ជាតិ
ក្រសួងយុត្តិធម៌នឹងបង្កើតគោលនយោបាយជាតិផ្នែកច្បាប់ ការពារពលរដ្ឋក្រីក្រ ដែលគ្មានលទ្ធភាពរកមេធាវី
រូបភាពពីហ្វេសប៊ុក ក្រសួងយុត្តិធម៌
×![]()
ភ្នំពេញ៖ ក្រសួងយុត្តិធម៌ នឹងរៀបចំគោលនយោបាយជាតិស្ដីពីជំនួយផ្នែកច្បាប់ ដើម្បីការពារប្រជាពលរដ្ឋក្រីក្រ ដែលពុំមានលទ្ធភាពរកមេធាវីការពារក្ដីនៅតុលាការ។ គោលនយោបាយនេះ នឹងចាប់ដំណើរការតាក់តែងនៅខែតុលាខាងមុខ ដើម្បីឲ្យកំណែទម្រង់ក្នុងប្រព័ន្ធតុលាការ នៅកម្ពុជាកាន់តែល្អប្រសើរ។ នេះបើតាមទីភ្នាក់ងារសារព័ត៌មានកម្ពុជា AKP។
ក្នុងសន្និសីទស្តីពីការអនុវត្តប្រសើរបំផុតកម្រិតអន្តរជាតិ កាលពីថ្ងៃទី ២៤ សីហា លោក ជិន ម៉ាលីន អនុរដ្ឋលេខាធិការក្រសួងយុត្តិធម៌ បានលើកឡើងថា៖ «តាមរយៈគោលនយោបាយជាតិនេះ ពលរដ្ឋកម្ពុជាជាជនក្រីក្រ និងជនងាយរងគ្រោះ ដែលមិនមានលទ្ធភាពស្វែងរកសេវាការពារក្ដី នឹងទទួលបាននូវមេធាវីការពារក្ដីពីវិវាទដោយយុត្តិធម៌»។ នេះបើតាមទីភ្នាក់ងារសារព័ត៌មានកម្ពុជា AKP។
AKP បានស្រង់សម្ដី លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ថា៖ «បានទទួលស្គាល់ពីបញ្ហាប្រឈម និងតម្រូវការផ្នែកនេះ សម្រាប់ពលរដ្ឋក្រីក្រ ក្នុងការទទួលបានសេវាផ្នែកផ្លូវច្បាប់ ប្រកបដោយយុត្តិធម៌»។ បើតាមលោក អង្គ វង្សវឌ្ឍនា រដ្ឋាភិបាលបានផ្តល់ជំនួយផ្នែកច្បាប់តាមរយៈការទម្លាក់ថវិកាឲ្យក្រសួងយុត្តិធម៌ លើប្រតិបត្តិការការពារក្តីជូនជនក្រក្រីនិងជនងាយរងគ្រោះ ដើម្បីបង្ហាញពីឆន្ទៈនៃការកែទម្រង់ផ្នែកច្បាប់ និងប្រព័ន្ធយុត្តិធម៌នៅកម្ពុជា។
លោកស្រី ម៉ារី ដូមីនិក ប៉ារ៉ង់ តំណាងស្ដីទីទទួលបន្ទុកសិទ្ធិមនុស្សប្រចាំកម្ពុជា បញ្ជាក់ថា ការផ្ដល់ជំនួយផ្នែកច្បាប់នៅកម្ពុជា នៅមានបញ្ហាប្រឈម។ កត្តាដែលមានបញ្ហាប្រឈមនេះ ដោយសារមិនមានមេធាវី និងកញ្ចប់ថវិកាគ្រប់គ្រាន់ សម្រាប់ផ្ដល់ដល់ការការពារក្ដីឲ្យជនងាយរងគ្រោះ និងជនជាប់ចោទ ពិសេសខេត្តដាច់ស្រយាល។
គួរបញ្ជាក់ថា ក្រុមអ្នកច្បាប់ជាតិ និងអន្តរជាតិ មកពីក្រសួងយុត្តិធម៌ គណៈមេធាវីកម្ពុជា ការិយាល័យឧត្តមស្នងការ អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា រួមទាំងអង្គភាពផ្នែកច្បាប់ដទៃទៀត បានការពិភាក្សា លើការតាក់តែងគោលនយោបាយជាតិស្ដីពីជំនួយផ្នែកច្បាប់នៅកម្ពុជា រយៈពេល២ នៅថ្ងៃទី ២៤-២៥ សីហា៕
ក្នុងសន្និសីទស្តីពីការអនុវត្តប្រសើរបំផុតកម្រិតអន្តរជាតិ កាលពីថ្ងៃទី ២៤ សីហា លោក ជិន ម៉ាលីន អនុរដ្ឋលេខាធិការក្រសួងយុត្តិធម៌ បានលើកឡើងថា៖ «តាមរយៈគោលនយោបាយជាតិនេះ ពលរដ្ឋកម្ពុជាជាជនក្រីក្រ និងជនងាយរងគ្រោះ ដែលមិនមានលទ្ធភាពស្វែងរកសេវាការពារក្ដី នឹងទទួលបាននូវមេធាវីការពារក្ដីពីវិវាទដោយយុត្តិធម៌»។ នេះបើតាមទីភ្នាក់ងារសារព័ត៌មានកម្ពុជា AKP។
AKP បានស្រង់សម្ដី លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ថា៖ «បានទទួលស្គាល់ពីបញ្ហាប្រឈម និងតម្រូវការផ្នែកនេះ សម្រាប់ពលរដ្ឋក្រីក្រ ក្នុងការទទួលបានសេវាផ្នែកផ្លូវច្បាប់ ប្រកបដោយយុត្តិធម៌»។ បើតាមលោក អង្គ វង្សវឌ្ឍនា រដ្ឋាភិបាលបានផ្តល់ជំនួយផ្នែកច្បាប់តាមរយៈការទម្លាក់ថវិកាឲ្យក្រសួងយុត្តិធម៌ លើប្រតិបត្តិការការពារក្តីជូនជនក្រក្រីនិងជនងាយរងគ្រោះ ដើម្បីបង្ហាញពីឆន្ទៈនៃការកែទម្រង់ផ្នែកច្បាប់ និងប្រព័ន្ធយុត្តិធម៌នៅកម្ពុជា។
លោកស្រី ម៉ារី ដូមីនិក ប៉ារ៉ង់ តំណាងស្ដីទីទទួលបន្ទុកសិទ្ធិមនុស្សប្រចាំកម្ពុជា បញ្ជាក់ថា ការផ្ដល់ជំនួយផ្នែកច្បាប់នៅកម្ពុជា នៅមានបញ្ហាប្រឈម។ កត្តាដែលមានបញ្ហាប្រឈមនេះ ដោយសារមិនមានមេធាវី និងកញ្ចប់ថវិកាគ្រប់គ្រាន់ សម្រាប់ផ្ដល់ដល់ការការពារក្ដីឲ្យជនងាយរងគ្រោះ និងជនជាប់ចោទ ពិសេសខេត្តដាច់ស្រយាល។
គួរបញ្ជាក់ថា ក្រុមអ្នកច្បាប់ជាតិ និងអន្តរជាតិ មកពីក្រសួងយុត្តិធម៌ គណៈមេធាវីកម្ពុជា ការិយាល័យឧត្តមស្នងការ អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា រួមទាំងអង្គភាពផ្នែកច្បាប់ដទៃទៀត បានការពិភាក្សា លើការតាក់តែងគោលនយោបាយជាតិស្ដីពីជំនួយផ្នែកច្បាប់នៅកម្ពុជា រយៈពេល២ នៅថ្ងៃទី ២៤-២៥ សីហា៕
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
