ជាតិ
តើគេប្រារព្ធការបោះបាយបិណ្ឌដោយរបៀបយ៉ាងម៉េចខ្លះ? រូបភាពពីហ្វេសប៊ុកមរតកកម្ពុជា
× គេប្រារព្ធពិធីបោះបាយបិណ្ឌ ដោយយកកន្ទេលទៅក្រាល នៅជុំវិញរបងវត្ត៨ទិស ហើយមានដាក់តម្រៀបខ្ទះធំៗ ឬកន្តាំង កញ្ជើ ល្អី ដើម្បីឲ្យអ្នកបុណ្យ ចែកទានទៅតាមសទ្ធា ដោយមានបោះ នំអន្សម នំបត់ នំធ្មៃ ពំនូតបាយ ឬអាហារគោកផ្សេងៗ ចូលទៅក្នុងខ្ទះ កញ្ជើ ល្អី កន្តាំង ដែលតម្រៀបជាជួរទាំងនោះ។
ធ្វើបែបនេះ គឺដើម្បីងាយស្រួល ឲ្យប្រេតអាចលូកចាប់បានដោយដៃ កើបយកទៅផ្ទះ ចែកក្រុមគ្រួសារផង ហើយមានរបៀបមិនកំពប់ចោលទទេៗផង។ ម្យ៉ាងទៀត គេក្រាលកន្ទេលពីក្រោម កញ្ជើ កន្ទាំងទាំងនោះ គឺសម្រាប់ទុកត្រងអាហារកំពប់ ដើម្បីទុកចែកឆ្កែឆ្មាអនាថា ឲ្យបានឆីព្រមផង ដោយពុំមានការប្រមាថឲ្យសត្វនាំគ្នាឆីអាហារពីដី ដូចថ្ងៃធម្មតាៗដទៃទៀតឡើយ ព្រោះថ្ងៃនេះ គឺជាថ្ងៃតំកើងរាសី របស់មនុស្សគ្រប់គ្នា រួមទាំងសត្វទាំងឡាយ ដែលបម្រើគ្រួសារក្នុងភូមិផង។
អ្នកស្រុកទាំងឡាយមានជំនឿថា គេមិនត្រូវឲ្យកំពប់បាយមួយគ្រាប់ ចោលទៅដីទេ ព្រោះជាភស្តុតាងនៃការមើលងាយព្រះម៉ែ ដែលនាំឲ្យអាប់រាសីកូនចៅ៕
© រក្សាសិទ្ធិដោយ thmeythmey.com