ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
លោក ឡុង យូផេង ប្រាប់ពីរបៀបដាក់អាហារូបករណ៍ Chevening
09, Sep 2017 ,
10:51 am
រូបភាព
×
ដោយ:
លោកឡុង យូផេង ជាមន្ត្រីការទូតសាធារណៈនៃស្ថានទូតប្រទេសអង់គ្លេសប្រចាំកម្ពុជា បានប្រាប់កាសែតថ្មីៗថា អាហារូបករណ៍ Chevening ជាអាហារូបករណ៍ ដែលផ្តល់ដោយរាជរដ្ឋាភិបាលចក្រភពអង់គ្លេស ទៅដល់ប្រទេសនានានៅលើសាកលលោក តាំងពីឆ្នាំ១៩៨៣មក។ អាហារូបករណ៍នេះ មានរយៈពេល១ឆ្នាំ និងផ្តល់សម្រាប់តែថ្នាក់អនុបណ្ឌិតប៉ុណ្ណោះ ។ បេក្ខជនកម្ពុជា ដែលមានបំណង ដាក់អាហារូបករណ៍ Chevening ត្រូវមានសញ្ជាតិខ្មែរ និងមានសញ្ញាបរិញ្ញាបត្រ។ ក្រៅពីនេះ បេក្ខជន ត្រូវមានពិន្ទុ IELTS ចាប់ពី៦.៥ ឡើងទៅ ឬពិន្ទុTOEFL និងតម្រូវឲ្យបទនបទពិសោធន៍ការងារ ឬធ្លាប់ធ្វើការស្ម័គ្រចិត្តយ៉ាងតិច២ឆ្នាំ។ បេក្ខជន ត្រូវដាក់ពាក្យស្នើសុំអាហារូបករណ៍ទៅសាកលវិទ្យាល័យ៣ផ្សេងគ្នានៅអង់គ្លេស និងមានការយល់ព្រមពីសាកលវិទ្យាល័យមួយ ក្នុងចំណោមនោះ។
ដើម្បីជ្រាបលម្អិត សូមអញ្ជើញ ស្តាប់ និងអាន បទសម្ភាសខាងក្រោមនេះ រវាង លោក ទីន សុខលីម អ្នកកាសែតនៃសារព័ត៌មានអេឡិចត្រូនិកថ្មីៗ និង លោកឡុង យូផេង មន្ត្រីការទូតសាធារណៈនៃស្ថានទូតប្រទេសអង់គ្លេស ដូចតទៅ៖
លោក ទីន សុខលីម៖ តើអាហារូបករណ៍ Chevening គឺជាអ្វី?
លោក ឡុង យូផេង៖ អាហារូបករណ៍ Chevening គឺជាអាហារូបករណ៍ ដែលផ្តល់ដោយរាជរដ្ឋាភិបាលចក្រភពអង់គ្លេស តាមរយៈក្រសួងការបរទេសអង់គ្លេស ទៅដល់ប្រទេសនានានៅលើសាកលលោក តាំងពីឆ្នាំ១៩៨៣មក។ អាហារូបករណ៍នេះ ផ្តល់សម្រាប់តែថ្នាក់អនុបណ្ឌិត និងមានរយៈពេលសិក្សាមួយឆ្នាំ នៅចក្រភពអង់គ្លេស។
លោក ទីន សុខលីម៖ តើនិស្សិតត្រូវបំពេញលក្ខខណ្ឌអ្វីខ្លះ សម្រាប់ទទួលបានអាហារូបករណ៍នេះ?
លោក ឡុង យូផេង៖ លក្ខខណ្ឌសម្រាប់ប្រទេសកម្ពុជា បេក្ខជនត្រូវតែមានសញ្ជាតិខ្មែរ និងបានបញ្ចប់ការសិក្សាថ្នាក់បរិញ្ញាបត្រ ដោយជោគជ័យ។ មួយទៀត បេក្ខជនត្រូវមានបទពិសោធន៍ការងារ ឬធ្លាប់ធ្វើការងារស្ម័គ្រចិត្ត យ៉ាងហោច២ឆ្នាំ។ បន្ថែមពីនេះបេក្ខជនត្រូវដាក់ពាក្យ ទៅសាកលវិទ្យាល័យផ្សេងៗគ្នាចំនួន៣ នៅប្រទេសអង់គ្លេស ហើយមានការយល់ព្រមពីសាកលវិទ្យាល័យមួយ ក្នុងចំណោមសាកលវិទ្យាល័យទាំង៣ ។ លើសពីនេះ បេក្ខជនត្រូវមានពិន្ទុ IELTS ចាប់ពី៦.៥ ឡើងទៅ ឬក៏អាចមានពិន្ទុអង់គ្លេសផ្សេងទៀតដូចជា TOEFL មកជំនួសក៏បាន។
លោក ទីន សុខលីម៖ តើលោក យូផេង អាចបញ្ជាក់បានទេ ពីរបៀបដាក់ពាក្យទៅសាកលវិទ្យាល័យចំនួន៣ផ្សេងៗ នៅចក្រភពអង់គ្លេស?
លោក ឡុង យូផេង៖ ជាលក្ខខណ្ឌតម្រូវ នៅពេលដែលបេក្ខជនដាក់ពាក្យអាហារូបករណ៍នេះ នៅក្នុងទម្រង់ពាក្យអនឡាញ Chevening គេតម្រូវឲ្យយើងដាក់ពាក្យជ្រើសរើសសាលាចំនួន៣ និងមុខជំនាញបី៣ដែលខ្លួនចង់ទៅរៀន ដែលជំនាញសិក្សាទាំងនោះអាចដូចគ្នា ស្រដៀងគ្នា ។ សម្រាប់នីតិវិធី គឺវាខុសគ្នាទៅតាមសាលានីមួយៗ។ យើងដឹងដោយមើលទៅលើគេហទំព័រសាលានីមួយៗ ដើម្បីស្វែងយល់ថា តើសាលាដែលយើងដាក់នោះ មានលក្ខខណ្ឌអ្វីខ្លះ? ជាទូទៅសាលាតម្រូវឲ្យបញ្ចូនសញ្ញា បត្របរិញ្ញាបត្រ ព្រឹត្តិបត្រពិន្ទុ និងកម្រិតភាសាអង់គ្លេស ក៏ដូចជាសំណេរមួយចំនួន។ ឧទាហរណ៍ថា ហេតុអ្វីបានជាយើងចង់ទៅរៀននៅសាលានេះ? រៀនជំនាញនេះ? ផែនការសិក្សាយ៉ាងដូចម្តេច? អ៊ីចឹងលក្ខខណ្ឌតម្រូវជាក់លាក់ ទាល់តែយើងមើលព័ត៌មានរបស់សាលាទាំងអស់នោះ។
លោក ទីន សុខលីម៖ តើបេក្ខជនជ័យលាភី នឹងទទួលបានការឧបត្ថម្ភអ្វីខ្លះ?
លោក ឡុង យូផេង៖ ទាក់ទងនឹងអាហារូបករណ៍នេះដែរ គឺយើងឧបត្ថម្ភទាំងស្រុង សំបុត្រយន្តហោះធ្វើដំណើរទៅ និងមកថ្លៃសិក្សានៅសាកលវិទ្យាល័យ ដែលបេក្ខជនទៅសិក្សា ប្រាក់ឧបត្ថម្ភប្រចាំខែ ថ្លៃធ្វើដំណើរនៅក្នុងប្រទេសសម្រាប់ចូលរួមកម្មវិធី របស់ Chevening កញ្ចប់ថវិកាសម្រាប់ការមកដល់និងចាកចេញពីអង់គ្លេស ការចំណាយទៅលើការដាក់ពាក្យសុំទិដ្ឋការ(Visa) និងការធ្វើតេស្ត៍ពិនិត្យសុខភាព (TB Testing)។
លោក ទីន សុខលីម៖ តើអាហារូបករណ៍ Chevening ផ្តល់អាហារូបករណ៍ផ្តោតទៅលើវិស័យអ្វីខ្លះ?
លោក ឡុង យូផេង៖ ជារួមអាហារូបករណ៍នេះ មិនបានកម្រិត រឹតដ្បិតសម្រាប់វិជ្ជាណានោះទេ គឺយើង បើកសម្រាប់បេក្ខជនដែលចង់បន្តការសិក្សានៅអង់គ្លេស ទៅលើគ្រប់មុខជំនាញទាំងអស់។ យើងក៏សូមបញ្ជាក់ដែរ ដោយសារយើងឃើញតម្រូវការទីផ្សារ យើងក៏បានលើកទឹកចិត្តនិស្សិត ដែលចាប់អារម្មណ៍រៀនមុខវិជ្ជាផ្នែក STEM មានដូចជាវិទ្យាសាស្ត្រ បច្ចេកវិទ្យា វិស្វកកម្ម និងគណិតវិទ្យា។ អ៊ីចឹង គឺយើងលើកទឹកចិត្តខ្លាំង ដល់និស្សិតដែលជ្រើសរើសជំនាញទាំងអស់នេះ ប៉ុន្តែម្តងទៀត យើងបើកចំហសម្រាប់គ្រប់មុខជំនាញ។
លោក ទីន សុខលីម៖ អាហារូបករណ៍Chevening បានចាប់ផ្តើមតាំងពីឆ្នាំ១៩៩៣មកម្ល៉េះ។ និស្សិតដែលទទួលបានអាហារូបករណ៍ កើនឡើងគួរឲ្យកត់សម្គាល់នៅប៉ុន្មានឆ្នាំចុងក្រោយនេះ។ ហេតុអ្វីបានជាមានកំណើននេះ? តើរហូតមកដល់ពេលនេះ មាននិស្សិតកម្ពុជាប៉ុន្មាននាក់ ដែលទទួលបានអាហារូបករណ៍នេះ?
លោក ឡុង យូផេង៖ បើយើងគិតតាំងពីឆ្នាំ១៩៩៣មក យើងបានបញ្ចូននិស្សិតកម្ពុជា ទៅបន្តការសិក្សានៅចក្រភពអង់គ្លេស ចំនួន១១៦នាក់។ សម្រាប់ឆ្នាំនេះ យើងបានបញ្ចូននិស្សិត២០នាក់បន្ថែមទៀត ឲ្យទៅបន្តការសិក្សានៅចក្រភពអង់គ្លេស។ នេះគឺជាចំនួនដ៏ច្រើន។ ខ្ញុំចាំបានថា កាលពីឆ្នាំ២០១៤ គឺមានតែនិស្សិតចំនួន៤រូបទេ ដែលត្រូវបានបញ្ចូនចេញទៅ ប៉ុន្តែក្នុងរយៈពេល៣ឆ្នាំចុងក្រោយនេះ ក្រោមការខិតខំប្រឹងប្រែងរបស់ស្ថានទូត ក៏ដូចជាចក្ខុវិស័យរួមរបស់Chevening និងរដ្ឋាភិបាលអង់គ្លេស ព្យាយាមបង្កើនចំនួនអាហារូបករណ៍នេះ ដល់និស្សិតទូទាំងពិភពលោក ដែលក្នុងនោះ ក៏មានកម្ពុជាដែរ។ និស្សិតកម្ពុជា កើនឡើងពី៤នាក់នៅឆ្នាំ២០១៤ ដល់១៦នាក់ ក្នុងឆ្នាំ២០១៥ និងកើនដល់២០នាក់ នៅឆ្នាំ២០១៦ និង២០១៧។ ហើយនៅឆ្នាំក្រោយ ក៏មិនតិចជាងឆ្នាំនេះដែរ។
លោក ទីន សុខលីម៖ ជាសំណួរចុងក្រោយ អ្វីជាការរំពឹងទុករបស់រាជរដ្ឋាភិបាលអង់គ្លេស ពីនិស្សិតកម្ពុជា ដែលទទួលបានអាហារូបកណ៍Chevening ?
លោក ឡុង យូផេង៖ យើងសង្ឃឹមថា តាមរយៈបទពិសោធន៍ និងចំណេះដឹង ដែលនិស្សិតទទួលបាន នៅពេលសិក្សានៅចក្រភពអង់គ្លេសនោះ ពួគគាត់នឹងពាំនាំគំនិត ចំណេះដឹង និងបទពិសោធន៍ទាំងអស់នោះមកចូលរួមចំណែកអភិវឌ្ឍប្រទេសកម្ពុជា លើគ្រប់វិស័យ។ នេះជាអ្វីដែលយើងចង់បានសំខាន់បំផុតដោយសារថា ក្នុងនាមជាមិត្តរបស់កម្ពុជា គឺខាងរដ្ឋាភិបាលអង់គ្លេស មានការតាំងចិត្តខ្ពស់ ក្នុងការចូលរួមលើកកម្ពស់វិស័យអប់រំ អភិវឌ្ឍន៍ធនធានមនុស្ស និងចុងបញ្ចប់ ចង់ឃើញប្រទេសកម្ពុជា រីកចម្រើនលូតលាស់។ នេះជាអ្វីដែលយើងចង់បាន បន្ទាប់ពីពួកគាត់ត្រឡប់មកប្រទេសកម្ពុជាវិញ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ឡុង យូផេង
អាហារូបករណ៍
Chevening
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
4 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
7 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
2 ថ្ងៃ
តើពាក្យងារជា «សម្តេច» មានន័យដូចម្តេច?
4 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
3 ថ្ងៃ
អត្ថបទពេញនិយមបន្ថែម