​ភ្នំពេញ​៖ ស្ថានីយ៍​រថភ្លើង Hua Hin ក្នុង​ខេត្ត Prachuap Khiri Khan ត្រូវបាន​ប្រជាជន​ថៃ​នៅក្នុង​តំបន់​នោះ ចាត់ទុកជា​កន្លែង​អនុ​ស្សារី​យ៍ នៃ​ការយាង​របស់​អតីតព្រះមហាក្សត្រ​ភូមិបុល អាឌុលយ៉ាដេត ទៅ​កម្សាន្ត​នៅ​តំបន់ Hua Hin ។ អ្វីដែល​ធ្វើ​ឲ្យ​ប្រជាជន​ថៃ ក្នុង​តំបន់ Hua Hin នេះ មិនអាច​បំភ្លេច​អតីតព្រះមហាក្សត្រ​ភូមិបុល បាន​នោះ​គឺ​ភាពសាមញ្ញ​របស់​ព្រះអង្គ ដែល​តែងតែ​យាង​ដំណើរ​តាម​រថភ្លើង ដើម្បី​ទត​ជីវភាព​ប្រជាជន និង​យកចិត្តទុកដាក់​រៀបចំ​ឲ្យ​តំបន់ Hua Hin ក្លាយជា​ទីកន្លែង​ទេសចរណ៍​ដ៏​ពេញនិយម​ដល់​បច្ចុប្បន្ននេះ​។​