អន្តរជាតិ
×![]()
ដោយ: តន ចាន់រិទ្ធារ៉ា
ស្ត្រីជនសង្ស័យពីររូប ក្នុងសំណុំរឿងឃាតកម្មលោក គីម ជុងណាម បងប្រុសម្ដាយទីទៃមេដឹកនាំកូរ៉េខាងជើង គីម ជុងអ៊ុន បានអះអាងថាខ្លួនមិនមានកំហុសឡើយ។ ស្ត្រីទាំងពីរនេះត្រូវបានចាប់ខ្លួនប៉ុន្មានថ្ងៃ ក្រោយករណីកើតឡើងនៅឯព្រលានយន្តហោះក្រុងគួឡាឡាំពួកាលពីថ្ងៃទី១៣ ខែកុម្ភៈ។ ជនសង្ស័យទាំងពីរនេះ ក៏អះអាងថាខ្លួនមិនបានដឹងផែនការអ្វីឡើយ ហើយត្រូវគេបោកបញ្ឆោតឲ្យចូលរួមក្នុងករណីឃាតកម្ម។
សវនាការលើសំណុំរឿងឃាតកម្មលោក គីម ជុងណាម បងប្រុសលោក គីម ជុងអ៊ុន ចាប់ផ្ដើមហើយនៅថ្ងៃទី២ ខែតុលា ដោយមានជនសង្ស័យចំនួនពីររូប។ ស្ត្រីសង្ស័យជនជាតិវៀតណាម Doan Thi Huong និងជនជាតិឥណ្ឌូណេស៊ី Siti Aisyah ត្រូវបានតុលាការម៉ាឡេស៊ីចោទប្រកាន់ពីបទឃាតកម្មលើលោក គីម ជុងណាម ដោយប្រើប្រាស់សារធាតុគីមីហាមឃាត់ VX នៅអាកាសយានដ្ឋានអន្តរជាតិក្រុងគួឡាឡាំពួ។
បើតាមការផ្សាយរបស់សារព័ត៌មាន Channel NewsAsia ជនសង្ស័យទាំងពីរបានបង្ហាញខ្លួនចំពោះ មុខតុលាការជាយក្រុងគួឡាឡាំពួដោយមានពាក់អាវក្រោះការពារគ្រាប់កាំភ្លើងផង។ តុលាការ ម៉ាឡេស៊ីបានអានការចោទប្រកាន់លើជនសង្ស័យទាំងពីរ ជាភាសាឥណ្ឌូណេស៊ីផង និងភាសាវៀតណាម ផង ប៉ុន្តែស្ត្រីសង្ស័យទាំងពីរនេះ បានទាត់ចោលការចោទប្រកាន់ និងអះអាងថាខ្លួនជាមនុស្សស្អាតស្អំ។
រដ្ឋអាជ្ញាម៉ាឡេស៊ីនិយាយថា សកម្មភាពរបស់ជនសង្ស័យទាំងពីរ បង្ហាញពីបំណងក្នុងការសម្លាប់ជនរងគ្រោះដោយប៉ាតមុខ និងភ្នែកជាមួយម្សៅគីមីពុល VX ។ ការធ្វើកោសល្យពិច័យ សាកសពបង្ហាញថា សារធាតុគីមីនេះពិតជាបានសម្លាប់បងប្រុសលោក គីម ជុងណាម ពិតមែន គឺ២០នាទីក្រោយរងការប៉ាតម្សៅគីមីដោយស្ត្រីទាំងពីរ។ VX គឺជាសារធាតុគីមីដែលហាមឃាត់ដោយអង្គការសហប្រជាជាតិ និងត្រូវចាត់ទុកជាអាវុធប្រល័យលោក។
អំឡុងពេលសវនាការនេះ មេធាវីការពារជនជាប់ចោទបានទាមទារឲ្យតុលាការបង្ហាញឈ្មោះជនសង្ស័យបួននាក់ទៀត ដែលកំពុងគេចខ្លួន ហើយថា ជនដៃដល់ពិតប្រាកដបានភៀសខ្លួនទៅក្រៅម៉ាឡេស៊ីបាត់ទៅហើយ។ ចំណែកឯស្ត្រីទាំងពីរខាងលើក៏បញ្ជាក់ដែរថា ពួកគេមិនដឹងពីគម្រោងការនេះទេ ហើយជឿថាពួកគេកំពុងចូលរួមក្នុងវិធីទូរទស្សន៍មួយ និងមិននឹកស្មានថានេះជាករណីឃាតកម្មអ្វីទេ។
ករណីឃាតកម្មលោក គីម ជុងណាម ដែលជាបងប្រុសច្បង ធ្វើឲ្យទំនាក់ទំនងការទូតរវាងម៉ាឡេស៊ី និងកូរ៉េខាងជើង ធ្លាក់ចុះយ៉ាងខ្លាំង រហូតដល់មានការកោះហៅអគ្គរដ្ឋទូត ត្រឡប់ចូលស្រុករៀងៗខ្លួន ក៏ដូចជាការហាមឃាត់ការធ្វើដំណើរទៀតផង។ ដោយឡែកជនសង្ស័យទាំងពីរខាងលើ ប្រឈមមុខនឹងជាប់ទោសប្រហារជីវិត បើរកឃើញថាពិតជាមានកំហុសមែន៕
សវនាការលើសំណុំរឿងឃាតកម្មលោក គីម ជុងណាម បងប្រុសលោក គីម ជុងអ៊ុន ចាប់ផ្ដើមហើយនៅថ្ងៃទី២ ខែតុលា ដោយមានជនសង្ស័យចំនួនពីររូប។ ស្ត្រីសង្ស័យជនជាតិវៀតណាម Doan Thi Huong និងជនជាតិឥណ្ឌូណេស៊ី Siti Aisyah ត្រូវបានតុលាការម៉ាឡេស៊ីចោទប្រកាន់ពីបទឃាតកម្មលើលោក គីម ជុងណាម ដោយប្រើប្រាស់សារធាតុគីមីហាមឃាត់ VX នៅអាកាសយានដ្ឋានអន្តរជាតិក្រុងគួឡាឡាំពួ។
បើតាមការផ្សាយរបស់សារព័ត៌មាន Channel NewsAsia ជនសង្ស័យទាំងពីរបានបង្ហាញខ្លួនចំពោះ មុខតុលាការជាយក្រុងគួឡាឡាំពួដោយមានពាក់អាវក្រោះការពារគ្រាប់កាំភ្លើងផង។ តុលាការ ម៉ាឡេស៊ីបានអានការចោទប្រកាន់លើជនសង្ស័យទាំងពីរ ជាភាសាឥណ្ឌូណេស៊ីផង និងភាសាវៀតណាម ផង ប៉ុន្តែស្ត្រីសង្ស័យទាំងពីរនេះ បានទាត់ចោលការចោទប្រកាន់ និងអះអាងថាខ្លួនជាមនុស្សស្អាតស្អំ។
រដ្ឋអាជ្ញាម៉ាឡេស៊ីនិយាយថា សកម្មភាពរបស់ជនសង្ស័យទាំងពីរ បង្ហាញពីបំណងក្នុងការសម្លាប់ជនរងគ្រោះដោយប៉ាតមុខ និងភ្នែកជាមួយម្សៅគីមីពុល VX ។ ការធ្វើកោសល្យពិច័យ សាកសពបង្ហាញថា សារធាតុគីមីនេះពិតជាបានសម្លាប់បងប្រុសលោក គីម ជុងណាម ពិតមែន គឺ២០នាទីក្រោយរងការប៉ាតម្សៅគីមីដោយស្ត្រីទាំងពីរ។ VX គឺជាសារធាតុគីមីដែលហាមឃាត់ដោយអង្គការសហប្រជាជាតិ និងត្រូវចាត់ទុកជាអាវុធប្រល័យលោក។
អំឡុងពេលសវនាការនេះ មេធាវីការពារជនជាប់ចោទបានទាមទារឲ្យតុលាការបង្ហាញឈ្មោះជនសង្ស័យបួននាក់ទៀត ដែលកំពុងគេចខ្លួន ហើយថា ជនដៃដល់ពិតប្រាកដបានភៀសខ្លួនទៅក្រៅម៉ាឡេស៊ីបាត់ទៅហើយ។ ចំណែកឯស្ត្រីទាំងពីរខាងលើក៏បញ្ជាក់ដែរថា ពួកគេមិនដឹងពីគម្រោងការនេះទេ ហើយជឿថាពួកគេកំពុងចូលរួមក្នុងវិធីទូរទស្សន៍មួយ និងមិននឹកស្មានថានេះជាករណីឃាតកម្មអ្វីទេ។
ករណីឃាតកម្មលោក គីម ជុងណាម ដែលជាបងប្រុសច្បង ធ្វើឲ្យទំនាក់ទំនងការទូតរវាងម៉ាឡេស៊ី និងកូរ៉េខាងជើង ធ្លាក់ចុះយ៉ាងខ្លាំង រហូតដល់មានការកោះហៅអគ្គរដ្ឋទូត ត្រឡប់ចូលស្រុករៀងៗខ្លួន ក៏ដូចជាការហាមឃាត់ការធ្វើដំណើរទៀតផង។ ដោយឡែកជនសង្ស័យទាំងពីរខាងលើ ប្រឈមមុខនឹងជាប់ទោសប្រហារជីវិត បើរកឃើញថាពិតជាមានកំហុសមែន៕
Tag:
កូរ៉េខាងជើង
ម៉ាឡេស៊ី
គីម ជុងណាម
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
