កីឡាជាតិ
ជាតិ
AFC Asian Cup៖ ចាន់ប៉ូលីន និង សុវណ្ណខេមរិន្ទ្រ ត្រូវបានកោះហៅចូលជម្រើសជាតិ ខ្សែប្រយុទ្ធរបស់ខេមបូឌានថាយហ្គឺរ ពេជ្រ សុវណ្ណខេមរិន្ទ្រ និង ខ្សែបម្រើរបស់ភ្នំពេញក្រោន អ៊ន ចាន់ប៉ូលីន
× នៅព្រឹកថ្ងៃទី២៨ ខែសីហា សហព័ន្ធកីឡាបាល់ទាត់កម្ពុជា(FFC) បង្ហាញបញ្ជីឈ្មោះក្រុមកីឡាករជម្រើសជាតិកម្ពុជាទាំង២៣នាក់ ដើម្បីត្រៀមបើកទ្វារពហុកីឡដ្ឋានជាតិស្វាគមន៍ក្រុមភ្ញៀវវៀតណាម ក្នុងវគ្គជម្រុះពូល C នៃពានរង្វាន់ AFC Asian Cup UAE 2019 នាថ្ងៃទី៥ ខែកញ្ញា ឆ្នាំ២០១៧ ខាងមុខ។ ក្នុងបញ្ជីឈ្មោះទាំង២៣នាក់ក្រោមការដឹកនាំរបស់ លោក Leonardo គេឃើញមានកីឡាករចំណូលថ្មីចំនួន២រូប គឺកីឡាករ អ៊ន ចាន់ប៉ូលីន និង ពេជ្រ សុវណ្ណខេមរិន្ទ្រ។
ខ្សែបម្រើរបស់ភ្នំពេញក្រោន អ៊ន ចាន់ប៉ូលីន និងខ្សែប្រយុទ្ធរបស់ខេមបូឌានថាយហ្គឺរ ពេជ្រ សុវណ្ណខេមរិន្ទ្រ ត្រូវបានគ្រូបង្វឹកក្រុមជម្រើសជាតិកម្ពុជា លោក Leonardo Vitorino ជ្រើសរើសឲ្យចូលរួមជាមួយក្រុមជម្រើសជាតិកម្ពុជា។ មិនមានវត្តមានកីឡាករ សំអឿន ពិដោរ និងច្រឹង ពលរដ្ឋ ឡើយ។
ក្រុមជម្រើសជាតិកម្ពុជាក្រោមការដឹកនាំរបស់គ្រូបង្វឹកជនជាតិប្រេស៊ីលរូបនេះ នឹងបើកទ្វារពហុកីឡដ្ឋានជាតិស្វាគមន៍ក្រុមភ្ញៀវវៀតណាម នាប្រកួតវគ្គជម្រុះពូល C នៃពានរង្វាន់ AFC Asian Cup UAE 2019 នាថ្ងៃទី៥ ខែកញ្ញា ខាងមុខនេះ។ បច្ចុប្បន្ន កម្ពុជាកំពុងឈរលេខរៀងទី២ក្នុងពូលដោយមាន៣ពិន្ទុក្រោយឈ្នះអាហ្វហ្គានីស្ថាន ១-០ និងចាញ់ហ្ស៊កដានី ៧-០ ខណៈវៀតណាមឈរលេខរៀងទី៣ដោយមាន២ពិន្ទុក្រោយស្មើ ១-១ ជាមួយអាហ្វហ្គានីស្ថាន និងស្មើ ០-០ ជាមួយហ្ស៊កដានី។ ឯហ្ស៊កដានីឈរកំពូលតារាងដោយមាន៦៤ពិន្ទុ និងអាហ្វហ្គានីស្ថានឈរបាតតារាងដោយមាន១ពិន្ទុ។
កីឡាករកម្ពុជាទាំង២៣នាក់រួមមាន៖ អ្នកចាំទី ស៊ូ យ៉ាទី, អ៊ុំ សេរីរ័ត្ន, កែវ សុខសិលា, ខ្សែការពារ ណុប តុលា, សឿយ វិសាល, នេន សុធារ័ត្ន, ឆុំ ភីសា, សឿត បារាំង, ស ពិសិដ្ឋ, ខ្សែបម្រើ ប្រាក់ មុន្នីឧត្តម, រស់ សំអឿន, ឈិន ឈឿន, ទិត្យ ឌីណា, ធារី ចន្ថាប៊ីន, សុះ ស៊ូហាណា, អ៊ិន សូដាវីដ, ប្រាក់ ធីវា, ជួន ចាន់ចាវ, អ៊ន ចាន់ប៉ូលីន, ខ្សែប្រយុទ្ធ ចាន់ វឌ្ឍនាកា, កែវ សុខផេង, ឃួន ឡាបូរ៉ាវី, ពេជ្រ សុវណ្ណខេមរិន្ទ្រ៕
Tag:
បាល់ទាត់
AFC Asian Cup UAE 2019
© រក្សាសិទ្ធិដោយ thmeythmey.com