រដ្ឋាភិបាលសម្រេចជ្រើសរើសពលទាហានបន្ថែមចំនួន ៣៨៥០ នាក់

ជាតិ

រដ្ឋាភិបាលសម្រេចជ្រើសរើសពលទាហានបន្ថែមចំនួន ៣៨៥០ នាក់

03, Sep 2017 , 8:19 am

រូបភាព

ដោយ:

ភ្នំពេញ៖ រាជរដ្ឋាភិបាលបានអនុញ្ញាតឲ្យក្រសួងការពារជាតិ ជ្រើសរើសពលទាហានបន្ថែមចំនួន ៣៨៥០ នាក់ សម្រាប់បំពេញក្របខណ្ឌឲ្យកងឯកភាពមួយចំនួន។

សេចក្ដីសម្រេចដែលចុះហត្ថលេខាដោយសម្ដេចនាយករដ្ឋមន្ត្រី ហ៊ុន សែន នៅថ្ងៃទី២៤ខែសីហាឆ្នាំនេះ បានអនុញ្ញាតឲ្យក្រសួងការពារជាតិជ្រើសរើសពលទាហានចំនួន ៣៨៥០នាក់ សម្រាប់បំពេញក្របខណ្ឌឲ្យកងឯកភាពមួយចំនួន។ ចំនួនពលទាហានដែលជ្រើសរើសនេះ ត្រូវបែងចែកសម្រាប់ទីបញ្ជាការយោធភូមិភាគទី១ចំនួន ២៥០នាក់, កងពលតូចអន្តរាគមន៍លេខ១២៨ចំនួន ២៩០០នាក់, តំបន់ប្រតិបត្តិការសឹករងស្ទឹងត្រែង ២៥០នាក់, តំបន់ប្រតិបត្តិការសឹករងរតនគិរី ១០០នាក់, តំបន់ប្រតិបត្តិការសឹករងមណ្ឌលគិរី ១០០នាក់ និងកងអនុសេនាធំស្រុកសៀមប៉ាងចំនួន ២៥០ ។

សេចក្ដីសម្រេចរបស់រដ្ឋាភិបាលនេះ មានសុពលភាពអនុវត្តចាប់ពីថ្ងៃចុះហត្ថលេខានេះទៅ៕