ជាតិ
×![]()
ភ្នំពេញ៖ ក្រសួងបរិស្ថាន បានរកឃើញ ហ្វូស៊ីល គ្រំ និងខ្សងសមុទ្រ ដែលមានអាយុកាលរាប់លានឆ្នាំ ដែលស្ថិតក្នុងដែនជម្រកសត្វព្រៃគូលែនព្រហ្មទេព ខេត្តព្រះវិហារ។ អ្នកស្រាវជ្រាវនៃក្រសួងបរិស្ថានបានសន្និដ្ឋានថា ហ្វូស៊ីលទាំងនេះ នឹងក្លាយរបស់បេតិកភណ្ឌសម្រាប់ការសិក្សាស្រាវជ្រាវសំខាន់បំផុតមួយ។ 
នាយកដ្ឋានបេតិកភណ្ឌនៃក្រសួងបរិស្ថាន បានរកឃើញហ្វូស៊ីគ្រំ និងខ្សងសមុទ្រ ដែលអាចមានអាយុកាលដ៏ចំណាស់រាប់លានឆ្នាំមុន ស្ថិតនៅក្នុងដែនជម្រកសត្វព្រៃគូលែនព្រហ្មទេពនៃខេត្តព្រះវិហារ។
ថ្លែងតាមរយៈទំព័រហ្វេសប៊ុកនៃក្រសួងបរិស្ថាន លោក លឹម វណ្ណច័ន្ទ អនុប្រធានការិយាល័យអប់រំផ្សព្វផ្សាយនៃក្រសួងបរិស្ថាន បានថ្លែងថា ការរកឃើញនេះ ក្រុមការងារបច្ចេកទេសអាចសន្និដ្ឋានថា ប្រទេសកម្ពុជាអាចធ្លាប់ជាបាតសមុទ្រ។ ទោះបីកង្វះអ្នកជំនាញហ្វូស៊ីលនេះ ដែលមិនអាចវាស់អាយុកាលពិតប្រាកដនៅឡើយក្តី ប៉ុន្តែ លោកអាចសន្និដ្ឋានថា ហ្វូស៊ីលនេះមានអាយុមិនតិចជាងរាប់លានឆ្នាំនោះទេ។
បើតាមលោក លឹម វណ្ណច័ន្ទ ការរកឃើញដុំហ្វូស៊ីល ដែលមានរាងជាដុំថ្មផ្តុំដោយងាវ ឬគ្រំសមុទ្រ នឹងធ្វើឲ្យទីតាំងដែនជម្រកសត្វព្រៃគូលែនព្រហ្មទេព ត្រូវបានសិក្សាធ្វើកំណាយ ដែលជំរុញឲ្យមានសិក្សាស្វែងយល់ពីប្រភេទសត្វដែលមានប្រវត្តិនៅទីនោះ និងបានស្វែងយល់អំពីទឹកដីដ៏ចំណាស់របស់កម្ពុជា៕
Tag:
បរិស្ថាន
គ្រំ
ខ្សង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
