អន្តរជាតិ
នាយករដ្ឋមន្រ្តីថៃ ប្រាយុទ្ធ ចន្ទអូចា ចាប់ដៃប្រធានាធិបតីអាមេរិក ដូណាល់ ត្រាំ នៅសេតវិមាន (រូបភាព៖ AP)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីថៃ ប្រាយុទ្ធ ចន្ទអូចា បានសន្យាចំពោះមុខប្រធានាធិបតីអាមេរិក ដូណាល់ ត្រាំ ថា ការបោះឆ្នោតជ្រើសរើសមេដឹកនាំនឹងត្រូវរៀបចំតាមផែនទីចង្អុលផ្លូវដែលរដ្ឋាភិបាលគូសវាសរួចស្រេចហើយ។ ពីសេតវិមាន លោក ប្រាយុទ្ធ ក៏ប្រាប់លោក ត្រាំ ដែរថា លោកនឹងប្រកាសកាលបរិច្ឆេទបោះឆ្នោតនៅឆ្នាំក្រោយ។ លោកនិយាយបែបនេះ ស្របពេលដែលកាលបរិច្ឆេទបោះឆ្នោតនៅមិនទាន់កំណត់ច្បាស់លាស់នៅឡើយ។
ក្នុងជំនួបជាមួយប្រធានាធិបតី ដូណាល់ ត្រាំ នៅសេតវិមានថ្ងៃទី២ ខែតុលា មេដឹកនាំរបបយោធាថៃ ឧត្តមសេនីយ៍ ប្រាយុទ្ធ ចន្ទអូចា បានលើកឡើងពីការប្ដេជ្ញាចិត្តរបស់រដ្ឋាភិបាលថៃក្នុងការផ្លាស់ប្ដូរទៅរកលទ្ធិប្រជាធិបតេយ្យឡើងវិញ។ លោក ប្រាយុទ្ធ ក៏សន្យាចំពោះមុខលោក ត្រាំ ថា រដ្ឋាភិបាលរបស់លោកនឹងប្រកាសកាលបរិច្ឆេទបោះឆ្នោតនៅឆ្នាំ២០១៨ ដែលទំនងជារៀបចំឡើងក្រោយការចូលជាធរមានច្បាប់សំខាន់ចំនួន៤ ។
បើតាមកាសែតបាងកកប៉ុស្តិ៍ លោក ប្រាយុទ្ធ បានលើកយកបញ្ហាបោះឆ្នោតដោយផ្ទាល់ ប្រធានាធិបតីអាមេរិកក៏មិនបានសួរនាំលោកពីបញ្ហានេះដែរ។ «ខ្ញុំជាអ្នកនិយាយដោយខ្លួនឯង និងបានធានាចំពោះមុខលោក ត្រាំ ថា រដ្ឋាភិបាលនឹងគោរតាមផែនទីចង្អុលផ្លូវក្នុងដំណើរទៅកាន់ប្រជាធិបតេយ្យឡើងវិញ»។ នេះជាការបញ្ជាក់របស់លោក ប្រាយុទ្ធ ដោយបន្តថា នៅឆ្នាំក្រោយ លោកនឹងប្រកាសថ្ងៃបោះឆ្នោតតែម្ដង។
តាមពិតទៅ កាលបរិច្ឆេទបោះឆ្នោតនេះត្រូវបានពន្យារពេលម្ដងជាពីរដងរួចមកហើយ ដោយពីដំបូងគេរំពឹងថាការបោះឆ្នោតនឹងត្រូវធ្វើនៅឆ្នាំ២០១៧នេះ តែក្រោយមកក៏រុញទៅដល់ឆ្នាំ២០១៨វិញ។ បើតាមលោក ប្រាយុទ្ធ ការបោះឆ្នោតទូទៅមួយនឹងរៀបចំឡើងក្នុងរយៈពេល១៥០ថ្ងៃ ក្រោយច្បាប់សំខាន់បួនដែលបម្រើឲ្យការបោះឆ្នោតចូលជាធរមាន។ មកទល់ពេលនេះ ច្បាប់ទាំងបួនមិនទាន់សរសរចប់សព្វគ្រប់នៅឡើយទេ។
ប្រធានគណៈកម្មាធិការសរសេររដ្ឋធម្មនុញ្ញថៃ Meechai Ruchupan នៅថ្ងៃទី៣ ខែតុលា បញ្ជាក់ថា សេចក្ដីព្រាងច្បាប់សំខាន់ពីរ គឺសេចក្ដីព្រាងច្បាប់ជ្រើសរើសសមាជិកព្រឹទ្ធសភា និងរដ្ឋសភា នឹងចប់នៅខែវិច្ឆិកាខាងមុខ មុននឹងបញ្ជូនទៅសភានីតិបញ្ញត្តិ។ ផុតពីដំណាក់កាលសភានីតិបញ្ញត្តិ សេចក្ដីព្រាងច្បាប់ទាំងពីរនឹងត្រូវបញ្ជូនទៅកាន់រាជវាំង ដើម្បីសុំការយល់ព្រមពីមហាក្សត្រ Maha Vajiralongkorn ចុងក្រោយ ដែលដំណើរការនេះអាចបញ្ចប់ក្នុងរយៈពេលយូរ។
ការវិលត្រឡប់ទៅរកប្រជាធិបតេយ្យ គឺជាការសន្យារបស់ក្រុមយោធាដែលច្បាមអំណាចពីរដ្ឋាភិបាលស៊ីវិលកាលពីខែឧសភា ឆ្នាំ២០១៤ ។ ឧត្តមសេនីយ៍ ប្រាយុទ្ធ រងការរិះគន់ខ្លាំងចំពោះកាលបរិច្ឆេទបោះឆ្នោតដែលមិនច្បាស់លាស់ ដោយមានការលើកឡើងថា លោក ប្រាយុទ្ធ ចង់ពន្យារអំណាចរបស់លោករហូត។ ប៉ុន្តែលោកបញ្ជាក់ច្បាស់ៗហើយថា ការបោះឆ្នោតនឹងកើតឡើងពិតប្រាកដ ហើយឈប់សួរលោកពីបញ្ហានេះទៀត៕
ក្នុងជំនួបជាមួយប្រធានាធិបតី ដូណាល់ ត្រាំ នៅសេតវិមានថ្ងៃទី២ ខែតុលា មេដឹកនាំរបបយោធាថៃ ឧត្តមសេនីយ៍ ប្រាយុទ្ធ ចន្ទអូចា បានលើកឡើងពីការប្ដេជ្ញាចិត្តរបស់រដ្ឋាភិបាលថៃក្នុងការផ្លាស់ប្ដូរទៅរកលទ្ធិប្រជាធិបតេយ្យឡើងវិញ។ លោក ប្រាយុទ្ធ ក៏សន្យាចំពោះមុខលោក ត្រាំ ថា រដ្ឋាភិបាលរបស់លោកនឹងប្រកាសកាលបរិច្ឆេទបោះឆ្នោតនៅឆ្នាំ២០១៨ ដែលទំនងជារៀបចំឡើងក្រោយការចូលជាធរមានច្បាប់សំខាន់ចំនួន៤ ។
បើតាមកាសែតបាងកកប៉ុស្តិ៍ លោក ប្រាយុទ្ធ បានលើកយកបញ្ហាបោះឆ្នោតដោយផ្ទាល់ ប្រធានាធិបតីអាមេរិកក៏មិនបានសួរនាំលោកពីបញ្ហានេះដែរ។ «ខ្ញុំជាអ្នកនិយាយដោយខ្លួនឯង និងបានធានាចំពោះមុខលោក ត្រាំ ថា រដ្ឋាភិបាលនឹងគោរតាមផែនទីចង្អុលផ្លូវក្នុងដំណើរទៅកាន់ប្រជាធិបតេយ្យឡើងវិញ»។ នេះជាការបញ្ជាក់របស់លោក ប្រាយុទ្ធ ដោយបន្តថា នៅឆ្នាំក្រោយ លោកនឹងប្រកាសថ្ងៃបោះឆ្នោតតែម្ដង។
តាមពិតទៅ កាលបរិច្ឆេទបោះឆ្នោតនេះត្រូវបានពន្យារពេលម្ដងជាពីរដងរួចមកហើយ ដោយពីដំបូងគេរំពឹងថាការបោះឆ្នោតនឹងត្រូវធ្វើនៅឆ្នាំ២០១៧នេះ តែក្រោយមកក៏រុញទៅដល់ឆ្នាំ២០១៨វិញ។ បើតាមលោក ប្រាយុទ្ធ ការបោះឆ្នោតទូទៅមួយនឹងរៀបចំឡើងក្នុងរយៈពេល១៥០ថ្ងៃ ក្រោយច្បាប់សំខាន់បួនដែលបម្រើឲ្យការបោះឆ្នោតចូលជាធរមាន។ មកទល់ពេលនេះ ច្បាប់ទាំងបួនមិនទាន់សរសរចប់សព្វគ្រប់នៅឡើយទេ។
ប្រធានគណៈកម្មាធិការសរសេររដ្ឋធម្មនុញ្ញថៃ Meechai Ruchupan នៅថ្ងៃទី៣ ខែតុលា បញ្ជាក់ថា សេចក្ដីព្រាងច្បាប់សំខាន់ពីរ គឺសេចក្ដីព្រាងច្បាប់ជ្រើសរើសសមាជិកព្រឹទ្ធសភា និងរដ្ឋសភា នឹងចប់នៅខែវិច្ឆិកាខាងមុខ មុននឹងបញ្ជូនទៅសភានីតិបញ្ញត្តិ។ ផុតពីដំណាក់កាលសភានីតិបញ្ញត្តិ សេចក្ដីព្រាងច្បាប់ទាំងពីរនឹងត្រូវបញ្ជូនទៅកាន់រាជវាំង ដើម្បីសុំការយល់ព្រមពីមហាក្សត្រ Maha Vajiralongkorn ចុងក្រោយ ដែលដំណើរការនេះអាចបញ្ចប់ក្នុងរយៈពេលយូរ។
ការវិលត្រឡប់ទៅរកប្រជាធិបតេយ្យ គឺជាការសន្យារបស់ក្រុមយោធាដែលច្បាមអំណាចពីរដ្ឋាភិបាលស៊ីវិលកាលពីខែឧសភា ឆ្នាំ២០១៤ ។ ឧត្តមសេនីយ៍ ប្រាយុទ្ធ រងការរិះគន់ខ្លាំងចំពោះកាលបរិច្ឆេទបោះឆ្នោតដែលមិនច្បាស់លាស់ ដោយមានការលើកឡើងថា លោក ប្រាយុទ្ធ ចង់ពន្យារអំណាចរបស់លោករហូត។ ប៉ុន្តែលោកបញ្ជាក់ច្បាស់ៗហើយថា ការបោះឆ្នោតនឹងកើតឡើងពិតប្រាកដ ហើយឈប់សួរលោកពីបញ្ហានេះទៀត៕
Tag:
ថៃ
អាមេរិក
ប្រាយុទ្ធ ចន្ទអូចា
ដូណាល់ ត្រាំ
ប្រជាធិបតេយ្យ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
