សម្ដេច ហ៊ុន សែន បន្តអំពាវនាវឲ្យម្ចាស់ផ្ទះជួល កុំដំឡើងថ្លៃឈ្នួលបន្ទប់រយៈពេល១ឆ្នាំ

ជាតិ

នយោបាយជាតិ

សម្ដេច ហ៊ុន សែន បន្តអំពាវនាវឲ្យម្ចាស់ផ្ទះជួល កុំដំឡើងថ្លៃឈ្នួលបន្ទប់រយៈពេល១ឆ្នាំ

30, Aug 2017 , 8:42 am

រូបភាព

ដោយ: ថ្មីៗ

សម្ដេចនាយករដ្ឋមន្ត្រី ហ៊ុន សែន បន្តអំពាវនាវឲ្យម្ចាស់ផ្ទះជួល កុំដំឡើងថ្លៃឈ្នួលបន្ទប់តាមប្រាក់ខែកម្មករ រយៈពេល១ឆ្នាំ។ ថ្លែងក្នុងពិធីជួបសំណេះសំណាលជាមួយកម្មកររោងចក្រ នៅសួនឧស្សាហកម្មវឌ្ឍនៈទី២ នៅព្រឹកថ្ងៃ៣០ សីហានេះ ប្រមុខរដ្ឋាភិបាល បានបញ្ជាឲ្យអាជ្ញាធរគ្រប់តំបន់ទាំងអស់ ចុះទៅជួបចរចាជាមួយម្ចាស់ផ្ទះជួល ដោយមិនតម្រូវឲ្យឡើងថ្លៃផ្ទះជួល ពេញមួយឆ្នាំ ២០១៨ ស្របពេលដែលកម្មករត្រូវដំឡើងប្រាក់ខែឡើយ។

ជាមួយគ្នានេះ សម្ដេច ហ៊ុន សែន ក៏បានរំឮកប្រាប់ម្ចាស់ផ្ទះជួលថា រដ្ឋាភិបាលនឹងមានច្បាប់កំណត់តម្លៃផ្ទះជួលឲ្យបានត្រឹមត្រូវនាពេលខាងមុខ។ ក្រៅពីបញ្ហាថ្លៃឈ្នួលផ្ទះនេះនាយរដ្ឋមន្ត្រី ក៏បានលើកពីបញ្ហាថ្លៃទឹក-ភ្លើង សម្រាប់កម្មករ ដែលរដ្ឋាភិបាលបានព្យាយាមធ្វើយ៉ាងណាឲ្យពួកគេចំណាយតិចជាងចំណូលប្រាក់ខែ តាមរយៈការតបណ្ដាញទឹក-ភ្លើងដល់បន្ទប់ជួលកម្មករដោយផ្ទាល់ផងដែរ៕