អន្តរជាតិ
មេដឹកនាំរបបសឹកថៃ៖ លោកស្រី យីងឡាក់ អាចជិះឡានសំដៅព្រំដែនថៃ-កម្ពុជា ពេលគេចខ្លួន
អតីតនាយករដ្ឋមន្រ្តីថៃ យីងឡាក់ ស៊ីណាវ៉ាត់ ស្វាគមន៍អ្នកគាំទ្រនៅខាងមុខតុលាការ (រូបភាព៖ Xinhua)
×![]()
ដោយ: តន ចាន់រិទ្ធារ៉ា
ករណីរត់គេចខ្លួនរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត់ កំពុងធ្វើឲ្យរដ្ឋាភិបាលយោធាថៃឈឺក្បាលខ្លាំង ព្រោះតែមានពាក្យរិះគន់ថា មន្ត្រីរបបសឹកនាំជួយលោកស្រី យីងឡាក់ ដោយសម្ងាត់។ មកទល់ពេល គេនៅតែមិនទាន់ដឹងពីកន្លែងលាក់ខ្លួនរបស់អតីតនាយករដ្ឋមន្ត្រីនៅឡើយ ប៉ុន្តែមេដឹកនាំរបបសឹកថៃនិយាយថា លោកស្រី យីងឡាក់ អាចរត់ទៅកាន់ព្រំដែនថៃនិងកម្ពុជាក្នុងខេត្តស្រះកែវ ដោយធ្វើដំណើរក្នុងឡាន Mercedes មួយគ្រឿង។
ឧបនាយករដ្ឋមន្ត្រីថៃ ប្រាវីត វង្សសុណ្ណ នៅថ្ងៃទី៨ ខែកញ្ញា បានផ្ដល់ព័ត៌មានថ្មីទាក់ទងការគេចខ្លួនរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត់ ។ បើតាមកាសែតបាងកកប៉ុស្តិ៍ លោក ប្រាវីត និយាយថា កាមេរ៉ាសុវត្ថិភាពរបស់បន្ទាយទាហានបានថតជាប់រថយន្ត Mercedes មួយគ្រឿងដែលគេជឿថាដឹកលោកស្រី យីងឡាក់ ក្នុងខេត្តស្រះកែវ ដែលមានព្រំប្រទល់ជាប់កម្ពុជា ប៉ុន្តែឡានដដែលនេះមិនត្រូវបានថតជាប់ក្នុងកាមេរ៉ានៅកន្លែងងត្រួតពិនិត្យនៅឯព្រំដែនទេ។
នេះជាលើកទីមួយដែលមេដឹកនាំរបបយោធាថៃបញ្ជាក់ពីការដំណើរគេចខ្លួនរបស់លោកស្រី យីងឡាក់ ។ មធ្យោបាយគេចខ្លួនរបស់អតីតនាយករដ្ឋមន្ត្រីរូបនេះ នៅតែជាប្រធានបទក្ដៅ ព្រោះតែមានការអះអាងផ្សេងពីគ្នា។ ថ្នាក់ដឹកនាំ និងមន្ត្រីរបស់បក្សភឿថៃ បានអះអាងថា លោកស្រី យីងឡាក់ ទំនងជាបានធ្វើដំណើរតាមផ្លូវគោក ឬក៏ផ្លូវទឹកទៅកាន់កម្ពុជា មុននឹងបន្តដំណើរទៅកាន់សិង្ហបុរី និងក្រុងឌូបៃជាចុងក្រោយ។ ប៉ុន្តែមន្ត្រីយោធានិយាយថា លោកស្រីបានចាកចេញតាមផ្លូវអាកាសទៅវិញ។
យ៉ាងណាក្ដី រដ្ឋាភិបាលក្រុងភ្នំពេញបានទាត់ចោលពាក្យចចាមអារ៉ាមទាំងឡាយដែលថា លោកស្រី យីងឡាក់ ប្រើប្រាស់កម្ពុជាដើម្បីគេចខ្លួនទៅកាន់ប្រទេសផ្សេង។ រដ្ឋាភិបាលយោធាថៃ រងការរិះគន់យ៉ាងខ្លាំងលើបញ្ហានេះ ដោយក្រុមអ្នករិះគន់បង្ហាញការងឿងឆ្ងល់ថា ហេតុអ្វីលោកស្រី យីងឡាក់ អាចរត់គចខ្លួនបានយ៉ាងស្រួល ខណៈដែលសកម្មភាពលោកស្រីត្រូវបានក្រុមយោធាតាមដានគ្រប់វិនាទីនោះ។
នៅមុននេះ ឧត្តមសេនីយ៍ប្រាវីត ដែលជារដ្ឋមន្ត្រីការពារជាតិផងនោះ បានសន្យាថា លោកនឹងចាត់វិធានការផ្នែកច្បាប់ប្រឆាំងនឹងជនទាំងឡាយណា ដែលបានអន្តរាគមន៍ដល់អតីតនាយករដ្ឋមន្ត្រី យីងឡាក់ ឲ្យចេញពីប្រទេស។ យ៉ាងណាមិញ ប្រមុខការពារជាតិថៃរូបនេះ ក៏នៅតែមិនទាន់បានដឹងច្បាស់ថា លោកស្រី យីងឡាក់ នៅទីណាឲ្យប្រាកដ ហើយអ្នកណាជាអ្នកសម្រួលមធ្យោបាយដល់លោកស្រីឡើយ។
សូមរម្លឹកដែរថា អតីតនាយករដ្ឋមន្ត្រីថៃ យីងឡាក់ ត្រូវបានជាប់ចោទពីបទធ្វេសប្រហែសក្នុងពេលដឹកនាំរដ្ឋាភិបាល ដែលបានបណ្តាលឲ្យបាត់បង់ថវិកាជាតិរាប់លានដុល្លារ ។ លោកស្រី បានអវត្តមានក្នុងថ្ងៃប្រកាសសាលដីការសំណុំរឿងរបស់លោកស្រី ដែលបានប្រព្រឹត្តឡើងនៅចុងខែមុន។ គេជឿថា លោកស្រីបានទៅដល់ទីក្រុងឌូបៃបាត់ហើយ ដើម្បីជួបជុំជាមួយបងប្រុស គឺអតីនាយករដ្ឋមន្ត្រីថាក់ស៊ីន ស៊ីណាវ៉ាត់ ដែលកំពុងរស់នៅនិរទេសខ្លួននៅទីនោះ៕
ឧបនាយករដ្ឋមន្ត្រីថៃ ប្រាវីត វង្សសុណ្ណ នៅថ្ងៃទី៨ ខែកញ្ញា បានផ្ដល់ព័ត៌មានថ្មីទាក់ទងការគេចខ្លួនរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត់ ។ បើតាមកាសែតបាងកកប៉ុស្តិ៍ លោក ប្រាវីត និយាយថា កាមេរ៉ាសុវត្ថិភាពរបស់បន្ទាយទាហានបានថតជាប់រថយន្ត Mercedes មួយគ្រឿងដែលគេជឿថាដឹកលោកស្រី យីងឡាក់ ក្នុងខេត្តស្រះកែវ ដែលមានព្រំប្រទល់ជាប់កម្ពុជា ប៉ុន្តែឡានដដែលនេះមិនត្រូវបានថតជាប់ក្នុងកាមេរ៉ានៅកន្លែងងត្រួតពិនិត្យនៅឯព្រំដែនទេ។
នេះជាលើកទីមួយដែលមេដឹកនាំរបបយោធាថៃបញ្ជាក់ពីការដំណើរគេចខ្លួនរបស់លោកស្រី យីងឡាក់ ។ មធ្យោបាយគេចខ្លួនរបស់អតីតនាយករដ្ឋមន្ត្រីរូបនេះ នៅតែជាប្រធានបទក្ដៅ ព្រោះតែមានការអះអាងផ្សេងពីគ្នា។ ថ្នាក់ដឹកនាំ និងមន្ត្រីរបស់បក្សភឿថៃ បានអះអាងថា លោកស្រី យីងឡាក់ ទំនងជាបានធ្វើដំណើរតាមផ្លូវគោក ឬក៏ផ្លូវទឹកទៅកាន់កម្ពុជា មុននឹងបន្តដំណើរទៅកាន់សិង្ហបុរី និងក្រុងឌូបៃជាចុងក្រោយ។ ប៉ុន្តែមន្ត្រីយោធានិយាយថា លោកស្រីបានចាកចេញតាមផ្លូវអាកាសទៅវិញ។
យ៉ាងណាក្ដី រដ្ឋាភិបាលក្រុងភ្នំពេញបានទាត់ចោលពាក្យចចាមអារ៉ាមទាំងឡាយដែលថា លោកស្រី យីងឡាក់ ប្រើប្រាស់កម្ពុជាដើម្បីគេចខ្លួនទៅកាន់ប្រទេសផ្សេង។ រដ្ឋាភិបាលយោធាថៃ រងការរិះគន់យ៉ាងខ្លាំងលើបញ្ហានេះ ដោយក្រុមអ្នករិះគន់បង្ហាញការងឿងឆ្ងល់ថា ហេតុអ្វីលោកស្រី យីងឡាក់ អាចរត់គចខ្លួនបានយ៉ាងស្រួល ខណៈដែលសកម្មភាពលោកស្រីត្រូវបានក្រុមយោធាតាមដានគ្រប់វិនាទីនោះ។
នៅមុននេះ ឧត្តមសេនីយ៍ប្រាវីត ដែលជារដ្ឋមន្ត្រីការពារជាតិផងនោះ បានសន្យាថា លោកនឹងចាត់វិធានការផ្នែកច្បាប់ប្រឆាំងនឹងជនទាំងឡាយណា ដែលបានអន្តរាគមន៍ដល់អតីតនាយករដ្ឋមន្ត្រី យីងឡាក់ ឲ្យចេញពីប្រទេស។ យ៉ាងណាមិញ ប្រមុខការពារជាតិថៃរូបនេះ ក៏នៅតែមិនទាន់បានដឹងច្បាស់ថា លោកស្រី យីងឡាក់ នៅទីណាឲ្យប្រាកដ ហើយអ្នកណាជាអ្នកសម្រួលមធ្យោបាយដល់លោកស្រីឡើយ។
សូមរម្លឹកដែរថា អតីតនាយករដ្ឋមន្ត្រីថៃ យីងឡាក់ ត្រូវបានជាប់ចោទពីបទធ្វេសប្រហែសក្នុងពេលដឹកនាំរដ្ឋាភិបាល ដែលបានបណ្តាលឲ្យបាត់បង់ថវិកាជាតិរាប់លានដុល្លារ ។ លោកស្រី បានអវត្តមានក្នុងថ្ងៃប្រកាសសាលដីការសំណុំរឿងរបស់លោកស្រី ដែលបានប្រព្រឹត្តឡើងនៅចុងខែមុន។ គេជឿថា លោកស្រីបានទៅដល់ទីក្រុងឌូបៃបាត់ហើយ ដើម្បីជួបជុំជាមួយបងប្រុស គឺអតីនាយករដ្ឋមន្ត្រីថាក់ស៊ីន ស៊ីណាវ៉ាត់ ដែលកំពុងរស់នៅនិរទេសខ្លួននៅទីនោះ៕
Tag:
ថៃ
យីងឡាក់ ស៊ីណាវ៉ាត់
ប្រាវីត វង្សសុវណ្ណ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
