ហាញពីអានុភាពក្នុងការប្រយុទ្ធរបស់កងទ័ពរំដោះប្រជាជនចិន។ យោធាចិនរាប់រយនាក់ បូករួមនឹងរថក្រោះ រថពាសដែក ក៏ដូចជាឧទ្ធម្ភាគចក្រច្រើនគ្រឿងទៀតនោះ បានចូលរួមក្នុងសមយុទ្ធ ដែលធ្វើឡើងចំពោះមុខមេទ័ពអាមេរិក និងបណ្ដាមេទ័ពជាន់ខ្ពស់របស់ចិនជាច្រើននាក់ទៀត។
ទស្សនកិច្ចរបស់ឧត្តមសេនីយ៍ដាន់ហ្វត នៅទឹកដីចិនពេលនេះ ក៏មានគោលដៅពង្រឹងទំនាក់ទំនងទ្វេភាគី និងការស្វែងរកជំហររួមគ្នាដើម្បីដោះស្រាយបញ្ហាប្រឈមមុខនានា ជាពិសេសវិបត្តិនៅឧបទ្វីបកូរ៉េតែម្ដង។ ថ្លែងប្រាប់អ្នកសារព័ត៌មានបន្ទាប់ពីទស្សនាសមយុទ្ធ លោកដាន់ហ្វត និយាយថា ជំនួបរបស់លោក និងសមភាគីចិន Fang Fenghui បានផ្ដោតច្រើនលើបញ្ហាកូរ៉េខាងជើង ដោយអាមេរិកនៅតែបន្តប្រើប្រាស់វិធានការការទូត និងទណ្ឌកម្មសេដ្ឋកិច្ចដើម្បីដោះស្រាយបញ្ហានេះ។
ទាក់ទងការលទ្ធភាពប្រើកម្លាំងទ័ពវិញ នាយសេនាធិការកងទ័ពអាមេរិករូបនេះបញ្ជាក់ថា ក្រុងវ៉ាស៊ីនតោនអាចពិចារណាប្រើយោធាដោះស្រាយបញ្ហាតែក្នុងករណីការទូត និងសេដ្ឋកិច្ចមិនអាចរកច្រកចេញបានប៉ុណ្ណោះ។ ការលើកឡើរបស់លោកដាន់ហ្វត ហាក់ផ្ទុយគ្នាពីជំហររបស់ប្រធានាធិបតី ដូណាល់ ត្រាំ ដែលគំរាមវាយប្រហារកូរ៉េខាងជើង ព្រោះលោកយល់ថាទណ្ឌកម្មសេដ្ឋកិច្ចដូចជាមិនអាចបង្ខំឲ្យកូរ៉េខាងជើងបោះបង់នុយក្លេអ៊ែរបានឡើយ។
អ្វីគួរឲ្យកត់សម្គាល់នោះ អំឡុងទស្សនកិច្ចនៅចិនលើកនេះ លោកដាន់ហ្វត និងលោក Fang បានចុះហត្ថលេខាលើកិច្ចព្រមព្រៀងបង្កើនទំនាក់ទំនងរវាងយោធាប្រទេសទាំងពីរ ដើម្បីពង្រឹងការទុកចិត្តគ្នា និងចៀសវាងការវាយតម្លៃខុសលើស្ថានការណ៍។ ប្រមុខយោធាអាមេរិកចាត់ទុកកិច្ចព្រមព្រៀងជាជំហានទៅមុខដ៏ប្រសើរ ដែលអនុញ្ញាតមហាអំណាចទាំងពីរជជែកគ្នាបានស្រួលជាងមុន លឿនជាងមុនក្នុងករណីមានបញ្ហាកើតឡើង៕
ចាកចេញពីរដ្ឋធានីប៉េកាំង នាយសេនាធិការចម្រុះកងទ័ពអាមេរិក ឧត្តមសេនីយ៍ ចូសេហ្វ ដាន់ហ្វត នៅថ្ងៃទី១៦ ខែសីហា បានទៅដល់ទីក្រុង Shenyang ខេត្ត Liaoning ដើម្បីទស្សនកិច្ចនៅបញ្ជាការដ្ឋានភូមិភាគខាងជើងរបស់យោធាចិន។ ឧត្តមសេនីយ៍ ដាន់ហ្វត ទៅដល់ប្រទេសចិន ស្របពេលដែលស្ថានការណ៍នៅឧបទ្វីបកូរ៉េតានតឹងខ្លាំង រហូតដល់មានការបារម្ភថា សង្គ្រាមរវាងអាមេរិក និងកូរ៉េខាងជើងអាចផ្ទុះឡើងទៀតផង។
នៅទីក្រុង Shenyang ប្រមុខកងទ័ពអាមេរិកបានទៅកាន់បន្ទាយទ័ព Haicheng ដើម្បីត្រួតពិនិត្យសមយុទ្ធមួយដែលបានបង្ហាញពីអានុភាពក្នុងការប្រយុទ្ធរបស់កងទ័ពរំដោះប្រជាជនចិន។ យោធាចិនរាប់រយនាក់ បូករួមនឹងរថក្រោះ រថពាសដែក ក៏ដូចជាឧទ្ធម្ភាគចក្រច្រើនគ្រឿងទៀតនោះ បានចូលរួមក្នុងសមយុទ្ធ ដែលធ្វើឡើងចំពោះមុខមេទ័ពអាមេរិក និងបណ្ដាមេទ័ពជាន់ខ្ពស់របស់ចិនជាច្រើននាក់ទៀត។
ទស្សនកិច្ចរបស់ឧត្តមសេនីយ៍ដាន់ហ្វត នៅទឹកដីចិនពេលនេះ ក៏មានគោលដៅពង្រឹងទំនាក់ទំនងទ្វេភាគី និងការស្វែងរកជំហររួមគ្នាដើម្បីដោះស្រាយបញ្ហាប្រឈមមុខនានា ជាពិសេសវិបត្តិនៅឧបទ្វីបកូរ៉េតែម្ដង។ ថ្លែងប្រាប់អ្នកសារព័ត៌មានបន្ទាប់ពីទស្សនាសមយុទ្ធ លោកដាន់ហ្វត និយាយថា ជំនួបរបស់លោក និងសមភាគីចិន Fang Fenghui បានផ្ដោតច្រើនលើបញ្ហាកូរ៉េខាងជើង ដោយអាមេរិកនៅតែបន្តប្រើប្រាស់វិធានការការទូត និងទណ្ឌកម្មសេដ្ឋកិច្ចដើម្បីដោះស្រាយបញ្ហានេះ។
ទាក់ទងការលទ្ធភាពប្រើកម្លាំងទ័ពវិញ នាយសេនាធិការកងទ័ពអាមេរិករូបនេះបញ្ជាក់ថា ក្រុងវ៉ាស៊ីនតោនអាចពិចារណាប្រើយោធាដោះស្រាយបញ្ហាតែក្នុងករណីការទូត និងសេដ្ឋកិច្ចមិនអាចរកច្រកចេញបានប៉ុណ្ណោះ។ ការលើកឡើរបស់លោកដាន់ហ្វត ហាក់ផ្ទុយគ្នាពីជំហររបស់ប្រធានាធិបតី ដូណាល់ ត្រាំ ដែលគំរាមវាយប្រហារកូរ៉េខាងជើង ព្រោះលោកយល់ថាទណ្ឌកម្មសេដ្ឋកិច្ចដូចជាមិនអាចបង្ខំឲ្យកូរ៉េខាងជើងបោះបង់នុយក្លេអ៊ែរបានឡើយ។
អ្វីគួរឲ្យកត់សម្គាល់នោះ អំឡុងទស្សនកិច្ចនៅចិនលើកនេះ លោកដាន់ហ្វត និងលោក Fang បានចុះហត្ថលេខាលើកិច្ចព្រមព្រៀងបង្កើនទំនាក់ទំនងរវាងយោធាប្រទេសទាំងពីរ ដើម្បីពង្រឹងការទុកចិត្តគ្នា និងចៀសវាងការវាយតម្លៃខុសលើស្ថានការណ៍។ ប្រមុខយោធាអាមេរិកចាត់ទុកកិច្ចព្រមព្រៀងជាជំហានទៅមុខដ៏ប្រសើរ ដែលអនុញ្ញាតមហាអំណាចទាំងពីរជជែកគ្នាបានស្រួលជាងមុន លឿនជាងមុនក្នុងករណីមានបញ្ហាកើតឡើង៕
Tag:
ចិន
អាមេរិក
កូរ៉េខាងជើង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
